حكاية سمر (عادة اعدمت حياتي) 😔 بقلم زينب ماجد

[@roqaia333]

حكاية سمر بقلم زينب ماجد #البارت_3 رحت للكمبيوتر مال احمد اخويه.. بحثت بيه شنو يعني غشاء بكاره وشلون تنأخذ.. بعدين بحثت ..هل العاده السريه تؤثر علغشاء.. طلعت انو ممكن لو استخدمتي يدك او شي صلب وطلع دم فهذا معنى انو انفضت البكاره .. بقيت مصدومه واني اقره.. اتذكر هيج شي.. اتذكر سويت ونزل دم يعني اني هسه مو باكر.. معقوله.. لا لا لا.. ياربي اشلون اعرف هسه اني باكر لو لا.. متت من الخوف.. يا شسوي.. بقيت اليوم كله مشغوله واروح منا واجي منا.. وقريت بالنت هم طلعلي.. شلون كم بنت انقتلت لان بيوم العرس طلعت مو باكر.. قريت هوايه قصص بهلموضوع.. وتعرفت عليه كولش زين.. متت خووووف.. اللهي رحمتك.. رحت توضيت ومديت السجاده وبقيت ابجي.. فدوه يارب كون اطلع باكر.. وملاعبه بنفسي.. ربي احميني.. بقيت ابجي وادعي.. يارب مصيبه ووكعت على راسي.. شلون اعرف اني هيج لو لــNOـا .. متت من التفكير لحد ما نمت الساعه 3.. كعدت ثاني يوم ب6..مشبعانه نوم.. وعيوني وارمه.. بدلت ورحت لدوامي.. واحس الدنيا ضلمه بعيني.. كلت لازم اتأكد من موضوعي.. .. اعرف صديقه عندي طالبة طب.. . كتلها.. علموضوع.. وخطيه حيل ضاجت علمودي.. كتلها شلون اعرف دبريني.. كالتلي.. بنت عمي.. دكتوره نسائيه تعالي نروحلها.. كتلها عياده ما اكدر اخاف.. كالت لا لج لبيتها اخذج.. كتلها لحظه اخابر ماما.. خابرت ماما.. كتلها يوووم حتأخر.. عندي كومه محاضرات ويمكن اتأخر لل3..كالت وشلون ترجعين.. كتلها فد مشكله يا ماما منا فورتات وارجع.. كالت ماشي بس حاولي لا تتأخرين هوايه.. كتلها ٱפگـيہ.. مشيت ويه زميلتي رحاب اسمها.. وصلنه لبيت بنت عمها.. دكتوره وزوجها مهندس.. رحب بينه وقدمتلنه العصير.. وكعدت تسولف.. ندست رحاب.. كالتلها سماره جايتج بموضوع.. كالتلها تفضلي..كالتها هذي زميلتي.. واكعه بمشكله.. واريدج تساعدينه ..كالتلها اذا اكدر ليش لا.. كالتلها من جانت صغيره وعمرها.. 13 سنه ..صديقتها لاعبه بعقلها.. ومعلمتها على العاده السريه.. ومعلمتها الطريقه.. وسمر ما تعرفها ولا تعرف حرامها وتأثيراتها.. وهسه عرفت وخافت لا انوب تطلع مو باكر.. كالت اووف هوايه بنات ديجون من وره هلمشكله.. وانوب اهلهم يكتلوهم موت.. عبالهم لاعبه ويه واحد.. كالتلها اي والله الله يستر على بناتنا.. كالت كومي جوه دا افحصج.. دخلت وياها.. اتمددت علسرير وكشفت عليه.. كالت كومي.. كتلها فدوه كولي شنو. هزت براسها.. كالت ماكو اي غشاء رايح.. منفض من زمان.. كتلها وهسه شلون فدوه دكتوره دبريني والله يقتلوني.. كالت شسويلج حبيبي الله يكون بعونج.. حاولي تصارحين امج.. كتلها لا لا غير تموتني.. اخاف منها.. بقيت ابجي لا يا الله ما اصدك اني اسوي هيج بروحي.. شلون هيج سويت.. اووف يمه شهلمصيبه ياربي شلون والله اموت.. بقيت ابجي ومخليه اديه على راسي وكاعده علكرسي .. بقت تسكت بيه رحاب.. رفعت راسي الها و كتلها فهميني شلون… كالت اكو عمليه اسمها ترقيع جربيها.. وتسويلجياها سماره.. كتلها شنو هذا.. كالت ترجعج باكر من جديد.. كتلها بنج عام.. كالت اي.. كتلها ما اكدر اهلي شلون.. كالت يوم واحد لا اداومين.. كتلها ما اكدر اخاف اخاف.. اخذت جنطتي وطلعت.. بقيت ابجي.. دخلت عيوني مورمه من البجي.. كالت شبيج ولج ليش تبجين.. كتلها وكعت وتأذت ايدي.. كالت دروحي اصعدي عبالي فد شي.. عفتها وصعدت.. دخلت للحمام شغلت المي وكعدت جواه ابجي.. يارب انقذني.. رجعت لغرفتي.. لفيت راسي ونمت.. بقيت ايام على هلحاله.. بس ابجي.. اخر شي قررت ما اتزوج.. واهتم بدراستي فقط.. و ذبيت حيلي بالدراسه.. وما اباوع لاي احد.. حتى اركان انقطعت عنه.. بس اشتاقله.. هوه اول حب الي وتعودت عليه.. يخابر.. ويردون اهلي.. يسلمون عليه.. بس ميسئلهم عليه.. اخر شي هوه اجانه للبيت.. مر سلم ..سأل عني.. امي كالتله فوك نايمه.. كاللهم.. صيحوها اريد اسلم عليها.. اجتني امي.. كومي وعيب.. كتلها ما اريد.. جبرتني انزل.. شافني.. ابتسم وسلم.. وهمس بأذني ليش هيج بذاته.. سكتت.. لو يدري بحالي.. اوووف .. كالت ماما كومي سمر.. سويله الغدا.. كمت حضرتله الاكل وخليت الصينيه.. كدامه وهوه يباوع لعيوني.. كعدت كباله.. كامت ماما راحت .. كال شنو الموضوع ليش هيج هاملتني.. كتله دراسه متعبتني وهاي اخر ايام الامتحانات ما اريد التهي.. كال يعني لو رفعتي خط وبس سلمتي.. ياخذ من وقتج.. سكت.. كال شبيج.. تره والله رايدج.. كتله اجّل هلموضوع ما اريد اسمعه.. كال متردين تسمعيه.. وانتي اللي خابصتني بعد الزواج هيج نسوي وبعد الزواج هيج نجيب.. كتله اركان دخيلك والله تعبانه.. كال فهميني امرج شنو تره انه هم دخت.. كتله كتلك دراسه يا اركان.. تره دراستي صعبه وشاله عقلي.. وشاغله تفكيري.. ومتعبه نفسيتي.. كال ماشي.. اخليج ترتاحين.. ولو ارتاحيتي.. عود ذكريني.. هزيتله راسي اي.. كام.. وصاح.. ام احممممممد.. يله خويه من رخصتكم.. كالتله وين توّك اجيت.. كالها لا. والله عندي شغل ومريت اسلم واشوفكم.. كالتله كل الهلا بيك خويه.. زارتنه البركه.. سلم وراح.. واجت عليه امي.. كالت شعدج ويه اركان.. عقدت الها حاجبي.. كتلها شعندي.. كالت صار ساعه تتبسبسون جوه.. وحتى ما كمل غداه.. وكام وراح.. كتلها ماكو شي.. كالت بيناتكم شي.. سمر باوعيلي.. كتلها لا ماكو.. كالت واذا اكو اقطعي ولا تفكري بأركان نهائي.. كتلها ليش.. كالت خوالي واعرفهم.. عدهم حكم علمره.. وكل نسوانهم مبوشات وما الهن اي راي.. كتلها.. بس اركان مو مثلهم.. كالت لا اتعس.. هذا دارس حوزه.. يعني تعرفين كمية التعقيد الشايلها شنو.. وانتي ما تتحملين عيشته.. كتلها علعموم لا اركان ولا غير اركان.. اني ممقرره اتزوج ابد.. كالت مو بكيفج.. اني متانيتج تخلصين هلسنه.. واحجي ويه ابوج بزواجج.. هواي جاي يتقدمولج وقسمه احسن من الثانيه.. لشوكت نبقى ننطي رفض.. لحد متعنسين..!! كتلها شنو اعنس شنو زواج ..ماما شبيج.. اني دراستي ممخلصتها تحجين من كل عقلج.. كالت تخلصين يم رجلج.. كتلها هوه منو.. كالت اللي نوافق عليه ونشوفه يناسبج.. كتلها ماما لا تجننيني.. ما اريد اتزوج هيه كوه.. كالت مو بكيفج.. شنو تبورين عدي.. روحي خلصي دراستج ابيج رجلج.. كتلها شنو ثقلت عليج لكمتي.. كالت لا.. بس اليوم تجيج فرص زواج زينه باجر يمكن ما تحصلين مثلها.. كتلها شجاي تحجين.. اتخرج والله كريم.. ما اريد هلموضوع ينفتح.. كالت يا غبره الرجال مايحب المتخرجه التفتهم اكثر منه.. باوعتلها بإستغراب.. كتلها ماما انتي وين عايشه..

