Рет қаралды 20,764
Sözləri:
Ta namaz üstə Əlinin dəydi xəncər başinə
Fatimə Cəənnətdə saldı qara məcər başin
Başinə xəncər dəyəndə ərşi Davər titrədi
Lərzə düşdü məscidə mehrabü minbər titrədi
Qatili birəhm əlində qanlı xəncər titrədi
Yazdı xəncər kəlmeyi Allahu Əkbər başinə
Səcdədən baş qovzadı sultani mülkü Mürtəza
Ay kimi münşəqq olub fərqi şahənşahi vila
Yağmadı bu zülmidə ya Rəbb niyə göydən bəla?
Kül gərək səpsin bu qəmdə əhli məhşər başinə
Bir kilimə bükdülər cismi şərifi Heydəri
Ləxtə ləxtə qanilən dolmuşdu ziba gözləri
Səslədi oğlum Həsən sən qıl namazı axəri
Baxma bu zalim nə zülm eylədi Heydər başinə
Rahət oldum bu cəhandan and ola sübhanimə
Nəqdi cani aqibət etdim fəda cananimə
Dilxoşam min yol namaz üstə boyansın qanimə
Hər bəla gəlsə gələr mərdi dilavər başinə
İstirəm Zeynəb bu halda Mürtəzasın görməsin
Bir kilim içrə o müztər öz atasın görməsin
Səy edin başımdakı xəncər yarasin görməsin
Görməsin xəncər dəyib saqiye Kovsər başinə
Ya Əli sən olmadın razı tökə göz yaşını
Zeynəbin əldən fələk aldı Hüseyn qardaşını
Bir zaman nizə başında gördü qardaş başını
Səslədi yandım yaralı kül bu xahər başinə
Yaralı başından axdı qan dolubdu gözlərə
Vurdu od qəlbi Hüseynə bu əsəfli mənzərə
Gör ədalət neylədi axirdə Şahi Xeybərə
Məscidi Kufə dolandı Şahi Xeybər başinə
Həqqini pamal edibdir əhli kin dillənmədi
İyirmi beş il etdilər xanəneşin dillənmədi
Əyləşib aldı qucağə dizlərin dillənmədi
Gör nələr ümmət gətirdi qəmli rəhbər başinə.
Gərçi ümmətdən Əli oldu gileyli dinmədi
Vurdu düşmən surəti Zəhraya sili dinmədi
Oldu nilufər kimi rüxsarı niyli dinmədi
Çox bəlalar gətdilər Zəhrayi əthər başinə.