كواليس علاقة مبارك والفنانين: شد مع حمدي أحمد وقاله: متوجعش راسي، وأمينة رزق قالتله: عيب تبصبص لي!

تبدأ الحكاية في عام 2010 لما كان الفنان يحيي الفخراني في طريقه عشان يقابل مبارك في لقائه مع بعض الفنانين، وقبل ما يوصل لقى زكريا عزمي بيقوله هو والفنانين: ياريت محدش يضايقه أو يشتكي خلي كلامكم مسلي.
يحيي الفخراني لما سمع الكلام مهتمش وأول ما دخل وقعد، لقى مبارك بيتكلم ويهزر مع الفنانين وأول ما خلص قالهم: اللي حابب يتكلم أو يسأل يتفضل، الفخراني حس أن مبارك بسيط وممكن يسمع أي سؤال.
فراح يحيي الفخراني قاله: ينفع العلاقة بين المسحيين والمسلمين مينفعش التمييز بينهم، فراح رد عليه حسني وقاله: مفيش الكلام ده كلنا واحد والمسيحيين عندي خط أحمر، فرد عليه الفخراني وقاله: ده المؤسسات نفسها بتميز يا افندم.
مبارك اتخض وقاله: نعم ازاي يعني، فرد الفخراني وقاله: لغاية دلوقتي هتلاقي في البطاقة الشخصية تفرقة وتصنيف المواطن على دينه، مبارك سكت ومردش، وحاول الفنان عزت العلايلي يخش يهدي الأجواء ويتكلم في حاجة تانية.
فراح الفخراني بص لحسني وقاله: هو يا افندم تسمحلي أسالك على حاجة يا افندم هو ايه حكاية جمال ابن حضرتك؟، حسني أول ما سمع كده اتخض وبص وجاوب إجابة غير متوقعة.
#الفخراني
#يحيى_الفخراني
#مبارك
#جمال_مبارك

[@metwallysaed]

عاش ❤😊