Кokshe-kontent. Жарнама. Бейнемонтаж. Дыбыс жазу. Ән жазу.Көкшетау

"Бағасы келісімді", "Жоғары сапа", "Қысқа уақытта дайындаймыз" деген сияқты жаттанды маркетинг ұрандарын айтпай-ақ қояйық. Мынадай аңызбен бөліскіміз келіп отыр.
Бірде жалғыз көзді, аяғын ақсаңдап басатын жиһангер Әмір Темір сарайына суретшілерді алдырып, "Менің суретімді салыңдар!"-деп бұйырған ғой, "Бірақ, кемшілігім көрінбейтін болсын!" деген талап қойыпты.
Бір суретші Ақсақ Темірді екі көзі де сау, аяғы түзу, сымбатты етіп бейнелеген екен. Әмірші "Қылқаламың жалған сөйледі"- деп байғұстың басын алыпты.
Екінші суретші өзіне дейінгінің қатесін қайталамайын деп, Темірді қаз қалпында салған ғой. Ол да өлім жазасына кесіліпті.
Үшінші суретші Ақсақ Темірді тізерлеп, бір көзін қысып садақ тартып тұрғандай қылып бейнелеген екен. Әмірші оның шеберлігіне разы болып, ат басындай алтын сыйлаған деседі.
Біздің түсінігіміздегі профессионализм осындай болса керек. Сонымен, "Келісімді бағаға, жоғары сапада, жылдам дайындаймыз!"