Курманбектин уулу « Сейитбек » дастаны. Атасынын өчүн алганы.

#манасчы #комузырлары #дастан #манас #улукбектоктоболотуулу
Камбылдан туулган эр бала,
Кабылан мүнөз шер бала.
Каптаган жоосун өткөрбөс,
Калкына коргон чер бала.
Асылдан туулган эр бала.
Арыстан мүнөз шер бала.
Басташкан жоосун өткөрбөс,
Баарына коргон чер бала.
Кабагын чытып караган,
Кабыландай мараган.
Кабырга тому сөгүлөт
Каарына калган ар адам.
Астейдил салкын караган.
Арсыландай мараган.
Акылы кетет жайынан
Алдынан чыккан ар адам.
Айныбай жоого барбасам.
Азапты мыктап салбасам.
Алдымдан чыкса Дөлөн хан
Атамдын өчүн албасам.
Кырк жарат салып боюна
Кызыл канын жайбасам.
Көмөлөтө кулатып
Көөдөнүн жара сайбасам.
Жагылган отко кетпейби,
Жашымдан кылган далбасам.
Деп ошентип Сейитбек,
Кылкандай жоого тепчилип.
Кыргынды катуу баштады,
Кыйылып турбай тез кирип.
Туулгасы менен баш кетет,
Телтору кууса жеткирип.
Өкүрүп ыйлайт кээ бири,
Өлөөрүн мында кеч билип.
Туйгунуң жүрөт туйлатып,
Тушардан канды кечтирип.
Калмак кыргыз кармашып,
Кайра таң,кайра кеч кирип.
Турнага тийген туйгундай,
Туш тарапка сапырып.
Сексен бала Сейитбек
Селдей колду жапырып.
Кун кууган жалпы баатырлар,
Курманбек деп бакырып.
Акыл эсин жыйдырбай
Аламан жоону шаштырып.
Сеңирде турат хан Аккан
Сейитбек ишин жактырып.
Мурутун сылап жымыңдап
Муңун ачып каткырып.
Колуна буйрук кылды эми,
Калмака кир деп бастырып.
Эки миң аскер каптады,
Эченин жүндөй таптады.
Чоң майдан туман чаң болду,
Чоң өзөн аккан кан болду.
Чокусунан кан кетип,
Чоюн баш тийип дал болду.
Кылычты тынбай шилтешип,
Кыйланын колу шал болду.
Найзаны кармап суна албай,
Нечени жүрөт далдырап.
Энтигип кан жөтөлүп,
Эчени жатат жалдырап.
Бир жутум сууга зар болуп,
Бир тобу жүрөт шалдырап.
Бир колунан айрылган,
Бир тобу жүрөт балдырап.
Муну көргөн Дөлөндүн
Өзөгү сыздап оруду.
Сейитбектин астынан,
Бастырып чыгып торуду.
Атасындай жайлайм деп,
Акылын салып жоруду.
Курманбектин Сейитбек,
Кудуңдап көзү жайнады.
Кан Дөлөндү көргөндө,
Кан ичмеси кармады.
Арыстан шердей күркүрөп
Ашынып турат арбагы.
Эки шер жеке чыкты деп,
Эки жак тынып карады.
Эки жака тарады.
Элирген күлүк ат минип,
Экиден зоот кат кийип.
Телторуну теминди,
Найза учунан от күйүп.
Кан Дөлөндүн мингени,
Караладай ат экен,
Басташкан жоого киргенге,
Баштагыдан маш экен.
Алдырбас бүгүн намысты,
Эгерим болсо башы эсен.
Темингенде тулпарлар,
Туяктан учкун чачырап.
Темир тийген немедей,
Тердиктей таштар бачырап.
Алагар көздөн от тамып,
Азуусун чайнап качырап.
Ала салып кетсем деп,
Азыр жетип бачым бат.
Чаарала жолборс эки шер,
Чагылгандай тез жетти.
Ыргыта сайып кетмекке
Ыкчамдыгын тездетти.
Эки найза тең тийип,
Экөөсү тең энтигип.
Эңкейише түшкөндө,
Найзанын сабы жер чийип.
Намыс үчүн эки шер,
Кайраттанып эс жыйып.
Кайталап кайра сайышып,
Кас тулпар бели майышып.
Карс этип найза сынганда
Кылычын сууруй калышып,
Кырчылдаша чабышып.
Кыргыз калмак көрө албай,
Обого боппоз чаң учуп.
Оролгон опсуз чаң жутуп.
Шыңгырап кылыч түшкөндө,
Ат үстүндө кармашып,
Арыстандай арбашып.
Кылайып ооп түшүшүп,
Кыяктарын үзүшүп.
Буудандан ооп түшүшүп,
Букадай болуп сүзүшүп.
Аяктан торой чалышып.
Аябай шерлер алышып.
Ыңгайына келгени,
Ыргыта бирин калышып.
Бир убакта Сейитбек,
Белинен таптак көтөрүп.
Төбөдөн жерге кадады.
Кан Дөлөндүн турууга,
Кайрат күчү калбады.
Каңтарылып эки көз,
Качты бойдон дарманы.
Бала баатыр Сейитбек,
Басып жакын барганы.
Атамдын өчүн алдым деп,
Алкымына Дөлөндүн,
Акшамшар салып жайлады.
Мына ошентип Кан Дөлөндү өлтүрүп, хандын сөөгүн кордобой, каадасы менен көмдүрүп, элине кайтты Сейитбек,калың калмак көп журтун каалоосуна көндүрүп.
Сейитбек дастаны Улукбек Токтоболот уулунун варианты боюнча. 27,09,2023-жыл.