[@roqaia333]

كالت بالعراق وهاي اطباعنه.. الرجال لازم احسن من المره بكولشي.. يله تنسعد حياتهم.. باعينه اني وابوج.. ابوج ضابط جيش وواصل ومكمل.. واني خريجة متوسطه وعلى كد نياتي.. شفتي شلون متفاهمين ومتراهمين.. كتلها عود انتي تحجي من كل عقلج.. كالت اكلي تبن ولا تراددين.. تخلصين امتحاناتج.. واحاجي ابوج بموضوع زواجج.. كتلها ما اوافق والله.. كالت سمر باوعيلي.. مخبصتلج وي واحد انتي.. فتحت عيني كتلها ماما شجاي تحجين شبيييييج.. لو ما مربيتني بأيدج.. كالت لعد ليش خايفه من الزواج.. كتلها الله اكبر.. حياتي واني حره.. كالت والله اخلي احمد اخوج يتصرف وياج وتعرفين شلون مخبل هذا وشكوكي.. بس اكله ما تريد تتزوج يكوم عليج.. كتلها والمطلوب هسه.. كالت كملي امتحاناتج.. ونحجي.. صعدت شايطه من الغضب.. دخلت الغرفه شمرت كل كتبي.. يرربي شهلورطه هاي شلون راح اتزوج شلوووون ..اووووف ربي ساعدني دخيلك.. بعد ما اتحمل.. الله ياخذني ..الله يموتني واخلص.. وبقيت ابجي.. بقيت افكر بحجي امي.. بس لا صدك تريد تزوجني اووووف عونك.. ضليت افكر.. اكول لاركان.. لو لا.. اذا كتله يتفهمني.. راح يساعدني ويساندني لو يعوفني.. بس شلون احجيها ياربي يخجل هلموضوع.. هزيت راسي.. ما اريد افكر بأي احد.. اريد اقره وبس.. بقيت اقره اقره.. لحد ما اجت الامتحانات هلكت نفسي بالقرايه.. حتى اخلص من التفكير.. مرت الايام وخلصت دراسه.. خابرت اركان.. ردت اجس نبضه بالموضوع شيكول.. الووو اركان.. الوووات يلثكيله.. شلونج.. سمر.. هَــْـِْـْْـِلاّ اركان.. تمام.. انته اشونك.. اركان.. بخير.. دامج بخير.. مشتاق.. سمر ..اني اكثر والله بس شسوي.. اركان.. اي شكو ماكو.. سمر.. ماكو.. غير امي تريد تتزوجني.. اركان.. يعني اتقدملج.. سمر.. شتتقدملي.. تكولي شيلي اركان من راسج.. ميناسبج.. اركان.. و عود ليش ما اناسبج بلا.. سمر.. تكولي خوالي مو مثل اطباعنه.. عدكم حكم علمره.. وتعقيد زايد.. اركان.. ها جا شتريد امج.. نديحج.. غير نستر عليج.. ونحترمج.. سمر.. ما اعرف اركان ما اعرف.. اني هم تعبت من التفكير.. عوفها يم الله.. اركان.. انشالله.. والنعم بلله.. سمر.. اركان.. اركان.. عيونه.. سمر.. سالمه عيونك.. لا بس اليوم شفت موقف هزني.. ودا اسألك بخصوصه.. اركان.. شنو الموضوع.. سمر.. بنيه عروس خطيه قتلوها.. بعدني ممكمله كلامي.. كال شوف شلاعبه.. اكيد طلعت مو بنيه وكتلوها.. كتله ليش هيج توقعت.. كال هيه التنكتل ليلة عرسها.. يعني غسل عار مو باكر طلعت.. كتله يمكن مغلطانه ويه شخص.. يمكن فقدت عذريتها.. غصب عنها او بجهل.. ومتعرف.. كال وين اكو هيج شي شبيج.. وهيه حتى اللي تلكيها مو باكر.. اكيد راح تنكر وتسويلها سالفه علمود واطلع ادموع التماسيح و تبري نفسها.. كتله خلي نفسك بهلموقف.. لو اتزوجتني وطلعت مو باكر شتسوي.. كال اسكتي لتحجين هيج.. كتله جاوب.. كال ما احب افكر بهلاحتمال.. كتله يعني تقتلني.. كال اهوووو يعني مخابره بعد كل هلمده علمود تحجين بهسوالف التعبانه.. سمر شبيج.. تره شايفه نفسج تصرفاتج صايره غريبه.. كتله بس ردت اعرف جواب منك تقبل لو متقبل بهيج مره.. كال لا طبعا ما اقبل.. اذا كلش كلش عقلت وصرت ادمي وما كتلتها ارجعها بنفس اليوم لاهلها.. واخلص منها.. ما تحملت كلامه هذا.. سديت الخط بسرعه.. يالله شسويت بروحي.. وهاي حب حياتي.. ضيعته.. شسوي يربي وامي قافله الا اتزوج.. ساعدني.. دنكت كمت ابجي بحركه من وراه اخطائي وجهلي..ضيعت نفسي.. قررت انهي علاقتي بأركان.. عرفت شنو عقليته.. ومراح يتحمل اللي اني بيه.. وره ايام.. امي فتحت سالفة زواجي.. وعددتلي هذا رايدج وهذا خاطبج.. وهذا ميت عليج.. كتلها اي مو اني الاميره ديانا.. كالت يمه البنيه لو كثرت خواطيبها بارت.. كتلها يمه ما اريد اتزوج كوووه خو مو كوه.. كالت مستحيل هذا حجي قنعي روحج بيه.. تتزوجين.. هواي فرص جاي نرفضها.. يمكن باجر ما تجيج مثلها.. كتلها وعساها لاتجي.. كالت صوجي احجي وياج.. اني حجيي ويه ابوج.. وره كم يوم.. اجت عمتي.. كعدت يمها وسلمت.. سألتني خلصتي دراسه.. كتلها.. اي انشالله بس سنه وحده.. كالت صايره شحلاتج جنج تفاح.. ضحكت كتلها شكرا.. كمت للمطبخ.. دا اسوي بالعشا.. واكفه اكلي كباب عروك.. وما احس الا واحد يكرصني.. ويسوي بوسه ام الصوت بالهوا.. ويكول ايواااا دا استمرررري ويحرك بيده دائره.. يقلد تامر حسني .. ضحكت.. كتله عادل ولا تجوز من سوالفك.. جان احتركت.. ضحك.. كال شلونج.. كتله زينه.. شنو جاي ويه عمه.. كال اي جنتي نايمه فوك.. كتله من شوكت اجيتو لعد.. كال من وره الضهر.. كتله حييل ولا ادري.. كال ردت اصعدلج.. كالو عوفها.. كتله لعد وين رنا ليش مأجت.. كال معزومه ويه خطيبها.. كتله هاا.. دنحجي طب بكر. كال السلام عليكم.. رديت وعليكم السلام.. شلونك بكر.. كال بخير.. وطب للغرفه.. جريت عادل من قميصه.. كتله هذا اخوك ليش ما ينهضم.. كال غير احجاره عقده شيهضمه.. ههههه كتله لا عاب حلكك.. كلكم سبورتيه هوه عليمن.. كال على ابو لهب خخخخخخ.. ضحكت.. ههههه يجوز صدوك.. كتله اي ما سولف ماكو منا منا.. كال كولشي ماكو.. صحرا.. وحده وطارت.. كتله ليش طارت.. كال امي ما تريدها.. كتله ليش.. يكول مو من عدنه.. كتله اهوو وشنو يعني.. كلنه دين واحد.. كال هاي قفلت متقبل.. واني هم سديت السالفه.. كتله صر عليها وانته تاخذها.. كال اخذها واخسر اهلي شنو الفايده.. كتله الله ينضرلك.. احجي وياها وهوه كل شوي ماد ايده وماخذ كبابايه من الماعون وياكل.. اخر شي ضربته بالخاشوكه..

