كل ال محتاجين تعرفوه عن البفتيك (سكالوب بانيه)

في الفيديو دا اتكلمت بالتفصيل عن كل الخطوات ال محتاجينها عشان البفتيك يكون طري وبيدوب في البقكل ال محتاجين تعرفوه عن البفتيك (سكالوب بانيه). من اول ال ليه اللحمة بتشد لحد ازاي نخلي القشرة ماتقعش من عليه.
كمان طريقتين لتسويته واحدة عادية والتانية صحية شوية مناسبة اكتر للدايت.
المقادير:
نص كيلو شرايح لحم بقري من وش الفخدة
مياه بصلة مبشورة
عصير طماطماية متصفية كويس
نص م ص ملح
ربع م ص فلفل اسود
كباية بقسماط ناعم
ثلث كباية دقيق
2 م ك نشا
2 م ص ملح
م ص فلفل اسود
بيضتين وفلفل اسود وحليب
زيت للقلي
دلوقتي لو حابين تقدروا تنضموا لبرنامج الانتساب للقناة من خلال اللينك دا
/ @omarscooking
ولو عايزين تشاركوا في الستوريز ممكن تتابعوا اكاونت القناة على انستاجرام من هنا:
/ omarscooking
ولحاجات مالهاش علاقة بالاكل فولو اكاونتي الشخصي:
/ omarِarabyoff

[@hodashokr1815]

نشكرك على كل الوصفات الجميلة. لتفادي الالوان المطبوعة على المفرش ممكن تستعمله على ظهره .. ... لتوفير البقسماط وضع كمية صغيرة ونزودها كل ما نحتاج وكده المتبقي هيكون مش كتير وبالفعل المتبقي عندك بيكون قليل

[@tota6525]

حط البيض الباقي على البقسماط وإعملهم كرات أو أشكال عشوايية وإقليهم في الزيت ، بيكون سناك طعمه لطيف

[@Camille-lk2hs]

بشكلهم على شكل صوابع طويلة بدل الكرات بيبقوا مقرمشين أكتر وممكن يتاكلوا بالكاتشب أو أي صوص ❤️

[@hafsaahmed4046]

بعملها علي طول بعد البانيه

[@gogasaaed2509]

انتي صح وبضيف فيهم كمان قطعة بفتيك مقطعة وبعجنها معاهم وبشكلها واقليهم بتبقي احلي من انها تكون بيض وبقصمات فقط 👌جربيها

[@kokomalak4875]

جميلة الفكرة

[@ranaelazazy]

بغض النظر عن الوصفه بس تحس الاحترام طالع من الفيديو والله👏🏻👏🏻

[@جميلهجميل-ش9ح]

جرب تحط في التتبيله معلقة عسل ابيض بتخلي اللحمه تستوي جدا ومتشدش وتكون ناعمه وملهاش مضغه كدا ومتحطش مع البقسماط نشا عشان بتنشف القشره

[@bba8845]

جربتها وطلعت تحفة حرفياااا القشرة ماسكة 100% بدون اي مبالغة تريكاية من عندي بدل الطماطم في التتبيلة ممكن ملعقتين تلاتة خل حيخلو الطعم في حتة تانية خالص

[@OmarsCooking]

الف هنا

[@yaraaljounibarsoumtawfik3395]

جرّبتها رائعة من جوا طرية جدا ( تذوب ) ومن برا مقرمشة ، تسلم ايدك

[@mohammedabdelsalam3218]

ما تعمل سلسله للطلاب المغتربين اكل يكون سهل و بسيط و مش بيحتاج ادوات كتير و فى نفس الوقت حلوا ❤️❤️

[@momenmuhamed9766]

محتوي احترافي و وقت قليل و مفيد و ده الصح الي المفروض يتعمل

[@enassaleeb3185]

انت محترم وبتسمع للناس❤

[@dalianabil9052]

تسلم ايدك ياعمر اكلك وشرحك تحفة احنا بنعمل باقى البيض مع باقى البقسماط شبه البطاطس كده ونقليه باشكال

[@samar8861]

هاي عمر ممكن تعمل وصفات اكل سهلة للطلاب المغتربين بره مصر عشان تعبت من اكل الناجتس والمكرونة

[@rashahamaky7952]

جربت خلطة الدقيق تحفه يا عمر ..تسلم ايدك. البقسماط الباقي شيله ف الفريزر زي ماهو ..واستخدمه ف طريقه الكفته بتاعتك اللي عملتها بالبقسماط واللبن والبصل المفروم ..ومش مشكله شويه البيض ..لأن فيه وصفات للكفته بيبقي فيها بيض ودقيق .. تسلم ايدك بجد .❤

