Рет қаралды 21,629
كلمات القصيده:
ياكم في الوقت قد شفنا عبر.
والعمر بيمر مابنعبــــــــــــره
من حيث صاروا هلافيت البشر
يتمشيخوا والمشيخه فالمقبره
كم قد تعلمت من حكم القدر
ياذي بتفهم وعاديه طايره
به شي تشوفه ويعرف بالنظر
وشي عتجهل باطنه من ظاهرة
لاتحكم الحكم من شكل الصور
الصور هي للنفوس الخاسره
اوصيك لا عشت تتوخى الحذر
وساير الوضع والوقت احذره
وترّك الفسل واتحاشى الذمّر
ذي يذمرك اما انت ماباتذمره.
وعاشر الكفو ذي لجلك صبر
واوفي معى الجيد واوبه تخسره
واتحمد الله لاوعدك سبــر
والعيش والملح لاتستهتره
واجلس معى ناس جلستهم درر
واطلب من الله رفقه مثمره
ذي يقبلوا في سلم ولا في شرر
مش ذي يجولك وقت ماهي سابره
حين يختفوا فالضيق ماتلقى اثر
ولا لقيته قام يعضعض مشفره
والصبر هاقد زاد من فوق العتر
لاما خرج من داخل الحب الذره
لنا ثمنيه اعوام بنقلب حجر
ولا حجر سارت ولا هي سايره
واتغشت الابصار من عصب الغتر
لاما اصبحت كل الحناجر باغره.
به ناس لاقد جاء يكفي لاحضر.
وناس لاقد جاء قلبها سمسره.
وناس يامحلاه لاقد جاء سمر
يسلي على كل القلوب السامره
وناس لاقد جاء يصلح مااكتسر
وناس لاقد جاء تمنيت اكسره
وسلامتكم
✍🏻الشاعر هاشم الشامي
تصميم / سفــــــــــير
سوشل ميديا/
طاهر جواح
تسجيل استوديو/
عنتر الشميري
شكر خاص:
ابراهيم الاشول
المدير امين الرحومي
#الشامي #alshami #اكسبلور #2024 #حفل_الشامي