Kamran M. YuniS - Ölüm, işdir gəlsən...

#kamranmyunis #kamranyunis #eminsabitoğlu #şeirlər
#poeziyateatrı #şiirler #sevgişeirləri #poeziya #cızmaqara
Kamran M. YuniS - Ölüm, İşdir gəlsən...
Bəstəkar - Emin Sabitoğlu - "Dörd bazar günü" filmindən musiqi
Ölüm...
işdi gəlsən, qapını döymə!
Mən gecə döyülən qapılardan diksinirəm.
Işdi gəlsən...
astaca, sakitcə, yuxu kimi gəl.
Gəl, gir yuxuma,“Gəl gedək” de, və gedək.
Ölüm...
işdi gəlsən,
astaca, barmaqlarının ucunda gəl,
nəfəsinin üstündə gəl.
Gəl, əl-ələ tutaq gedək.
Gedək astaca, sakitcə.
...nə dil bilsin, nə dodaq.
Gedək üzü günbatandan, gündoğana.
Ölüm... işdi gəlsən...
Yəni... onsuz da gələcəksən nə vaxtsa
istəsəm də, istəməsəm də.
Odur ki, gəlsən
Ölüm kimi yox,
O dünyaya doğum kimi gəl.