[@roqaia333]

اي دكافييي خلصته.. شنو مسويته بس الكرشك.. كال خره باهلج ولج الخلشوكه حاره حركتيني.. كتله يااا سوده عليه.. تعال دا اغسلها الك.. ضحك وكال اي اي غسليليها تحركني.. وكعد يبجي مثل صوت الاطفال.. كتله يبووو سوده عليه.. وليدي حبيبي لتبجي.. غسلت ايده وشلت مي وشمرته بوجها.. ضحك كال خره بهلج. لو تحركيني لو تبلليني.. تعاي لعد.. اخذ كلاص مي.. واني صرخت لا لا عادل فدوه لا.. انحصرت يم الكاونتر.. ومخليه اديه على راسي.. وهوه مخلي الكلاص فوك راسي.. ويكول هااا اشمر.. كتله لا لا فدوه.. صاح بكر عاااااادل… نزلت اديه وباوعنه اثنينه.. كاله لا تزعطط وعوفك من هلشقه الجايف.. كاله وانته شلك علاقه.. كاله.. حجيت وياك.. كتلك عوف الشقه.. وخنزر.. اني عفتهم.. ورحت للطاوه الكباب كله محترك.. اشررد والله لو تشوفه ماما😥.. طلعته بساع وشمرته بزباله.. كملت العشا.. اجت ماما.. يمي تساعدني.. سوينه كولشي ومدينه السفره.. كلنه كعدنه حواليها.. زوج عمتي.. وولد عمتي بكر وعادل واخواني واهلي.. كمت جبت الخبز وزعته انوب قواطي الببسي.. جنه مسوين دجاج شوي وكباب.. وبتيته فنكر.. ومقبلات.. خيرات الله كلها.. كعدت اخر وحده.. كالت عمتي تعاي هنا يمي.. كعدت يمها.. وبكر بصفي.. بس بزاوية السفره.. وعادل كبالي.. يحجي هواااي. هههه.. انوب يشكيلهم.. يكولهم حركتني.. علمود هاي ويشيل بالكبابايه.. كاله بكر كافي لصم.. ميصير حجي علاكل.. كاله على عنادك.. هاج سمورتي.. ويشيل الكبابيه وينطيني ياها.. كتله ما اريد.. كال فتحي حلكج بداعتييييي.. ضحكت.. اخذتها واكلتها.. خنزر بكر.. استغفر الله هذا شبيه.. منو يمه.. دنكت.. اكل.. كال دايمه.. كام.. وهمس ستري روحج.. ويأشر.. لصدري.. نازله الحجاب وثوبي نازل بالكعده.. بساع عدلت نفسي.. وكمت من الاكل خجلت.. رحت دا اغسل علمغسله لكيته واكف يغسل.. عفته ردت امشي صاح وراي … يتبع

[@roqaia333]

