كتاب مهم لكل طالب علم!

في ڤيديو النهاردة إن شاء الله هنتكلم عن تلخيص كتاب من الكتب اللي شايفها جوهرية ولا غنى عنها لكل طالب علم خصوصاً في العصر اللي إحنا عايشين فيه، عصر السوشال ميديا، حيث يستملح الشباب متابعة الأخبار وقشور السوشال ميديا وسطحياتها، واللي أدى لمغادرة شريحة الشباب ميادين العلم وانتقالهم لرفوق التسوق.
وكتاب النهاردة اللي هنناقشه هو كتاب الماجريات لدكتور إبراهيم بن عمر السكران صاحب الكتب الرائعة، الماجريات، مسلكيات، رقائق القرءان، الطريق إلى القرءان، مآلات الخطاب المدني.
الكتاب متقسيم لتلات أقسام.
القسم الأول، موقع الماجريات
القسم الثاني، الماجريات الشبكية
القسم الثالث، الماجريات السياسية
ولكن قبل ما دكتور إبراهيم يتطرق للأقسام دي وضع بعض المحددات واللي أطلق عليها التمييزات الحاكمة.
والتمييزات الحاكمة بتمثل الخيط الرفيع ما بين الانهماك في استخدام السوشال ميديا وما بين استخدامها بشكل معتدل.
والتمييزات الحاكمة خمسة هما:
التمييز بين فقه الواقع والغرق في الواقع
التمييز بين المتابعة المنتجة والمتابعة المتفرجة
التمييز بين المتابعة زمن التحصيل والمتابعة زمن العطاء
التمييز بين توظيف الآلة والارتهان للآلة
التمييز بين مرتبة السياسة وفصل السياسة
بعد كدا في القسم الأول من الكتاب واللي كان بعنوان موقع الماجريات، ففي الجزء ده كان الكلام عن أصل كلمة الماجريات وعن كثرة تداولها بين العلماء المسلمين وهيكلمك عن الماجريات بشكل عام، مش ماجريات التواصل الاجتماعي. بمعنى إن الإنسان ينشغل بأمور الناس، وبالقال والقيل وهكذا.
القسم الثاني من الكتاب واللي بعنوان الماجريات الشبكية بيتكلم عن موضوع إدمان الإنترنت بشكل علمي، وعن(Internet addiction disorder)وإزاي إن تم تصنيف إدمان الإنترنت كإدمان زيه زي ادمان المخدرات والكحول والقمار، لإن مدمن الانترنت بيعاني تقريباً من نفس الأعراض، زي الاخفاق الدراسي، الانفصال الأسري، وكمان لما الشخص بيتوقف عن استخدام الإنترنت بتظهر عليه أعراض إنسحابية زي اللي بتهظر على اي شخص مدمن بيتوقف عن تعاطي المخدر.
وبيتكلم عن حاجة مهمة بردو وهي إنه إزاي عملية تصفح السوشال ميديا بتكون غالباً آلية هروب نفسي من المهام اللي عليك، ودا شيء بيحصل مع معظمنا إنك هتلاقي نفسك بتهرب للسوشال ميديا في أوقات الامتحانات، فغالباً السوشال ميديا آلية هروب مش حاجة إنت بتلجأ ليها علشان ممتعة وكدا
الجزء الثالث، الماجريات السياسية واللي بيعتبر الفكرة المحورية للكتاب، وفي الجزء دكتور إبراهيم قدملنا خمس نماذج مختلفة لدعاة ومفكرين إسلامين وناس معنيين بالإصلاح، وجابلك موقف الناس دي من الانهماك في الماجريات السياسية، والناس دي هما البشير الإبراهيمي، وعبدالوهاب المسيري، ومالك بن نبي، وفريد الأنصاري، وأبو الحسن الندوي، فعلى سبيل المثال دكتور عبدالوهاب المسيري وقت ما كان شغال على أهم مشروع في حياته اللي هو موسوعة اليهود واليهودية والصهيونية، كان في أحداث كبيرة بتحصل، زي حرب 73 ورغم ده مكنش متابع الصحف والجرائد والحاجات دي، كانت علاقته بالأحداث السياسية علاقة ثانوية مجملة لإنه كان شايف إن مشروعه دا مشروع علمي معرفي، وعلشان يبقا عنده بعد معرفي كويس لا بد إنه يبص على الصورة من فوق، ويبني منظور كلي عن الواقع، لكن متابعة الأحداث والحزئيات هيسحبه لدوامة الأحداث والجزئيات.
أما بالنسبة للابراهيمي فأحنا هنعرف جزء كبير من البيئة العلمية اللي توفرت ليه وهنعرف يعني فعلاً حياة طالب العلم، اللي حياته كلها مرتكزة على التحصيل العلمي، والشيخ البشير الابراهيمي كان شايف إن في السياسة ليها لباب وليها قشور، فلباب السياسة أو جوهرها هو بناء الأمة، وبناء الامة بيكون عن طريق بناء أركانها من العقيدة والأخلاق والعلم والعمل، أما بقا قشور السياسة فهي الجدل السياسي ما بين التيارات الحزبية وما شابه.
وهكذا من خلال الخمس نماذج هنعرف أكتر عن أثر الانهماك في الماجريات بشكل متوسع وباستفاضة.
Video sections
مقدمة 0:00
البداية 0:47
التمييزات الحاكمة 3:55
موقع الماجريات 8:52
الماجريات الشبكية 10:10
النهاية 12:25
قراءات شهر يناير
• قراءات شهر يناير 2024!
أهم درس اتعلمته في حياتي
• أهم درس اتعلمته في حياتي!
قراءات شهر فبراير :
• قراءات شهر فبراير 2024!
قراءات شهر مارس :
• قراءات شهر مارس 2024!
قراءات شهر أبريل :
• قراءات شهر أبريل 2024!
تجربتي مع السوشال ميديا :
• إزاي قدرت أنظم استخدام...
facebook Page : / ahmedmahm0udtv
instagram : / ahmed_mahmoud_2311
telegram: t.me/ahmedmahm0udtv.
Some TAGs:
ملخص كتاب الماجريات
كتاب الماجريات إبراهيم بن عمر السكران
خطورة السوشال ميديا
السوشال ميديا بتسرق عمرك
السوشال ميديا وأثرها على طالب العلم
تلخيص كتاب الماجريات لإبراهيم بن عمر السكران
كتب إبراهيم السكران
مسلكيات
رقائق القرءان
الطريق إلى القرءان
مألات الخطاب المدني

