خطوة بخطوة ! الشراء من موقع شي إن إلى العراق و بدون وسيط | شحن مباشر وبدون تعقيدات

[@Username99i]

طبعاً كُلش اشكرك على شفافية شرحتك اكو عالم متخاف من ربها تشرح هل شرح وتسوي بكورسات وتاخذ فلوس من العالم الله يجعلها في ميزان حسناتك ❤

[@DroosAmeer]

شكرا جزيلا لهذه الكلمات المشجعه اتمنالكم كل التوفيق 🌹🌹🌹

[@Username99i]

بس بلا زحمة اخويه هسه صار الستور امارتي ؟ شلون اعرف سعر الصرف لما الزبائن تريد تشحن من البيج مالتي مثلا؟

[@DroosAmeer]

العفو مافهمت السؤال كولش !! بس اللي فهمته بالنسبه لسعر البضاعه مبينه شكد رح تصير بالموقع مباشر حسب طلبج السعر الكلي ، وشحنها مجاني من الموقع الى الامارات اذا عبرت مبلغ معين ، يبقه سعر شحنها بشركه الشحن المحليه (zmcمثلا) من الامارات الى العراق هاي تتحدد حسب وزن البضاعه شكد صارت وسعر الكيلو بيش تنقله شركة الشحن والكمرك

[@zeenahiraq4508]

يعني اضرب ٤٦ دولار بسعر صرف العراق ١٣٢٠ يطلع المبلغ بالدينار العراقي ؟

[@bassemaleraqe547]

​@@zeenahiraq4508 تضربي ب1380 لان الدولار بالماستر ينحسب على 1380 بس البيجات يسوو على 1320 يعني يقللون من ارباحهم شي ثاني البيجات متاخذ اجور شحن يحسبوها همة شي ثالث مو بكل المحافظات موجودة شركة الشحن يعني ممكن تشحنين على بغداد وتوصل بغداد تروحين انتي تستلميها من الشركة بصراحة اذا البضاعة الي طالبتها اقل من 200 دولار شحني من البيجات بس اذا طالبة بضاعة توصل لل الف دولار انتي طلبيها بس تتحملين التكاليف الثانية

[@فرحرعداحمد]

والله العظيم توني دااشترك بكورس ب ١٠٠ الف وطلعت انت بوجهي كلش شكراً ربي يجعلها في ميزان حسناتك 🤍🤍🤍🤍🤍🤍

[@DroosAmeer]

بالتوفيق 🌹🌹

[@otoua]

مرحبا حبيي سويتي حساب ؟شتريتي بضاعه ؟

[@Angel22aa]

جربتي؟؟

[@NoorNoor-ip7mp]

@@DroosAmeerممكن رقمك صار عندي خطا شلون أتواصل وياي فدوه

[@بنينبنين-ب6ي]

شحنتي من شركه يردون جواز والجنسيه

[@fatinsalih128]

فعلا ربي يجيزيك خير هسه داخله اشترك بكورس بفلوس وطلع فديو مالتك كدامي بميزان حسناتك ان شاء الله ❤

[@Ali.alzedawe1]

إذا ممكن شلون اكدر اعرف تكلفة الشحن لبضاعتي قبل ما اشتريها

[@totalsatar]

كالعادة شرح بالتفصيل الممل شكرا كلشششش

[@DroosAmeer]

🌹🌹🌹

[@pt_m_k]

اخي بعد ما وصلت المنتجات الى الامارات كم تكلفة الشحن الى العراق ؟ لو تبقى مجاني ​@@DroosAmeer

[@n._i]

​@@pt_m_kلا متبقه مجاني كال شركة zmc بعدين تحدد

[@KK-ef3ly]

ووالله زلمه..عاشت ايدك ع هذه الدقه بالشرح ❤

[@MurtAbas-w3z]

انته واحد طيب الله يحفظك

[@DroosAmeer]

شكرا جزيلا 🌹🌹🌹

[@mlp0al]

خويه ممكن تسوي فديو او ريلز قصير شلون نستلم البضاعه لان ما فهمت بالنهايه شلون استلم الطلبيه

[@zenazena7726]

شلون يطلعلي الاسم الأول والثاني لان جربت ماكو اي اسامي مجرد خدمة العملاء والكود فقط ارجو التوضيح

[@maryam-os6yd]

بلى زحمه ميصير نشحن ع السعوديه لان السعودي ارخص من الامارات

[@kandy_298]

@@maryam-os6yd عرفتي شركة شحن السعودية وسنه ؟

[@Ban-fv2og]

الكويت ارخص شي

[@DroosAmeer]

القكرة ثابته اذا لكيتي شركة شحن عدهم مخازن في السعودية رح تجيبها الج من السعودية لان شي ان هيه تنقل الى اي دولة للاسف عدا العراق ومناك يجبوها الكم الى العراق الفكرة بشركة الشحن المحلية عدهم مخازن بالسعودية او لا

[@kandy_298]

@DroosAmeer اريد اشتري بضاعة من علي بابا بس الرسوم غالية والشحن هم اغلى باضعاف من البضاعة بشنو تنصحنه

[@GorgiaA-f4y]

استاذ مشكلة شركة ZMC ماعدهم خدمة تجميع لا من علي إكسبريس ولا شي ان

[@DroosAmeer]