[@merowaheed8583]

هاي بالنسبه البقسماط المطحون المتبقي ممكن تحطه في الفريزر واستخدمه المره اللي بعدها ومن الأفضل تفصل باقي البقسماط مكان الفراخ عن اللحمه اما بالنسبه لمفارش البلاستيك بيكون ليها وجهين اللي جوه دايما بيكون ضهر الرسمه يعني بدون الوان بلاستيك بس وكمان بيكون دايما من جوه مطبق وبعيد عن الاتربه ونظيف

[@nesreenhamdy3715]

عملته بطريقتك طلع جميل جدا والطبقه الخارجيه ثبتت عليه فعلا شكرا لحضرتك

[@بطةوبطريق]

أستغفر الله الذي لا اله الا هو الحي القيوم و اتوب اليه

[@marimessam234]

وصفات تحفه بصراحه 🥺♥️ ممكن ترشحلنا كتب طبخ؟! 🤩

[@mostafafahmy1381]

ممكن البقسماط يتعمل مع البيض والبصل اللي في الغالب هيترمي بردو لأن البصل بيبوظ بسرعة بردو ومن كل قطعة بفتيك بناخد شرايح صغيرة جدا اصغر مالفاهيتا وبتتقلب مع بعضها زي خلطة وبتتقلي في الزيت بتكون شبه الطعمية شوية 😅 دي اختراعات امي اللي واخداها من ستي من قديم الأزل وبحبها اكتر مالبفتيك نفسو

[@esraasaeed302]

جربتها و طلعت تجنن 🔥♥️♥️♥️

[@Eslam-Solopedia]

اعتقد لو هتشتغل على رخامة المطبخ نفسها او فصينية كبيرة شويتين زي بتاعة الكحك هيكون افضل كتير .. و تنضيفهم برضه مش صعب البلاستك بشكل عام سواء وشه او ضهره فهو مضر .. و انواع قليله جدا من البلاستيك هي اللي آمنه على الاكل و مفرش السفرة مش منهم الطريقة اللي انت عملتها انا بعمل بيها البانيه من زمان عشان بكره ان القشرة تفك من الفراخ او اللحمة او تطلع طرية .. و عموما الحاجه اللي بتخليها تطلع طرية هو الماية .. لو ماية التتبيلة كتير فرغم كل الخطوات القشرة هتفك .. لو حد فكر يحط بصل ما ماية بصل عالبيض برضه القشر هتفك .. لو باخد البفتيك بتوابله مبلول جامد برضه القشرة هتفك الفكرة ان البيض وظيفته هو انه يلزق فاللخمة رغم السوائل الخفيفه اللي هيحجزها جواه .. لو زادت السوائل مش هيقدر يتصرف معاها فالقشرة هتفك شكرا عالفيديو و تسلم ايدك

[@crawl9652]

انا مش بعمل لايك غير لما اسمع اخر كلمة 🙂 ( شكرا جدا انكو بتتفرجوا للآخر )

[@amalmorkos1898]

عاشت ايديك ممكن تضيف البقسماط المستخدم في عمل الكفتة 🎉🎉☺️

[@umis941]

اول مرة اشوف فيديو لحضرتك. شرح جميل وطريقتك لطيفة. شكرا

[@suzysalib7417]

ممتاز اسلوب الحديث و طريقة الشرح شكراً لك

[@shmamrh]

لايك لمبدعنا عمر 🌹

[@olafarid3136]

ماشاء الله عليك مبدع ومنظم

[@esterfahmy5404]

بجد تسلم ايدك ميرسي لتعبك

[@MahmoudGamal1999]

البقسماط الزياده ده بيبقي عليه توابل وبيض تقدر تزودله لبن او بيض او لو مفيش ممكن شويه مايه وتعجنه زي الطعميه وتقليها

[@kkhedr2453]

أحلي بفتيك من أحلي عمر في الدنيا بس نفسي في ايدك تطبطب عليا زي ما طبطتت علي البفتيك ❤❤

[@asmaaali4242]

لو عايزه اخزن البفتيك فى الفريزر، اخزنه بعد ما اعمله بالبقسماط والبيض، ولا اخزينه بالتتبيله بتاعته بس؟

[@rouqy_arts]

البقسماط الباقي انخلو في مصفه فتحتها وسط لديقه و حطو فكيس لوحدو اوعلبه في الفريزر و اسستخدمو في البريدنج مره تانيه

[@hayamhassan7833]

تسلم إيدك يا عمر

[@omarsalama3821]

