Рет қаралды 83
बडरुख बस्नेगडा खानेपानी योजनाको अनुगमन
हिक्मत बहादुर नेपाली
अछाम, असार २२ ।
९७ लाखको लागतमा निर्माण भएको बडरुख बस्नेगडा खानेपानी योजनाको आज अनुगमन गरिएको छ । कमलबजार नगरपालिका वडा नं १ मुली स्थित निर्माण भएको उक्त आयोजनाको कमलबजार नगरपालिकाका उपप्रमुख तथा अनुगमन समितिका संयोजक शारदा बिष्ट कुँवरको नेतृत्वमा गएको टोलीले अनुगमन गरेको हो । अनगुमनमा कमलबजार नगरपालिकाका नगर प्रमुख यज्ञ प्रसाद ढकाल , कमलबजार नगरपालिका वडा नं १ का वडा अध्यक्ष भक्त बहादुर बोहरा , वडा नं ७ का अध्यक्ष तथा अनुगमन समितिका सदस्य नृप बहादुर बोहरा, वडा नं १ का वडा सदस्य पदम ढकाल , ईन्जिनियर मदन भण्डारी योजना शाखा प्रमुख विरेन्द्र तिमिल्सैना, सहयोगी संस्था हेल्भेटास र रुडेकका प्रतिनिधि लगायतको सहभागीता रहेको थियो । एक घर एक धारा अवधारणा अनुसार बनेको सो योजनाना १२० धारा निर्माण गरिएको छ। खानेपानीका क्षेत्रमा काम गर्ने हेल्भेटास, रुडेक तथा कमलबजार नगरपालिकाका संयुुक्त लागत साझेदारीमा योजना निर्माण कार्य सम्पन्न भएको हो । #NEWS