اغلب شركات الشحن العراقيه ماعدهم خدمه تجميع البضاعه بس حضرتك تكدر تجمع بضاعتك من علي اكسبريس نفسه وترسلها بصندوق واحد للشركه واني شارح هل شي في درس علي اكسبريس وحتى شي ان نفسه رح يرسلك بضاعتك بصندوق واحد يعني مجمعه الشركة فقط رح تنقله للعراق

[@samaalhabib8143]

ممكن مساعده من سجلت بالموقع zmc واجالي كود بس من اسوي تسجيل دخول يكلي اكو خطا مجاي يسجل ؟

[@2h_ob]

حبيبي عاشت ايدك عل شرح بس عندي سؤال! من توصل لفرع الشركة عدهم توصيل للبيت وثاني شي اذا اطلب من غير متجر تجمع طلبيتي بصندوق لو لا❤

[@maryamadil9348]

اتمنى لو تحجيلنا ع ترينديول

[@DroosAmeer]

صدكيني الفكرة وحدة لكل مواقع الشراء المهم تفهمين الطريقه شلون وين اخلي موقع الشحن شلون ادفع اكو شحن مباشر او لا كلها نفس الفكرة واني دائما احاول مااضم اي معلومه اعرفها حتى يكون الشرح عام ويرهم على اي موقع ثاني

[@dxv-o]

السلام عليكم من توصل الشحنة لمخزن شركة zmc لازم اروح استلمهة من المخزن لو اكو توصيل

[@n._i]

محد ديجاوب اني هم مافهمت من توصل الشحنه للعراق تجيني رأساً لو شلون

[@mariam_ib7]

اكو توصيل

[@n._i]

@mariam_ib7 شلون يعني اكو توصيل الشحنه من تجي وين تروح

[@ممممم-ي1ط]

تجي الشحنة و تروح للمخزن مالتهم ببغداد بزيونة بشارع الربيعي مقابيل مول دريم ستي

[@n._i]

@@ممممم-ي1ط يعني اذا واحد من غير محافظه شنو الإجراء ، لازم اروح لبغداد اخذ الطلب ؟

[@وردحيدر-ت1ض]

زين ليش شي ان ماتسوي توصيل للعراق

[@زينب-ج8ب5ع]

بس شغله وحده ما دافهمها وشفت مقطعك من تشرح على شركة zmc بس هسه اذا اريد اشحن من شي ان شلون اعرف بضاعتي شكد حجمها بكيلوات وبالمتر مكعب عجزت افهمها

[@DroosAmeer]

مبدئيا خلي نتفق على فكره المواقع اللي موجهه للبيع بالمفرد غير المواقع اللي موجهه للبيع بالجمله شي ان موجه للبيع بالمفرد وبالقطع واغلب الاحيان توصيله رح يصير مجاني(اقصد للامارات) عند عبور مبلغ الشراء مبلغ معين لهذا مرح تلكين بالموقع نفسه هيج تفاصيل (اقصد ابعاد و وزن ) اما علي بابا يختلف موقع موجه للبيع بالجمله رح يجهزج التاجر بابعاد طلبيتج و وزنها بالكيلو تكدرين تنطين هل معلومات لشركه الشحن رح ينطوج التكلفه التقريبيه للشحن بالنتيجه صعب تحصلين ابعاد و وزن طلبيتج اله ما بعد توصل الى zmc همه رح يكتبولج شكد صار وزنها بداخل التطبيق بعد ماتوصل الهم

[@زينب-ج8ب5ع]

@ هاا تمام شكرا تعبناك بس شغله اخيرة يعني المتر المكعب الواحد شكد يطلع تقريبا وزنه شو ما دافهمها

[@DroosAmeer]

المتر المكعب هو المكان اللي رح تشغله البضاعه مو الوزن الفعلي الها يعني كمثال قوالب فلين تكون حجمها جبير وتاخذ مساحه لكن وزنها الفعلي خفيف وممكن صندوق بضاعه اخذ مساحه صغيره لكن وزنه كولش ثكيل ونصيحه اذا حضرتج تستوردين جمله لكن ماواصله مرحله حاويات لاادوخين روحج بهل تفاصيل لان هيج تفاصيل يحتاجها تجار كبار اللي يحتاجون نقل بضاعهم بالحاويات وذوله اصلا ياجرون حاويه كامله

[@زينب-ج8ب5ع]

@ امممم اي والله لان دخت كللللش يعني برأيك اني اريد افتح بيج شحن من شي ان للناس برأيك كتقدير مثلا ملابس وشغلات خفيفه اكسسوارات ومبلغهن ٥٠٠ شكد برأيك الكلفة مالتهن بحري وجوي كتقدير

[@DroosAmeer]

صعب اقدر والله لان مااعرف وزنهم شكد وحتى الشركة مرح تكدر تجاوبج اله توصلهم البضاعه ويقيسون وزنها ونصيحتي لكل شخص بعده هسه يريد يبدي مشروع خلي يستورد شي قليل كولش اني بديت هيج كتجربه اكو امور مستحيل تعرفها اله تستورد اول مره وراها ابدي جهزي بضاعه اكثر واثكل وكميه اكثر خلي تتأخرين كم يوم لكن حتصير عندج فكره كامله وعمليه باستيراد كميه قليله كولش لو حتى 10 قطع لا يتعده المبلغ ورقه توصل البضاعه بخير وسلامه رح تقيمين هل الموضوع مجدي التكلفه والشحن وسعر القطعه عند البيع رح يغطي التعب والربح ايضا شفتي الامور تمام ابدي استوردي اكثر وكميه اكبر

