Kongo Demokratik Respublikasida bugungi vaziyat

Kongo Demokratik Respublikasining bir necha trillion dollarlik mineral resurslarga ega Goma shahrida o’q ovozlari tinmayapti. Shahar va uning tevaragidagi hududlar Kongo armiyasi hamda Ruanda dastaklayotgan “M23” isyonchi kuchlari o’rtasidagi qurolli to’qnashuvlarning episentriga aylangan.
"M23" guruhi shaharni egallash barobarida siyosiy boshqaruvni ham uddalashini namoyish qilib, mamlakat hokimiyatiga kelish da'vosini bildirmoqda.
Aslida, bu to’qnashuv Kongo sharqidagi yirik konfliktning bir qismi. Bu hududning boy konlariga egalik uchun 120 dan ziyod qurolli guruh kurashib keladi.
Shimoliy Kivu viloyatidagi shunday ixtiloflar tufayli millionlab odam sarson-sargardon ko’chib yurishga mahkum.