Кацярына Ваданосава - Акрэсцінскі вальс (2022)

"Акрэсцінскі вальс" напісаны спецыяльна да другой гадавіны прэзідэнцкіх выбараў 2020 года ў Беларусі.
Музыка: Ганна Лепяшкевіч, Кацярына Ваданосава, Васіль Ярмоленка
Аўтар сцэнару і рэжысёр: Ілля Бажко
Мастак: Сяргей Стальмакоў.
У галоўнай ролі: Крысціна Дробыш
Кліп зняты з дапамогай і пры падтрымцы канала Belsat
Зараз усё так проста:
Тут зло, а вось тут - дабро.
Няважна, якога ты росту
І колькі табе гадоў.
Няважна: хлопец, мужчына,
Жанчына ці нават дзіця:
Кроўю тваёй Айчына
Сабе вышывае сцяг.
Чуеш: па ўсіх завулках
Цкуюць нас, нібы ваўкоў,
Каб мы не знайшлі прытулку,
Каб сталі слабымі зноў.
Нашыя слёзы - ежа,
А нашыя косткі - гной.
Нас топчуць, гвалтуюць, рэжуць,
Каб мы перарвалі бой.
Падэшвы бястварай цемры
Па нашых ідуць зубах:
Мы голыя дзясны шчэрым,
Выцыркваем з горла страх.
Вы выб'еце нашыя вочы -
Мы будзем ісці на слых,
У апошнія хвілі ночы
Мы ўчуем ваш енк і крык.
Вы думалі - мы слабыя,
Што вы нас сатрэце ў прах!..
Глядзіце: мы ўсё жывыя,
Нам смерць саступае шлях!
Мы - глеба на новым полі,
Зярняткаў мільён малых,
Свабода, жыццё і воля
Павырастаюць з іх.
Старонка БЕЛСАТ - belsat.eu/
Старонкі Кацярына Ваданосавай:
Instagram: @kasiavadanosava
/ kaciarynavadanosava
#ваданосава #пратэсты2020 #рэвалюцыя