[@aigulalykulova123]

Улукбек Токтоболот уулу замандын жаштар арасындагы эн алдынкы мыкты ДАСТАНЧЫСЫ озу обончу токмо акын 🔥🔥🔥сыймыктанам ага бар болунуз ✊👍

[@user-jv2gq6dp1g]

Бүгүн автобуска чогуу түшүп учураштык , сүйлөшүп келдик жөнөкөй сонун жигит экен.

[@ULUKBEK1994]

Камбылдан туулган эр бала, Кабылан мүнөз шер бала. Каптаган жоосун өткөрбөс, Калкына коргон чер бала. Асылдан туулган эр бала. Арыстан мүнөз шер бала. Басташкан жоосун өткөрбөс, Баарына коргон чер бала. Кабагын чытып караган, Кабыландай мараган. Кабырга тому сөгүлөт Каарына калган ар адам. Астейдил салкын караган. Арсыландай мараган. Акылы кетет жайынан Алдынан чыккан ар адам. Айныбай жоого барбасам. Азапты мыктап салбасам. Алдымдан чыкса Дөлөн хан Атамдын өчүн албасам. Кырк жарат салып боюна Кызыл канын жайбасам. Көмөлөтө кулатып Көөдөнүн жара сайбасам. Жагылган отко кетпейби, Жашымдан кылган далбасам. Деп ошентип Сейитбек, Кылкандай жоого тепчилип. Кыргынды катуу баштады, Кыйылып турбай тез кирип. Туулгасы менен баш кетет, Телтору кууса жеткирип. Өкүрүп ыйлайт кээ бири, Өлөөрүн мында кеч билип. Туйгунуң жүрөт туйлатып, Тушардан канды кечтирип. Калмак кыргыз кармашып, Кайра таң,кайра кеч кирип. Турнага тийген туйгундай, Туш тарапка сапырып. Сексен бала Сейитбек Селдей колду жапырып. Кун кууган жалпы баатырлар, Курманбек деп бакырып. Акыл эсин жыйдырбай Аламан жоону шаштырып. Сеңирде турат хан Аккан Сейитбек ишин жактырып. Мурутун сылап жымыңдап Муңун ачып каткырып. Колуна буйрук кылды эми, Калмака кир деп бастырып. Эки миң аскер каптады, Эченин жүндөй таптады. Чоң майдан туман чаң болду, Чоң өзөн аккан кан болду. Чокусунан кан кетип, Чоюн баш тийип дал болду. Кылычты тынбай шилтешип, Кыйланын колу шал болду. Найзаны кармап суна албай, Нечени жүрөт далдырап. Энтигип кан жөтөлүп, Эчени жатат жалдырап. Бир жутум сууга зар болуп, Бир тобу жүрөт шалдырап. Бир колунан айрылган, Бир тобу жүрөт балдырап. Муну көргөн Дөлөндүн Өзөгү сыздап оруду. Сейитбектин астынан, Бастырып чыгып торуду. Атасындай жайлайм деп, Акылын салып жоруду. Курманбектин Сейитбек, Кудуңдап көзү жайнады. Кан Дөлөндү көргөндө, Кан ичмеси кармады. Арыстан шердей күркүрөп Ашынып турат арбагы. Эки шер жеке чыкты деп, Эки жак тынып карады. Эки жака тарады. Элирген күлүк ат минип, Экиден зоот кат кийип. Телторуну теминди, Найза учунан от күйүп. Кан Дөлөндүн мингени, Караладай ат экен, Басташкан жоого киргенге, Баштагыдан маш экен. Алдырбас бүгүн намысты, Эгерим болсо башы эсен. Темингенде тулпарлар, Туяктан учкун чачырап. Темир тийген немедей, Тердиктей таштар бачырап. Алагар көздөн от тамып, Азуусун чайнап качырап. Ала салып кетсем деп, Азыр жетип бачым бат. Чаарала жолборс эки шер, Чагылгандай тез жетти. Ыргыта сайып кетмекке Ыкчамдыгын тездетти. Эки найза тең тийип, Экөөсү тең энтигип. Эңкейише түшкөндө, Найзанын сабы жер чийип. Намыс үчүн эки шер, Кайраттанып эс жыйып. Кайталап кайра сайышып, Кас тулпар бели майышып. Карс этип найза сынганда Кылычын сууруй калышып, Кырчылдаша чабышып. Кыргыз калмак көрө албай, Обого боппоз чаң учуп. Оролгон опсуз чаң жутуп. Шыңгырап кылыч түшкөндө, Ат үстүндө кармашып, Арыстандай арбашып. Кылайып ооп түшүшүп, Кыяктарын үзүшүп. Буудандан ооп түшүшүп, Букадай болуп сүзүшүп. Аяктан торой чалышып. Аябай шерлер алышып. Ыңгайына келгени, Ыргыта бирин калышып. Бир убакта Сейитбек, Белинен таптак көтөрүп. Төбөдөн жерге кадады. Кан Дөлөндүн турууга, Кайрат күчү калбады. Каңтарылып эки көз, Качты бойдон дарманы. Бала баатыр Сейитбек, Басып жакын барганы. Атамдын өчүн алдым деп, Алкымына Дөлөндүн, Акшамшар салып жайлады. Мына ошентип Кан Дөлөндү өлтүрүп, хандын сөөгүн кордобой, каадасы менен көмдүрүп, элине кайтты Сейитбек,калың калмак көп журтун каалоосуна көндүрүп. Сейитбек дастаны Улукбек Токтоболот уулунун варианты боюнча. 27,09,2023-жыл.

