Konsêrta Helbestvan û Rojanamevan Mu'eyed Teyib

[@bawarbilal1717]

18:39

[@RevendC]

08:24 ئارامی: نە ئەزبەنی نەکە کەنی وەڵاتێ من بەفرە بەفرە کەنگی بەفر بوویە تەنی نە ئەزبەنی نەکە کەنی وەڵاتێ من نە ڕووبارە دناڤ دەریایێ بەرزە بیت وەڵاتێ من نە بوهارە هاڤین دێ هێت و چرمسیت نە، وەڵاتێ من چیایە و چیا ژ جهێ خۆ نا لڤیت بەفرا مە ژی هەر یا کەتی و هەر دێ کەڤیت وەڵاتێ من هەی بەفر و خوین تو نە باغی دا ئەز بێژم: ئەو باغێ گاڕان تێ چەرین من نەڤێتن تو نە لەعلیخانا گوڤای و ئەز هەسەد ئاغا مە دا ئەز بێژم: ئەو سینگێ هاتییە پەڕخین من ژێ نەڤێت ماچ و ئەڤین نە، تو بەحری و بەحر ب دەڤێ سەیا پیس نابیت دل ژ ئەشقا تە ڕیس نابیت وەڵاتێ من هەی بەفر و خوین دەمێ شەڤ و تاڕی د ڕەڤین ڕۆژێ هێدی تیڕۆژکێن خۆ بەڵاڤدکرن من چاڤێن خۆ ژێکڤە دکرن دا سەحکەمە چیا و دۆڵ و نەهاڵێن تە من دگوت: هەوار! تو چەند یێ مەزنی تو بەحرەکی و یا بێ بنی لێ ڕۆژەکێ برینەک ل سینگێ من چێبوو دەرێ برینێ هەر ڤەبوو هەتا کو بوویە پەنجەرەک من تێڕا دیت تە ب چەند چیا و دوڵێن خۆ ڤە دلێ من یێ کرییە هێلین هینگێ من زانی سینگێ من ژ چیا پڕە تو یێ بچیکی و دلێ من هێش مەزنترە وەڵاتێ من خوین و کەڤی کێ گوتییە تو یێ کەتی یان دێ کەڤی گەر تو کەتبای چاوا گەمی دا د ڕووباران دا هێنە خار چاوا ڕۆژامە دا هەڵێت و ئاڤابیت بیتە سپێدە، بیتە نیڤرۆ، بیتە ئێڤار چاوا شڤان دا بلیلێن خۆ هەلگرن چاوا شێرێن تە دا فڕن چاوا پڕاسی دا دلێ من ڤەگرن وەڵاتێ من چەند دوو چاڤێن ڕەش و بەلەک دکەڤنە سەر ئێک دوو نێرگزێن شەنگ و شەپاڵ دکەڤنە بەر ئێک و هوسا دێ ڕۆژەک هێتن دێ بییە مێرگەکا خەملین ستری نابن دەست و تلێن زارۆکێن مە خینەلوکن ئەڤجا دەمێ ئێڤاریان ژ ئاقاڕی دهێن دێ سروودا ئاشتییێ بێن بێریڤانێن گوندێ مە ژی ل شوینا شکەفتنا دێ ل دەرێن خانیکێن ئاڤا مەشکێن خۆ کێن. سوپاس. ~~~~~~~~~~~~~~~~~~~~~~~~~~Latînî: Ne ezbenî neke kenî Welatê min befr e befr e kengî befr bûye tenî Ne ezbenî neke kenî Welatê min ne rûbare dinav deriyayê berze bît Welatê min ne buhare havîn dê hêt û çirmisît Welatê min çîyaye çîya u ji cihê xo na livît Befra me jî her ya ketî û her dê kevît Welatê min hey befr û xwîn Tu ne baxî da ez bêjim: Ew baxê garan tê çerî min nevêtin Tu ne Le'lîxana goveyî û ez Hesed axa me Da ez bêjim: Ew sîngê hatîye perixîn min jê nevêtin maç û evîn Ne, tu behirî û behir bi devê seya pîs nabît Dil ji eşqa te rîs nabît Welatê min hey befr û xwîn Demê şev û tarî di revîn Rojê hêdî tîrojên xo belav di kirin Min çavên xo jêkive di kirin Da sehkeme çîya û dol û nehalên te Min digut: Hewar! Tu çend yê mezinî Tu behirekî û ya bê binî Lê rojekê birînek li sîngê min çêbû Derîyê birînê her vebû Heta ku bûye pencerek Min têra dît te bi çend çîya û dolên xo ve Dilê min yê kirîye hêlîn Hîngê min zanî Sîngê min ji çîyan pirr e Tu yê biçîkî û dilê min hêş mezintire Welatê min xwîn û kevî Kê gutîye tu yê ketî yan dê kevî Ger tu ketbayi Çawa gemî da di rûbaran da hême xwar Çawa roja me da helêt û ava bît Bîte spêde, bîte nîvro, bîte êvar Çawa şivan da bilîlên xo helgirin Çawa şêrên te da firin Çawa perasî da dilê min vegirin Welatê min Çend dû çavên reş û belek dikevine ser êk Dû nêrgizên şeng û şepal dikevine ber êk Û husa dê rojek hêtin dê bîye mêrgeka xemlîn Strî nabin dest û tiblên zarokên me xwînelokin Evca demê êvarîyan ji aqarê dihên Dê sirûda aştiyê bêjin Bêrîvanên gundê me li şwîna şikeftan Dê li derîyên xanîkên ava meşkên xo kên. Supas. _________________ - گەر خەلەتییەک هەبیت حەزدکەم ڕاستڤەکەی. ٢٠٢٢/٧/٢٧