ممكن تبدا تعمل لوجو و انترو. انت تستاهل تعمل branding لنفسك

[@أمنةاللهمحمدأبوالعلا]

بدل المفرش كيس نايلون كبير. وقلل كمية الخلطة مش هتترمي

[@ahmadhussein8559]

ابقي افرش المفرش علي ضهره ضهره مبيبقاش عليه لون كانه ساده يعني

[@bouaninioussama3746]

🤩شكرا يا معلم ✨✨✨✨

[@joryj7987]

الطريقة جميلة و طعمه مظبوط لكن حجمه صغر (كش) النص تقريبا ف ممكن اعرف السبب خصوصا اني عملت نص الكمية بطريقة تانية فضل محافظ على حجمه و شكله

[@Sondos_Star25]

شكرا جدا على الوصفات! مفيدة جدا!!! 😆

[@dalianabil9052]

ممكن تضيف لتتبيلة اللحم ملعقة كبيرة خل وملعقة صغيرة سكر بيساعد على تفتيت الانسجة ويسرع فى التسوية

[@اللهربىوالأسلامدينى-ط3ك]

شكرا جدا عمر 🌷👌

[@yosrasaid2792]

ما شاء الله نص كيلو بس فيهم بركة. مشكوووووور

[@khansaalassaf9098]

حط البقسماط الزيادة في الفريزر 👌🏻

[@ahmedgalal9210]

أنا كتبت كومنت علي سبيل الهزار وكمان كان فيه معلومة حقيقة ارجوا إنك ما تكونش بتزعل من الهزار بارك الله فيك

[@reemomar7451]

باحط باقى البقسماط فى الفريزر و لما اعمل تانى بانيه او اسكالوب باستخدمه

[@fareshussein5882]

صفي البقصمات بعد ما تخلص عشان تشيل البقصمات الاتوسخ من البيض

[@raniasaleh5930]

Amazing ma first time to watch ur channel 👏 love ur way

[@nouRan-khattab]

4:27 always, we're the ones who are thankful to you,

[@نجلاءحمدي-م5خ]

ابقى شيل باقى البقسماط فى الفريزر

[@omranyorokan6170]

بعد اذنك الزيت المستخدم للقلى اسمه ايه،والزيت الصحى للقلى اية ،اسمع ان الزيوت النباتيه مضرة شكرا

[@EgyptianRN]

أنت عينك جت على الدعوة دي هيرضى قلبك والفترة اللي انت فيها هتعدي وهيرضيك خير وهيجبر بخاطرك زي ما هتجبر بخاطري وهتابنعي وتشجعني اللي بيجبر بخاطر حد ربنا هيجبر بخاطرك

[@faresusama894]

جميل اوي

[@hmadasp2]

انت معلم عارف انا عرفت منين من لون المكرونه اللى انت عاملها

[@Layla32193]

باااانيه قريتها باميه 😂💔 وقاعدة افكر ايه سكالوب بامية ده

[@yahyay7613]

حطهم على باقي البيض واديهم للفراخ والحمام هيكلوهم

[@ahmedgalal9210]

ربي فرختين فوق سطح العمارة ومش هوصيك بقي أكل بايت وبواقي الاكل من التصوير وكمان تجارب الاكل إللي مش بتنجح 😂😂😂😂 وهتلاقيهم بيبيضوا بقي وايه 😍😍 ما شاء الله تبارك الله ربنا يبارك لك

[@ahmedgalal9210]

@𝗠𝗶𝗻𝗮 𝗗𝗮𝗻𝗶𝗲𝗹 ده سيناريو جه فبالي مش آكتر 😂😂

[@ahmedgalal9210]

معلش تعقيب بسيط علي تعليقي هو لو أي حد عنده إستعداد لتربية شئ مباح تربيته في البيت فده خير كتير آوي من عند الله قال رسول الله ﷺ في كل كَبِد رَطبٍ أجر. أو كما قال رسول الله ﷺ فهذا أكيد خير كثير نسأل الله يبارك لمن يفعله ويرزقنا اجراً منه بدعائنا

[@ahmedgalal9210]

@𝗠𝗶𝗻𝗮 𝗗𝗮𝗻𝗶𝗲𝗹 ده حقيقي فعلا

[@meronanadody4648]

البقسماط المتبقي انخله وشيله بالتلاجة لحين استخدامه مرة اخرى مش هيجراله اى حاجة

[@nancymehana2897]

جميل

[@حبيبهمحمدمحمد-ب6س]

لو سمحت تقولي نوع الكبه اللي حضرتك كونت عملت فيها البانيه الجاهز في البيت نوع الكبه اي وكام واط بالله عليك ترد عليه

[@mirahany4935]

