Жүк тасымалдайтын көліктердің 70% тозған

Елдегі жүк тасымалдайтын көліктердің 70% тозған. Осының салдарынан шетелге жүк жеткізу көлемі азайып барады. Халықаралық автомобиль тасымалдаушылар одағының өкілдері осылай деп дабыл қағып жатыр. Шетелден пайдаланылғанына 3 жыл болған жүк көлігін әкелген күннің өзінде оны тіркеу үшін 700 мың теңге төлеу қажет. Ал утилизациялық алымның құны 3,5 миллион теңге. Сондықтан жүк тасымалдаушылар көліктерін жаңарта алмай, ескісімен қатынауға мәжбүр. Олардың пікірінше, бұл тығырықтан шығудың төте жолы - салық заңнамасына өзгеріс енгізу. Яғни отандық жүк тасымалдаушылар мемлекеттен жеңілдік жасауды сұрап отыр.
Мақсат Сақтағанов, Халықаралық автомобиль тасымалдаушылар одағының президенті:
- Ресейдегі секілді Қазақстандағы салықтар да барлығына бірдей болса дейміз. Мәселен, елімізге кіретін Беларусь жүк тасымалдаушылары көліктерін уақытша есепке қойып, ешқандай салық төлемейді. Ал біз болсақ салықтардың ауыртпашылығынан көліктерімізді жаңарта алмай отырмыз. 2017 жылы елде 10 мыңнан астам жүк тасымалдайтын көлік болса, қазір 7 мыңы ғана қалды. Күн өткен сайын оның өзі ескіруде.
----------------------------------------------------------------
КАНАЛҒА ТІРКЕЛ / ПОДПИШИСЬ НА КАНАЛ: www.youtube.co...
АРНАМЫЗДЫҢ ҮЗДІК ЖОБАЛАРЫ / ТОПОВЫЕ ПРОЕКТЫ КАНАЛА:
Отдел журналистских расследований
• Отдел журналистских ра...
«Бүгін» ток-шоуы
• «Бүгін» ток-шоуы
«Khabarlas»
• «Khabarlas»
#ҚоғамХабар #ХабарЖаңалықтар #ХабарNEWS