[@أيةجمعه-ع8د]

السلام عليكم ،شكرا على الشرح لكن سؤال بالنسبة لعنوان دبي عن طريق البحر ما عرفت شلون املي المعلومات بشي ان لان يختلف عن الجو كلش ممكمن الطريقة؟

[@aghany1345]

بعد اذنك . شلون نجيب كميات من المكياج بالكيلو او بالكرتون

[@randa.d6665]

اني هم عرفتي لسبب؟

[@aghany1345]

@randa.d6665 لا والله

[@Eva-fi9wi]

بلا زحمة يعني شلون اعرف شكد سعر الشحن الجوي علمود احدد المبلغ الي عندي؟ وهمين شلون اعرف سعر القطعة بالعراقي؟ لأن مدا افتهم وبالتوفيق 🌷.

[@Zainab13_zz]

ممكن رد فدوة شلون توصل بضاعه للبيت من بعد ماتوصل مخازن بغداد

[@aslasool1585]

فدوه بميزان حسناتكم اريد اسم بطاقة اشتريها وتطلع بسعر الصرف ١٣٢ وادفع بشي ان

[@Andre-kn8zw]

ممكن واحد يفيدنا احسن فيزا او ماستر نستخدمة لدفع ؟؟

[@جناتالدليمي-ن8غ]

عيني زين همه يشحنووياخذون من لماستر سعر لو حنه نحدد لمبلغ مال دفع +شنو سعر صرف

[@Andre-kn8zw]

يابا اذا واحد مجرب بطاقة زينة للدفع ؟؟؟؟؟

[@FatimaJasim-j4e]

السلام عليكم تطبيق zmcمن اسوي دخول وادخل مرة لاخ ميصير رغم اني معبيه كولشي صحيح

[@dodoalobay9610]

فدوه طلبتي م̷ـــِْن شي ان لْـۆ بعدج اخاف اجرب هالطريقه وتروح فلوسي

[@تباركالرضا]

الخطوة مال دفتر العناوين ما فهمت منين اجيبهم

[@SAI-mw9mf]

شكراً جزيلا على الشرح الوافي، استاء ممكن تنزل شلون نشحن من مواقع مثل سيفورا وهدى بيوتي وهذي المواقع العالمية ؟

[@DroosAmeer]

ان شاء الله 🌹🌹

[@عليوصفيعباسبري]

عندي مشكله بالدفع ما يقبل ويرفض جميع بطاقه أضيفها مع العلم طرق الدفع مالتي تشتغل بغير برامج وحته بشي ان اشتغلت كم مره وتوقفت كله رفض طريقه دفع يا ريت اذا عندك حل للمشكله

[@DroosAmeer]

شنو نوع ومصرف البطاقه ?! واذا اشتغلت سابقا ورجعت وكفت خابر دعم المصرف مرات المصرف نفسه يوكف الدفع اون لاين خاصتا من صارت ازمه الدولار حتى وياي صارت وافضل البطاقات اللي تشتغل اون لاين هي بطاقات من نوع فيزا احسن من ماستر كارد وقليل بيها مشاكل بالدفع

[@MarwaIbrahem-xu7kc]

انا بعد جبت زين كاش وتعبئتها رصيد وتتم العملية واخر شي يلكلي عملية فشلت ليش ؟؟؟​@@DroosAmeer

[@Meem-x8h]

ليش ماجاي يصير عندي😢

[@ledyaimad5987]

سؤال... مثلا سعر بضاعتي 70$ ادفع بالدينار العراقي؟ يعني اخلي فلوس دينار بالماستر؟ وثاني شي اذا ادفع بالدينار ينحسب بسعر صرف الصيرفة 1500 لو البنك المركزي مثلا حساب سلتي 50$ ادفع 75الف لو 66الف؟ وشكرا لكل شخص يجاوبني

[@lordii7]

الف رحمة على والديك

[@Dhilal_Alawady]

السلام عليكم.. بدون زحمة شلون افعل حسابي بتطبيق zmc؟ سجلت بيه ويطلع انه حسابي غير مفعل

[@rorororo-xz2sl]

كللللش شكرا ع الشرح واتمنى قناتك تصعد يارب.. سؤال اداني تابعت الفيديو الاول وطريقه التسجيل زين همه الشركه الدولار على شكد تصرفه هسه همه البيجات يكولولك /135 ومثلا اذا وصيت ملابس وشغلات عاديه بيهن مثلا 6كيلو جوي شكد راح ياخذون عليهه كامله غير سعر البضاعه الشحنتهه نفسهه

[@DroosAmeer]

العفو شكرا جزيلا 🌹 سعر صرف الدولار بسعر صرف البنك المركزي شويه مرات يزيد بسبب عموله المصرف اللي مصدر البطاقه سعر الكيلو يتراوح مابين 10 الى 12 دولار عن طريق الجو بس هل شي مو ثابت اني افضل ادزين الوزن والعدد للشركة ونوع البضاعه اني هيج جنت اسوي لان اكو مرات كمرك حتى ابو الشركة ينطيج تقديري شكد يصير تكلفه الشحن ضروري تتواصلين ويه الشركة قبل ماترسلين بضاعتج ومو شرط zmc هوايه شركات اكو بالتوفيق

