Рет қаралды 21
Қарасай ауданына қарасты Долан ауылындағы ең өзекті мәселелердің бірі - осы уақытқа дейін мектептің жоқтығы. Бұрын аталмыш елді мекенде тозығы жеткен бастауыш мектебі ғана болатын. Ауыл халқы талай жылдан бері жаңа білім ошағын салуды сұрап, наразылықтарын айтудан жалыққан емес. Биыл міне, аталған мәселе оңтайлы түрде шешімін тапты. 2,5 га жер теліміне 1200 оқушыға арналған жаңа нысан бой көтеруде. Бұл бастама Мемлекет басшысы Қасым-Жомарт Тоқаевтың тапсырмасымен жүзеге асып жатқан «Жайлы мектеп» ұлттық жобасы аясында жүзеге асуда. Жаңа мектептің құрылысымен «BI GROUP CORPORATION» компаниясы айналысады. Ал тапсырыс берушісі - «Samruk-Kazyna Construction» АҚ. Айтылған ақпаратқа сүйенсек, мектептің аяқталу мерзімі осы жылдың қыркүйек айына жоспарлануда. Бұл туралы «Samruk-Kazyna Construction» АҚ-ның Алматы облысы бойынша өңірлік басшысы Елжан Туленбаев мәлімдеді.