Рет қаралды 39,528
ఒక్క సంకల్పం. నాలుగేళ్లుగా పడుతున్న శ్రమను, రాష్ట్ర విభజన గాయాలు మాన్పించే ప్రయత్నం చేసింది. రాష్ట్రానికి పెట్టుబడులు తీసుకురావడానికి ప్రపంచం అంతా కాళ్లరిగేలా తిరిగిన సీఎం చంద్రబాబు కష్టానికి.. ఫలితాన్ని ఇచ్చింది. వివిధ రాష్ట్రాల నుంచి ఎంతో పోటీ ఉన్నా.. పట్టుబట్టి రాష్ట్రానికి కార్ల కంపెనీ తీసుకువచ్చిన సీఎం.. కరవు సీమలో ఉత్పత్తైన తొలి కారు... ఆవిష్కరించారు. ఆంధ్రప్రదేశ్ పారిశ్రామిక ప్రగతిలో కీలకమైన ఈ ఘట్టానికి అనంతపురం జిల్లా ఎర్రమంచి గ్రామం వేదికైంది. నవ్యాంధ్ర ఏర్పడిన తర్వాత రాష్ట్రానికి వచ్చిన దక్షిణకొరియా కు చెందిన ప్రతిష్ఠాత్మక కియా మోటార్స్.. రాష్ట్ర ప్రభుత్వ సహకారంతో అనతి కాలంలోనే కారును తయారు చేసింది. మేడిన్ ఆంధ్ర అంటూ రాష్ట్ర కీర్తి పతాకను సగర్వంగా రెపరెపలాడిస్తోంది. కరవు కారణంగా పొట్టకూటి కోసం వలసవెళ్లిన అనంతపురం జిల్లా ప్రజలను స్వగ్రామాలకు తిరిగి రప్పిస్తోంది. ఎంతో మందికి ఉపాధి కల్పిస్తోంది.