Khit Thit သတင်းဌာန၏ ဇန်နဝါရီ ၃၀ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဇန်နဝါရီ ၃၀ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၃၀ ရက် မနက်ပိုင်းတင်ဆက်ပေးမယ့်သတင်းတွေကတော့
-ကချင်ပြည်နယ်၊ မိုးကောင်းမြို့နယ်မှာ စစ်တပ်နဲ့ပူးတွဲအလုပ်လုပ်နေတဲ့ SNA ရှမ်းနီ ခေါင်းဆောင်နဲ့ အဖွဲ့ဝင် ၉ ဦးကို ဖမ်းဆီးရမိထားတယ်လို့ မိုးကောင်းမြို့နယ် ပြည်သူ့ကာကွယ်ရေးတပ်ဖွဲ့ UG BLACK K တပ် တာဝန်ရှိသူ တစ်ဦးက ပြောပါတယ်။
အကြမ်းဖက်မင်းအောင်လှိုင်ခေါင်းဆောင်တဲ့ စစ်ကောင်စီအာဏာသိမ်းမှုကြောင့် ဖြစ်ပေါ်လာရတဲ့ ပြည်သူ့ တော်လှန်ရေး (၂)နှစ်ပြည့် ကာလအတွင်း အခက်အခဲဆုံးအချိန်တွေကို ကျော်ဖြတ်ခဲ့ကြပြီဖြစ်ပြီး ပိုမိုခက်ခဲတဲ့ အခြေအနေအချိန်အခါတွေကို ကြုံတွေ့ရပေမယ့် မလွှဲမသွေ ရောက်ရမယ့်ပန်းတိုင်ဆီကို စိတ်ဓာတ်ခွန်အား အပြည့်နဲ့ ခရီးဆက်ကြရမယ်လို့ ကချင်လွတ်လပ်ရေးအဖွဲ့(KIO) ဗဟိုကော်မတီက ပြောပါတယ်။
ကရင်ပြည်နယ်၊ သံတောင်မြောက်ပိုင်း(အထူးဒေသ) လိပ်သိုလ်မြို့နယ်မှာ တိုက်ပွဲဖြစ်ပွားပြီး အကြမ်းဖက် စစ်သား ၁၅ ဦး သေသွားတယ်လို့ Northern သံတောင် Defence Force (Special Region) တပ်ဖွဲ့ဆီကနေ သိရပါတယ်။
အကြမ်းဖက်မင်းအောင်လှိုင်ခေါင်းဆောင်တဲ့ စစ်ကောင်စီရဲ့ ပင်မအရင်းကို တူးဖြိုပစ်ရမယ့် အချိန်ရောက်ပြီလို့ အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလက သတင်းစကား ပါးလိုက်တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။