Рет қаралды 785,444
Kannada Folk song - Sidilirada Mugile
Music & Sung by - Raghavendra Beejadi
Lyrics - Vinayaka Aralasurali
Orchestrartion - Sameer Rao
Tabala - Aatmaram Nayak
Recording & Mastering - Vinay Rangadhol
Editing - Jayant Kumar T.V.
#kannadabhavageethagalu #kannadafolksongs #sadsong
ಸಿಡಿಲಿರದ ಮುಗಿಲೇ, ಮಗುವಿರದ ಮಡಿಲೇ,
ಕೊರಗದಿರು ಕುಡಿವ ನೀರಿರದ ಕಡಲೇ..
ಮರುಗುವರು ಇಲ್ಲಿಲ್ಲ ನಿನ್ನ ಮೊರೆಗೆ..
ಮುರಿದ ಮರ ತಂತಾನೇ ಚಿಗುರಬೇಕು;
ನದಿ ಯಾರ ಬಳಿ ದಾರಿ ಕೇಳಬೇಕು?
ಕಣ್ಣಲ್ಲೆ ಕಂದೀಲು ಇರುವಾಗ ಇರುಳಲ್ಲಿ
ಚಂದಿರನ ಬಳಿಯೇಕೆ ಬೇಡಬೇಕು?
ಭಾವಗಳ ಮುಗಿಲು ಹೃದಯದೊಳಗಿರಲು
ಮಳೆಸುರಿಸದಿರುವವೇ ಈ ಕಂಗಳು?
ಸೆಳೆವ ಸುಳಿಯಾಚೆ ನೆಮ್ಮದಿಯ ದಡವೋ
ಮುಳುಗಲೇಬೇಕು ನೀ ಏರೋ ಮೊದಲು.
ಎಣ್ಣೆ ಮುಗಿದೊಡನೆ ಮುಗಿದೀತೇ ಬೆಳಕು?
ಉರಿಯುಂಟು ಎದೆಯಲ್ಲೆ ಕೇಳೇ ಹಣತೆ;
ಇರುಳಿನ ದಾರಿಯಲೇ ಬರಬೇಕು ಹಗಲು
ಬಿರುಗಾಳಿ ಮುಗಿದೊಡನೆ ನಿನ್ನ ಸರತಿ..
ಕೀಳಲೇಬೇಕು ಚುಚ್ಚಿರುವ ಮುಳ್ಳ,
ನೋವಿಗೆ ಅಂಜಿದರೆ ಮಾಯಲೆಂತು?
ಜೀವನದ ಬತ್ತಿ ಉರಿಯಲೇಬೇಕು,
ಸಾವಿಗೆ ಹೆದರಿದರೆ ಬಾಳಲೆಂತು?
ವಿನಾಯಕ ಅರಳಸುರಳಿ.