البارت_4 كمت من الاكل.. رحت.. جاي اغسل.. لكيت بكر علمغسله.. خفت اغسل مدري استحيت ما اعرف.. تراجعت.. ردت اروح للمطبخ اغسل.. صاح ورايه بكر.. درتله وجهي.. كال تعاي غسلي كملت.. كتله لا عادي.. اروح للمطبخ.. رحت للسنك غسلت.. رجع اجه يمي.. كال عدكم عود اسنان.. صفنت بوجها.. كتله هااا.. كال شبيج.. عود اسنان.. كوه تستلمين.. دا اطلعله يهز بيده وكال استغفر الله.. انطيته.. اخذه من ايدي ومشه ..خررب هذا شبيه.. هوه حظي ويامن كعد بقت عليك.. سويت الجاي.. ورحت وديته يمهم.. دنحجي ..حجت عمتي ويه ابويه بصوت واضح.. كلنه انتبهنه.. .. والله يا عزيز.. اني جايتكم اليوم وداكه بابك.. كالها تفضلي.. كالتله اني سمعت تريد تزوج سمر.. وانه من هيه وزغيره.. احبها ومخليه.. عيني عليها واريدها لواحد من ولدي.. واني هسـnowــہہ اريدها لعادل.. لان بكر مو ناوي يتزوج. واني اريدلي جنه بالبيت.. تملي عليه البيت كاللها ابويه.. بس هيه تدرس.. كالتله اي شكو بيها تخلص دراسه ما عدنه اشكاال.. ردت اكووم استحيت.. كالت لا عمه كعدي اري اشوف رأيج.. اباوع لعادل.. دنك.. ومشال راسه.. خجلت ابقى.. عفتهم وطلعت.. بقو همه يحجون.. ياربي وقتها.. انوب من عادل.. حاسبته اخويه شلون هيج.. اروح اتفشل وياها بسالفتي.. اوووف ياربي هووواك.. ساعدني.. كعدت بغرفتي.. لشوي حسيتهم طلعو.. نزلت اغسل المواعين.. كالت امي سمعتي لو لــNOـا.. باوعتلها.. ها.. كالتلي.. عمتج رايدتج لعادل.. كتلها.. يوم ما افكر بزواج.. كالت لا تفكرين.. بعادل.. الجاي احسن منه.. كتلها لا عادل ولا غيره ما اريد.. كالتي ابن ام روده.. بالوزاره يشتغل.. ورايدج.. كتلها.. يوووم.. كالت وسممم.. توافقين.. غصب.. كافي.. كله رفض رفض رفض.. كتلها كاعده علكلبج.. اجه بابا كاللها لا تضايقيها ام احمد.. على راحتها.. تفكر وترد جواب.. كملت غسل رحت لغرفتي.. افكر افكر.. ياربي حبكت الا اتزوج.. شلون بلله وسالفتي شيفضها.. انفضح واموت غير.. اكتل روحي شلووون. بقيت الليل كله ولا نمت ولا غفت عيني.. كعدت الصبح.. عيوني وارمه.. راسي دايخ.. اخذت الفون.. شفته.. 8 اتصالات من اركان.. شمرته.. وكعدت صافنه.. افكر.. قطع افكاري اخويه احمد.. وهوه يصيح.. سمررررررر.. صحت.. هااا.. كال تعاي دوريلي تك هذا حذائي شو ماكو.. كعدت ادور بغرفته.. لكيته جوه الجربايه.. لبس وطلع.. كعدت عله سريره.. ياربي شلون بلوه شلون راح اخلص.. احس هم وكاتم على انفاسي.. شلون هيج غلطت وضيعت نفسي.. رجعت افكر.. من جهه عادل اسبورتي.. وابن عمتي.. والي وياه ميانه.. يا ترى يكدر يتفهمني لو حجيتله الحقيقه.. اي اخذ ابن عمتي احسن.. بلكت يستر عليه.. لان زوج عمتي هم مو غريب.. يصير ابن عم بابا.. يعني عائله وحده.. اكيد راح يتفهمني.. راح يتفهمني لو لا.. واذا عصب وتخبل وما صدكني شلون.. لا عادل اعرفه.. سبور فد مره ما عنده عقليه متخلفه.. لو بكر جان كلت لا بس عادل اعرف تفكيره.. اعتقد.. يتفهم.. بقى صراع براسي بسبب هلشي اقبل لو لا ..اقبل لو لا اجت ماما.. كالو شنو مافكرتي.. تره اني ارد جواب موافقه والله.. كتلها عله منو.. كالت على ابن مرويده.. كتلها لا عادل احسن.. شنو عادل.. حتى وضيفه ماعنده عطال بطال.. كتلها ماما.. عادل اعرفه.. والاعرفه.. احسن من الما اعرفه.. كالت وعادل شعنده.. كتله عنده اخلاق تكفيني.. شسوي بالباقي.. كالت هاي اخر قرارج.. كتلها لو تبقى عليه ما اوافق.. بس غير انتي.. كالت هاهيه.. راح ابلغ ابوج.. واشوف.. وره ايام.. كالت خابرت عمتج.. وانطيتها الموافقه.. وكالت جايتكم باجر يتفقون علخطبه.. كتلها بهسرعه.. كالت اي خير البر عاجلو.. سكتت.. كتله يمك ربي.. بهلفتره.. اركان.. تعب يتصل.. واني ما ارد.. ثاني يوم اجت عمتي واجه عادل.. بس عادل مو ذاكه وجه اليضحك ويايه وينكت.. يمكن خجلان ما اعرف.. واني هم خجلانه منه.. لان اعتبره اخويه.. اباوعله.. ولا شال عينه عليه.. ولا جن ذاك اليوم الازمني ويضحك ويايه.. مشاعر الخجل والخوف.. اتمالكتني.. بقو يسولفون علحاظر والغايب.. عادل ساكت ومنزل راسه.. اني بره بالمطبخ مدخلت بس اباوعله من باب الصاله.. بكر مو وياهم.. مجاي.. اتفقو على كولشي.. واني غلقت فوني علتمام.. لحتى ليتصل اركان.. شكوله وافقت على غيرك.. يتخبل غيير.. وما اكدر اكوله ليش انجبرت اتركك.. واوافق علغيرك.. ادري اركان.. ما يكدر يتحمل سالفتي.. عسى ولعل عادل يتفهمني.. وهوه ابوه ابن عمنه وهوه ابن عمتي يعني صلة مقاربه.. راح يتفهمني.. اي يتفهمني.. بس ما اعرف شبيه.. وليش ما اجه تشاقه ويايه مثل كل مره وضحك.. معقوله خجلان.. اللي اعرف عادل جريئ ما عنده خجل.. اوف يمكن هلموقف غير.. رحنا اشترينا الذهب اني وماما وعمتي.. عادل مقبل يجي.. كالت عنده شغل.. وهوه عطال بطال.. ما اعرف يمكن صدوك عنده شغل.. اجت يوم الخطوبه.. كعدت الصبح.. الساعه 5 قبل الكل.. طلعت بالطرمه.. فتحت اديه واني اتنفس هوا الصبح.. وارتل اية @والصبح اذا تنفس@ بقيت اكرر بيها واني استنشق الهوا.. يارب عليك توكل فأكلني رجعت كعدت علمرجوحه.. اللي بالحديقه. وافكر.. شراح يصير بيه.. راح يتفهموني.. راح يرحموني.. شلون لو ما صدكوني.. وقتلوني.. اوووف ربي اريد اخلص من هلافكار.. الله يلعني شسويت بحالي.. بقيت افكر ودموعي تنزل علرواء.. طلعت امي.. كالت هاي شمكعدج من الصبح.. التفتت الها.. كالت جاي تبجين.. اتقدمت يمي.. كالت شبيج.. كتلها ماما ما اريد اتزوج.. كالت تنسعدين لتخافين.. كلنه جنه خايفين لما انخطبنه بعدين اتعودنه.. كتلها.. ماما مجاي تفتهميني.. كال شفتهم بنتي دطبي تره ورانه كومه شغل كومي دكومي.. عافتني وطبت جوه.. باوعت للسما.. وكتله وحدك تعلم الحال.. ساعدني.. كمت طبيت وراها.. تنضيفات بسيطه وريوك.. لشوي اجو. خوالي اللي بالنجف.. اني سلمت عليهم وطلعت بساع.. اشوف وجه اركان يسأل بوجوهم.. ليش اتزوجت.. ردت اتهرب منه.. رغم حبي اله.. عفت ومشيت للصالون.. عدلتني ام الصالون ومكيجتني.. اباوع لشكلي حلوه صرت بس مو فرحانه.. اي فرحة خطبه ماكو.. جانت خالتي جايه ويايه.. للصالون.. خابرت علاخويه اجه رجعنه للبيت.. دخلت اشتغلت الهلاهل والصفكات والهوسات.. جنت ابتسم ابتسامه كذبيه.. ما اعرف اذا هذا الزواج.. راح يكون خلاصي.. او حكم اعدامي..

[@roqaia333]

كعدت.. جانت بدلتي حمره.. جدا نازكه مابيها شغل هوايه.. كولش حلوه ..لشوي.. كالو اجو.. دخلو الرياجيل للاستقبال.. والنسوان اجت يمي.. كعدو قدمولهم عصير وبيبسي.. كالو كومو دنعقدلهم.. لبستني ماما الكاب مال البدله ومشيت.. دخلت عادل كاعد.. بس هلكد صاير حلو.. ههه بس ابد مباوعلي.. كعدت بقى الشيخ يردد العقد.. حجه ويايه وكال اجعليني وكيلج.. كتله رضيت بك وكيل لي.. ردد العقد ويه عادل وعادل انطه الموافقه.. واشتغلت الهلاهل. والهوسات.. اترخص الشيخ وكام.. كال عادل شال عينه على امه ها خلصت اروح.. امه خزرته.. كالتله لا تعال بعد لبسها النيشان.. استغربت ليش هيج يتصرف.. كعد لبسني الذهب والحلقه والساعه وكولشي.. وهوه يلبسني.. حتى مباوعلي وكالي حلوه لو لا او ولو نضره زغيره لعيوني.. همست عادل شبيك.. شال راسه كال شبيه.. كتله مو على بعضك.. دا احسك غريب مو ذاك عادل الاعرفه ودوم اضحك وياه.. كال لا ماكو شي بس شوي دخت.. تعرفين هوسة الخطبه والناس.. كتله حقك اني هم دخت.. كملت الخطبه.. راحو وهوه بس هلكلمات كالها ماحجه بعد ابد.. يمكن صدوك تعبان.. بدلت البدله ومسحت مكياجي.. ورحت الغرفتي مختنكه.. بس اريد ابجي.. ما اعرف ما احس بسعاده او طعم الفرح.. كلها تركص وتغني واني كلبي يبجي.. وحته عادل محاول يحجي ويايه كلمه وحده.. يريح بيها نفسيتي.. بقيت ابجي ابجي لحد ما نمت.. اجت بليل ماما كالت تعالي تعشي.. كتلها ما اريد.. بس كمت صليت ورجعت نمت لثاني يوم.. ما عندي حل لهمي.. غير انهزم منه بنومي.. مر اسبوع وعادل لا خابر ولا اجه.. سألتني ماما.. عادل يخابرج.. كتلها لا.. كالت ليش.. كتلها اني اصلا مطفيه جهازي.. كالت ليش كتلها سيمكارتي.. توقفت خدمته مابيه رصيد.. كالت حتى لو ..جان اتصل عله واحد من عدنه وطلب يحجي وياج.. خابرت امي على عمتي.. كالت مستحي ويريد يجي هليومين.. كالتلها هلا بيه.. وفعلا وره يومين.. هيج اجه بدون موعد.. اندكت الباب.. كالو عادل اجه.. لا لابسه لا محظره روحي.. اصلا واكفه دا اغسل مواعين.. رحت ركضت بساع..غيرت لبسي.. وحمره ومكياج علسريع خفيف.. وعطرت.. فتحت الباب دا اريد انزل.. صار بوجهي عادل.. كتله هلا عادل.. كال هلا سمر.. كتله ننزل لو وين ترتاح.. كال خالي كال اصعدلها بالغرفه .. كتلها هلا بيك.. دخلته بأرتباك.. الغرفه هوسه.. لان بدلت بأستعجال.. ملابسي النزعتها علسرير.. والملابس كلها مطلعتها من الكنتور.. لما اختاريت البس.. كمت امشي واعزل وابتسم بوجها.. واحس العرك يصب من الخجل.. كال تعاي كعدي شجاي اتسوين.. كتله اسفه.. بس الفرفه شوي مهوسه.. كال عادي عادي.. تعاي.. كعدت.. باوع بعيوني.. كال ليش وافقتي عليه.. عقدت حاجبي.. كتله ليش انته مقابل على هلزواج.. كال اني جاي اسئلج الج جاوبي.. كتله.. لان اعرفك واعرف اخلاقك.. كال جنت معتبرج مثل رنا.. كتله الله شاهد اني هم نفس الشي.. كتله يعني هسه متريدني.. ابتسم.. ومد ايده يبعد كذلتي عن عيني.. كال لا ليش ما اريدج.. وين الكه احسن من بت خالي.. بقى يبعد بشعري.. اتقرب يشمني من ركبتي وبوسني ابتعدت.. عادل هاي شدسوي.. مو وقت هلسوالف.. احجي وهوه بعده يحاول.. بعدته حيل.. وخرررر.. كال شبيج.. مو صرت رجلج.. مو لازم اعتبرج مو اختي.. خلي عيني تشوفج بغير نظره.. كتله بس مو هيج.. كال لعد شلون.. كتله بعد وقت.. كال وشنو اليمنع.. مكايلج اريد اخذج هسه.. فقط دا ابوسج.. وهذا حقي.. ميصير تمنعيني.. كتله عادل شبيك.. اول شي خل ناخذ على بعض.. تره بعدني متعودت عليك.. لسه احسك.. عادل ابن عمتي الخبل.. ممستوعبه انصير زوجين.. كال سلميني نفسج وراح تتعودين.. كتله صعب عادل مو وقتها.. تره هاذي اول جيه الك بصفة خطيبي.. كال اني مناوي اطول بالعرس.. حنتزوج بساع.. لذلك اريد اتعرف عليج.. وبصراحه.. يمكن كايلج من اني تركت حبيبتي وامي منعتني منها.. لذلك اريد انساها بيج.. اتقرب يمي اكثر..

