اخيرا مشتريات المدرسة والسبلايز💃👏خلاص استعدينا وباقى القليل✨بيتزا الكسلانين🍕وتوست المستعجلين🍞😂

اخيرا مشتريات المدرسة والسبلايز💃👏خلاص استعدينا وباقى القليل✨بيتزا الكسلانين🍕وتوست المستعجلين🍞😂
#مشتريات_المدرسة
#بيتزا_رول
#توست
➖➖➖➖➖➖➖➖➖➖➖➖➖➖➖➖
لينك قناة اليوتيوب
/ alaaamerkitchen
لينك صفحتى على الفيس بوك
/ alaaamerkitchen
لينك حسابى الشخصى على الانستجرام
/ alaaamerkitchen
➖➖➖➖➖➖➖➖➖➖➖➖➖➖➖➖

[@AlaaAmerKitchen]

حبايبى الغاليين ❤❤ يارب كل سنة وانتم طيبين وبخير واولادكم يارب وسنة دراسية سعيدة يارب❤🎉 ده لينك صفحتى على الفيس بوك تابعونى هناك❤ facebook.com/alaaamerkitchen?mibextid=ZbWKwL

[@user-pd6pm2nu9o]

وانتى بألف خير وصحة وعافية وستر وسعة رزق من الله عز وجل وينعاد عليكى وعلى الاسره الكريمه بالخير واليمن والبركات سنه درسيه موفقه للامهات والأبناء يا رب العالمين ❤

[@Reem_diaaeldeen]

الاء انتى تستاهلى يكون ليكى برنامج تلفزيونى خاص بوصفات صحية وسهلة واقتصادية 😍😘

[@Ranya.Home8]

عايزه اقولكم علي تجارب شخصيه أكتشافتها في المطبخ يمكن تستفيدو منها أن شاء الله♥️ * الشاي بالمياه المعدنيه طعمه احلي ولونه اروق * مش بنظف الرخامه غير بالخل بحس اني مطمنه ومامنه لاني طبعاً بحط عليها خضار والخل طبعاً بيقتل اي بكتريا *رشه السكر الخفيفه جداً ع الصلصة بيقلل حموضه الطماطم وبخلي الطعم متوازن * غسيل الفراخ بالخل بيخليها تاخد وقت اكبر في السوا .. * كتر البهارات بيضيع الطعم الأساسي للأكل * لما برش الفلفل الاسود ع البصل وهو نصف تحميره بيخلي ريحته وطعمه شبه اكل امهاتنا زمان * أي اكل بيتذكر عليه أسم الله بيطلع جميل وفيه بركه * تنظيف المطبخ اول باول بيحسسني برحه نفسيه * بحمر دقيق البشاميل بالزيت ولما بطفي عليه بحط معلقه زبده بيبقا أخف اكتر * لما بعمل الكيكه وبحط السوايل ع الجاف مش بقلبها كتير عشان دا بيبقا سبب للفرغات الكبيره اللي جوه الكيكه * السمنه مع الزيت ع الرز بيخليه أحلي بكتيررر من السمنه بس * مش بفرز خضار خالص بعمله طول الوقت طازه بيبقي طعمه أحلي بكتير وكل فويده فيه * رشه الزعتر ع الصلصة بيخلي طعمها رهيب خصوصاً صلصه البيتزا والمكرونة * لما بهدي النار على الاكل وهو بيستوي بيبقي أحلي واطعم * رشه الفانيليا ع اي عصير بيخلي طعمه وريحته حلوه اوي * لما بخلص خليط الكيك اخر حاجه بعملها بحط أقل من ربع معلقه كربونات مع معلقه خل وبحطهم ع الكيك دا بيخليها تنفش اكتر واستحالة تهبط منك * كل كام يوم بغلي مياه في براد الشاي وبحطه في الحوض وبحط فيه معلقه كربونات مع خل بيفور وبينظف البرد الاستنلس من جوه ومن بره كمان * لما ببدا في تنظيف البيت ببدا بالمطبخ الاول * واخيرا وليس اخراً اذاعه القران الكريم في المطبخ سحر للراحه النفسيه وانتي بتطبخي * وجود سبحه في المطبخ .. بتفكرنا بالذكر واحنا واقفين * لو عجبتكم الافكار دي نوروني بالاشتراك ف قناتي المتواضعه فضلا منكم وليس امرا حبايبي❤😍