[@rorororo-xz2sl]

@DroosAmeer مثل منو شركات غير اني مااعرف ويعني شي على شي شكد يصرفلي اذا ادزهه اني عن البيجات

[@A_89779]

شون اعبي ال الاسم ومدرؤ شنو

[@missasso]

من نحسب القطعه بالدولار ونريد نعرف بالعراقي نقسم على ال150 لو شكد ونحسبها

[@Duaa_sj]

ماتقسمين انما تضربين مثلا سعر القطعة 15 دولار تجين تضربينه بسعر الدولار اليوم 1500 تطلع سعر القطعة 22 ونص واذا سعر التصريفة ب 1335 فتطلع سعر القطعة ب 20 ألـفٰ وشوي

[@mariammahmood7947]

@@Duaa_sjيعني على سعر صرف الدولار من البنك المركزي لو النتعامل بي بالاسواق؟

[@Duaa_sj]

@@mariammahmood7947 حسب البيج او الجهة الي توصين منه اكو َ؏ سعر الصرف مال البنك واكو لا يعتمدون َ؏ سعر الصرف بالسوك مال تجار

[@m..y]

صديقي طبعا بالبداية شكرا للشرح أما بعد اذا امكن شلون استخدم تطبيق zmc يحتاج انطي تسجيل دخول وادخل معلوماتي لو استخدمه بدون ما اسجل عادي

[@A_89779]

لا لازم تسجيل علمود يحمل معلوماتك

[@m..y]

@A_89779 دخلت معلوماتي وسويت كل شي وصار يمكن شهر ومافعلوا الحساب شنو الحل؟

[@kandy_298]

منو كدر يعرف شكد الشحن مال الشركة النه ومنو مجربها امانه الله

[@hudahamza7909]

الشحن الجوي ٦٠٠٠ للكيلو والبحري لكل متر مكعب ٢١٥ الف

[@kandy_298]

@hudahamza7909 المتر مكعب هواي لوقليل ؟مو مبالغ السعر بيه لو زين ؟

[@hudahamza7909]

@@kandy_298 ماعرف والله بس هو البحري ارخص من الجوي احتمال المتر المكعب للجملة يحملون كراتين بارتفاع عالي

[@brihan_al_taei3379]

ممكن اعرف عن تجميع نقاط وفائدتهم بشي إن

[@KurdistanKurdya]

كيف ادخل zmc

[@aya_25m]

السلام عليكم سويت حساب ع تطبيق شركةzmcوكتبو انو تم انشاء الحساب وسيتم التواصل معك بأقرب وقت لتأكيد بياناتك بس لحد الآن محد اتصل عليه والحساب مااكدر اسجل دخول بي شنو اسوي هسه؟

[@hadeeld.yousif867]

اعاني من نفس المشكله

[@IiIi-n5m]

شلون اسوي الموقع للعراق يعني لنجف يجيبونه مدا يصير حباب سوي شرح عليه

[@MaryamSiraj-nc7lg]

شكرا جزيلا اخوية وربي يحفظك ويبارك بعمرك وبامانتك للنقل، انا من الموصل كنت محتاجة جدا لهذا الشرح ونفتقر لهذا التوصيل وكمية التعقيد في التوصيل من شي ان كانت ولازالت موجودة ، لوسمحت اخي عندي عدة استفسارات من حضرتك بهذا الخصوص شلون اكدر اتواصل معاك تحياتي لحضرتك

[@DroosAmeer]

صدكيني اختي التجارة الالكترونيه فكرة ثابته كل المواقع باختلاف تسمياتها توصيل + كمرك +عمولة + جودة اذا بالج تجارة لازم اادزين قطعه مبدئيا اشوف الجودة مالتها وابيعها اشوف رح تصرف الي او لا واي سؤال اكتبي حضرتك واني حاضر

[@MaryamSiraj-nc7lg]

@DroosAmeer الله يبارك بيك وبعمرك اخوية على هاي النصائح ويجعلها بميزان حسناتك، كان عندي استفسارات من ضمنها اذا نكمل كل الاجراءات الي شرحتها حضرتك بهاي الحالة شنو المبالغ الي راح تضاف لحين وصول البضاعة الي، علما البضاعة ما للتجارة انما لطلباتي الشخصية

[@DroosAmeer]

المبالغ هيه اجور الشحن وهاي افضل شي الشركة تكولج عليها لان مو ثابته وكل شركة شكل وعامتا تقاس بالكيلو يعني مثلا تسئليهم بيش تنقلون الكيلو من الامارات وتعطيهم فكرة عن طلباتج وبالنسبة اذا استخدام شخصي يعني المنتجات مو عدد مكرر من نفس المنتج فبهاي الحالة ماكو كمرك فقط اجور النقل يعني اقصد مثلا حقيبة نسائيه وحدة كوت نسائي واحد هاي اعداد استخدام شخصي ماكو كمرك عليها فقط اجور النقل بس ضروري تتواصلين ويه شركة الشحن حتى تعرفين اسعار الشحن من عدهم بالتوفيق 🌹