[@roqaia333]

وخله عيونه بعيوني ويمسح بشعري.. كال سمر نسيني.. ما اريد اتذكرها.. اريدج انتي تصيرين كولشي.. واتقرب بوّسني.. بقيت جامده بين اديه.. ما اخفي شعور حلو حسيت بيه.. هوه مستمر.. تفاعلت وياها.. هوه ثار اكثر.. ابتعدت.. ضحك.. كال لا لتخافين.. مراح اتعده الحدود واطلب شي متكدريله.. نبقى هذا حدنه.. يربي شكد خجلت.. من بوسني نسيت هوه عادل.. بس من باوعلي شفت بيه عادل اللي اعتبره اخ كل هلسنين.. شعور مخجل.. عدل ملابسي.. ورجع كعد عدل.. كتله انزل اجيبلك عصير.. كال اني ما اريد كولشي غيرج.. كتله عادل كافي.. تلحك وره منزوج.. كال حلاة هذي الشغلات بالخطوبه ويغمزلي.. بعد الزواج تصير ممله.. كتله هاي شدتحجي عادل عيب.. جرني وليمه وكال تعااااي بعد اني رجلج كلمت عيب بيناتنا انسيها.. قرب راسه وهمس بأذني كلام.. تخبلت.. نفرت من مكاني.. كتله مستحييييييل.. عادل شبيك.. تره احنه مخطوبين ممتزوجين.. وهسه كتلي ما اتعده الحدود نبقى هيج.. كال واني مكايلج شي.. لتخافين عادي تره .. كتله عادل دتضايقني.. كال هااا.. اوك براحتج.. وراد يكوم.. انوب دار وجه.. كال العرس اريده بعد اسبوع.. وامي رافضه.. كتله ليش بعد اسبوع.. كال ما احمل اريد اتزوج وانتي مو قابله اطاوعيني.. خل نتزوج هم تمنعوني.. كتله براحتك.. كال باعي سمر.. اني ما اريد العرس هوسه وموسيقى اريده بيناتنه.. لان صراحه ما عندي فلوس.. حاليا كاعد من الشغل.. وهاي الفلوس بدل منشمرها علعرس.. نستفاد منها بعد العرس.. شتكولين.. كتله بعد احسن اني هم ما اريد زفه وهوسه اتضايق.. كال خوش لعد.. راح اخبر اهلي بقرارنه.. وانتي هم خبري اهلج العرس بعد اسبوع.. من كال هلكلمه.. انقبض كلبي.. وهزيتله راسي.. اجاك الموت يا تارك الصلاة.. قرب موعد محاكمتي علسويته طول هلسنين بنفسي.. عونك يارب.. راح عادل.. وكلت لماما.. كالت شنو السالفه.. دفانة عجوز بساع بساع.. شورانه ليش هيج مستعجل.. كتلها ماما مو تردين تخلصين مني وتزوجيني.. وهاي راح اروح بسرعه.. كالت اريدج تتزوجين اي.. بس غير اريدج هم تنسعدين.. كتلها خلاص اني مو هامني شي.. عادي.. كالت لعد خل نروح نصبغ شعرج.. رحنه اني وياها للصالون.. امي تكولي ميشي.. كتلها ما اريد.. بس صبغ.. صبغت لون اشقر زيتوني.. كولش حلو صار لونه.. ورجعت للبيت.. انوب ثاني يوم اجت عمتي.. انطتنه فلوس الصبغ.. مقبلت احنه نصرف.. وانطتنه مبلغ مادي جيد.. اشتري بيه نيشان ملابس.. رحت للسوك اني وعمتي وامي.. اشتريت ملابس طلعه وبيت وسيتات نوم ومكياج وعطور وووو شغلات العرس المتخلص.. وماما.. هم اخذتلي 7 قطع قماش.. ودتها للخياط.. اخذ مقاسي.. وفصلهن.. بعد 4 ايام جابوهن.. فصالهن رهيب.. كملنه ترتيبات العرس.. اشتريت الغرفه انـّ'ℳέ'ـّيٌ وعادل.. كولش حلوه والبردات والفرشات.. كملنه كولشي.. اجت يوم الحنه.. وكنت لابسه فستان وردي.. بس الفرحه لسه ما حسيت بيها.. جمت متانيه عادل يحنيني.. عادل ما اجه.. اجو بس اهله.. كال حنو اصدقائه.. وبقى وياهم.. ضجت.. يعني مبدله ولابسه فستان حنه المن.. غير يشوفني بيها.. بس صوروني.. ثاني يوم العرس.. هم نفس الشغل والصالون والهوسه.. هلكت لحد ما كالو اجت الزفه.. والله وكأن كالو اجه عزرائيل مو زفة عرسي بكد مخايفه شراح يصير بيه.. للحظه مرت على بالي كل هلسنين.. شلون غلطت وشلون حبيت اركان.. وعفته واوافقت على عادل.. قطع شرودي.. عادل وهوه يكعد يمي.. نتبهت لهوسة العرس.. واني منزله راسي ابد ما رفعته.. اخذونه زفونه.. انوب نزلونه للتصوير.. ورجعونه للبيت.. بعد الزفه والعشا وهسوالف زفونه لغرفتنه.. وهنا خلص دمي.. لو انذبح ما يطلع مني قطرة دم.. مثل المسجون ويتاني حكمه.. شنو افراج لو اعدام... يتبع

[@حسونء-ب1ش]

شكد قريت قصص مثل هاي القصه ماشفت من قهر وبكاء واهانه وذل الله يساعدج يا سمر وبكر القوي والصبور وقصه الثانيه هم قريته قصه زينب وغصون الله على زينب على الصبر الشافته ويه عياله مشكورين على القصص والتوعيه

[@zahra1942]

ماكو كلمة توصف جمال قصة وگد الحزن ودموع البيهة وماكو كلمة حلوة تكدر توصف شهامة بكر الي شاهر سيفة ضد كل الناس واهم شي عندة حبيبتة سمرتة سمسمتة ههه حبيتهة كلش

[@اوراقمبعثرة-ي4ص]