[@ommaryemhabiba448]

السلام عليكم اهلا بالقمر انا بحب حضرتك جدا وبحب اي حاجه تعمليها واستفاد منك كتير ربنا يجعله في ميزان حسناتك يارب ممكن تتكلمي ازاي تخلي العيال تحب المذاكرة وتسمع الكلام معاكي خصوصا سنه رابعه وممكن تعملي اكلات مفيده لمريض السكر بنتي ٨سنوات ومش عارفه اظبط معاها السكر دعواتك ليها بالشفاء العاجل ولكل مريض مسلم علي وجه الأرض ❤❤❤

[@RetalMohamed-kn3cw]

لا حول ولا قوة الا بالله ربنا يشفيها شفاء لا يغادر سقما السماء

[@MarwaAhmed-vf2eq]

اسال الله العظيم رب العرش العظيم ان يشفيها ربنا يباركلك فيها يارب❤

[@ommaryemhabiba448]

@@RetalMohamed-kn3cw اللهم آمين يارب العالمين 🤲💜

[@ommaryemhabiba448]

@@MarwaAhmed-vf2eq اللهم آمين يارب العالمين 💜🤲

[@Ranya.Home8]

✅️ الشاي بالمياه المعدنيه طعمه احلي ولونه اروق ✅️ مش بنظف الرخامه غير بالخل بحس اني مطمنه ومامنه لاني طبعاً بحط عليها خضار والخل طبعاً بيقتل اي بكتريا ✅️رشه السكر الخفيفه جداً ع الصلصة بيقلل حموضه الطماطم وبخلي الطعم متوازن ✅️ غسيل الفراخ بالخل بيخليها تاخد وقت اكبر في السوا .. ✅️ كتر البهارات بيضيع الطعم الأساسي للأكل ✅️ لما برش الفلفل الاسود ع البصل وهو نصف تحميره بيخلي ريحته وطعمه شبه اكل امهاتنا زمان *✅️ أي اكل بيتذكر عليه أسم الله بيطلع جميل وفيه بركه ✅️ تنظيف المطبخ اول باول بيحسسني برحه نفسيه ✅️ بحمر دقيق البشاميل بالزيت ولما بطفي عليه بحط معلقه زبده بيبقا أخف اكتر ✅️ لما بعمل الكيكه وبحط السوايل ع الجاف مش بقلبها كتير عشان دا بيبقا سبب للفرغات الكبيره اللي جوه الكيكه ✅️ السمنه مع الزيت ع الرز بيخليه أحلي بكتيررر من السمنه بس ✅️ مش بفرز خضار خالص بعمله طول الوقت طازه بيبقي طعمه أحلي بكتير وكل فويده فيه ✅️ رشه الزعتر ع الصلصة بيخلي طعمها رهيب خصوصاً صلصه البيتزا والمكرونة ✅️ لما بهدي النار على الاكل وهو بيستوي بيبقي أحلي واطعم ✅️ رشه الفانيليا ع اي عصير بيخلي طعمه وريحته حلوه اوي ✅️ لما بخلص خليط الكيك اخر حاجه بعملها بحط أقل من ربع معلقه كربونات مع معلقه خل وبحطهم ع الكيك دا بيخليها تنفش اكتر واستحالة تهبط منك ✅️ كل كام يوم بغلي مياه في براد الشاي وبحطه في الحوض وبحط فيه معلقه كربونات مع خل بيفور وبينظف البرد الاستنلس من جوه ومن بره كمان ✅️ لما ببدا في تنظيف البيت ببدا بالمطبخ الاول ✅️ واخيرا وليس اخراً اذاعه القران الكريم في المطبخ سحر للراحه النفسيه وانتي بتطبخي ✅️ وجود سبحه في المطبخ .. بتفكرنا بالذكر واحنا واقفين ممكن تنوريني ف قناتي المتواضعه بالاشتراك حبايبي❤❤❤

