كريم عبد العزيز.. أنا ضد نمبر وان وابني لو بيعرف يمثل هسيبه

رؤيا مصر .. كشف الفنان كريم عبد العزيز عن رأيه في اتجاه ابنه "علي" للتمثيل وذلك خلال لقاءهم مع رؤيا مصر في العرض الخاص لفيلم بيت الروبي
وخلال اللقاء كشف "علي كريم عبد العزيز" عن رغبته في الاتجاه للتمثيل قائلا "مبسوط الاول ان فيلم بيت الروبي نزل وان شاء الله هيبقى حلو وجميل وباذن الله همثل أكيد" ليداعبه كريم قائلا "يارب يبقى بيعرف بس الأول"
وعن رأي كريم عبد العزيز في اتجاه ابنه للتمثيل قال "انا هسسبله مطلق الحرية اللي هو عايز يعمله يعمله"
وخلال اللقاء مع رؤيا مصر كشف كريم عبد العزيز عن رأيه في مقولة محمود العسيلي عنه انه نمبر وان الحقيقي قائلا "انا مبحبش فكرة نمبر وان ونمبر تو دي مبحبهاش لأن كلنا زملاء في الاخر"
وتحدث كريم عن فيلم بيت الروبي قائلا "فيلم اجتماعي كوميدي بنناقش بيه سلبيات وايجابيات السوشيال ميديا من خلال اسرة الروبي وعجبني لانه معاصر ولأني خارج من الاختيار وكيرة والجن ورايح للحشاشين فكان لازم نعمل حاجة لطيفة نعيد بيها على الناس وسعيد بالتعاون مع كريم محمود عبد العزيز ونور وتارا عماد"
وخلال اللقاء أيضا تحدث كريم عن اتجاهه للغناء بعد تجربة أغنية سمع هس في الفيلم وقال ضاحكا "صوتي معجبنيش خالص وأعوذ بالله من صوتي ومش عارف ازاي اتبسطوا والناس صعبانة عليا وعسيلي وبيتر ميمي وأحمد طارق يحيى اللي خلوني أغني"
فيلم "بيت الروبى" بطولة كريم عبد العزيز، نور اللبنانية، كريم محمود عبد العزيز، تارا عماد، شريف دسوقى، حاتم صلاح، محمود السيسى، وضيوف الشرف محمد عبد الرحمن توتا، منى الشإذلى، مصطفى أبو سريع، وقصة وسيناريو وحوار محمد الدباح وريم القماش وإخراج بيتر ميمى، وتدور الأحداث فى إطار كوميدى اجتماعي

[@abodyelnahas9216]

كريم عبدالعزيز مشفتش حد زيه ❤😢😊2023

[@khaledmohamed7937]

الفنانين المصريين جمال ♥

[@waradi.alkhalijj7081]

كريم عبدالعزيز،،بتوفيق ..للاسف لا اتابع افلام ومسلسلات بسبب الاعلانات.

[@emanabdelhafez4319]

الاتنين دمهم عسل

[@3rbkooooL]

#شفته اليوم فلم تقليدي اتعرض ميات المرات في السيما الرجل الريفي الي يروح المدينه

[@karem100]

نجوم رائع 👏👏

[@عبدالرحمنقريني]

فيلم زباله

[@Cest_moi23]

شفتيه !؟؟

[@bebocommando9924]

ي جااااادع😂

[@اسامةالصباغ-س5ز]

بالعكس هادف جدا

[@egy-90s]

الفيلم حلو قوي قوي قوي واجتماعي جدا مش كوميدي بس 👍👍

[@Mustafavoice1991]

كريم عبد العزيز نمبر وان ❤

[@shroqshamsan4528]

الاتنيين فوق الممتازيين

[@حديثالساعه-ب2ت]

نجوم منورين الدنيا كلها

[@جوانبغداد-ظ6ض]

فيلم عائلي خفيف و جميل طول الفيلم ما حسيت بملل ابد عن نفسي حبيته كثير

[@bb1786]

قلك بتحب الاردن اوي اوي لا صدقنا 😂

[@اسامةالصباغ-س5ز]

الفيلم فينه مش نازل علي اليوتيوب لي؟

[@sonofKemet123]

بتعرض علي قناة orm سينما دلوقتي

[@اسامةالصباغ-س5ز]

@@sonofKemet123 مش جايبنه كله والصورة والصوت مش واصحين اكته مسجل متصور من شاشة التلفون هل في مكان تاني اتفرج منه

[@ghaida7719]

تقرير رائع و جميل ❤❤❤

[@اميامي-م2ن]

❤❤❤❤❤❤❤❤❤❤❤