بكر حبه وعشقه السمر ولا بالخيال موجود الله يسعدهم هنيال سمر بحبه القصة روعة واتمنئ يستفادون من اغلاطكم بحياتكم

[@اسراءالساعدي-ز2ح]

الله الله الله الله عاشت ايدج كاتبتنه الرائعه على هاي القصه باحداثها المبهره وبابطال القصه ولا اروع

[@اسطورهالأحزان-ظ5ح]

قصه حيل حلو وتتحلى بصبر والحب ياريت اكو ناس مثل بكر تحب بعفويه وصبر واخلاقه بس شغله لو بكر متخلي عن هل الكبريائك مكان الى صار اتمنالكم الموفقيه حياة سعيدة

[@lio-ck8rg]

روايات Hkخليلي قلب اريد القصه تنفتح فدوه

[@كاسبرتو]

واو قصه كلش حلوه اتمنه تتحله كل شخص يحب بنيه ويزوجه القصه كلش حلوه وني اثريه ع البرنامج قصص عراقيه كلش حلوو تابعو احلا

[@مصطفىيوسف-ل7ن5ث]

الله عل قصة تجنن الله يسعدهم سمر وبكر

[@عليرعد-ث6ج]

قصه تخبل ويا ريت لكل يقراهه لان بيه هواي عبر وبالنهايه اتمني لسمر ولبكر لحياه لسعيده لبعيده عن الدموع لان خطيه هواي اتاذوا

[@مرتجاالجنابي]

يبووووو قصه رهيبه والله تعلمته هواي عبر النا وبناتنا ياروحي الله يسعدك ويسعد حبيبك الوفي المفروض يسوون جوائز للعشاق الوفييين والله جائزة نوبل الا اوسكار قليله بحقكم على صبركم أما بالنسبه الأهل ليش يحرمون الحلال بصيغة العيب بنته تخلص من قانون الحياة الفاشل الي دمر أرواح شباب الف تحيه للكاتبه والشاعر على القصه وكلمات الشعر

[@lovebutterfly2307]

الله يكون بعونكم ويارب سمر وبكر يعيشون احلى ايام حياتهم بعد الي شافوه من اجمل واحلى القصص الي شفتها وبيها توعيه للبنات وحيييل بجيت من كل كلبي ولا تيئسوا من روح الله❤

[@user-iu8ygdfgggz]

قصة بيها عبرة كلش قوية مبدعة حيل

[@banalkhfaji324]

احلى قصه تجنن عاشت ايد الكاتبه

[@f__6a1]

*كلش حلـِۈۋ‏وھّ القصه.... بسبب غلط م̷ـــِْن سمر بالمراهقه اخذت عذاب ... بس نهايه سعيده وحلوه بعد كل هل العذاب 🥺🙂*

[@عاشقةالورود-ث4س]

القصه تخبل والله كملتهاا ودموعي تجري النهاية تخبل والله وخصيصآ بكر مانها حب السنين وضل على وعده والله خلاهم ينجمعو اللله والله حلو عشك وحب بكر ل سمر

[@asaorhasn8442]

تعرفون انو اني لبين مقريت القصة لحد منتهت اتخايل احداثهم ودموعي تجري ولاكثر ع بكر يارب انطينة واحد مثل بكر امين هيج يخاف ويحب فديتة الله يحفضهم

[@retagmuhammed8070]

ايي ولله العضيم مثلي. حتة امشي ونام وني ضايجة.

[@حسينيالهوى-ي7غ]

هو هذا الرجل يقدم كل ماعنده واغلى ما عنده للطرف الثاني ولا يلكه اي مقابل لهذا العطاء من الطرف الثاني 😭😢

[@احمدمهدي-ز6غ]

القصه اتجنن وحزينه وبيهه وعي للبنات عاشت ايدج على هاي التوعيه حبيبتي واني كلش سعيده لان النهايه جانت كلش حلو بعد الصبر الله ماينسه عبده بس يرادله صبر بس الصبر صعب بس بلاخير اكلج احنه العراقيات تعلمنه ان الصبر مفتاح الفرج يا رب السعاده لكل بنت والله يبعدهه عن الحرام تحياتي للابطال وللكاتبه🥰🥰🥰

[@صلواعلىالنبي-ض1ث]

صلوا على النبي صلى الله عليه وسلم استغفر الله العظيم واتوب اليه 🤲🏻🤲🏻

[@صلواعلىالنبي-ض1ث]

صلوا على النبي صلى الله عليه وسلم استغفر الله العظيم واتوب اليه 🤲🏻🤲🏻🤲🏻

[@هاتاكيكاكاشي-ص2ط]

والله بالله وكف كلبي بس حلوة كل المشاعر الي ايعشه الانسان بهاي القصة

[@هيئةمددياعليع]

القصه تجنن ونهايتهااا كلش حلـِۈۋ‏وھّ نجمعوو بكر وسمر ومن صدك •اللّـہ̣̥ يجمع كل اثنين يحبون بحلال حتى لوو طالت الايام والمسافات بينهم اكيد يجي يوم ينجمعوون

[@fatimasamir405]

وين نهايتها ؟

[@ranooda15]

يربي شكد حلوه هل قصه تعلمت منها هواي شغلات اتمنى من كل بنيه خصوصا بعمر المراهقه تاخذ عبره من سمر وتتعلم من اخطائها حرفيا تعلمت هواي شغلات واهم شي انو شما تضيق عليك الدنيا تاليها تدور وكل ساق سيسقى بما سقى وربنا ابد مينسه عبده ولازم الشخص يتقرب من رب العالمين ويرضه بكل شي مكتوب لان هوة خير اله رب العالمين ميضر شخص وكل شي بهاي الدنيا مقدر ومكتوب حتى ننسعد بي واذا مو بالدنيا بالاخره لان الدينا دار فناء يارب بجاه اسمك الاعضم تحفظ بكر وسمر من كل شر وكلمن شاف تعليقي يارب ميمس كلبه غير الفرح❤❤

[@رينادعلي-ظ4ش]

القصه تجنن وكيفت اني من احمد انسجن لو ينحكم دوا وعادل عسا راح لا جاء

[@FatimaFatima-vd2wz]

القصه اجنن واني الي احس بوجع بكر اني همين احب ابن عمتي من طرف واحد صارلي ٤ سنين واني متاذيه واحس كل روح مابيه واريد من الله مثل ما جمع بكر وسمر سوه يجمعني بالي احبه فدوه ادعولي والله متعذبه

[@أسامةأسامة-ض5ع3ج]

حياتي لتتاملين عالفاضي اني انصحج شوفي من تحبين شخص حتة لو هوة يحبج لازم احد ايفاركم اني حبيت شخص أكثر من روحي علاقتنة سنة إلا شوية بس يعني علاقة بريءة الحد يومنا هاذا مشايف صورتي أو شكلي اجتي امي خربت كلشي أو اليهسة اتاذة هاي تقريبن راح اصير سنتين اني يومية باليل ابجي لأن حب مراهقة اتندمت حبينة أو اني عمر صغير بس امي كل مشوفني اتهددني اتكل الأبوية بس حبي ما اكول غير اللة يجمعكم وتكوين من مصيبة ويحبج بجاه النبي محمد صلى الله عليه وسلم ☘️☘️😓😓

[@kawthar-n1x]

الله يجمعكم سووه يارب. حاسه بيج يكلبي. الحب من طرف واحد. عذااب اقسه انوواع الحبب 😔💔

[@الملكالملك-ي5غ]

بالتوفيق ورد والله يساعد كل عبد مظلوم وعلى الله فليتوكلو المؤمنون

[@مقتدىمقتدى-ط6ص]

قصة جميلة معبرة جدا

[@وردهوردةالنرجس]

الله الله ربي يحفظكم قصة اكثر من رررااائعه وابكتني 😔😔💔

[@حسينيالهوى-ي7غ]

عمت عيني على بكر هذا نموذج عن الرجل اللي يقدم النخوه والشهامه والوفاء والتضحيه والاخلاص والحب والحنان والعواطف وكل مايملك للطرف الثاني ولا يلكه اي مقابل لكل هاي التضحيات من الطرف الثاني 😢😭

[@user-iu8ygdfgggz]

