Рет қаралды 98,276
متنج طاب لو بعدج تونين
بويه يارقيه يكلج حسين
من فوك الرمح راسه يحاجيج ديوان أيات الشهاده/ج٩
متنج طاب لو بعده يأذيج
كلبي يارقيه يرفرف اعليج
وجرحي ينلجم كلما تعتبين/
جرحي ينلجم كلما عتبتي
من فوك الهزل للكاع طحتي
بويه اشعطلك ماجيت صحتي
غايب لو مسافر وين ماوين /
غايب لو امسافر لو عفتني
شلون انطاك كلبك ضيعتني
عله الناكه الهزيله ماشفتني
اطيحن وانجوي بنار الصواوين/
اطيح ومن اطيح انضرب وانهان
صخر كلب الشمر والصخر مالان
تعال وشوف حالي اشلون عدمان
وتعال وشوف بجتافي نياشين/
تعال وشوف متني اسطر آثار
من سوط الشماته وجوت النار
تمنيتك عدل واحجيلك شصار
ضيم وضيم شبعوني الملاعين/
شفت الضيم منهم والهضيمه
ذوله المايرحمون اليتيمه
شنهو العطلك يالبيك شيمه
عفت وجعان واطفال ونساوين/
////////////////////////////////
الفزاعيه
ماتت بت اخوك اليوم ياعباس مهضومه
ماتحضر تشيعهه
وعن الراس ترفعهه
افراك حسين لوعهه
ومن اليسر مهدومه/
ماتت روحهه انحيله
وراس حسين تشجيله
اكعد للنعش شيله
بجفوفك يجيدومه/
الهاي الفاجعه انريدك
واتشيل النعش بيدك
نوم النهر شيفيدك
اكعد بسك النومه/
نوم المشرعه عوفه
صعب حالي ودرك شوفه
ضيم الشام والكوفه
كاتلني ياجيدومه/
ضيم الشام كاتلني
اكعدلي يخال إبني
شنهو العطلك عني
ردتك تكلب الحومه/
ردتك تكلب الوادي
كبل مايطلع الحادي
رقيه هدمت افادي
تبجي اعله الصعب يومه/
تبجي على الصعب فكده
تشم نحره وتحب خده
ماتدري انمرد جبده
ابوهه وسلبو اهدومه/