Рет қаралды 95,111
اكلة الطفولة المفضلة
"صينية البطاطس بالفراخ "
الاصلية بتاعت زمان الخطيرة من غير اي افتكاسات
لازم بجد تجربوها بطريقتي هتدمنوها ❤️
و بجد مستنية رأيكم و اسئلتكم فيها جداااا
هستخدم فيها فراخ
Mafaza.Egypt
البجد جودتها و طعمها و نضافتها ابهروني فعلا و مفيهاش اي زفارة نهائيا 👌🏻
الطريقة سهلة جدا :
اول حاجة بحضر الخضار الهنحطه في الصينية
٤ بطاطس متقطعه
٢ بصلة متقطعه جوانح
٤ طماطم متقطعه جوانح
٢ فلفل رومي جوانح
٢ فلفل حامي احمر جوانح
٢ فلفل حامي اخضر جوانح
١٠ فصوص ثوم ( ٥ صحيح و ٥ جوانح )
و احطهم في صينية و ارش عليهم ملح و فلفل اسود و اقلبهم كويس جدا مع بعض ..
بعدين اجيب فراخ @mafaza
مش هغلسها خالص
هجيب طاسة اخليها تسخن اوي
انزل فيها بملعقة زيت علي زبدة
اشوف الفراخ و اخليها تاخد لون خطير
و بعدين احطها علي الخضار الفي صينية و اقلبهم مع بعض كويس اوي
و بعدين في الخلاط انزل
ب ١٠ طماطم
٢ بصل
ثوم (اختياري)
٢ فلفل حامي
و انزل بيهم علي صينية البطاطس
و اقلبهم مع بعض
و ادخلهم فرن يكون متسخن من الاول
لحد ما تستوي
و بتتقدم مع رز بالشعرية و بالهنا ❤️
مستنية تطبيقاتكم
و مستنياكم تجربوا فراخ
Mafaza
لانها بجد تستاهل❤️
_____________________________________________________________________________-
الطبخ للجميع👌🏻
هعرفكم اد ايه الطبخ بجد حاجة سهلة جداااا محتاجة بس عدم اليأس و نجرب مرة و اتنين و عشرة وانتي نفسك هتتفأجي بالنتيجة
انا مكنتش بعرف اطبخ نهائي ولا كنت بدخل مطبخ اصلا
تابعوني و شوفو اد ايه الوصفات سهلة و جدا و نقدر نعمل كل حاجة في بيتنا واحنا واثقين في نظافتها و طعمها كمان تحفة 😍
تابعوني على
ــــــــــــــــــــــــــــــــــــــــــــــــــــــــــــــــ
صفحة فيسبوك | / eltabkhlelgamee3
حساب الانستجرام | / maimaher7
حساب تيك توك | / maimaherrr7