ربي يوفقهم ويسعدهم دنيا وآخرة

[@sarasadam1114]

جاري المشاهدة 😍 اكيد القصة حلوة مثل باقي القصص بقناتج 😍❤️❤️❤️

[@NoorNoor-ty4bk]

12:21 اني همزين من عمري ١٢ اعرف العاده السريه بس بعمري ماسويت هاذ الشي ومنتبهه عله نفسي كلش زين بدون امي علمتني لا أمي مثل صديقتي 🥰🥰🥰💗

[@user-folish99]

سامعه بيهه لله يحمي الجميع انشالله

[@NoorNoor-ty4bk]

@@user-folish99 الله يستر عله كل بنيه والله يستر كل عريان بس كولي امين حبيبتي 🥰🥺💗💗

[@user-folish99]

@@NoorNoor-ty4bk امين انشالله

[@sajadesajade9430]

أنا بنت والله بس ما بعرف شو هي العاده السريه

[@NoorNoor-ty4bk]

@@sajadesajade9430 حبيبتي كتبي عله اليوتيوب ماهي العاده السريه وتطلعلج اوك حبي 😊😊💗

[@نازكه-ظ2ز]

بكر شخصيته تجنن اويلييي نيال سمر علي ولله

[@كرارالحلاوي-م6ع]

صار اسبوع اقرا بالقصه متت بس احلا قصه مرت عليه

[@hassanandail1361]

الله الله عليك ياذهب رواعه دايما أحبك واعشقك واموت عليه القصيص المذاهله بل توفيق انشاء الله احبك موت مثل حب بكر و سمر واكثير ❤❤❤❤❤❤❤❤❤❤❤❤❤❤

[@اميالغاليه-ط4و]

عاشت ايدج ياحلوه القصه روعه والله والف مبروك السمر والبكر ربي يوفقهم لان كلش تعبوا وتأذوا بس الحمد لله نجحوا بحبهم ربي يسعدهم

[@aishamuhammad6150]

موقصه ضيم بس عاشت ايدج عليهه ❤

[@hamhamch]

حلوو عاشت ايدج💐

[@roqaia333]

وايدج العايشة يروحي منووورة القناة بوجودج الجميل 😍😘❤️❤️❤️❤️❤️

[@شكثرزيناتالمايسوهسويت]

خليلي ❤️قلب

[@delal123]

يعني من صدك الله يعينكم انت بالاساس ويعين بكر ابو قلب الطيب والحنين ويعين حتى عادل لان هو هم انظلم ويعين اهلج . بجيت وبجيت عليج من كل كلبي والف الحمدلله والشكر من رب العالمين عوضكم وان شاءلله الحياه السعيده وينطيكم على كد نيتكم والله يرحم عادل .

[@عليعلي-س7ب6م]

يمكن أكثر قصه تعلمت منه 😊😊😊😊👍👍👍👍

[@dr-noorazhraa5687]

جمال هذه الراوية وحبي الشديد للقصص والكاتبة المبدعةة ثانكس حتى بهذه طالعة على الماما بيها جدا تحب القصص 👌🤗 هذه هي القصص الي تكون عبرة كبيرة ومفهوم للحياةة ودروس الواقع لاغيرر وكلنا حياتنا حكاية ولكن تبقى النهاية سعيدةة بإذن الله من يدري في يوم من الايام اكتب قصتيي نعم كول شيء وارد وشكرا جزيلا

[@خوخة-و2ظ]

سمرر روحك كبالك يا بكر عيش عيش وعوفنه بكد ما نعشك الكون ثلثين الولد كالوها عل خال أذن.......؟ كملو

[@ll0ph]

اذن ثلثين انت ع لي يوافون 🥲😂

[@qwsayhatam3223]

احلى قصه

[@jjdkdjfjfkf6763]

قصة رائعة وهادفة

[@اليمامة-س5ر]

اجمل قصه حزينا وسعيد تحياتي 👏👏👏👏👏⚘

[@محمدمدمر-ذ8ط]

القصه اكثر من رائعه وانا قاريتها كلها تخبل انصح بقرائتها

[@جروحلاتشفى-ز6ج]

فدوه اروحلج جاوبي وين الكه نهايه تموت سمر لو لا

[@احبك-ظ9س]

@@جروحلاتشفى-ز6ج لا يمعود شتموت ازوجت بكر وخلفو هسه عمرها صار بالثلاثين

[@جروحلاتشفى-ز6ج]

@@احبك-ظ9س تسلم اخويه

[@احبك-ظ9س]

@@جروحلاتشفى-ز6ج برسم الخدمه 🥰

[@snoodafg6149]

@@احبك-ظ9س وين اني شفتهه بالوات باد لحد ما اخر شي نطت رساله لبكر وطلعت وانتهت القصه 🥺

[@خالدخسرج-ف1ه]

اموت عله هل قصه بیه حزن او حب

[@وردهوردةالنرجس]

ربي يديم ويحفظ صاحبة القصه والناشر القصه والشاعره استمروا بنشر هكذا وعي للبنات وحته الاهل ربي يوفقكم لكول خير بس ليش خليتوني ابجي عيون ودم مابجيت دموع ربي يحفظ سمر وبكر ادعيلهم من كول وكلبي وسلامي للجميع

[@ڪتڪُوتھہ-ز5ه]

فدواا الله يخليج شصار بنهايه ازوج بكر لاا 🥺💔

[@Ilkontesssa]

@@ڪتڪُوتھہ-ز5ه اي ازوجها

[@ندىالصباح-ر8و]

قصه اوففففف كلبي 👍👍👍😘😘😘😘♥️♥️♥️ مبدعه

[@user-ip5dk1ck9x]

ما اعرف بشنو اعلق كل الكلمات قليلة بس اكول انت مبدعة بمعنى الكلمة

[@تباركطارق-ط7د]

واو واخيرا التقم

[@شَهد-و1ب2ن]

نفس بداية قصة سمر أنا هم خايفه من الغشاء لنفس السبب وزاد. خوفي 💔

[@mariam-s9y5y]

احله قصه سمعت بكل حياتي الله يخليهم لبعض ♥♥

[@عشقعشقالانتظار]

والله ألف لايك تستاهلي بس شبعت بجي

[@fhhgh1485]

صح اخيرا صارو من نصيب بعض وهذا الشي اكيد فرحني لكن ما بارك المجتمع هذا الشي الا لما عادل اختفى من الوجود والا مثل هيج حب سيبقى عشقا ممنوعا مدى الحياة

[@howraahori570]

تم الختام بنجاح بعدة معاناة اسبوع ههههه بالقرايه بس حلوة القصة

[@bano98]

فدوووه ممكن تكليلي وين لكيتي التكمله هو لحد مارجعوا من السفر علمود العمليه مال عين بكر وانوب العمه كلتلها اني كاشفتج ولحد هنااا وبعد ماكو تكمله عندي

[@الوردهالبيضاء-ظ2ت5ض]

@@bano98 تكملة بااول تعليق

[@kawthar-n1x]

@@bano98 واني بيوم اكملهه 🌚😂😂

[@انينالصمت-ك1ل]

قصة مدمره ياربي شكد بجيت اقرءه الاحداث وابجي ..والسبب وراء دمار البنيه الصديقة السوء الله لايوفقه لان دمرت البينه خطيه ..والاهل طلعو كسره مو سند المفروض ..مارحمو بيه لااهله ولابيت عمته ولازوجهه طلعو دمار الهه ..😔😔

[@umahmed9475]

يعجز اللسان عن وصفك يامبدعة..الف مبروك يا سمر وبكر ربي يسعدكم طول العمر ومتشوفون مكروه.ويملي بيتكم باولادكم الحمد لله صبرتو ونلتوا لان صدك الصبر مفتاح الفرج.والله كلبي خلص عبالي بكر ميتزوج سمر بعد هذا القهر والالم .الله ينتقم من كل شخص أذاهم.هذه القصة عبرة لكل ام حتى تنصح بنتها وتكون صديقة الها وتعلمه وترشده.

