Қызылорда-Жезқазған: 24-76 км аралығы

Бүгінде Қызылорда-Жезқазған жолының Қызылорда облысына тиесілі аумағында ауқымды жұмыс жүруде. 6 бөліктен тұратын жол кесіндісінің 24-76 шақырым аралығының мердігері кеш анықталған болатын. Сол аталған аумақтағы жұмыс барысын біздің түсіруші тобымыз арнайы барып көріп қайтты.
Қызылорда-Жезқазған жолының біздің облысқа тиесілі барлық аумағында асфальт жабындысы төселуде. Тек 24-76 шақырымының мердігері кеш анықталған-ды. Бұл жерде қытайлық «Лунцзянь жол және көпір құрылысы» компаниясы жұмыс жасауда. 200-дей жұмысшы жұмылған. 100-ден аса техника бар. «Мақсат - сапалы жол салып шығу», - дейді жобаның бас инженері:
ВАН ЮЭВЕН - БАС ИНЖЕНЕР //Қазіргі таңда айналма жол, көпір салу, құм-тас жабынын төсеу сынды жұмыстар жүруде. Асфальт шығаратын зауытымыз бар, жұмысшылар қалашығы бар. Өзімізге артылған жұмысты сапалы салып шығу басты мақсат етіп отырмыз. Біздің компания Қазақстан Республикасының заңдары аясында жұмыс жасауда, еңбек қауіпсіздігін басты назарда ұстаймыз/
Трассаны техникалық тұрғыдан қадағалау үздіксіз жүруде. Тиісті нормадан ауытқу, бұзушылықтар болса, дереу нұсқама беріп, қайта жөндетеміз, - дейді қадағалаушы тарап.
ӘЛЖАН МҰҚАНОВ - “M50 CONSULTING GROUP” ЖШС ӨКІЛІ //Жер қабатының жабындары алынып, құм-тас төсеу, асфальт-бетон жабыныдысын фрезерлеу жұмысы жүруде. Нормадан ауытқу болса, дереу хабардар етіп, оны тиісті қалыпқа келтіргенін қадағалаймыз. Барлығы біздің назарымыздан тыс қалып жатқан жоқ./
Жолға қажет инертті материалдар жеткілікті, барлығы негізінен Шалқия кен орнынан тасымалдануда. Бұл - Қызылорда-Жезқазған жолының 24-76 шақырымының аралығындағы жұмыстар барысы. Қалған 4 лотта жол асфальт жабындысымен қапталуда. Біз ел күткен күрежолдың құрылыс барысын әлсін-әлсін ақпараттандырып отыратын боламыз.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv