Krijuesi i "Xhamadanit Vija - Vija " Zef Çoba rrëfen jetën artistike | Jeto me Orën

#rtvora #jetomeoren #anakallaku #show #zefcoba #artist #kengazhamadanivijavija
Mjeshtri i Madh i muzikës shqiptare, Zef Çoba ishte i ftuar në emisionin “Jeto me Orën”.
Ai foli për artin, me të njëjtin pasion që e karakterizon që nga fillimet e tij.
Mes batutash, profesori ia atribuoi vitalitetin e tij, pavarësisht viteve mbi supe, komunikimit të vazhdueshëm me brezin e ri.
“Arti ma ka bërë jetën të bukur, sot jam edukator i gjeneratave të reja të artistëve”- tha ai, duke i vënë theksin rëndësisë së studimit të artit.
“Arti edukon ndjenjën sociale dhe atë të korrektësisë, është element i rëndësishëm i integritetit”.
I pyetur për mendimin e tij për muzikën që të rinjtë bëjnë sot, kompozitori shkodran shpjegoi tendencën e të rinjve për të futur në muzikë problematika të një periudhe të shkurtër kohore, por sipas tij muzika përmban histori shumëvjeçare dhe është më bukur të paraqesësh atë.
“Çdo gjë që është traditë, është institucion, mos e injoroni sepse aty mund të gjeni elemente që te mbështeteni për të ndërtuar të ardhmen”, ishte kjo thirrja që Mjeshtri i Madh i drejtoi artisëve të rinj.
Natyrisht që qyteti i tij i zemrës është Shkodra, por profesor Zefi na tregoi se ka një lidhje shpirtërore të ngushtë edhe me Peshkopinë, aty ku ai ka punuar për 7 vite dhe më pas me Tiranën.
Për sa i përket krijimit të këngës së famshme “Xhamadanin vija-vija” ai na rrëfeu: “Shkurte Fejza ma propozoi, isha shumë i ngarkuar ndaj punuam nga ora 22:00 deri në 04:00 të mëngjesit çdo gjë kishte mbaruar përveç vargut “sa e madhe është Shqipëria” sepse nuk donim të krijonim probleme të karakterit etnik, të mos përcaktonim ku fillonte dhe mbaronte Shqipëria”.
Për ta përmbyllur profesori tha se artistët janë ambasadorët më të mirë pasi flasin me gjuhën e shpirtit, dhe brazat duhet të komunikojnë me njëri-tjetrin për të lënë trashëgimi.
Panel
Prof.Zef Çoba - Kompozitor
Për më shumë lexoni në:
Mes ngjyrash të vërteta, me hapat e çdo dite, plot shpresë dhe energji. Për të qeshur me shpirt si fëmijët, me ëndrrat e fëmijëve dhe me dashurinë që nuk njeh moshë për të mos ndalur.
Nga 20 shtatori, Ana Kallaku vjen çdo pasdite nga e hëna në të premte me 'Jeto me oren'. Rrëfime personale, të pathëna, histori suksesi, e shumëçka tjetër.
Follow RTV Ora
Website: www.oranews.tv
KZbin bit.ly/2sPcqj3
Facebook: / rtvora
Instagram: / rtvora

[@robertprendushi6894]

Bravo Zef. Prej teje presim gjithnji vepra të tjera të deja.

[@dermanimirel5240]

Po pse thu dinamizmin Në vend me than Ndryshimin

[@dielliera]

Na e shpifi moderatorja me ato "ëhë"-të e habitjes, që shprehin vetëm padijen e saj për fushën që po interviston. Lëre pastaj qëndrimi në kolltuk dhe duart në fytyrë gjatë intervistimit... aspak profesionale!!!

[@diegomarino4111]

Respekt profesor

[@arturmatia9174]

Rrespekt per zotni Zef Qoba, nga vlera artistike eshte krenaria e kombit Shqipetare; kurse si njeri: eshte i shenjte dhe qdo fjale qe nxjerre nga goja jane nji diamant per ne: God bless :