[@eh7651]

الاء انا عملت الجبنه الكريمي طلعت زي البشاميل طعمها

[@رغوود-ر7غ]

ربنا يجعلها سنه سعيده علي اولادك واولاد الجميع يارب ❤

[@Ranya.Home8]

معلومات مهمة ومفيدة فى المطبخ ١_ لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه👌 ٢_ اى حاجه على النار عاوزين تزودوها ميه لازم الميه تكون مغلية 👌 ٣_ قبل ماتحطوا الكاكاو للكيك انخليه علشان مايعملش تكتلات👌 ٤_ لو بتعملى الكيك بالسمنه اضربى السمنه مع السكر وبعدين ضيفى البيض بالتدريج بيضه بيضه👌 ٥_ لو بتعملى الكيك بالزيت اضربى السكر مع البيض الاول وبعدين ضيفى الزيت بالتدريج👌 ٦_وانتى بتطبخى او بتعملى رز استخدمى سمنه على زيت بيدي طعم احلي للرز 👌 ٧_ محلول النقع بنحط ليمون ماينفعش خل لان الخل بيثبت الزفاره مش بيشيلها👌 ٨_ كمان الخل بيخلى الفراخ تشد الخل بيفرتك نسيج الفراخ اه ولكن بيخليها بتشد👌 ٩_ استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش ١٠_ الخل ممكن نضيفه للكبده للبطاطس معلقه منه على الكيك بيخليها هشة وفى الشاورما اظن كده انتهت اسطورة الخل👌 ١١_ انا بستعمل الخل كمان فى التنضيف وفى القضاء على النمل وبحط شويه على البريل بيطهر الصحون وبيلمع الاستانليس👌 ١٢_ اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه👌 ١٣_ قبل ماتحطى اللبن فى الحله على النار حطى معلقتين ميه لا يمكن يلزق ابدا👌 ١٤_ لو خزنتى الكرنب ورق بعد ماتحشيه اسقيه بشوربه ساقعه علشان مايجلدش👌 ١٥_ ورق اللورا بيساعد على تفتيح لون انسجة الفراخ وبيعطر الفراخ وانتى بتسلقيها ومفيد جدا للعظام والحاله الصحيه👌 ١٦_لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل👌 ١٧_ لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك👌 ١٨_ فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والملوخيه والحليب👌 ١٩_ فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا👌 لو استفدتي م المعلومات تنوريني بالاشتراك فقناتي المتواضعه❤❤❤❤🎉

[@hendmowafy7680]

اللهم صل وسلم على سيدنا محمد وعلى آله وصحبه أجمعين تتهني دايما يا جميل بحبك في الله بالتوفيق اللهم انصر المستضعفين في الارض

[@amiranagah4203]

تسلم ايدك يا حبيبتي وكل سنة وانتى طيبة وبخير ❤❤❤

[@AlaaAmerKitchen]

تسلميلي حبيبتى يارب 🥰🥰 وانتى طيبه وبخير وسعاده يارب العالمين ❤️❤️

[@user-zm2gy9zm5c]

سبحان الله وبحمده سبحان الله العظيم ❤

[@عمرابوالعمايم-م1ه]

عايزة اقولك اللانش بوكس ده كنت جيباه لبنتي من ٣ سنين كده كان ب٣٥ جنيه سعره رفع اكتر من ١٠٠ ربنا يرحمنا والله ووعايش الحمدلله معاها ماشاء الله لحد دلوقتى

[@aseermohamed3684]