[@MaryamSiraj-nc7lg]

@@DroosAmeer اخوية اعتذر جدا لان اطلت عليك لكن سؤال اخير ان شاءالله، هسه سويت تسجيل دخول وكان من ضمن متطلبات تسجيل الدخول هو تحميل هويتي وتوقيع ايضا هل هذا الشيء عادي بما انه حضرتك عندك تجربة سابقة لان مثل تعرف حضرتك والجميع ودنسمع على خطورة ارسال الهوية لكن بعثتها لان حضرتك شرحت ومدحت بهذا التطبيق

[@DroosAmeer]

بالنسبة الي للامانة اني سابقا من سجلت وياهم ما طلبوا مني اي مستمسكات احجي عن شركة التوصيل زت ام سي واني يااختي ماازكي الشركة يعني مثل ما كلت لحضرتج اني مجرد استخدمتها سابقا وشفتها سهله وعدهم تطبيق والشركة معروفة وقديمة مو جديدة وماكو غبار عليها و اللي ادري بيه ياخذون مستمسكات خاف الزبون يطلب منتجات ممنوعه او امور غير قانونية لكن هل موضوع ارسال هوية امن والله ما اعرف واسف منج لان هاي امانة فما اكدر اكولج اي ارسلي ما عليها شي ولا اكولج لا فاعتذر منج لان كولنه نعرف احوال بلدنه للاسف واللي ديصير بيه من هل امور جدا اعتذر من حضرتج

[@طريقالجنة-ت1ظ]

شلون اشتري جملة من شي ان؟

[@atrenaamerr8868]

اني هم ده ادور ومده الكي

[@MurtAbas-w3z]

خويه امير يرحم والديك بس الكود منين استلمه اخلي بلحقول

[@DroosAmeer]

من شركة الشحن اخي الكريم

[@hayderghost1702]

شرح مميز.. شكد كلفة الشحن من امارات للعراق؟ على الكليو ياخذون لو يوصل الك مجاني للعراق ؟

[@امابيها-ص7ث]

الشركة من تراسلهة تطيك تفاصيل

[@shoshshosh9536]

شو اني راسلتهم يكلي٢١٥ الف للمتر ف هاي شكد ☹️

[@Jofffgggger]

شكراً جزيلاً على الشرح اكثر من رائع و واضح لكن ممكن سؤال هل شركة ZMC عندكم مخازن في البصرة يعني كيف اكدر استلم الشحنه منهم اذا كان مخزنهم في بغداد؟

[@DroosAmeer]

العفو اخي الكريم بصراحه ماادري عدهم مخازن في البصره او لا افضل تتواصل وياهم بس اعتقد عدهم خدمة توصيل الى المكان اللي انته بيه ممكن تحصل هاي المعلومات بالتواصل وياهم بالتوفيق عزيزي 🌹

[@Ban-fv2og]

​@@DroosAmeerزين شكد ياخذون منك الشركة لتوصيل طلبك من شي ان للعراق لبيتك؟؟؟

[@BaydaaAwad]

السلام عليكم والله شرحك يجنن بس ياريت توضحلنه سالفه الدفع اغلبنا مستحيل ندفع الكتروني نريد ندفع عند الاستلام و من يوصل الدبي الطلب بعدها اشون يوصل للعراق

[@DroosAmeer]

اختي العزيزة ماكو توصيل مباشر للعراق بالموقع لهذا خلينه بلد وسيط اللي هو الامارات وبالنسبه لدبي حسب ماشرحنه من يوصل الطلب لمخازن الشركة المحليه رح تجيبه النه انصح حضرتج تشوفين درس علي بابا بالقناة رح تستفادين هواي وتفهمين الفكره

[@user-ib3tg8ho7j]

@@DroosAmeerزين هذا السعر الي بالتطبيق شامل لكل شي لو من يوصل الطلب للعراق هم ندفع مبلغ ؟ وشامل للكمرك والامور الثانيه ؟

[@فاطمهحيدرعباسالمطيري]

بلا زحمه ممكن رد سويت حساب ب zmc بس من اطلب عنوان الشحن يطلعلي pdf بدون اسم وعنوان

[@Mariamhadier-os1wp]

بلا زحمة سوي شرح لشحن من موقع تريدنول للعراق بدون وسيط 🥺

[@DroosAmeer]

نكدر نطبق نفس الفكرة على اي موقع يدعم الشحن الى الامارات او الى الصين لان فكرة الفيديو احنه استخدمنه مخزن الشركة في بلد ثاني وهيه رح تجيبها النه الى العراق 😉

[@AyetSüleyman]

سوال بطاقة ماستر كارد الرافدين بيش يحسب الدولار بتطبيق

[@DroosAmeer]

بنفس سعر صرف البنك المركزي يعني مو صرف السوك !!

[@MarwaIbrahem-xu7kc]

اخوي ليش بطاقة زين كاش تعطيني فشل

[@zaynabkazem2637]

بلازحمه اريد اشحن من شي ان عن طريق السعوديه شنو شركات الشحن

[@kandy_298]

اذا عرفتي علميني

[@zaynabkazem2637]

@kandy_298 zmc ماعده مقر بالسعودية للأسف صح اكو هواي شركات شحن بالسعوديه بس مانعرف ثقه او لا واذ عدهم فرع بالعراق بس تكدرين شحنين ع الإمارات او قطر اله فرع هناك .

