Рет қаралды 4,881
Биогеоценоз тірі ағзалар (биоценоз) мен олар алып жатқан жердің бетіндегі абиотикалық ортаның (биотоп) тарихи қалыптасқан жиынтығы.
Экожүйе - бұл зат және энергия айналымы жүретін кез келген тірі ағзалар бірлестігі мен олардың мекен ету ортасы.
Экожүйе, күнделікті көріп жүрген кез келген табиғат боп табылады.
Экожүйеге мысал ретінде, тоғанды қарастырса болады. Яғни тоғанда тіршілік ететін тірі ағза бірлестігі мен тіршілік ету ортасы (судың физикалық қасиеті мен химиялық құрамы, су түбінің бедері)
«Экожүйе» ұғымын кез келген деңгейдегі жүйелер ұғымын атаса болады. Ал «биогеоценоз» - белгілі бір өсімдіктер жамылғысы (фитоценоз) алып жатқан территориялық ұғым.
Мысалы, қарағайлы орман, қайыңды тоғай.
Кез келген экожүйе биогеоценоз бола алмайды, бірақ кез келген биогеоценоз экожүйе бола алады.
Экожүйе- кең ауқымды ұғым. Оны табиғи жүйеге де(тундра, мұхит), жасанды (аквариум) жүйеге де қолдана береді.
Барлық табиғи экожүйелер бір-бірімен тығыз байланыста және бірігіп Жер ғаламшарының тірі қабатын құрайды, сөйтіп, ең үлкен экожүйе - Биосфера қалыптасады. Ол атмосфераның төменгі бөлігін, литосфераның жоғарғы бөлігін және гидросфераның барлығын қамтиды.