يعني. عملي. لاني خايفه يكسر من الناحيه اللي فيها كلبسات مابتتحركش

[@ahmed-ni1mc]

لو الكلبس ضاع لانش بوكس ملوش لازمه كان عندي وضاع الكلبس في المدرسه بس هو خامته كويسه المشكله في الكلبس

[@عمرابوالعمايم-م1ه]

@@aseermohamed3684 والله هو معايا محصلهوش حاجة

[@Ranya.Home8]

روتين مسائي💜👇🏻 🌹قبل ماتنامي شطبي المطبخ من حيث مواعين وبوتجاز وامسحي الرخامه بأي زيت عطري او معطر 🌹لما تغسلي نشري ع طول عشان متكسليش تنشريه 🌹دايما خليكي مجهزه اكل جاهز ف الفريزر زي بانيه متبل كفته متبله عصجي لحمه مفرومه خليكي مسبكه طماطم بدل ماتجهزي وتعمليها 🌹اول ما تنزلي تجيبي خزين البيت هاتي اللي يكفي شهر بس سواء لحوم او بقوليات لو الجو حر عشان متبوظش وكمان كل حاجه تبقي اول ب اول 🌹لما تجيبي فراخ نضفيها وقتها ع طول وجهزيهم ف كياس تلاجه او علب بلاستيك 🌹دايما الحقي وقت ماتلاقي اي خضار ينفع يتخزن او فاكهه وقت ماتكون رخيصه اغسليها وقطعيها وف كياس بقي 🌹دايما كل اسبوع رتبي دولاب المطبخ كله 🌹الترويق اليومي هو انك تروقي الملايات وتكنسي وترشي معطر وتغسلي مواعين 🌹كل ٣ او 4 ايام بغير ملايات السرير ف الشتا كل اسبوع 🌹الروتين الاسبوعي هو بشيل السجاد وانضف الارض تنضيف عميق للمطبخ والحمام ترتبي الدولايب ترتبي التسريحه 🌹كل يوم بعد ماتخلصي كل حاجه لازم تاخدي شاور 🌹الصحيان بدري مهم جدا عشان يومك يبقي فيه بركه وتنجزي كل حاجه🤍 ممكن بقا تنوريني ف قناتي المتواضعه بالاشتراك لو عجبك الكلام الجميل ده🎉❤😅😅

[@EmanHamed-ry4ye]

مشكلة الازازه دي ياالاء أنها للأسف بتتكسر من اقل حاجه خليكي حريصه في استخدامها أنا جبت واحده الشهر اللي فات وقعت من تاني يوم جبتها فيه وقعه بسيطه جدا جدا وكانت فاضيه اتشرخت وباظت

[@redamohammad7194]

فعلا انا جبت واحده وب١٠٠ج وانكسرت للاسف

[@user-gl4hf5db6y]

بسم الله ماشاء الله تبارك الله حلوة اوى اوى اوى البيتزا رول تسلم ايدك وكل عام وانتم بخير ❤

[@EmanRyan-u2k]

الاء بعد اذنك هما اولادك في مدارس تجريبي ولا خاص وممكن تشاركينا بتنظمي وقت المذاكرة ازاي وايه المواد اللي بيحتاجوا الولاد ياخدوا فيها دروس

[@Ahmed44902]

ماشاء الله تبارك الله عليكي يا الاء تعيشي وتعملي الحلو كله بجد انتي رهيبه في المخبوزات ربنا يزيدك من فضله ويوسع عليكي حبيبتى ❤❤

[@Ranya.Home8]