[@kandy_298]

​@@zaynabkazem2637شنو اكدر ?ماكو تكملة

[@m99ja]

شكراً جزيلاً ع الشرح المفصل جعله الله في ميزان حسناتكم بس بلا زحمه الفلوس نخليها بالبطاقه عراقيه عادي لو نحولهن دولار بالمكتب ونخليهن بالبطاقه يلا نشحن ارجو الرد

[@DroosAmeer]

عراقي اخي هو يحول دولار بسعر صرف البنك المركزي

[@AhmedAmmar-b3i]

الشحن الى الامارات شامل الكمرك ؟

[@DroosAmeer]

اي نعم شامل الكمرك

[@NinoYaser-be6fc]

يعطيك العافيه يا رب ممكن تشرح النا كيف فينا نستخدم تطبيق Z.M.C

[@اسلامالحيدر-خ1ي]

صدك اله جواز سفر ؟

[@donaalali9028]

عفية سؤال اذا بدون زحمة شلون اشترك بلبرنامج مال zmc مكاعد تطلع عندي المعلومات اسجل اشتراك جديد؟؟ لو شنو

[@donaalali9028]

ممكن تشرحلنا شلون نشترك بالبرنامج

[@DroosAmeer]

تتواصلين ويه الشركة اختي وهمه يسولك حساب ويدزون لحضرتك المعلومات

[@donaalali9028]

@ تمام اسفه علازعاج بس شلون اتواصل وياهم؟ رقم موقع شنو؟؟

[@DroosAmeer]

ماكو اي ازعاج اختي اني اسف على التاخر بالرد [phone] هذا رقمهم او اكتبي بالفيس zmc رح تحصلين صفحتهم وتكدرين تتواصلين وياهم بالتوفيق ...

[@donaalali9028]

@ لا عادي وكلش شكرا على الرد

[@aseelSttar]

فقط الدبي اتروح لو اكدر ادز الغير دوله

[@alnasih313]

صديقي بلا زحمة عليك،، تكدر تشرح عن تطبيق chicpoint ،، وشنواختلافه عن شي ان ، مقارنات اسعار وغير ذلك، الله يحفظك.

[@DroosAmeer]

بصراحه ماسامع عنه سابقا بس ان شاء الله اذا صارت فرصه نسوي شرح عليه نورت عزيزي

[@alnasih313]

@DroosAmeer نفس تطبيق شن ان حتى نفس اللون وتصميم... ونفس عروض تقريبا،، بس يكولون ارخص،، يا ريت اذا عرفت شي من مصادرك تنورنا

[@نورالربيعي-ك1م]

لا مو رخيص​@@alnasih313

[@نورالربيعي-ك1م]

​@DroosAmeer خويه اني ماعرف اشحن ومحتاجه غراض تكدر تشحنلي حتلو تأخذ مني أكثر عالشحن

[@dodoalobay9610]

منو جرب هالطريقه ؟مضمونه؟ وشكد ياخذون توصيل بضاعه لحد بيت؟

[@anow2694]

غااليه حيل هل شركه

[@KurdistanKurdya]

شکد یاخذون؟​@@anow2694

[@Ameena-c7b]

سؤال البطاقه عادي هيا مال الراتب لو لازم جديده تخص هيج شي و اكو دفع عند الاستلام

[@DroosAmeer]

هو يصير عادي بس ماانصح تسخدم بطاقه الراتب باي شراء من الانترنيت خلي بطاقه ثانيه لهل امور خاصتا اكو بطاقات بلاش او اسعار رخيصه

[@Ameena-c7b]

@DroosAmeer شكراا

[@DroosAmeer]

العفو وبالنسبه للمواقع الالكترونيه اللي خارج البلد ماكو دفع عند الاستلام

[@zno1i]

زين خما لازم ادفع الكتروني لأن معندي ولابطاقة 🤣اريد ادفع عند الاستلام

[@SAI-mw9mf]

حبيبتي بس نزلي تطبيق خدمات كي وحطي معلوماتج بيه وراح يسوولج بطاقة ويجيبوها الج لباب البيت بدون متدفعين اي شي حتى توصيل مجاني

[@BaydaaAwad]

السلام عليكم فدوه مافهمت ياتطبيق انزل معلوماتي مال الرافدين

[@BaydaaAwad]

اكولج فدوه يعني انت مشتريه وواصلج ودافعه عند الاستلام

[@Angel22aa]

هاي الشركة عدهم فرع بالسعودية؟ اريد اوصي من شي ان للسعودية و من السعودية للعراق

[@kandy_298]

عدهم ??لو لا شنو عرفتي

[@Angel22aa]

@ لا ماعدهم بس لگيت هواي بيجات ع الانستا يشحنون

[@kandy_298]

@@Angel22aa وسيط لو شركة

[@Angel22aa]

@@kandy_298 شركة مو وسيط اكو وحدة اسمها الناقل و اكو وحدة اسمها الساير و بعد اكو هواي شوفي يا هيَ التعجبج

[@Angel22aa]

@@kandy_298 شركة مو وسيط اكو وحدة اسمها الناقل ووحدة اسمها الساير شوفي يا هيَ التعجبج

[@شخصيهمرتكزه-ص9ذ]

يصير ‏‪اشحن قطعه وحده يعني مثل قميص او تشيرت عادي لو ميصير

[@Montather200]

يعني من اكمل وادفع بشي أن راح يوصلن الي بدون ما ادفع بعد لو هم ادفع لZMC

[@hawraa_jk1]

بلا زحمه اكدر ادز البضاعة للسعودية??

