Рет қаралды 4,823
Қасым-Жомарт Тоқаев дүниежүзі елдерін мемлекеттердің территориялық тұтастығы мен егемендігінің теңдігіне құрметпен қарауға шақырды. Бұл - бейбіт өмір сүрудің негізі. Президент Біріккен Ұлттар Ұйымы Бас ассамблеясының сессиясына қатысып, әлемдік мінберден сөз сөйледі. Мемлекет басшысы дүние жүзі алдындағы сын-қатерлерді атап, оларды еңсерудің жолын да ұсынды.
Жаһандық парламент атанған Біріккен Ұлттар Ұйымы Бас Ассамблеясының отырысы 1946 жылдан бері жыл сайын араға еш кідіріс салмай өтіп келеді. Дегенмен соңғы 2 жылда пандемия салдарынан ауқымды жиын онлайн форматқа ауысқан. Енді міне коронавирустан ес жиған әлем елдерінің басшылары мен дипломаттар қайтадан Нью-Йоркта кездесіп, биік мінберден тұтас адамзат үшін маңызды мәселелерді талқыға салмақ.
Қасым-Жомарт Тоқаев үшін Біріккен Ұлттар Ұйымының қабырғалары таңсық емес. Бірнеше жыл бойы ұйым төрағасының орынбасары болды. Мінберге шықпас бұрын Иордания королімен жылы жүздесті.
77-сессия жер-жиһан үшін күрделі кезеңде өтіп отыр. Шартарапты тұрақсыздық алаңдатады. Әлемнің әр түкпрінде соғыс өрті өршіп, жаһандық жүйеге қауіп-қатер төнді. Жаппай қымбатшылық пен жетіспеушілік нормаға айналып барады. Бұл ең әуелі қоғамның әлжуаз топтарына ауыр тиіп отыр. Қасым-Жомарт Тоқаев әлем басшыларына осыдан 77 жыл бұрын жазылған ұйымының негізгі қағидаттарын еске салып, оны берік ұстануға шақырды.
#ҚазақстанЖаңалықтары #Ақпарат #Aqparat #QazaqstanTV