Рет қаралды 8,489
Ашуланып арамға,
жас үйірме жанарға.
Түсінбесін, түсінсін,
ақылыңды айт наданға.
Қайтарымын ойламай,
жақсылық қыл жаманға.
Қайтпайды деп қайғырма,
Жомарттық қыл сараңға.
Ілесем деп тұлпарға,
қамшы салма шабанға.
Жоққа жүйрік жетпейді,
барыңменен амалда.
Өзгерді деп орынсыз,
тіл тигізбе заманға.
Заман ешбір өзгермес,
бар кемшілік адамда.
Кім келіп, кім кетпеген,
он сегіз мың ғаламға.
Ерте, кеш пе келеді,
Ажал маған, саған да.
Мұрның барда бір сіңгір,
деген ойды-ау тәмамда.
Өмір екі келмес деп,
қалыптасқан санаңда.
Ғұмырың бар өлшеулі,
сауап жинап қаларға.
Мейірімді пәк АЛЛА,
екі өмір берген адамға!