Khawlna Ding Gamnuam

KHAWLNA DING GAMNUAM
~Kawlthuama
Ka buaina gamdai gamkeu ah,
Ka Mang ka Tanpa mel deihhuai,
Luigal a bawlsa gamte tawh,
Ngaiin ka lailung a juang hi.
Tua gam etlawm ah khawl sam ning,
Toupa tenna gam etlawm ah;
Ka khawl sam ding buaina khen ah,
Kei dia tangtawn galmuanna ah.
Mun ka bawl ding, Toupa'n A chi,
Gingtute nuam a khawlna ding;
Ngai nawnlou ding ka khawvel nun,
A bawlsa gam ka tun chiang in.
Leia vai in mun neilou in,
Gamdai haksa tawnsuak zong le'ng;
Toupa'n kei dia A bawlsa ah,
Ka khawlsam ding chiaului gei ah.
Aw, zaisa ni Toupa phat in,
Belamnou thahsa thounawn in ;
'Ka hongpai nawn ngei ding' A chi,
Nuam un, lungkhamte, nunnuam un.

[@Vomvaluidung]

Siamlua uh ahi

[@veronicazaithangpuii4857]

Siam mah mah uh chia