[@shawkatzaher7998]

20:00

[@ezbenii]

28:30

[@RevendC]

« خۆزی ئەز کویڤیەک بامە و نە کیڤی » ئەز کیڤی مە زارۆکەکێ نەھ ساڵی مە ئەڤە سێ ساڵە بۆیاخچی مە ماڵا من کۆلکەکێ بچویک ژ ئاخ و بەرا ل تاخێ گێژەبەرا، تەجاوزە و ژ هەمی خانییێن تەجاوز پێهەلترە ژ هەمییان نزمتر و تاڕیترە ڕێکا وێ ژی... پەسارەکە ژ کێلییا شەدایێ ڕکترە!، ل بنارێ گارەی، گوندەک یێ هەی من نە دیتییە لێ ئەز خەلکێ وی گوندی مە بەری هەشت ساڵان هێشتا ئەز یێ ب شیر بووم هێشتا ئەز گەلەک یێ هویر بووم بابێ من ڕەزێ مە فرۆت پەزێ مە فرۆت ماڵا مە بارکرە باژێڕی ئەم بووینە باژێڕی. بابێ من مرۆڤەکێ ڕێنجبەر و هێمن پاڵە بوو بەری سێ ساڵان د دیوارەکێ دا فڕی و مر... دایکا من پار ئەز و داپیرا من هێلاین و شوی کر... داپیرا من پیرەژنەکا پیر خۆدێ هەردەم ل بیر عەبدەکا شوکری، رۆژا وێ نڤێژ و ساڵا وێ رۆژی پڕچا وێ سپی، دلێ وێ سپیتر بەری سێ رۆژان وێ ژی ئەز هێلام و ژ ڤێ فانییێ بارکر. بەری چوار ساڵان من خویشکەک هەبوو ژ تلییا تری نازکتر دوو ساڵان ژمن بچویکتر بابێ من ناڤێ وێ کربوو ”کەڤی“ لێ دگوتێ: ”هەیڤا چواردە شەڤی“ رۆژەکێ نەساخ بوو رۆژا پاشتر نەساختر رۆژا پێنجێ ب ڕێکا خەستێ ڤە مر ژ هینگێ وەرە هەر شەڤەکا ئەز ئەسمانی دبینم گرێیەک دکەڤیتە گەورییا من ئەگەر تێر نەگریم دێ خەندقم ژ هینگێ وەرە هەر جارەکا ئەز هەیڤا چواردە شەڤی دبینم ئارۆنکەک من دگریت وەک خەنجەرێ جەرگێ من دبڕیت. خۆزی بابێ من نە مربا خۆزی دایکا من... خۆزی داپیرا من سێ چوار ساڵێن دی ژی خۆ ل من گرتبا خۆزی سۆرکا خویشکا من نەگرتبا خۆزی ئەز چووبامە مەدرەسێ و من ڕسم زانیبان دا ڕەڤەکا قولنگان ل ئەسمانەکێ شین چێکەم خۆزی ئەز قولنگێ پێشییێ بام و ڤێ پاییزێ من ژ ڤی واری بارکربا... لێ ئەز کیڤی مە، بۆیاخچی مە نە دبمە نیگارکێش نە قولنگەکێ پێشکێش تە گوھ ل منە باب!! ئەز نا بمە نۆژدار نە ئەندازیار ژبەرکو ئەز زارۆکەکێ ئێتیم و سێوی مە دێ هەر لبەر پێلاڤێن خەلکی بم و دێ هەر مینم کیڤییێ سەباخ جیهانا وی پێلاڤ و بۆیاخ. ل بنارێ گارەی، گوندەک یێ هەی خۆزی ئەز بالندەیەکێ ئەسمانێ وی بام ئەز ماسییەکا ڕویبارێ و بام ئەز کویڤییەکێ چۆل و بەیارێن وی بام نە کیڤییێ بۆیاخچی بام. 2022/12/19