Рет қаралды 2
«Kitap fest Kargala»
Қарғалы аудандық орталық кітапханасында 23 сәуір - дүниежүзілік кітап және авторлық құқық күніне орай «Kitap fest Kargala» іс-шарасы ұйымдастырылды. Шарада «Оқырман бенефисі» - кітапхананың тұрақты оқырманы Мұхамеджанов Мирхат ағаймен сұхбат, «Жаңа кітаптар көрмесі», «Кітап - қымбат қазына» - қазақ және әлем әдебиетінің шығармалары мен авторлары, ақын-жазушылар туралы қызықты деректерден тұратын «Kahoot» ойыны ұйымдастырылды. Ойын өте тартысты өтіп, қатысушылар білгенімен бөлісіп, білмеген сұрақтарын ортаға салды. Сонымен бірге, ауданның рухани-мәдени өміріне өз үлестерін қосып, әдеби қорымызды төл шығармаларымен толықтырып жүрген авторлар Бисекенов Арман, Баймұханов Жомарт, Аманжол Шапағатқа кітапхана директоры алғыс хат пен марапаттар табыстады. Үздік, тұрақты оқырман Мұхамеджанов Мирхат ағай мен Kahoot ойынының жеңімпаздарына сыйлықтар табысталды.