Рет қаралды 9,582
امراض - نفوق كتكوت - صوص النعام
كتكوت نعام لا يستطيع الوقوف
مشروع تربية النعام
عندك كتاكيت نعام بتموت اعراض غريبة وبتسال وكل واحد يقولك حاجة شكل -- محتاج تعرف ايه اللي بيحصل بشكل علمي دقيق لو الكتكوت يقعد وما يقدرش يقوم دي مش مشكلة ضعف ارجل ونقص كالسيوم بس -- يمكن ضعف الارجل بسبب نقص الكالسيوم او اضمحلال العضلات بسبب نقص فيتامين د يتسبب في عدم القدره على الوقوف لكن ده يحصل تدريجي يعني الاول يعرج وبعدين يقعد ودي مشكله تانية هنتكلم فيها بالتفصيل في حلقات قادمة -- يكفي حضرتك دلوقتي تعرف ان عشرات الامراض تخلي الطائر يقعد وما يقدرش يقوم --- تخمة المعدة يقعد ومايقدرش يقوم -- لو بلع جسم غريب خشبة حديدة مسمار كيس بلاستيك قطعة من شوال هتسد الدنيا وهيجيله تخمة معدة وهيقعد مش هيقدر يقوم وهيموت
الكوكسيديا - يقعد ما يقدرش يقوم. الكوكسيديا مرتبطة بالارضية علاج الكوكسيديا دايما مرتبط بالارضية. كل ما كانت الارضية جافة كل ما كان العلاج أسهل. كل ما زادت رطوبة الارضية كل ما كان علاج الكوكسيديا للاسف من غير فايدة. سبب العدوى دايما هو الأرضية الرطبة واللى بتكون مختلطة بفضلات الطيور والمتروكة على الارضية لمدة طويلة من غير نضافة لان الطائر زي ما قولنا قبل كده بيتناول اي شي موجود على الارض الكلوستريديا ايضا تخلي الكتكوت يقعد ما يقدرش يقوم. الكلوستريديا دي عبارة عن بكتيرا انتهازية. هي في الاصل موجودة بصورة طبيعية في امعاء الطائر يعني الكلوسترديا موجودة اصلا بالامعاء ولكن بشكل بسيط مش مرضي. اول ما يتعرض الطائر لاي ضغط بتتحول صورة الكلوستريديا البسيطة دي الي صورة مرضية وتظهر عليه اعراض الاصابة. لذلك بنسميها انتهازية لانها بنتهز اي فرصة علشان تتحول الي مرض. زي الاجهاد الحراري ممكن قوي نوبة اجهاد حراري تتسبب في الاصابة بالكلوستريديا واحيانا نلاقي انه بعد زوال الحرارة تتراجع الكلوستيريديا لوحدها. وجود نسبة عالية من السموم الفطرية بالعلف يؤدي الي تحول صورة الكلوستريديا الى صورة مرضية --- لذلك لازم علينا نضيف بعض مضادات السموم باستمرار في السن الصغير ده للتغلب على السموم الفطرية وعلشان نقلل من فرص التعرض لهذا المرض. نيو كاسيل. علشان نبقى فاهمين هو فيروس اشبه بالانفلونزا اشبه بالكرونا سبب العدوى يتم نقله عن طريق الهوا أو أدوات التربية أو شكاير العلف أو الإنسان نفسه من مزرعة مصابة إلى مزرعه سليمة وده شكل الطائر المصاب بعدوى نيوكاسيل علشان ما يختلطش بينا الامر وعلشان ما ناخدش نصايح خالية تماما من الصحة. بيصيب النعام عادة بأعراض عصبية لا تشمل الجسم بالكامل، بيعمل ارتخاء في الرقبة، بتكون النعامة قادرة ترفع رأسها عن الأرض، إضافة لبعض الأعراض التنفسية، والإفرازات المخاطية اذن عرفنا ان الكتكوت اللي قاعد مش قادر يقوم لكن متحكم كويس في رقبته وبياكل ويشرب وتمام بيبقي مش مصاب بعدوى نيو كاسيل. طيب بالنسبة للناس اللي بتربي الكتاكيت في اماكن مش متهوية كويس وضيقة بيحصلهم امراض تنفسية ناتجة عن استنشاق الامونيا اللي بتبقي موجودة بمعدلات عالية جدا نظرا لتطايرهم من فضلات النعام الموجود على الارض مع قلة التهوية ممكن جدا تسبب رائحة غاز الامونيا السامة امراض تنفسية للقطيع الموجود في الغرفة الضيقة دي ومن اعراضها ضعف عام والكتكوت يقعد ما يقدرش يقف. لذلك بنأكد على جودة تهوية مكان الكتاكيت ونظافة الارضية باستمرار. اتكلمنا عن الامراض اللي تخلي الكتكوت يقعد وما يقدرش يقف. الخلاصة ان لما الكتكوت يقعد وما يقدرش يقف ده عرض مش مرض بلاش ندور على علاج علشان هو قاعد. ندور على اولا عن سبب المرض اراجع كل حاجة تهوية سليمة ارضية بتتنضف كل يوم علف مش مخزون ما ااكلش وجبات خضرة كبيرة. اتاكد من وجود مضاد سموم بالعلف او احط مضاد سموم بالمياه بالنسب والجرعات الموصي بها حسب العمر والحالة.