-الجبنه القريش ومعاها حبه لبن وربع كوب زيت وتوابل ونضربها في الخلاط عشان تبقي جبنه كريمي وطعمها جميل 🌺🌺🌺🌺🌺 -اي جبن نحفظها ازاي نغلي حبه مايه ولما يبرد تدوب فبهم معلقتين لبن بودره ونضع فيهم الجبنه وعلي الثلاجة 🍑🍑🍑🍑🍑🍑🍑🍑🍑 -الكوارع هي اللحوم الوحيده التي توضع والماء بارد -عشان نوفر في الغاز اي بقول عدس او لوبيا او حمص نغليهم غلوة ونقفل الغطا والنار وبعد ساعع كدا نفتح عليهم تاني غلوة كدا وهتلاقبهم استووا خالص 🍶،🐡🐡🐡 -اللحمه والكوارع يغلي غلوتين ونقفل عليهم كام ساعه كدا بدون ملح وبعد كدا نولع عليهم شويه وهتلاقيهم استووا خالص 🍜🍜🍜🍜🍜🍜 البشاميل نص لبن ونكمل بشوربه او مايه ومرقه دجاج 🍨🍨🍨🍨🍨🍨🍨 -الكاتشب يتعمل في البيت سهل جدا ،، اضربي 3طماطم وحطيها علي النار ومعلقتين سكر ومعلقه خل وذره ملح 🍭🍭🍭🍭🍭🍭 مرقه الدجاج في البيت دقيق ومايه وتوابل وكركم ونقلب كويس لغايه الدقيق يدوب ونضع علي النار ونقلب وممكن معاها اربع مكغبات جاهزة ونضعها في التلاجه وكل طبخه بمعلقه 🍧🍧🍧🍧🍧🍧 -اعملي دايما الفطير في البيت والمعجنات زي الرقاق والجلاش واللزانيا هتوفر كتير وخاصه الفطار والعشا والوصفه اللى تحتجيها ابعتى لى وانا انزلهالك 🍮🍮🍮🍮🍮🍮🍮 -الكيك اعمليه بالزيت احلي وبيبقي هش حطي معلقه زبده واحده بس ومعلقه خل 🍰🍰🍰🍰🍰🍰🍰- ا في اكلات بتحتاج اقل من نصك يا لو لحم مفروم اي زياده حطيها في كيس وعلي الفريزر ينفعوا نجمعهم و نعمل بيهم بيتزا او نجمعهم ونعمل طبخه 🍕🍕🍕🍕🍕🍕🍕🍕 - أو فاض عندك رز علي الفريزر ولما تطلعيه يفك وفي حله ومعلقه زبده وتوطي عليه هيبقي جميل ومش بيبان اانه مفرز او معجن لا خاااالص او تعملي رز صابح وده حطيه فوق الوش ولا بيببان 🍨🍨🍨🍨🍨🍨🍨 -الفول اعمليه في البيت هيبقي احلي طعم واوفر كتير..مع تحيات بيدج نصائح مفيده 🍪🍪🍪🍪🍪 الخضار يتخزن في الموسم بتاعه بارخص سعر الطماطم البصل والباميه القلقاس الفاصوليا ورق الغنب الكرنب البتنجان البسله البطاطس كدا هيبقي بيتك مليان اعملي حصاله للتخزين ،🍅🍅🍅🍅🍅🍅🍅 -مش لازم المحشي يتسقي بشوربه فراخ او لحمه ممكن بشوربه بصل و الشوربه ممكن يتعمل عليها لسان عصفور وتنفع للملوخيه والويكه 🍗🍗🍗🍗🍗🍗🍗🍗 شوربه البصل ،،حطي شويه ميه علي نار ومعاها بصلتين وملح وفلفل وحبهان ورق لوري ومعلقه زبده 🍜🍜🍜🍜 رايحة فين ممكن تنوريني بالاشتراك ف قناتي😍❤ والى اللقاء في نصأئح مفيده جديده واترككم في رعاية الله 💜💚❤💛 ❤❤❤بحبكم كتير❤❤❤

[@Ranya.Home8]

