Kekawin Arjuna Wihaha - Wirama Manda Malon

#GeguritanBali #KekawinBalin #GaduhSesetan
Kekawin Arjuna Wihaha - wirama Manda Malon :
stutinira tan tulus sinahuran paramārtha śiwa
anaku huwus katon abhimatān katĕmunta kabeh
hana panganugrahangkwa caduśakti winimba śara
paśupati śastrakāstu pangaranya nihan wulati
wuwusira sang hyang īśwara mijil tang apuy ri tangan
wawang aśarīra kātara mangiṇḍitakĕn warayang
tinarima sang Dhanañjaya tikāng śara sūkṣma tikā
nganala śarīra sātmaka lawan warayang wĕkasan
kṛtawara sang Dhanañjaya manambah atipraṇata
pinisalinan laras makuṭa tan hana kālah-alah
winara-warah sirêng aji dhanurdharaśāstra kabeh
kṛtasamaya ng prayoga dadi sūkṣma bhaṭāra śiwa
saha surasiddhacāraṇa parĕng kṣana śūṇya muwah
rasa tan i rāt hiḍĕp nṛpatiputra katonanira
kadi masalin śarīra suka tanpa balik prihati
satru-tirun kṛtārtha sira deni kadhīranira