خايفة احلق للقط بتاعى وقلقانه عليه

[@SamarMoafy]

حلاقة الشعر للقط بتحل مشاكل كتير للقط وصاحبه. يعني مثلا بتمنع مشكلة تناثر شعر القط في كل حتة على الملابس والمفروشات وأي مكان في البيت، كمان بتسهل على القط تنظيف نفسه فمبحتاجش أحميه كتير، وممكن محميهوش أصلا هو بطبيعته ببنضف جسمه، كمان كثافة شعر القط وطوله وخاصة في منطقة المؤخرة ممكن تسبب التصاق فضلاته بجسمه، ممكن كمان يربي براغيث خصوصا لو بيخرج من البيت في جنينة مثلا أو سطوح ويختلط بقطط تانية، كمان لو حميت القط يبقى سهل أجففه من غير سشوار خصوصا فيه قطط بتخاف من صوت السشوار واندفاع الهوا منه، فممكن تخاف من الاستحمام بسبب السشوار أصلا مش الاستحمام نفسه، كمان بيقلل مشكلة إصابة القط بالفطريات لأن جلد وشعر القط بيبقى جاف باستمرار مش رطب ومكمكم بسبب رطوبة الجو. لكن أراعي ان وقت حلاقة الشعر ميكونش الجو بارد ولا حار يعني تكون الحرارة معتدلة، علشان القط يتعود حراريا على الجو بالتدريج ماخدوش من الدار للنار كده فجأة، يعني يكون دفيان وأبرده فجأة، لأني بشيل الغطا اللي عليه فجأة، فممكن يجيله برد. كمان ميكونش وقتها عيان، ولو أنثى متكونش حامل ولا لسه والدة، لأنها لو لسة والدة شعرها بيدفي صغارها، ممكن بس أقص منطقة البطن شوية علشان أسهل على الصغار الرضاعة لو لاحظت انهم بيعانوا في العثور على أثداء الأم، لكن لو متعاملين عادي يبقى مفيش داعي، أستنى لما الصغار يكبروا شوية ويبتدوا يتحركوا ويسيبوها. ففي المجمل حلاقة الشعر خصوصا لو هو طويل أو كثيف لها مميزات، خصوصا في أجواء بلدنا الحارة الرطبة، لأن دي مش بيئتهم الأصلية، القطط طويلة الشعر أصلا قطط مناطق باردة، احنا قططنا الأصلية شعرها بطبيعته قصير علشان يناسب بيئتها.

[@ElSanioura]

الله ينور عليكى بشكرك على مداخلتك المفيده احنا فهمنا كده من خبرتنا وعشرتنا الطويله مع القطط اتا برد دايما بالفيديو ده لان ناس كتير بيكتبولى تعليقات انه حرام وغلط وشكلهم بيبقى وحش هو بس عدم خبره

[@SamarMoafy]

@@ElSanioura فعلا بيكون عدم خبرة وفهم خاطئ من بعض الناس.