[@user-pu3of3fe3h]

Көз майынызды коротуп ушул жака жазып калтырган сизге дагы чоң рахмат

[@user-pq1vd9gz3f]

Жаным эми тынч алды Курманбектин олумуноно каным кайнап калды эле

[@user-oc4np7ju2z]

Ураа канча жерден издеп таппай койдум эле сизге рахмат Долонду олтурсо экен деп Сейитбек Мен озум Кирип Барчудай ич ичегим канырап турду эле Басылды 😊😊

[@Arzuubek_Kalyev96]

Эн сонун Курманбек дастанын коп укчумун акыры олгонун укканда журок сыздачуу Сейитбектин Доолонду олтургону жыргаттыго таза ох ох ох баракелде байке 😊

[@user-pe9kr3xx2n]

Жаштан чыккан мыкты онорпоз иним, сендей уулдар менен сыймыктанабыз.✊✊✊

[@user-sg7li4lx3d]

Улукбек Токтоболот уулу жаштардан чыккан мыкты дастанчыбыз. Аллахым омурун узун кылсын.

[@BayamanEshenkulov]

ушундай дастандарды кобурок чыгаргыла туугандар балдарынар билсин урпагыбыз ким болгонун телефондон синий тракторду коюп бербей

[@user-tp1bk8nk4b]

Орконун оссун кыргыздын мыкты уулдарынын бирисин Бар бол!!!

[@gulnaratokonova8828]

Жигит Аллахым колдосун иним оомин Кыргыз

[@user-kp8yp5pn2k]

Басыз уруусунун,Камандарынан чон салам.Эн сонун дастан . Ар бир Кыргызга дем куч беретко Ар бир саптары. 👍👍👍👍👍

[@erncnr]

Саламатсыңар бы? Мен Туркмун. Туркияда Каман деген район бар. Менин апамдын туулган жери. Кыргыз туугандарда Каман деген уруу бар екен. Өтө кызык екен. Туркиядан салам Кыргыз туугандар.

[@user-jv2gq6dp1g]

Бүгүн эле автобуста кезигип учурашып сүйлөшүп келдик Улукбек экөөбүз. Жөпжөнөкөй , зымырайган нукура кыргыздын жигити экен!

[@user-ql6pg8yz1m]

БААРОК АЛЛО

[@user-ci9mt5qg8n]

Онорун оркундой берсин баракелди азамат

[@user-rf8ob9ik7x]

Курманбек баатырдан чыккан Сейитбек дастанын канча күттүм , өтө кубанычтамын 😍

[@syimykkadyraliev708]

Аябай күттүм эле 😢👍🏻👏💪😎

[@Iman.zheenbekov]

Бали байке бар болунуз Залкарым👍👍👍👍

[@user-tk1yh4up4e]

Дагы толук ырдап чыгынызчыыы

[@user-lp5ke7cp4f]

Ооба

[@barataliev]

Ооба чыгарышын күтөбүз👍

[@user-dc5wu1py1q]

Салам алейкум кандайсыз аке толгу менен чыгарынчы

[@user-th3on3oj1n]

Ассалам алекум, бар болунуз Агатай ✊✊

[@user-bo2od1ep7f]

Баракелде,денсоолук,ийгилик.

