ကိုယ်တိုင်ရေးကြော်ငြာ - လှသန်း

❝ ကိုယ်တိုင်ရေးကြော်ငြာ ❞ - လှသန်း
ဖြစ်သလိုနေထိုင်ခြင်းနဲ့
မင်းကိုယ်မင်း ညှဉ်းဆဲနေသလား
ပျင်းစရာကောင်းလွန်းတဲ့ နေ့တွေ
ဘာမှ မသိခြင်းနဲ့ အသက်ရှင်နေခဲ့ရင်
အခုလို ခံတွင်းချဉ်မိမှာ မဟုတ်ဘူး
ဒီနေ့တော့
ကြုံခဲ့တာတွေနဲ့ပဲ တည့်မတ်
အဝတ်တစ်ထည်၊ ကိုယ်တစ်ခု၊ ဖိနပ်တစ်ရံ
ကြေညက်မယ်ထင်တာ မှန်သမျှ မျိုချ
ဗာဟီရ ကိစ္စတွေနဲ့
စိတ်ရှည်ရှည် စောင့်စားခြင်းတွေနဲ့
ဘာလို့များ
မလျှောက်ဖူးသေးတဲ့ လမ်းတွေကို
လွမ်းနေရတာလဲ
ဘာလို့များ
မမြင်ဖူးသေးတဲ့ အသစ်အဆန်းတွေကို
စွဲလမ်းချင်ရတာလဲ
ဘာလို့များ
တောင်ထိပ်ရောက်မှ
အပန်းဖြေချင်ရတာလဲ
“တစ်စက်မှ မယိုဖိတ်စေနဲ့” တဲ့
ဂုဏ်သိက္ခာလား...
အကျင့်စာရိတ္တလား...
လိပ်ပြာတစ်ကောင်လောက်မှ မလွတ်လပ်
ငြိတွယ်တပ်မက်မှု စက်ဝိုင်းထဲမှာ
ကိုယ့်သမိုင်း ကိုယ် ချစ်ရေးဆိုနေရတဲ့ ဘဝ
မနာလို မဖြစ်ကြနဲ့
ငါဟာ လူသားအစစ် ဖြစ်တယ်။
စာရေးသူကိုလည်းလေးစားစွာဖြင့် credit ပေးပါသည်။
အမှားပါပါက နားလည်ခွင့်လွှတ်ပေးပါရန် မေတ္တာရပ်ခံအပ်ပါသည်။
#floranawhispers #poem #လှသန်း #ကိုယ်တိုင်ရေးကြော်ငြာ