كواليس جديدة لمسلسل عائلة الحاج متولي.. محمود عبد العزيز كان هيبقى مكان نور الشريف ورفض الدور

من أسرار مسلسل عائلة الحاج متولي محمود عبد العزيز كان هيعمل دور الحاج متولي مكان نور الشريف لكنه رفض على الدور وزعل بعد كده، وعبلة كامل كانت هتعمل دور ماجدة زكي لكنها رفضت، و معالي زايد كانت هتبقى مكان غادة عبد الرازق لكنها قالت للمؤلف يا أبقى البطلة الأولى يابلاش تبدأ الحكاية لما كان المخرج محمد النقلي قاعد مع مؤلف مسلسل عائلة الحاج متولي مصطفى محرم عشان يوزعوا أدوار المسلسل، وكانوا محتارين في مين يعمل دور ابن الحاج متولي، فاقترح مصطفى محرم على المخرج اسم مصطفى شعبان.
لكن المخرج محمد النقلي بص له وقاله: انا اصلا مش مقتنع به كممثل لكن عارف مين أنسب واحد للدور ده، رد عليه مصطفى محرم وقاله: مين، جاوبه النقلي وقاله: محمد نجاتي ده ممتاز في الدور ده.
وفعلا النقلي جاب التليفون وكلم نجاتي وقتها واتفاجئ انه نجاتي اتنك عليه وبيقوله: أنا عايز أجر كبير وكان مصطفى محرم سامع المكالمة ومستغرب جدا خاصة أن نجاتي كمل طلباته وقال: انا كمان معترض على حجم مشاهدي لازم تزيد الضعف.
فجأة اضايق مصطفى محرم وشخط في محمد النقلي وقاله: اقفل السكة في وشه ده فنان مش زكي ده بيتكلم كأنه آل باتشينو ده ممثل مش ذكي، وفعلا انتهت المكالمة.
واصر مصطفى محرم أن مصطفى شعبان هو اللي يعمل الدور، واضطر محمد النقلي أنه يوافق وقاله: طيب خلاص أحنا كده سكنا مصطفى شعبان في الدور طيب هيعمل دور الحاج متولي، رد مصطفى محرم وقاله: أنا كلمت محمود عبد العزيز ده انسب واحد في الدور دمه خفيف وعمل التيمة ده قبل كده في فيلم منتظر رده.. وفعلا رد محمود عبد العزيز رد غير متوقع
#نور_الشريف
#الحاج_متولي
#محمود_عبدالعزيز

[@hayaali80]

👍👍👍👍👍🌹🌹🌹🌹🌹

[@samsaad1117]

👍🏼

[@tarekgweley2869]

اه سوزان مبارك زعلت اووي

[@JCHMHG21702]

ايه يا جو تركت السياسه وشغال فى الفن .... انت بتاع سياسه اكثر اقناعا