[@niyazbekibrayimov1456]

Жоодарбешим дастанын да айтып чыксанар

[@user-sg7li4lx3d]

Ал вариантында жекеме жеке чыгышып, биринчи кезекти Сейитбек бергенде Аккан аябай чыйпылыктап санаага баткан да. Эчен жоо менен кармашкан карт бору баланы майып кылбаса экен деп. Туруп берген донгочту Ким деле болсо сайбайбы деп. Туучунак аты менен качырып келип хан Доолон сайганда, тайып тийсин найза деп, кокурогун буруптур. Алдындагы телтору бурала тушуп онолуп, анардай болгон Кызыл жуз кубара тушуп онолуп.кокурогун бурганда найза тайып чийип кеткен да.

[@user-qk7sn6zb3q]

Чоон рахмат сизге комуз менен дастан терме айтканынызда бир орунга туралбай калам

[@user-fl9tw5uc9i]

Эээээ бали азамат, бар бол.

[@user-ke7oj7bn3y]

Баракелде баракелде дагы кутобуз чыгармпларды!

[@user-wi2jx6rl5h]

Китебин каерден таап окусак болот

[@user-pf3kq2du9k]

Көптөн бери өкүнүч болуп жүрөт элем мына эми эс алдым бар бол кагылайын

[@user-pf3kq2du9k]

Азаматсың ийгилик каалайм ❤

[@6erdi6ekov-id2fi3zd5y]

Машалла❤

[@jumashkadyrov2110]

Азаматсыз!!!

[@user-uh2ek2bk2u]

АК БАЛА дастанын башынан акырына чейин аткарып берсениз

[@oigonupjasha1342]

Чоң рахмат ишиңизге ийгилик ❤

[@jumadilkanatbekov1802]

Сейиттин уулу Шыпшайдар качан чыгыат😢❤

[@saidildaabdyldaev]

Шыпшайдар каапыр мергенго сеймттин баласы эмес

[@user-qi4pc6df8x]

Какими кыпчак шырдакбек шырдакбёктен колчокбек колчокбектен токтомуш андан кийинкиси жармы кытай жарымы Таджикистан жерлер чон империя болунуп кеткен 1кылымда 3 муун откон заман болгон Елена 1жагы таджик 2 жагы Китай токтомуш молдонун атынан калган деп уканым барреле

[@user-sg7li4lx3d]

Анан Сейитбек кезегин алганда, качырып келип зооттун ачык жери кекиртегине сайып жыккан да Доолонду. Зооттун ачык жери деп, Коко тамак кулкундун бузуп отоор кези деп бала баатыр найзасын шилтеген да.

[@KanigylJymasowa]

Баракелде азаматсын онорун оркундой берсин ийгилик сага

[@saidildaabdyldaev]

Байке толук чыгарынчы

[@saidildaabdyldaev]

Байке качан чыгат

[@Kyrgyz_potriot]

Азаматсыз мен бул дастанды көп күттүм

[@tynystantynystan2264]

🔥🔥💣💣👍

[@user-bz5ef9tw9g]

Тоолугун чыгарынчы сураныч!

[@user-lr1nh2ch1o]

Тайчыдан Тайчы бек арстан Тайчы деген дастанды айтышчу эле биздин чон аталар.

[@Ormon02]

Керемет

[@janny7379]

Азаматсын!!!

[@saturn23.]

Ормон ханды Дастан кылып чыгарса болобу

[@ULUKBEK1994]

Болот негизи.

[@saturn23.]

@@ULUKBEK1994 чыгарып корбойсунорбу чындамсыздык менен кутобуз

[@Thnchtyk_Mir_Isjam.9870]

Азамасын❤

[@user-uh2ek2bk2u]

Нурсейит Акбала дастанын

[@user-oq3nk8nw6c]

Толук чыгарсанар жакшы болот эле

[@user-bf5xm4cc1j]

Сейтбектин уулу Хан шырдакты чыгар

[@user-kaddafe]

Ракмааат аябай коп куттум

[@syimykbolotbekov1828]

🇰🇬🇰🇬✊✊

[@user-dr7wx9uc7e]

Мына. катылган 1 жоо Кыргызга нечен. кол салышкан Калмактар. баатырлар кубалап. чыккан. Кыргызстанда азырда журот Кытайдан келген Калмактар. Кытайга баргыла

[@user-bo2od1ep7f]

5

[@user-sg7li4lx3d]

Мен бала кезде Сейитбектин башка варианте окугам. Жарымы эрТоштуктун уулуЖоодарбешим, жарымы Сейитбек кенже эпостору эле

[@user-mr9ku8rd5c]

Курманбек Манас бабананын чоборосуда

[@toktogulkanatova4371]

Кыргыз элинин залкар дастанчысы

[@user-kaddafe]

Аллахым онорунузго береке берсин бали