Рет қаралды 5,823
БІЗДІҢ KZbin АРНАҒА ТІРКЕЛІҢІЗ: www.youtube.co...
---------------------------------------------
Қызылордада жолсеріктер бас көтеріп жатыр. Көкшетау-Қызылорда бағытындағы жолаушылар пойызында жұмыс істейтін қызметкерлер айлықтарын екі есеге көтеруді талап етеді. Олар ескі вагондардың отымен кіріп, күлімен шығып жүрсек те басшыларымыз еңбегімізді бағаламайды деп ашулы. Жекеменшік компаниядан қайыр жоқ деген шағымданушылар үкіметтен көмек сұрап отыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Толығырақ: • ЖАПАН ДАЛАДАҒЫ ӨМІР //...
Бүгінгі шығарылымда:
Жүктелген жұмыс ауыр, бірақ жалақымыз мардымсыз деген жолсеріктердің ашуы қатты. Айтуларынша, апталап жолда жүретін қызметкерлерге жолаушылардың қауіпсіздігін қадағалаудан бөлек вагонның отын жағып, күлін шығару да міндеттелген. Тіпті көмір тасу, еден жуу да біздің мойынымызда деп ашынады. Сөйте тұра, 130 мың теңгеге де жетпейтін айлық аламыз дейді.
ҚАЙРАТ БАҒДӘУЛЕТОВ, жолсерік:
- Қайдан жетеді. Бала-шаға бар. Басқа бар. Айлығымыз шайлығымызға жетпейді деген осы ғой.
Оның үстіне вагондардың барлығы әбден тозған. Адамдардан да жиі шағым естиміз деген жолсеріктер айлықты еңбегімізге сай екі есе көтерсін деген талап қойды. Олар басшылықтың құр уәдесіне сенуден қалдық деп отыр.
АЗАТ АЛАШБАЕВ, жолсерік:
- Состояниесі өте көне. Бұрынғы заманның одеялолары, бұрынғы заманның матрацтары, бұрынғы заманның жастықтары. Олардың тек тыстарын, сырттарын ауыстарды да қайта шығара береді. Қазіргі заманға сәйкес келмейді. Қазір айтсам көптеген нәрселер бар, тарақандар бар.
КЕНЖЕТАЙ ШӘУКЕБАЕВА, жолсерік:
- Біздің мекеме басшысының құрғақ уәдесіне тойып болдық неше жылдан бері. Біз жөнделіп алайық, біз көтеріліп алайық. Вагондарды жаңартайық деген барлығына көніп келдік. Шамасы келмесе, пойызды үкіметке өткізсін.
"Номадос” серіктестігі "Қазақстан темір жолы" ұлттық компаниясының тапсырысы бойынша өз вагондарымен Көкшетау мен Қызылорда арасында жолаушылар тасымалдайды. Жекеменшік компанияның өкілдері жолсеріктердің талабын бірден орындауға шамамыз жетпейді деп ашық айтты. Бірақ жыл сайын айлыққа аз болса да ақша қосуға тырысып жатырмыз деп ақталды.
МҰРАТ ЖАНҰЗАҚОВ, «NOMADOS» ЖШС заңгері:
- Соңғы жыл ішінде жыл сайын көтеріп жатырмыз. Жыл сайын көтергенде соответственно келесі жылы да, биыл да мүмкін. Ол перевозкаға байланысты. Біз жекеменшік болғандықтан.
Ал жолсеріктер жалақыны көтеру туралы өтініштерін бірнеше министрге жолдаған. Әзірге жауап жоқ. Жарымайтын жалақымен күн көрісіміз қиындап барады деген қызметкерлер үкіметтен көмек сұрап отыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық