| كيف تقرأ باللغة الروسية| صعب انك متعرفش تقرأ بالروسي بعد الفيديو دا الجزء الأول

Рет қаралды 813

Күн бұрын

| كيف تقرأ باللغة الروسية| صعب انك متعرفش تقرأ بالروسي بعد الفيديو دا الجزء الأول
في الدرس دا هنعرف ايه ايه المقطع الصوتي، وفي الدرس القادم هنتعرف على النبرة في اللغة الروسية ،
ما هو المقطع الصوتي في اللغة الروسية، ؟ أولا نترجم كلمة المقطع الصوتي، مقطع يعني СЛОГ، ومقاطع، СЛОГИ تمام، يعني هنبدأ بأه ندخل كلمات بالروسي في شرحنا عشان تتعود
المقطع أو صلوج في اللغة الروسية ببساطه عشان نفهمه، هنقول أن الحديث بتاعنا عامة بيتكون من جمل وعبارت، والجمل والعبارات تتكون من كلمات، والكلمات تتكون من حروف، اذا المقطع الصوتي هو عبارة عن تقسيم الكلمة إلى عدة مقاطع صوتية، زي مثلا عندنا في اللغة العربية نقول المد بالألف والمد بالياء والمد بالواو بيقسم الكلمة إلى مقاطع عشان يسهل نطقها، وهو دا دور و وظيفة المقاطع الصوتي،
اذا صلوج في اللغة الروسية هو هو عبارة عن تحليل أو تقسيم الكلمة إلى أجزاء تعتمد على عدد الحروف المتحركة في الكلمة، وعلى الأساس ده بتتقسم إلى СЛОГИ، يعني الحروف الصوتية هي الأساس والمحور ال بنعتمد عليه أولا في تقسيم الكلمة إلى مقاطع
اذا المقطع الصوتي هو خليط بين عدد من الحروف الساكنة، وعدد من الحروف المتحركة، تاني
المقطع الصوتي هو خليط بين عدد من الحروف الساكنة، وعدد من الحروف المتحركة
وطبعا في حالات بيكون فيها المقطع الصوتي عبارة عن حرف صوتي واحد فقط، لكن دا قليل اوي، هنشوف أمثلة عليه برده
طيب ناخد أمثلة عشان نفهم
نفترض أن عندنا حرف Д ، لو أضفنا إل الحرف الساكن دا حرف صوتي А على سبيل المثال، فهتتكون عندنا كلمة ДА المكونة من مقطع صوتي واحد، طيب ليه واحد، لأن في الكلمة دي حرف صوتي واحد فقط وهو حرف А
تمام ناخد كلمة تانية، وهي كلمة ДОМ، في الكلمة دي عندنا حرفين ساكنين، وحرف صوتي واحد، اذا الكلمة دي فيها كم مقطع صوتي، ؟؟؟ مقطع صوتي واحد فقط، طيب ليه؟ لأن عندنا حرف صوتي واحد فقط في الكلمة.
تمام، نشوف كلمة تانية، كلمة РУКА، بمعنى يد، الكلمة دي فيها كم حرف صوتي؟ فيها حرفين
، طيب معنى كده ان فيها مقطعين صوتين، مظبوط الكلام دا، فعلا فيها مقطعين صوتين، طيب هنقسمهم ازاي، هنقول РУ-КА ، شفنا هنا، أخدنا المطقع الصوتي الاول ال هو РУ وال بتكون من حرف ساكن Р وحرف صوتي У ، ودا كون عندنا المقطع الأول، والمطقع الثاني ال هو بيتكون من الحرفين КА، الحرف الساكن К والحرف الصوتي А ، إذا كون عندنا مقطع صوتي تاني اسمه КА
معنى كده عشان نقرأ الكلمة دي نقرأها على جزئين، أو مقطعين ، وهما РУ - КА ، ومع بعض نقرأها بسرعة РУКА
تمام اوي ، نشوف مثال تاني
كلمة جبل ГОРА، فيها حرفين صوتين، اذا فيها مقطعين، الأول هيكون ГО والتاني РА ، يعني الكلمة هتتقرأ ГОРА
نشوف كمان كلمة، ВИНА بمعنى ذنب، تتكون من مقطعين، الا,ل ВИ والثاني НА ، لأن بها حرفين صوتين وهما حرفي И - А
تمام، نشوف كلمة تانية
كلمة سمكة РЫБА بنحلل الكلمة دي بالشكل التالي РЫ-БА ، بمعنى ان الكلمة دي بتتكون من مقطعين صوتيين، الأول هو РЫ والثاني هو БА ، يعني مزيج من حرف صوتي وحرف ساكن كون لينا المقطع الأول ، ومزيج من حرف صوتي وحرف ساكن كون لينا المقطع الثاني، تمام
كلمة كمان، ПЛАМЯ ، بمعنى لهب، الكلمة دي هنحللها ازاي، طبعا نشوف أن أول حرفين في الكلمة ساكنيين، والثالث صوتي، وبعدين حرف ساكن М وبعدين متحرك Я
تمام، واحد هيقول لينا ان الكلمة دي هنحللها كالتالي П-ЛА-МЯ ، ايه رأيكم، دا صح؟
ل طبعا، لأن الحرف الساكن لا يكون مقطع صوتي بمفرده، لازم يكون معاه حرف صوتي، يعني نقدر نقول أن الحرف الساكن دا زي الانسان المريض، وعاوز يشرب دوا عشان يخف، عشان كده الدوا بتاعه هيكون حرف صوتي ، اذا في الحالة دي ازاي نقرأ الكلمة ونحللها إلى مقاطع،
أولا أول حرفين ساكنين هنضمهم على بعض، وهنضيف ليهم الحرف الصوتي الأول، وكده يكه عملنا مقطع، ال هو ПЛА وبعدين نكمل بقية الكلمة وهنلاقي إن فاضل عندنا حرف ساكن М وحرف صوتي Я وهما الاتنين هيعملوا مقطع صوتي تاني МЯ
اذا الكلمة دي هنقرأها كالتالي على مقطعين صوتيين ПЛА- МЯ
طيب تمام، نشوف كمان كلمة التالي
пла-не-та تمام
الأمثلة ال شفناها دي كلها لو لاحظنا كده ، كل الكلمات بتنتهي بحرف صوتي، والنوع دا من الكلمات اسمه مقطع صوتي مفتوح، اذا المقطع الصوتي المفتوح هو الذي ينتهي بحرف صوتي في آخره
طيب هل في مقطع صوتي مغلق، ؟؟؟ نعم وهو الذي ينتهي بحرف ساكن في آخره
طيب نشوف مثال
كلمة مدينة صغيرة городок ، ازاي هنقسمها إلى مقاطع،
نبدأ بالأول ، حرف ساكن مع متحرك، وبعدين ستوب، го ، نكمل التاني، ساكن مع متحرك، ро، والتالث، ساكن مع متحرك до، هيتبقى حرف ساكن к أخير لوحده، هنسيبه لوحده؟؟ لا طبعا، ما احنا قلنا ان الحرف الساكن مريض عاوز دوا، عشان كده هنضمه على المقطع الأخير ليصبح док بدلا من до فقط، وفي الحالة دي الكلمة انتهت بحرف ساكن، والمقطع اصبح مغلق في هذا الحالة، تمام
مثال تاني
كلمة بئر колодец، نفس الطريقة نحلل الكلمة مع بعض، الأول ко والثاني ло والثالث дец
لتصبح ко-ло-дец
لحد هنا كويس جدا، لو فهمت الشرح السابق دا، هتكون فهمت 75% من أسس القراءة وتحليل الكلمة إلى مقاطع صوتية.
في الفيديو القادم ان شاء الله هنكمل الجزء الثاني من تحليل الكلمة إلى مقاطع صوتية، أشوفكم على خير
@تعلم اللغة الروسية مع تامر و فريال
🌹❤ اشترك في قناتي على اليوتيوب
Мы на Facebook ❤🌹🇷🇺
🇪🇬❤🌹تابعني على الفيس بوك
russianlanguage4arab
#اللغة_الروسية
#دروس_اللغة_الروسية
#اللغة_الروسية_باللغة_العربية
~-~~-~~~-~~-~
Please watch: "تعلم طريقة كتابة الحروف الروسية بشكل صحيح"
• تعلم طريقة كتابة الحرو...
~-~~-~~~-~~-~