Рет қаралды 547,819
Khit Thit သတင်းဌာန၏ အောက်တိုဘာ ၂၂ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၂၂ ရက် မနက်ပိုင်း တင်ဆက်ပေးမယ့် သတင်းတွေကတော့
-ကချင်ပြည်နယ်၊ ကန်ပိုက်တီးမြို့နဲ့ ၇ မိုင်အကွာက အမှတ် ၁၀၀၃ နယ်ခြားစောင့်တပ်ရင်းဌာနချုပ်စခန်းကို KIA က တိုက်ခိုက်သိမ်းပိုက်ရရှိသွားပြီလို့ KIA သတင်းရင်းမြစ်က ရန်ကုန်ခေတ်သစ်သတင်းဌာနကို ပြော ပါတယ်။
မြန်မာနိုင်ငံအတွင်းက တရုတ်နိုင်ငံသားတွေ၊ စီးပွားရေးလုပ်ငန်းရှင်တွေ အဖွဲ့အစည်းတွေအနေနဲ့ လုံခြုံရေး သတိပြုကြဖို့ တရုတ်အစိုးရက သတိပေးလိုက်ပြီး မန္တလေးက တရုတ်ကောင်စစ်ဝန်ချုပ်ရုံး တိုက်ခိုက်ခံရမှု အပေါ် အရေးယူပေးဖို့ တရုတ်နိုင်ငံခြားရေးဝန်ကြီးဌာနက တောင်းဆိုလိုက်ပါတယ်။
စစ်ကိုင်းတိုင်း ဘုတလင်မြို့နယ်အတွင်း စစ်ကြောင်းထိုးနေတဲ့ အကြမ်းဖက်စစ်တပ်က ပြည်သူ ၂၁ ဦးကို ရက်ရက်စက်စက် သတ်ဖြတ်ခဲ့ပြီး ပြည်သူ ၅၀ ကျော်ကို လူသားဒိုင်းအဖြစ် ဖမ်းဆီးထားကာ ကျေးရွာ ၅ ရွာကို မီးရှို့တာကြောင့် နေအိမ် ၅၀၀ ကျော် ပြာကျခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။