تحفة

[@ilov1s3lf91]

اول ❤

[@تامرحسن-خ3ص]

ايه السلطة او الصوص المناسب جنبة

[@Marwa872]

ايوه ليه بيطلع اللحم مش مستوي اوي

[@Nour-vi4fn]

بالعكس انا بالنسبة لي اكتر حاجة باحبها في الاسكالوب ان اللحمة تشد

[@loai189]

نسيت تحط ايد للبيض وايد تانية للبقسماط انت استخدمت الايدين لكل حاجة🙂😂

[@داينتدان-د8د]

شاطر ياعمر بس هو اسمه ايه 😛🤭

[@navedian739]

Chef gourmet

[@ahmedfawzy728]

عندى 39 سنة واول مره اعرف ان الاسكالوب بانية هو البفتيك كنت فاكره نوع سمك غالى 😂😂

[@ghadakamel4018]

ممكن تقول اسم اللحمه بالانجلش

[@maihazem5972]

ممكن أضيف خل ولا لا

[@HTRO-EG]

انت ممكن تخلط بواقي البقسماط مع الباقي من البيض وتقليه , ولو مش هتاكله ممكن تسيبه لحيوانات الشارع , يعني فكر فيهم لما ترمي اي بواقي اكل , يعني البقسماط المطحون ده كان ممكن تسيبه في اي مكان مكشوف للعصافير , خلي صندوق الزباله اخر مكان لبواقي الاكل

[@روحالاماممحمدبنادريسالشافعي]

قعد قد ايه في التتبيل

[@جوجوالسس]

دا لحم ااي عمر لوسمحت

[@MegaSaeedi]

Prince 🤴

[@bothinaemad2916]

هذة اللحظة مش هزه اللحزة ازاي خطأ املائي فظيع كده!

[@hebatullahahmed8463]

لازم البوفتيييك عشان محدش يقول حاااااجة / الله يرحمه عبد المنعم مدبولى كل اما اسمع كلمه بوفتيك افتكر جمتله الشهيرة / ملاحظة: انا عمرى ماعملت البفتيك وظبط معايا هجرب طريقتك ان شاء الله تظبط

[@naima4656]

❤❤❤❤

[@ayasherif4910]

عمر هي الشبكة اللي دخلتها الفرن دي الكوولنج راك بتاع نيوفلام؟

[@OmarsCooking]

مش فاكر لانها عندي من زمان. بس اي كولينج راك ستينلس او صالح لدخول الفرن ينفع عادي

[@ayaabdelhady]

لو سمحت يا مستر عمر، هل الشبكة اللي حطيت عليها البفتيك مطلية وتدخل الفرن عادي؟

[@shahd1862]

اللحمه اه لقيت الطبطبه😂😂

[@chrissmorcos2936]

عمر انت بتقول ايه للجزار وانت بتشتريها؟

[@OmarsCooking]

بفتيك وش فخدة. بس مهم يكون جزار عارف ان لحمته كويسة مش كبيرة. ويقطع ويدق البفتيك كويس

[@anasabdo113]

اسمه لحم بفتيك

[@Ahmed-dx7zg]

اسمه موفتيك

[@Mai_fouad]

بص يا عمر هو غير حوار الألوان بتاع المفرش ده مش لطيف إننا نستخدم disposables كتير إلا في الضروريات، فممكن نعمل الحركة دي على صينية واسعة مثلًا. البقسماط بقى ممكن تعمل الخلطة دي في علبة وخليها جنبك وأنت شغال، حط شوية اشتغل بيهم ولما يقربوا يخلصوا زوّد من العلبة بإيدك النضيفة التانية أو بمعلقة، والباقي هيبقى نضيف في العلبة عادي زي ما هو شيله في التلاجة للمرات الجاية. في حاجة بحب أعملها بالبيض الباقي من البفتيك والبانيه، بحط عليه شوية بقسماط من الخلطة دي لحد ما يتماسك شوية كإنه پان كيك أو أتقل سنة، وبقليه مع البانيه وبحبه جدًا، وكده كده هيتعرض لدرجة حرارة الزيت العالية فهيبقى زيه زي القشرة بالظبط. بيكون تحفة.

[@nourhanyouseeff4222]

😍😍😍😍😍😍

[@maimahmoud1571]

١

[@اخبارالفنوالمشاهير-خ5س]

لمن يقرأ الان :جبر الله خاطرك حتي تفيض عينك من الدمع فرحا لو جبرت بخاطري ودعمتني سيبلي كومنت في القناة علشان ادعيلك 🥰🥰

[@rehamali1006]

❤❤❤❤❤❤❤❤