معلومات هامة جدا 👍👍👍 ❌ الثلاجه جنب البوتاجاز خطأ ❌ التكييف تحته شاشه خطأ ❌ توصيل اكثر من جهاز بيسحب امبير عالى في مشترك واحد غلط. ❌ موتور المياة لازم تشغله حتي ولو دقيقه كل يومين حتي لو مش محتاجه ولو مسافر ورجعت بالسلامه فك وش التهويه ولف المروحه بايدك وبعدين شغلو الراوسب اللي في المياه بتسبب قفش للاولسيل ولو شغلتو وسبتو علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق. ❌ التلاجه ماينفعش تتركن لفترات طويلة بدون ما تشتغل ❌ الديب فريزر والتلاجة متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر ده غير ان الأكل فيها هيبوظ وهيكون ضار فى الاستخدام ❌ سخان المياه الكهربا لو لاحظت انك فتحت البارد لقيت مياه دافيه افصلو فورا وهات فني يغير شيك بلف قبل ما تحصل كارثه والهيتر يضرب داخل الحلة وتتكهرب. ❌ الغسالة اثناء الشغل فجأه لقيتها ب "ترقص حافية القدمين" ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبة .بدل ماتدخل نفسك في قصة موتور وكارثة. ❌ كاتيل الشاي املي مياه علي قدر حاجتك علشان توفر في استهلاك الطاقه وتحمي طقم القواعد والمفتاح بس بلاش كمية قليلة جدا علشان مش يتحرق. ❌الفيش فى الكهرباء بدون استخدام بتسحب كهرباء يفضل إزالة الفيشة من الكهرباء فور انتهاء عمل الجهاز الكهربائي. ❌سخان الغاز لو عمل صوت تكتكة ومش اشتغل لازم تقفل الحنفية وتفتحها تاني علشان فى كمية غاز طلعت وهو مش اشتغل وده بيعرضنا لحدوث مشاكل او حريق لاقدر الله إذا اتممت القراءة صلى على الحبيب المصطفى عليه أفضل الصلاة والسلام ونورينيني ف قناتي المتواضعة بالاشتراك ❤❤❤❤❤

[@rofidafarghly5024]

سعر الشنطة كويس اوي ربنا يبارك و كل عام و انتم بخير

[@Reem-wb7ij]

هل بتسلموا السبلايز للمدرسه وبيحطوه بمكان خاص بالطفل ؟ فالسبلايز دول لطفلي والا تاخدهم المدرسه؟ احنا طالبين حتى رولات مناديل الحمام.. عشان سلمنا الحاجات للمدرسه السنه اللي فاتت بس المدرسه ماكانتش بتجيب لبنتي حاجه حتى دفتر الرسم

[@user-xc2lg9hy5w]

كل سنه وانتى طيبه يا قلبى وسنه سعيده عليكي وعلينا

[@besannaser5568]

تسلم ايدك يعطيكي العافية عام دراسي سعيد كل عام وانتو بخير ربنا يوفقهم ❤❤

[@اللهاكبر-ه9ر4د]

اول تغليق ما شاء الله عليكى يا الاء ربنا يفويكى احلى ام فى الدنيا

[@malakahmed5275]

ماشاء الله مبروك الشنطه يامروان ومبروك لماسه يجعلها سنه دراسيه سعيده ويتنهنو باشيائهم

[@noodychannel5864]

وصفات رائعه ❤

[@عبدالرحمنبركاتالفولي]

تسلم عيونك وايديك ❤🎉

[@awateefmuhammed6805]

الله يسعدك ويوفقك يا رب و يبارك فيكي وفي اهلك يارب ❤❤❤❤❤ فيديوهاتك تعطني طاقه ايجابيه الله يسعدك

[@MArafa-ui3he]

بجد تسلم ايدك جربت التوست وعيش التورتيلا طلع تحفة اول مرة اكتب تعليق

[@elmamy_l_mezo]

الاء ممكن تقولي القالب مقاس كام ضروري

[@nadaali6644]

الاسعار فعلا نار جبت لابنى شنطه كبيره بردو عشان داخل اعدادى من مكتبه علاء الدين فى ابو يوسف ٦٠٠ جنيه والمقلمه ١٠٠ ولا شكل ولاحاجه بس هنعمل ايه لازم نجيب

