Рет қаралды 445,124
المفاجئة الأولي في الفرح من العريس والعروسه :
أغنية اخوات العروسة نورهان فضحوها ادام عريسها وقالوا عنها بطيخة قرعة - احجز اغنية فرحك واتساب او اتصال 00201007901524 :
كلمات اغنية "بطيخة قرعة" من ويدنج تون :
ارتحنا من نورهان
جه فى وقته رجب من بيتنا اخدها
مين فينا مكانش بيتزاول
ماهي مستقوية علي اخواتها
وفى دبان وشها بتشاكل
فى البيت نازلة وطالعة بتاكل
زى المنشار بتقلبنا
كله على النوتة وبالآجل
ومنفضه من بدري جيوبنا
(سارة):
عايشة برنسيسة أكل ومرعى
مش عارفين بس لمين طالعة
بتكسل تطفى نور الاوضة
واخد يا رجب بطيخة قرعة
(هاجر):
منقوش على رجليها الحنة
عايزة المم وتديها ننه
لو من نفسها راحت المطبخ
كده يبقى الموضوع فيه إنا
(احمد):
رايحة وجاية تغنى
صوتها نشاز وبيحرق دمى
والله جوازها هيرحمنى
م السف كتير والازعاج
(على ):
تمسك تيتا ترعبها
بدماغها السم ومقالبها
العمرانة كانت تخربها
مجنونة وعايزالها علاج
(ريهام):
بتمكيجنى فى نص الليل
وشى عايز فومين برسيل
وكمان تخطفني فى مشوايرها
وجهازها ده كان هدة حيل
(احمد):
قماصة عليها لويت وش
من شكلها تهرب وتكش
بتموت في اللك وتتصنت
والودنين تعملهم دش
(ريهام):
بتدخل البيت تعمل وش
وعلى الببان تنزل تخبيط
بنشوف جنان رسمى ومحصلش
وفي اي زيطه تحب تزيط
(سارة):
فى كل مشوار ليها تقيس
كل المحل ومبتزهقش
تخرج وفى ايديها عشرين كيس
وتقول مجبتش حاجة ملقتش
(نورهان):
ليا انا مين غيركم يا اخواتى
وعليكوا ادلع فى حياتى
انتوا اللي معاكوا باخد راحتى
بعمل مابدالى بقى وعادى
(نورهان):
في حياتكم انا حتة سكر
ودى ثقة بالنفس و مش اكتر
دي فلوسي انا كنت بسيبهالكم
واللي يعوز حاجه مش بتأخر
(احمد):
بالشوكة والسكينة
وبقرف الدنيا تعاملينا
ع الفاكهة بتيجى تخانقينا
والآخر ع السفرة تبوظ
(هاجر):
مج المانجه بتاعك
لازم فيه بتحطى صباعك
وازازاتى بتاخديها بمزاجك
وبتشربى منها من البوذ
(على):
ومزاجها بتقطعلى النت
واما احتاجها بتكرفنى
من صغرها عفريتة البت
بتف كتير تقرفنى
(احمد):
لو ساقت بينا شور هنموت
لما بتاخد العربية
ترجع بالرفرف مخبوط
معروفة انها مؤذية
(ريهام):
وعايزة تعرف رايحين فين ...
فى كل مشوار مش بتحل
تشبط وتلبسلي في ساعتين
على قلبها مراوح وتشل
(سارة):
الاندومي عندها ادمان
من احلى نومة تجوع و تقوم
اسمع حلل واسمع قلبان
فى الفجر ويطير منى النوم
(كورال):
علي عينا هاتمشي وهتسيبنا
ع الكدب ده ربنا يحاسبنا
تعبتنا كتير لكن هى
نور اللى منور بيها بيتنا
(كورال):
احلى عروسة فى الدنيا بحالها
الفستان طاير بجمالها
طايرين والله من الفرحة
وعملنا الأغنية عشانها
(نورهان):
اخواتى انا مستغناش عنكوا
ويارب ميحرمنيش منكوا
هما يومين بس هفوتهم
يا حبايبى ومن تانى هجيلكوا
(نورهان):
فرحتونى يا اجمل عيلة
والليلة بيكم اجمل ليلة
عقبالكوا ليلة ما افرح بيكم
هعملكوا هيصة وهوليلة