[@skylove8902]

امير شلون ممكم اتواصل وياك خوية؟

[@NoorNoor-hg4rf]

هم ياخذون منك فلوس مالتوصيل

[@otoua]

شون اسوي حساب zmc ☹️

[@Al-Abbas-g9e]

حبيبي مكتوب انز اكو شحن يجي الاربيل او البغداد

[@zainab110m]

بس لحظة يعني اكدر افتح بيج بهيج طريقة ؟

[@zahrajp2223]

زين شركة الشحن هم تاخذ عمولة لو تتعامل ويانا مجاني هاي الفقرة ما فهمت بعد شغله ثانية دائما البنات الي يشتغلن وسيط يختارن الوجه السعودية زين شنو الفرق بين السعودية الامارات يعني اقل بالسعر او شنو؟ +و العملة ياخذوها بسعر الصرف البنك العراقي لو البيع والشراء من المنافذ ؟ ؟ ممكن اجوبه لان دخت.... اخر سؤال شلون اشحن من جمله من علي بابا وايهما افضل تيمو لو علي بابا؟

[@zahrajp2223]

نسييييت شكرا جزيل على الشرح الخنفشاري

[@DroosAmeer]

شركات الشحن طبعا تاخذ عمولة النقل من الامارات او السعودية الى العراق حسب كل شركة لازم تنطيج سعر الكيلو مااعرف بصراحه لان الموقع هو بكل الاحوال رح يرسلها مجاني الى الامارات يبقه الشركة المحليه الثانيه يجوز لان السعوديه اقرب النه فرح تكون ارخص خاصتا اكو نقل بري مع السعوديه العملة تنحسب بسعر صرف البنك المركزي مو سعر السوك علي بابا اني شارح عنه بالجملة تيمو للاسف مااعرف عنه بالتوفيق ....🌹

[@zahrajp2223]

@@DroosAmeer مشكوووور جزيل الشكر تيمو يبيع بسعر الجملة حسب ما سمعت

[@AliAli-o9z3d]

زين شلون الدفع عند الاستلام

[@NoorNoor-hg4rf]

والسعر التوصيل شكد صار من وصلك

[@Christina-3i]

الحقول تطلعلي فارغه ليش

[@AtyafFaed]

كم تكلفة الشحن؟ الى العراق

[@لااحد-ظ8ت]

السلام عليكم بس zmc شون اسجل شو ماكو فيديو كولت عليه بيه شرح بقناتك اتمنى ترد

[@DroosAmeer]

درس علي بابا... راسل الشركة واطلب منهم يسولك حساب عزيزي

[@Username99i]

زين عناوين البري يختلف ؟ اني بالملف كاتبلي الحمريه ؟

[@DroosAmeer]

الشحن ياما جوي او بحري ماكو بري اللي شرحنا جان جوي والثاني بحري اكيد منطقه المخازن تختلف بس هيه نفس الفكره اخلي منطقه شارع وعنوان كامل اللي خاليه بخط اطوخ همه بال pdf بالنسبه للعنوان البريدي اتواصلي وياهم لان فعلا ماكو بالملف واذا عندج اي شك ارسلي الهم العنوان اقصد شركة الشحن اسئليهم هل صحيح مليتي العنوان او بيه خطا همه افضل يجاوبوج على هل شي حتى تكونين مطمنه من المعلومات

[@Username99i]

زين اخي لما وصلت حتى ااكد الطلب طلبو مني رمز التحقق لرقم امارتي وماوصلني شلون؟

[@DroosAmeer]

مايطلبون تحقق اله بحاله حضرتج مسجله برقم تلفون سجلي بالتطبيق عن طريق الايميل عناوين الشحن مايرسلون بيها تحقق من الرقم

[@zeenahiraq4508]

شلون اضيف عنوان بصرة ؟؟؟

[@صوفيالوكح-ن9غ]

بلا زحمه شلون اشتري الباله مال شي ان لان اشوف يفتحون كراتين ويبيعون

[@mlp0al]

ماكو باله هيه ملابس شي ان تجي كبل ويفتحوه كراتين ويبيعون

[@صوفيالوكح-ن9غ]

@mlp0al اي شلون اشتري كارتونه بيهه مجموعة اغراض بلا زحمه

[@جمعيةالامين]

شلون اكدر أتواصل ويا صاحب الفيديو

[@DroosAmeer]

اتفضل اخي العزيز

[@marammaram-jk9ir]

شو دخت كلشي مافهمتها

[@Muzn-x6m]

‏‪14:07‬‏ يعني قصدك وره ما توصل لبغداد بمخازن الشحن مال شركه ببغداد انت تروح تستلمهن يعني ما عدهم خدمه توصيل لباب البيت؟ زين و اذا عندي انه شركه شحن يعني يوصلون البضاعه من متجري للزبون و هاي اكدر استخدمهم يجيبون البضاعه الي من هاي المخازن؟ زين هوه هذا التطبيق عنده مخزن بالبصرة؟

