Koha për tu kthyer në shtëpi

Drejtësi e munguar 80 vjet pas masakrave dhe dëbimit me dhunë!
Fakte dokumentare, dëshmi të dorës së parë dhe analiza historike e diplomatike, për një prej dramave më të dhimbshme të historisë sonë kombëtare.
Si u projektua nga shteti grek, që në vitin 1844, ideja e spastrimit etnik në Çamëri, në trevën e banuar historikisht nga shqiptarët?
Momentet historike kur kjo ide u vu në zbatim, mes shumë intrigave politike, ushtarake e diplomatike.
Si u finalizua ky projekt ogurzi në vitet 1944-1945 nga ushtria greke, e komanduar prej Napoleon Zervës?
Rrëfime autentike të të mbijetuarve të genocidit, me dëshirën e vetme për t’u kthyer në trojet e tyre.
Pse shteti shqiptar duhet ta trajtojë politikisht këtë çështje dhe cilat janë rrugët e zgjidhjes?
Produksioni: Fondacionit Çamëria “Hasan Tahsini”
Drejtor: Alket Veliu
Skenari: Admirina Peçi
Regjia: Admirina Peçi
Muzika: Endri Sina
Me pjesëmarjen e historianëve të mirënjohur:
Pëllumb Xhufi, Irakli Koçollari, Beqir Meta, Hajredin Isufi, Hasan Bello dhe diplomatit Shaban Murati.
Ndihmuan në realizimin e këtij dokumentari Bashkia Konispol dhe Shkolla “Bido Sejko”
WEBSITE: fondacionicameriahasantahsini.al/
FACEBOOK: / fondacionicameria.hasa...
INSTAGRAM: / fondacionicameria_hasa...

[@sajedb]

Fatkeqesisht kemi qene dhe jemi shtet i vogel.

[@fahridahri2117]

Përshëndetje juve që na dhatë këtë histori tragjike të 1:29:55 popullsisë çame. Nuk është nevoja t'ju lavdëroj, sepse ky dokumentar është shfaqje e një realiteti të ndodhur 80 vite më parë. Po. E kam të drejtën të deklaroj se pa asnjë mëdyshje keni shfaqur të saktë, të gjallë, sikur ka ndodhur sot ai gjenocid. I keni përfshirë barbarimat e ortodoksisë bizantinne greke të plota, dëshmitë që disa prej tyre u shfaqen tregojnë fytyrën dhe "demokracin" antinjerëzore të kishës dhe shtetit Grek. Por që ngarkon me përgjegjësi penale edhe BE-në për mos kërkimin dhe detyrimin e shtetit grek anëtar i BE-së të që të ndreqë menjëherë dhe të vendosë në vend të drejtat e atij populli viktimë e çmendurisë nazifashiste të shtetit grek. Sa më gëzoi ky dokumentar ku u tregua e vërteta historike e madhështisë të banorëve të atij rajoni, por dhe më bëri të lotoj kur shfaqeshin dëshmitë rrënqethëse ku zervistët grekë vrisnin, thernin, përdhunonin dhe dëbonin ata banorë, njëri prej të cilëve jam dhe unë, sot 87 vjeç. Z.Alket dhe të gjithë pjesëmarrësit e këtij dokumentari, ju falenderoj dhe ju respektoj mbasi mbas 80 viteve u bë e mundur të dalin në dritë të vërtetat e vuajtjeve të shqiptarëve të rajonit etnik shqiptar të Çamërisë. Vuajtje, masakra, dhunime e përdhunime, dëbime, rrëmbime pronash, poshtërime, heshtje, shpifje e intriga nga të dy anët e kufirit. Sot, të jem i sinqertë, ndjehem i qetë se me dokumentarin tuaj, vihet ë vend nderi i shqiptarëve të Çamërisë, i cili u nëpërkëmb me akuza falso. Shikoja dokumentarin dhe e krahasoja me shkrimet e botuara në artikuj të shumtë dhe në 12 librat e mia. Kujdesesha mos mbetej diçka e pa thënë. Të gjitha i keni thënë, sigurisht për mbi 1 orë dokumentarë nuk arrihet të pasqyrohen ndodhitë e 111 viteve ku ortodoksia greke ka kryer masakra ç'njerëzore ndaj popullsisë Shqipërisë së jugut, përfshi Çamërinë. Duhen thënë edhe se Greqia i kreu masakrat nën hundët e Boshtit dhe të Aleatëve, andartët grekë në mars të 45 donin ti ndiqnin për ti vrarë çamët edhe gjatë ikjes në brendi të shtetit shqiptar, sot na thonë se nuk ekziston çështja çame dhe se ajo duhet të zhduket nga historia, çamëve ortodoksë nuk u n njihen të drehtat si pakicë etnike dhe nuk kanë asnjë të drejtë edhe gjuhën u a kanë ndaluar. Etj. E mbyll këtë shkrim që po e shkruaj direkt nga sa pashë dokumentarin. Ju uroj shëndet, mirësi dhe krijimtari të ëttejshme. Falenderoj edhe miqtë e mi historianin Hajredin Isufi, profesorin Resmi Osmanin, prof. Beqir Meta, prof. Pëllumb Xhufi, etj. Respekte për këtë kontribut të çmuar që i dhatë shoqërisë shqiptare e ndërkonbëtareve. Fahri Dahri, Studjues i pavarur i "Çështjes Çame" . Tiranë, më 30 qershor 2024

[@egonvelaj4237]

Do te vij nje dite qe çamet do te kthehen. Une nuk jam çam por si Shqiptar qe jam, Çameria eshte edhe e imja. Respekt 🇦🇱