[@روزالساعدي-ظ8ذ]

شون يتزوجها وهيه زوجه اخوه😦

[@umahmed9475]

@@روزالساعدي-ظ8ذ لا مو زوجة اخوه طلكه

[@النت-م4ك]

اووووف شحجي شكول قصة كلش حلوة بيهة عبرة للبنات الراهقات وهواي اشياء ..... 🖤ماكول بس الحمدالله والشكر والله يهديهم البعض ويسعدهم

[@قمرفياليلةهادئه]

شكرا الج على هاي القصة الجميله وشكرا البطل والبطله انتي مبدعة جدا استمري اني حبيتهه حيل شكرا الج مره ثانية💖💖💖💋💋💋

[@roqaia333]

🥰😍💖💖💖

[@اليمامة-س5ر]

اجمل قصه حزينا وسعيد تحياتي

[@عبدالقادرشعبان-ب5ز]

كملي الجزء الثاني عفية حطيلي لايك من تنزلين

[@FatimaAli-b1o]

اشكر صاحبه القناه على هاذي القصه فعلا قصه حلوه وتحوي كون افكار وعبر اتمنالج التوفيق عمري

[@lio-ck8rg]

رويات Hkح

[@مصطفىالكاظم-ب9د]

والله امنيتي التقي بسمر وبكر حبيت القصه كلش

[@نوراللهنورالله-ث5د]

اكو تكمله لهاي القصه لتن مكتوب يتبع. بس القصه بعيده عن اغاني حسين البصري

[@منوعاتاموسن]

جميل جداً

[@اميرهفيبيتزوجي-ه8ص]

شيبتني هايه القصه طبعن اني قاريته بل بيج بيه هوايه قصص دمار

[@zanab435]

كلش حبيت القصة ياريت سمر تكتب النة تعليق ونعرف شلون أحولها هسة وربي يبارك بحياتهم صح تعذبو هواي بس الحمدلله نجمعو 😭

[@leetleermohmid7336]

اوففف والله متت بجي عليه والله تقهر الله يساعده وبكون بعونه

[@حيثالفخامہ]

القصه دمارررررر نزلينه بعد جزء ثالث تخبللللللل🤡😁💜🙏

[@الملكالملك-ي5غ]

والله القصة تجنن بالتوفيق 🌷🌷🌷🌷🌷👍

[@alibabe9353]

وين الفيديو مالت علي على مودك اللي يتصل بي بكر و سمر أنطوني رابط الفيديو بلا زحمة 🧡

[@Mohamed-mk1mq]

فدوه كمليه اريد كمل القصه اريد شوف سمر على ضيم يامن تصفه اكو هجي حب هلا وكت هذا

[@fatoma_1_793]

تدرين تقريهة كامله من اول بارت للاخير على الواتباد اذا تعرفي او تقري من الكوكل

[@مكتبتانكوالاتصالات-س8ث]

القصه اتخبل بس لامو الكتابه ضميره بالتعليق راحت عيونه الا خليت قطره للعين راعو اكو ناس نظرهه ضعيف

[@بنتالبصره-ذ9ط2م]

بليز كملي الجزء الثاني

[@كرارحسين-ذ3ش4ق]

القصه كلش حلوه لأن بكر وسمر بعد المصاعب الواجهتهم ردو سوه والله من عافته ضليت اب😭😭😭😭جي على بجيهم

[@user-nb8cc5sf5i]

حلوة القصة شوكت التكملة مو طولين علينة احنة بنتظارج

[@احمد-ح3ط3ط]

جااا بعد اكو تكملة مو خلصت

[@bano98]

@@احمد-ح3ط3ط لا بعد اكو جزء ثاني

[@حيثالفخامہ]

ضًـحـڪاتـي لَـوٌ ڪـلَهـنِ صّـدٍك چـٰـأ صّـٰرتٌ رب ألَعـأفٕـٰيةة"🕊🍭"⇣❥تـــاليــها ڪــل هــذا الـ؏ـمــر يخـــلص بســـوره فــاتـحــه🚬ـ💔⃢ دموعي وشهكاتي غير عمري مباجبه هيج صدك نهاريت 💔😭😭😭

[@حسينيالهوى-ي7غ]

سوده عليه 😭😢

[@ayoamm9481]

😥😥ياررب الحمدلله والشكر سامحنه يارب ع كل غلط تعلمت هواي شغلات منها اشكر الله وتسلمين عل قصه 😢💔

[@قمرفياليلةهادئه]

راح تحبه الله ياريت اكو واحد مثل بكر

[@ghadeersalim5154]

شبعت بجي والله

[@عنيدهوگلآمَيےّماعيده-ي7م]

حلـِۈۋ‏وھّ القصه بس نريد فصليه

[@صاحبةالسعادة-و6ق]

مو قصه ضيم 😂

[@بنتالبصره-ك9ك]

براسه ٦٠ حض

[@Narjes99]

الجزء الثاني حبيبتي بلكت التكملة

[@جمڕۿۂ-ص9ع]

حلو

[@نبأ-ذ9ت]

بس اريد اعرف هاي القصة حقيقة لو تأليف من الخيال 🙂🙂🌹

[@جوريالعابدي]

يله كمليه فدوة

[@za_r8]

ااااخ يا سمر وبكر شسويتو بيه يومين اني ابجي من وراكم ادعولي اهلي يوافقون ع حبيبي لان اكو رفض من اهلي وادمر اذا ما ازوجه والله 🥺💔؛.

[@لااحديفهمنيسوىخالقي]

طمنيني ازوجتيه لو لا

[@دمعةحزن-غ4م]

قصه مؤلمه

[@noorkaermkaermnoorkaermkae8333]

نريد جزء ثاني

[@roqaia333]

نزلت الجزء الثاني ❤️

[@مااعرفشنوالصحوشنوالخطأ]

@@roqaia333 انطيني الرابط

[@رياحينالجنه-ذ6ظ]

قصة روعه تسلمين حبيبتي

[@ياحسين-ث2خ9ح]

القصه قريت نصها غلئ الواتباد وهنا النص الثاني بس مااعتقد كامله ممكن الرابط

[@حيدرالأمير-ذ3ي]

هاي مكركه ياخي متت علما خلصت😱😱

[@Mohamed-mk1mq]

فدوه اريد اعرف شنو نهايه القصه الله يخليج كولي شنو نهايه سمر شكد حبيت القصه

[@نورحسين-ط5ع]

أّلَقِصهِ ګلَشٍ حٌلَوِةّ أّنِيِّ خَأّتّمَتّهِأّ عٌ أّلَوِأّتّبِأّدِ

[@فرحفروح-خ4س]

بلازحمه شنو الواتباد ووين

[@نورحسين-ط5ع]

@@فرحفروح-خ4س لآ حبي برنآمـج قصـصـ يخبلللل گلشـ حلو آسـمـآ وآتبآد

[@نورحسين-ط5ع]

نزلي وشـوفي آشـگآل آلقصـصـ وآني آذآ تحبين آنطـيج قصـصـ هہمـ آتآبعهہمـ

[@muradmurad3882]

بربج تمت قهر والنبي هيا لو إني جان حركاتهم واللله

[@محمدمحمد-ر1س3ض]

هل قصه تجننن واني قاريته واعرف نهايته شنو تابعوه القصه فيها حماس وهمات كلش حلوه

[@mohammedm5405]

رجاءاااااااا كولولي نهاية سمر. ويامن تصفى

[@محمدمحمد-ر1س3ض]

@@mohammedm5405 تصفه ويه بكر لكن بعد معانات كومه بس اخر شي واخيراا اكون ويه بكر

[@zahraaabdalhadi5071]

اني بعد مكملت القصه بس عندي فضول اريد اعرف نهايتها ينجمعون هي وبكر لو لا؟ 😿😿

[@وردةالياسمين-ي7غ]

سؤال :حكايه سمر هل هي حقيقيه؟ وكذلك بقيه الروايات لزينب ماجد؟لو نسج من الخيال؟

[@roqaia333]

زينب ذكرت انه قصصها حقيقية وكانت تتواصل وية البطلة سمر بس اكيد تضيف مشاهد منها حتى تشد القارئ

[@وردةالياسمين-ي7غ]

@@roqaia333 شكرا للجواب🌸🌸