Рет қаралды 1,447
ده لينك الفيديو التاني👇
• كشف طرق نصب التسويق ال...
بما ان اليومين دول قاعدين ف البيت حبيت اوضح حاجه بس لانك ف الغالب هتكون ضحيه وده وارد
اقروا كلامي للاخر انا حاولت اختصره علي قد مااقدر
البوست ده يهم ناس كتير
وان شاء الله يكون سبب ف انقاذ حد من حيل النصب
اولا بالنسبه للناس اللي بتكون محتاجه شغل وخصوصا الفتره دي
لو فكرت تنشر ف اي جروب مثلا انك محتاج شغل
هتلاقي واحد يقولك كده ف التعليقات مثلا ..
انا ربنا كرمني وشغال ف شركة لها كيان واللي حابب ينضم لينا انا ممكن اساعده ان يشتغل معانا
تسأله ممكن تفاصيل اكتر يقولك تعال خاص او بعتلك انبوكس
الشركه الاولي ف الشرق الاوسط وعالميا في مجال البيع المباشر
او التجارة الالكترونية او بالمعني الاكثر شهره التسويق الشبكي
وده النوع اللي هتلاقيه علي الفيس 👆
ناجي للنوع اللي هتلاقيه ف حياتك
1- هتلاقيه شخص مش بيكلمك دايما وفجأة كده يتصل بيك يجر معاك ناعم وياجي يقولك انا ربنا كرمني بشغل وانا علشان حاببلك الخير عايزك معايا علشان نكبر سوا ونعمل شغل
2- هتلاقيه شخص عارف احتياجاتك عارف نقطة ضعفك
عارف انت نفسك تعمل ايه زي مثلا نفسك تجيب عربيه او نفسك تتجوز او تجيب حتة ارض
ياجي بقي يرسملك دور الشخص اللي معاه الفانوس السحري
هتلاقيه يقولك طب ايه رأيك واللي يخليك تجيب العربيه ف خلال سنه .. واللي يخليك تشتري الارض دي ف خلال كام شهر ...الخ
بيلمس احتياجاتك
3- هتلاقيه شخص من اعز اصحابك اللي هو يقولك يمين يمين شمال شمال
هيقولك برضوا انه اشتغل ف شركه واني عايزك معايا هنشتغل سوا مع بعض
رقم واحد واتنين دول بينهي الحوار بانه تستني منه مكالمه هيحددلك معاد مع المدير بتاعه عشان يشرحلك طبيعه الشغل
رقم تلاته دي هقولكم بيعمل ايه بعد الجزء اللي هشرحه ليكم ده
....
بالنسبه ل١و٢ خلاص الشخص ده كلم المدير بتاعه اللي هو اصلا تلاقيه حتة عيل بس طبعا لزوم الشغل انه يعمل ديفيكيشن يعني يرفع من شأن المدير ده لازم جدا
هتقعد مع المدير هيبتدي يشرحلك الشغل
هيعملك البحر طحينه طبعا المدير عارف احتياجاتك من قبل القعده دي لاني صاحبك بلغه ف المكالمه ان احتياجاتك كذا كذا
عشان اثناء عرض العمل يعني اثناء شرح الشغل يبتدي المدير يدخلك بقي من سكة احتياجاتك
ويشوقك يخليك ف اللحظه دي انك ممكن تعمل اي حاجه علشان تسد احتياجاتك دي
يبدأ بقي الشغل انه يرسملك الرسمه اللي تحت دي
انك هتشتري منتج من عندهم سعره بيتعدي ال٢٥٠٠ جنيه لحد ممكن ٢٠ الف
حسب المنتج اللي انت هتشتريه واننا هنعمل شبكه والشبكه دي انت الليدر بتاعها
انت هتبتدي تسوقلنا اول منتجين عن طريقك هتاخد عموله كذا
لانك اشتغلت والاتنين اللي اخدوا عن طريقك منتجات دول احنا هنعلمهم انهم يشتغلوا ويكسبوا زيك
وانه كل واحد فيهم اول مايبيع منتجين هيكسب زي ماانت كسبت
ومش بس كده لا انت هتكسب ضعف اللي هما كسبوه
... الخ الصوره هتوضحلكم الشرح ده
اما رقم ٣ ده فهو الشخص ده اعز اصحابك بيخليك تدخل معاه بدون شرح لمجرد انه واثق فيك هيدخل وهيشتري منتج برضوا زيك ويشتغل زيك
المنتج اللي سعر ٢٥٠٠ ده اصلا مش منتج ملموس دي مثلا بتكون رحله ٣ ايام ف محافظات معينه وبتاخد مع الرحله توكيل الشركه انك انت شغال معاهم وتبدأ شغل(نصب) بقي
انت بمجرد مابتقرر تطلع الرحله دي بتدفع فوق ال١٠٠٠ جنيه تاني حاجه اسمها تفعيل منتج
مش هطول عليكم ف النقطه دي لاني حوار طويل
ممكن اعمله فيديو ليكم لو حابين
...
خلاص انت بقي اقنعوك وعملولك غسيل مخ انك تدخل لانك بمجرد مابتشوف المكاسب اللي موجوده علي الرسمه دي انت خلاص مخك بقي متبرمج انك هتركب طياره ف خلال اسبوع
خلاص انت اشتغلت معاهم
ندخل علي اول تدريب انهم يخلوك تعمل كشكول في اسماء كل الناس اللي تعرفها ف حياتك
ويخلوك ترتبهم ترتيب A+,A,B,C,D
الA+ ده اخواتك والاصحاب الانتيم اللي تقوله عايز ٢٠ الف جنيه يقولك خد من غير مايسألك ليه
الA ده اصحابك قوي بس مش زي اللي فوق
الB ده زمايل دراسه مثلا
.....الخ
يبدا بعد كده يقنعوك ان اول ناس تدخلهم الشغل معاك هما اخواتك واصحابك الانتيم
وطبعا دول هيشتروا زيك منتج زي مايكون سعره بقي ٣الف او ٤ اي ان كان
طبعا بمجرد مادخلوا معاك اتنين حتي لو اخواتك انت بتاخد عموله لانك بعت منتجين من خلالك
ف بالتالي انت لما تحب انك تدعي ناس للشغل هتتكلم بثقه انك انت شغال وقبضت فلوس ولو حلفت هتحلف كمان
تبدأ بقي توقع ناس وتجيب وياعالم الناس دي جابت فلوس المنتج منين بغرض انك فعلا انت الامل الوحيد اللي هيخليهم يحققوا احلامهم
وتستمر التدريبات انهم يعلموك ازاس تستغل الناس وتستغل جهلهم او احتياجاتهم وازاي تجرجرهم علي الطربيزه قدام المدير
لحد ماتبتدي انك تعمل شبكه حلوه
يبتدوا يدوك تدريب انك انت تبقي مدير علي الناس اللي تحتك دول
طبعا لو فضلت اكتب مش هخلص بس هكتفي بدول
احذروا من الاشخاص اللي هيدخلوا عليكم بالطريقه رقم ١ او٢ او ٣
دمتم في امان 🙏🧡