[@amanyibrahim8801]

كل عام وانتي واسرتك و الجميع بالف خير يااااارب . الفيديوهات كلها روعة و فكرة البيتزا جميلة اوي و التوست حلو اوي اوي . تسلم ايدك يا حبيبتي ❤❤❤❤❤

[@marwahamed6066]

يارب يوفقهم جميعا وتسلم ايدك علي كل حاجة بتعمليها ❤❤

[@somiashokry3413]

كل سنه وانتي بخير وسعاده وتعيشي وتجيبي احلي ادوات للمدرسه ويجعلها سنه دراسيه سعيده ومباركه علي كل اولادنا وتسلم ايديكي واحلي بيتزا والف هنا بنتي الغاليه .محبتي ....ماما سميه اسوان

[@MarwaAhmed-vf2eq]

تسلم ايدك يا الاء وكل سنه وانتى وأولادك بخير. سنه سعيده علينا ياررررب ❤❤❤مشتريات المدرسة جميله اووووووووى ماشاء الله. والانش بوك هيعحب ماسه انا جايبه لابنى السنه ال فاتت وعملى جدا ❤

[@AaAaa-rz7bk]

فكره البيزا ممتازه تسلم ايدك يا قمر ❤

[@DodyAdel-n4c]

حبيبتى تسلم ايدك يارب و قفتك والله أنا اللى طلبت توست الردة يارب يبارك عمرك تسلمى منستيش طلبى

[@mahmoudmohammed9165]

آه ياريت حبيبتي توست الرد علشان عندي سكر وممنوع من الدقيق الله يباركلك أم مروان حبيبتي ❤❤

[@amiranagah4203]

الدقيق الأسمر ب٤٥جنية

[@AlaaAmerKitchen]

اه سعره قبل الخصم كان حاجة وأربعين فعلا❤️❤️

[@goldenfish1059]

بالنجاح والتوفيق والسداد إن شاء الله

[@ahmed-ni1mc]

فعلا الكلبسات بتبوظ بسرعه من جوه جبت زي الازازه دي من منشيه بس مش عارفه ليه من تحت مش مكتوب عليها رقم 5

[@mohamedmounir8730]

احلى لولو عملت التوست طلع تحفه

[@hebashakershaker4391]

لولو حبيبتي حشو البيتزا الرول متحرقش من تحت ؟

[@اسماءعبدالغفار-خ9ق]

تحفه

[@safisafinaz5354]

العلبه دي بعملها فيها زبادي او ارز بلبن

[@asmaafouad4619]

دى مش اكتيڤ الاصلية الاصلية مش اخرها E

[@سوزان-م8م]

تسلم ايديك يا حبيبتي ❤

[@mahmoudmohammed9165]

😂 احلى لايك واحلى قناة واحلى الاء

[@mahassensedek7633]

تسلم ايدك ممكن اعرف القالب مقاس كلم علي الكميه دي لسه هاشتري قالب تنصحي المونيوم والا بيركس افضل للخبز انا معنديش ان شغء الله هاشتري عشان الولاد بيحبوا التوست جدا

[@AlaaAmerKitchen]

تسلميلي حبيبتى بالنسبة للشكل ده من الصوانى بيكون أحجام ده الحجم الصغير وأنصحك بالالومنيوم لانه بيعيش اكتر بالذات لو خامة كويسة

[@AmiraMohamed-hj9lj]

الاء بحبك اوي ونفسي اشوفك اوي انا في اسكندريه ونفسي اشوفك اقبل لما امشي انا طول ما انا ماشي ببص في الشارع يمكن اشوفك والله😢

[@mahmoudmohammed9165]

حبيبتي تسلم ايدك الحلوه انا عندي سكر ممكن لو سمحتي تعملي توست الرد بتع ريتش بيك علشان سعرو غالي جدا وأنا ممنوع من الدقيق