[@Rebol-sb6we]

ابدعت يسطا لكن لو تشيل الموسيقى كان راح يكون افضل بمراحل 👍👍

[@ansamansam8005]

المحتوى والانتاج رائع لكن المشكلة بوجود الموسيقى بارك الله فيك

[@EmanElshereef]

جزاك الله خيري الدنيا والآخرة

[@user-pt5pq2hu9h]

جزاك الله خيرا اخي رائع استمر في كتب كهذه اللهم فرج عن شيخنا ابراهيم واكل اخوانه يارب في كل مكان فك الله اسرهم بالعز

[@ibrahimgom3]

عاش بجد ❤❤

[@Omar_Elgabaly]

الفيديو ده لو موصلش لالف مشاهدة خلال اسبوع بالكتير لازم تتعلم SEO يوتيوب وكمان تشوف كورسات بتتكلم عن خوارزميات اليوتيوب لان الفيديو جااامد جدا من اول الثمنيل للعنوان للمونتاج وقيمة المحتوى ذاته والمتعة في مشاهدة الفيديو خسارة بصراحة ما يوصلش جزاك الله خيرا على الفيديو تمتعت جداً بيه وكمان استفدت ❤

[@ahmedmahm0udtv]

@@Omar_Elgabaly متشكر جداً، إن شاء الله هدور في SEO اليوتيوب 🙏♥️

[@Elsiromar47]

تمنيت لو كان هذا الفيديو لي، فيديو طيب جدا ما شاء الله، الله ينفع بيك يا أخي ويعلمك ما ينفعك وينفعك بما علمك اللهم آمين

[@ahmedmahm0udtv]

@@Elsiromar47 ربنا يكرمك يارب يا أخي 🥰

[@omar____Mohamed]

عااااش ❤

[@NoorAli-kd4ue2cr6f]

قَالَ رسُول اللَّهِ ﷺ : (أَوْلى النَّاسِ بِي يوْمَ الْقِيامةِ أَكْثَرُهُم عَليَّ صَلاَةً) ♡゙..

[@MahmoudAbdelateShalaby]

ألية هروب نفسي 🌟

[@yassmenmuhammad551]

جميل جدا اللهم بارك المونتاچ ب ادوبي ولا كاب كت

[@ahmedmahm0udtv]

@@yassmenmuhammad551 شكراً جزيلاً 🙏 أدوبي بريمير

[@omar____Mohamed]

اسم Font

[@ahmedmahm0udtv]

@@omar____Mohamed تقريباً FF Hekaya

[@ahmedmahm0udtv]

facebook.com/ahmedmahm0udtv?mibextid=ZbWKwL

[@girlcity-j4v]

ازاى تعلمت المونتاج

[@ahmedmahm0udtv]

@@girlcity-j4v من على اليوتيوب، في كورس لعمرو عطالله جميل أوي، ولما كنت بحتاج أتعلم تريكاية معينة كنت بسرش عليها وأتعلمها

[@maramkhaled9322]

كان كتاب ثرى فكريا جدا بس جالى فتور فى نهايته للأسف

[@ahmedmahm0udtv]

فعلاً جزء الماجريات السياسية محتاج شوية تركيز وبال طويل 😂

[@Rebol-sb6we]

من ناحية فهمي للفيديو 1- إن احنا في افضل عصر لجمع المعلومات 2- يجب علينا استغلال عمرنا في ما ينفعنا 3- تسلسل طالب العلم 4- ان تصفح الانترنت ليس ممتعاً بقدر ما إنه هروب نفسي 5- سياسة اللباب والقشور اللباب : العقيدة والأخلاق القشور : الجدل الحزبي (هذا فهمي لكتاب المجريات)

[@ahmedmahm0udtv]

@@Rebol-sb6we جميل ♥️♥️