كل أضرار المكيفات الهوائية وطرق الوقاية منها بسهولة

#أفكار_جديدة_جدا
#تكييف
#أضرار_المكيفات
مقارنة بين المكيف الانفرتر والعادي
• القول الفصل بين التكيي...
كيف تحمي نفسك من مخاطر المكيفات
اهلا بيكم في قناة افكار جديدة جدا ومعاكم هاني
التكييف او المكيف اصبح جهاز اساسي في بيوت كتير رغم ارتفاع أسعارهم مؤخرا
لكن ما تزال في علامات استفهام كتير حوالين التكييف وأضراره على الصحة العامة خاصة للأطفال
في الفيديو ده هنعرف ازاي نتعامل مع التكييف وناخد كل مميزاته بدون أي أضرار
بس الأول كده شرفنا باشتراك القناة واخر الفيديو متنساش تعمل لايك اذا حسيت انك استفدت ولو بمعلومة واحدة جديدة ومفيدة
أولا كده اياك ثم اياك تشغل التكييف وانت مش قاعد في الغرفة الموجود فيها
لأن في ناس بتحب تشغل التكييف وتدخل الأوضة وهي متلجة، وده بيعمل صدمة وأكبر سبب لدور برد محترم متعرفش حدوده ايه، يعني مينفعش تدخل أوضة فيها تكييف شغال على درجة حرارة أقل من 27 والجو بره مثلا 35 أو 40
خاصة الأطفال
يعني لو هتدخل غرفة مكيفة لازم التكييف يتقفل الأول دقيقتين تلاتة، وبعدين ادخل براحتك وبعدين شغله تاني وانت جوه، عشان يبدأ في خفض الحرارة تدريجيا
ثانيا لو انت عرقان بغزارة ممنوع تدخل غرفة مكيفة ألا لما تتخلص من العرق ده
الصح بقى انك تكون مش عرقان ولا جاي لسه من بره والشمس مصهداك وتقعد في التكييف ولا حتى المروحة
ثالثا لو هتخرج من الغرفة المكيفة مفيش مشكلة انك تخرج مرة واحدة عادي لأن الانتقال من البرد للحر مفيش فيه خطورة عمليا
أنما لو هترجع تاني للغرفة المكيفة يبقى لازم تطفي التكييف قبل دخولك بدقايق ولو بسيطة، خاصة الأطفال يا جماعة، لو الطفل خارج يبقى تطفي التكييف وتفتح الباب لمدة ٤ او ٥ دقايق قبل رجوع الطفل تاني الغرفة، ولما يرجع شغل المكيف تاني عادي.
اما لو انت مصمم تدخل وتخرج بدون اطفاء المكيف
يبقى حاول تطس وشك بشوية ميه قبل الدخول مباشرة واشرب بق ميه
ولما تدخل حاول تحبس نفسك كام ثانية جوه الغرفة المكيفة على ما جسمك يبدأ يحس انك في مكان بارد
رابعا النوم في التكييف
عشان تنام نوم امن ومريح في المكيف لازم تعمل الخطوات دي
أول خطوة متنزلش الحرارة أوي، يعني من 25 ل 27 حلو جدا
تاني خطوة متخليش الهوا بتاع التكييف عالي، يعني خلي المروحة بتاعة التكييف على الهادي أو المتوسط
ثالت خطوة متخليش مروحة التكييف موجهة للسرير وانت نايم لأن كده هتجيبلك برد علطول وهتصحى تعبان.
رابعا بقى وأخر نقطة وهي اقتصادية لأن التكييف لو تجنبنا أضراره العضوية مش سهل نتجنب اضراره المادية
ومعروف انه بيسحب كهربا كتير وده أكبر سبب بيخلي ناس كتير تنفر منه
عشان كده انا بنصحك بالتكييف الانفرتر لانه بيشتغل بسلاسة وهدوء عن المكيف العادي
وكمان لازم يكون مناسب لحجم الغرفة
ويكون مفيش فيه مشاكل فنيه عشان ميهدرش طاقة كبيرة في الفاضي
وتكون الكهربا مظبوطة
ولازم الغرفة تكون مقفولة بدرجة كويسة، مش مقفولة بإحكام أوي برضو، يعني كفاية تقفل الأبواب والشبابيك عادي، متقفلش الفراغات اللي تحت عقب الباب او فتحة المفتاح

[@user-ez1cm2iv2h]

شكرا جزيلا لك على النصايح الحلوة دي❤

[@user-lp1ev6gu3q]

بصراحه انا حبيت اسلوبك في الطرح والشرح وثقتك كمان في الطرح سواءً في الفيديو الأول او الفيديو ده عشان كذا رح اعمل اشتراك ولايك يااستاذ هاني.

[@HanyMoh2017yt]

تسلم على كلامك الجميل

[@m12008]

بارك الله فيك وجزاك الله خير ❤❤

[@user-xd5ep1rb6b]

يادكتور انا بنام تحت المكيف وصار عندي نزول دم من الانف هل بسبب البروده ؟

[@HanyMoh2017yt]

هو انا مش دكتور والله 😅 بس غالبا عندك حساسية جيوب أنفية والتكييف بيقلل رطوبة الغرفة، وجفاف الاغشية المبطنة للأنف الحل هو تقليل درجة البرودة خليه على ٢٦ او ٢٧ هتلاقي مفيش اعراض وكمان اشرب سوايل كتير

[@user-sj7qy1wc4o]

‏ممكن تكييف يغذي غرفتين صغيرين

[@HanyMoh2017yt]

لو المساحة في حدود قدرته، ومفتوحين كويس، هيشتغل بس مش هيبقى مظبوط للغرفة التانية

[@user-bo9fj4uw6o]

سلبيات المروحة

[@HanyMoh2017yt]

قصدك مروحة البيت يعني، اعملها فيديو؟

[@mohamedkhoo7714]

انا عندي الم في الرأس يوميا كل ما أدخل الغرفة الي فيها مكيف احس بالم في مقدمة الرأس و حرقان في الانف

[@HanyMoh2017yt]

قبل دخولك بشوية والمكيف شغال يتم رفعه لاعلى درجة حرارة ٢٨ مثلا ورفع ريشة الهواء لاعلى اتجاه وتغسل وشك بماء بارد قبل دخولك ان شاء الله لتويحدث اي شيء

[@mohamedkhoo7714]

@@HanyMoh2017yt شكرا جزيلا لاهتمامك و الله يخليك أنا متابعة من الجزائر