[@olaibrahim6245]

مش بتروحي كمال سعد ليه اللي في المنشية

[@user-xe2cl8nq5b]

شن هو السبلايز انا من ليبيا ماعمري سمعت بيه

[@samoramagdy3589]

أدوات مدرسية زي اللي في الفيديو أقلام مسطره محايه برايه كراس او دفتر علب الوان كل اللي الاء جيباه للولاد ده اسمه سبلايز كان اسمها أدوات مدرسة عاديه جدا بس المدارس الخاصه اخترعوا كلمه سبلايز دي وبقت موضه 😁

[@رغوود-ر7غ]

❤❤❤❤❤

[@emanmostafa8751]

❤❤❤❤❤❤❤❤❤

[@جويريةمصطفي]

انا عملت العيش بس مختمرش مش عارفه ليه

[@mohamedsalem1801]

لو سمحتى يا مدام الاء فتح الله فاتح عندك في منطقة ايه عرفينى العنوان بالظبط

[@رغوود-ر7غ]

❤❤❤❤❤❤🎉

[@hudakasm642]

انا عملت التوست السائل زى الفديو ال فات بس بدلت كوب دقيق بشوفان بس للاسف طلعت مكتومة وناشفة من الوش محجر ايه السبب

[@AlaaAmerKitchen]

عشان الشوفان بيحتاج سوائل اكتر من الدقيق الأبيض بشوية عشان كده عملت الاسمر برده بكمية مياة اكتر

[@engysamer2420]

كل سنه وانتي طيبه و بخير و نعمه ربنا يجعلها سنه سعيده عليكم يارب العالمين 🤲🤲🤲

[@user-sw8zk3to7t]

ازاي اغير غطاء زجاجة تانك؟

[@امفاطمهالزهراء-و9ع]

هو انتو بتعرفو مقاس الشنطه منين

[@redamohammad7194]

هو السباليز ده بيطلبوا فى المدارس الحكومه

[@nonaabdelrahman5413]

لا😂 بس كده كده احنا بنجيب اقلام مساطر كشاكشيل. اساتيك. واقلام رصاص والوان . ومناديل ويبس للاولاد ومناديل عاديه علي اد الطفل ياخدها معاه

[@غادةابراهيم-ك6ط]

الحكومى بنجيب الاحتيجات فقط الضروريه الخاص متطلباتهم اذيد كتير طبعا

[@user-zj2hk8pe2l]

يا الاء انا بتابعك من سنين و َبحترمك بس ياليت تقللي كلمات انجليرية بكلامك لأن متابعينك عرب مش انجليز مافيش داعي تكتبي سبلايز

[@redamohammad7194]

انا عملت التوست بالدقيق الاسمر وطلع هابط من النصف فاضي ومفرول مع انى سبته لتانى يوم

[@ayarezk60]

ياالاء عملتو وباظ 😢😢😢

[@marmarmero2337]

جمع قلم اقلام مش اقلامه ايه شغل الفلاحين دة

[@AlaaAmerKitchen]

تعليقك وضح أخلاقك ونفسيتك عاملين ازاى 😊

[@قناةهبهومامتها]

انتى جميله اوى يا مدام الاء ❤❤❤متزعليش من النفسيات دى ناس كلامها دبش و معندهاش ذوق ​@@AlaaAmerKitchen

[@jihan9309]

الكلمة الطيبة صدقة

[@user-pf4ro5hw1q]

عيب كده مينفعش تعليقك ده ما لهم الفلاحين احسن ناس

[@safsasafsaf3506]

انتى فى حصه لغه عربيه خليكى فى حالك قولى كلمه طيبه

[@رغوود-ر7غ]

❤❤❤❤❤

[@emanlotfy9203]

❤❤❤

[@رغوود-ر7غ]

❤❤❤❤❤❤

[@غادةابراهيم-ك6ط]

❤❤❤❤❤❤

[@ThanaSuleiman]

❤❤❤❤❤❤❤