[@Cutegirl3_]

مرحبا .. زين السعر الي ادفعه عن طريق البكاقة هو هذا السعر النهائي؟ لو الشركة هم تاخذ؟؟

[@DroosAmeer]

طبعا تاخذ اجور نقل حسب شكد رح يطلع وزن البضاعه

[@زهراءرزاق-ر3ن]

شلون اكدر اتواصل وياك

[@otoua]

شكد يحمل عالقطعه ؟

[@dodoalobay9610]

مايصير اسوي توصيل للسعودية بدل امارات؟

[@DroosAmeer]

الشركة اللي استخدمناها بالمثال مابيها فرع بالسعوديه لازم شركه شحن عدها مخازن هناك وعادي يصير وراها

[@NoorNoor-ip7mp]

م جاي يطلع عندي لغه وكله انكليزي 😢

[@MurtAbas-w3z]

اخويه امير بس الكود منين استلمه

[@امابيها-ص7ث]

شلون اعرف الاسعار بلعراقي خوية بلازحمة عليك

[@TotyToty-f2g]

السعر المكتوب اضربه بسعر الصرف وسعر الصرف حسب البيج اكو ١٣٥٠ اكو ١٣٤٠ وهكذا

[@RouaRasool]

منين اجيب كودات والأرقام 😢

[@DroosAmeer]

من تطبيق.شركة الشحن zmc او غيرها مو شرط نفس الشركة شركات الشحن هيه تزودج بهاي المعلومات

[@RouaRasool]

@@DroosAmeer داسوي حساب بتطبيق بس مديصير من ارجع اسوي تسجيل دخول

[@زينب-ج8ب5ع]

عاشت ايدك بس شلون اسوي كود خصم خاص بيه؟!

[@DroosAmeer]

وايدج شكرا جزيلا هذي الكودات تجي هدايا من الموقع بشكل عشوائي مو دائما متوفره

[@زينب-ج8ب5ع]

@ هاا تمام مشكور

[@noctisslvatore7433]

اتوقع حاليا الشحن غير مجاني من شي ان الى دبي صحيح ؟

[@امابيها-ص7ث]

لا مجاني

[@3Haneen]

زين تطبيق zmc شكد ياخذون يعني ؟

[@DroosAmeer]

هاي التفاصيل افضل تتواصلين ويه الشركة افضل تجاوبج على هل موضوع 🌹

[@Ban-fv2og]

خويه فدوة ممكن ترد لكيت بيج ياخذون على الكيلو ٦ الاف دينار عراقي منو الافضل اسوي طريقتك لو البيج لان الشركة هم رح تاخذ عل الوزن ف منو ارخص؟؟

[@Ban-fv2og]

😭😭😭منتظره الرد

[@DroosAmeer]

اختي صدكيني مااعرف هذوله الناس صادقين او لا او حتى نفس الشركة اللي شرحت عنها ممكن يتغير تعاملهم بعد الفيديو مالتي اني مجرد شرحت تجربتي وياكم واريد افيدكم بتجربتي وبالنسبه اذا متاكدة من هذا البيج والدفع بعد وصول البضاعه ماكو ارخص من هيج لان همه خلصولج كمرك نقل ب 6000 مستحيل اكو ارخص من هيج شي شرط شرط !! متاكده منهم صادقين او على الاقل الدفع بعد وصول البضاعه لان عالم التجارة للاسف متروس نصابين بالتوفيق ...

[@Ban-fv2og]

@@DroosAmeer يي صديقتي شحنت منهم وهمه اقارب صديقتي ف كلشي مجاني مياخذون بس على الكيلو ٦ الاف ف اني محتاره انو اسوي طريقته من دبي الى العراق لو امشي عليها للعلم همه مخازنهم من الكويت مو السعودية ويجيبون البضاعة من الكويت الي وفقط على الكيلو ياخذون ٦ الاف + شكرا على الرد ربي يوفقك

[@DroosAmeer]

اذا متاكدة منهم ثقه وسعرهم واضح ارخص من الشركة اللي شرحت عنها طبعا اكيد هذوله احسن المهم حضرتج فهمتي الفكرة وشركات الشحن انتي حره ياهو اللي انسب اختاريها بالتوفيق 🌹

[@الياقوت-ر3ك]

@@Ban-fv2ogحبيبتي ممكن البيج الي تطلبين منه؟إذا متصير زحمه

[@otoua]

وين الكود بلا زحمه

[@fatimahal-sudani]

يشتغل الدفع بالزين كاش ؟

[@DroosAmeer]

لازم عندك بطاقة زين كاش

[@SMR_D8]

أكدر ادفع عند الاستلام لو لا

[@DroosAmeer]

لاعزيزي

[@MustafaMustafa-sc8nr]

امزون عدهم تجميع البضاعة لو تنرسل كل واحد وحدة ؟ واذا وصلت منفصلة شركة zmc تجمعهم لو لا ؟ هو يكتبلي عند دفع shipped by amazon

[@DroosAmeer]

مبدئيا zmc كشركه شحن ماعدهم تجميع بضاعه لكن امازون بصراحه ماعندي علم اذا المتاجر مختلفه هل اكو تجميع او لا !! بس اذا نفس المتجر ونفس الوقت الشراء اكيد تجميع رح يصير بيها