Рет қаралды 8,587
Қызылорда облысындағы әр түрлі ұлт өкілдері тұратын үшінші Интернационал ауылында жер дауы өршіп тұр. Ауылдың бір топ тұрғыны заңсыз сайланған шаруа қожалығының басшысы жерімізді иемденіп алатын болды деп бүгін облыстық әкімдікке жиналды.
Жиын басында 11 ұлт өкілі тұратын ауылдан келген үлескерлер мен шаруа қожалығында жұмыс істейтін бірнеше тұрғын сөзге келіспей, тіпті жаға ұстасып қала жаздады. Интернационал ауылындағы қожалықта жер үлесі бар тұрғындар басшымыз екі жыл бұрын жалған құжаттар арқылы заңсыз сайланған деп ашынады. Оған сол уақытта тіпті жергілікті биліктегі ақ жағалалылардың да ықпалы болды дейді.
МЕРГЕН ӘБИЕВ, ІІІ Интернационал ауылының тұрғыны:
- Мында Сәрсенбаевты төраға ретінде сайлауға қаулы етілмеген. Бірақ біздің атымыздан кіріп, өзіміздің атымыздан дауыс беріп, юстицияда тіркеліп тұр. 425 үлескер осы хаттаманың кесірінен уставтан шығарылып отыр. Біз осы 425 үлескердің құқығын қалпына келтіруге жұмыс жасап жатырмыз.
Үлескерлер екі жыл бұрын төрағаның сайлануына араласқан аудан әкімдігі енді қазір құзыретімізге жатпайды деп мәселемізді шешіп беруге құлықсыздық танытып отыр дейді. Сонымен қоса біздің үлесіміздегі жерлерді қазіргі басшы сатып жібере ме деп қорқатындарын да айтады. Осылайша облыс әкімінен көмек сұрап келген тұрғындар үлесімізді өзімізге берсін деген талаптарын да айтты.
Әкімдікке бірнеше тұрғын алыс ауылдан келсе де облыс әкімінің өзі бұл жиынға қатыспады. Ал Қармақшы ауданының әкімі бұл шаруа қожалығының ішкі мәселесі дейді.
МҰСА ҚАЛДАРБЕКОВ, Қармақшы ауданының әкімі:
- 425 адам басшымен қосылып шаруашылықтың тағдырын шешу керек. Уставта жазылған тексеру комиссиясын құруға және әркімнің үлесін біртіндеп талдауға праваларыңыз бар.
Ал жиынға үлескерлер "заңсыз сайланды" деген төрағаның өзі келмеді. Тек ауылдан келген кейбір басқа тұрғындар қазіргі басшыларының шаруа қожалығының жұмысын ілгерілетіп келе жатқанын айтады. Осылайша жер дауынан екіге бөлінген ауылдағы бұл мәселе облыс әкімдігі ғимаратында да түйінін таппай тарқасты.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар