Kryeministri Berisha në SHBA, takim me sekretaren e shtetit Hillary Clinton - (7 Shkurt 2009)

Lajme arkiva 2009
Anëtarësimi i Shqipërisë në NATO duket të ketë qenë kryefjala e takimit mes kryeministrit Sali Berisha dhe sekretares amerikane të shtetit Hillary Clinton. Një moment që u ka shërbyer dy personaliteteve të vlerësojnë marrëdhëniet e shkëlqyera mes dy vendeve.
Kryetari i qeverisë ishte një ndër liderët e parë politik, që u prit nga zonja Clinton. Përmbajtja e takimit u zbardh gjatë një konference të përbashkët për shtyp mes zëvendës ndihmësit sekretarit amerikan të shtetit Stjuard Jones dhe kryeministrit Berisha.
Jones tha se kryeministri Berisha kish falënderuar zonjën Clinton për mbështetjen e SHBA-ve në përpjekjet integruese të vendit. Nga ana e saj zonja Clinton, u shpreh entuziaste për pranimin e Shqipërisë në NATO. Gjatë takimit u diskutua edhe mbi situatën Afganistan.
Kryeministri Sali Berisha shprehu gatishmërinë e qeverisë për të dërguar edhe të tjerë trupa ushtarake në këtë rajon. Jones tha, se kryeministri shqiptar kishte ngritur në takim dhe çështjen e ligjit të lustracionit, duke e siguruar zonjën Clinton se nuk do të ketë gjueti shtrigash, do të ndiqen procedura kushtetuese dhe se qeveria nuk do të ndërhyjë në këtë proces.
Zëvendës ndihmësi sekretari amerikan i shteti Stjurad Jones tha gjithashtu, se departamenti amerikan i shtetit, nuk bëri asnjë sugjerim lidhur me këtë çështje, por mirëpriti sugjerimet e kryeministrit Berisha.
Në fakt agjenda e takimit mes kryeministrit Sali Berisha dhe sekretares amerikane të shtetit Hillary Clinton, u zbardh fillimisht në një konferencë për të ndihmës zëdhënësit të departamentit të shtetit Gordon Duguid. I pyetur nga gazetarët ai tha se çështja e marrëdhënieve dypalëshe dhe integrimi në NATO, ishin parashikuar si tema në agjendën e takimit me dy personaliteteve.
Gazetari: “A mund të na jepni një ide mbi agjendën e takimit mes sekretares së shtetit dhe liderit shqiptar?A do të diskutohet dhe mbi spastrimin nga administrata të ish-komunistëve?”
Gordon Duguid: “Ata do të flasin për çështje bilaterale, çështje të të drejtave të njeriut. Nuk e di nëse çështja e ligjit të lustracionit do të ngrihet në veçanti, por pika kryesore e diskutimit do të jetë përgatitja e anëtarësimit në NATO. Siç dhe e dini Shqipëria është një nga vendet që fitoi anëtarësimin në NATO, gjë të cilin SHBA-të janë dakord dhe ne e kemi ratifikuar pjesën tonë të marrëveshjes. Shumë aleatë kanë bërë të njëjtën gjë, pra ata do të flasin në pjesën më të madhe për NATO-n dhe çështje të marrëdhënieve dypalëshe.”/tvklan.al
Gazetare: Menada Zaimi
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...

[@guststop911]

Poshte ballkonit