كيفية عمل اشارة رباعية دبل اشارة للدراجة النارية

* رابط صفحة ال Instagram {ميكانيك الدراجات}
/ iraqi_motor_c
* رابط مجموعتنا على ال facebook { كن فنيا بعقلك }
groups/68410...
* رابط صفحة القناة على الfacebook { ميكانيك الدراجات }
Motorcycle.M...
--------------------------------------------------------------------
ملاحظة / هنا بعض الاسئلة و قد تكون بعض الاجوبة ليست تامة او بها خطأ .
⇝⇝⇝⇝⇜⇜⇜⇜
نبدأ بعون الله تعالى
1- كيف اعرف الدراجة تحتاج تجفيت ( كايمة ) او لا ( اي و يكمن العطل في السلندر او يسمى البوشة و البستن )
ج / تعرف ذالك عن طريق الفحص و ذالك بوضع رجلك على الهندر و أنزاله ببطئ اذا لاحظت أنه ينزل بسرعة دون مقاومة فالمحرك عاطل يحتاج تجفيت وايضا تستطيع فعل ذالك من جهة مروحة التبريد تقوم بتدويرها فأذا لم تجد مقاومة فالدراجة تحتاج تجفيت و في القناة فيديو توضيحي .
2- صوت في الأطار الخلفي ( العجلة الخلفية ) للدراجة .
ج / لها عدة أسباب منها :
1_ مكان أتصال الأطار الخلفي بالمحرك المسمى بلأكسل يوضع فيه زيت يسمى سي أو يل ممكن لا يوجد زيت فضيفلهة هذا الدهن راح يفيد في تخفيض الصوت و في القناة فيديوهات توضيحية .
2_ ممكن بسبب البولبرنكات الموجودة في نفس المكان ممكن تالفات يعني ( خلص عمرهن الافتراضي ) لذالك هن يطلعن أصوات و ايضا في القناة فيديو توضيحي .
3- كيف اجعل الاشاراة تشتغل رباعي .
ج /من خلال ربط اسلاك الاشارة معا و ربط مفتاح بينهما لغرض التحويل بين الأشارة الرباعية و الوضع العادي و في القناة فيديو توضيحي .
4- الدراجة تشتغل اذا كانت باردة و بعد ان ترتفع حرارة المحرك تنطفئ او بالعكس .
ج /عمل ثلاث امور ان شاء الله راح تفيدك :
1_ اذا كان البلك { بوجي و هو المسؤول عن اعطاء الشرارة للمحرك كي يحدث الاحتراق } قديم قم بتبديله و ضع جديد اصلي و حتى لو كان جديد لكن ليس اصلي قم بتبديله بآخر اصلي .
2_ اتأكد من وصول الدهن للمحرك و ذالك عن طريق تنظيف مضخة الدهن موجود فيديو في القناة عن هذا الامر .
3_ اخلط للدراجة دهن مع البانزين بكميات قليلة بمقدار 5 cc كما موجود في سرنج زرق الابر الطبية تضيفه مع كل تفويلة بالتمام للبنزين و ترج الدراجة ليمتزج .
5- دراجة أوتوماتيك سرعتها ممتازة لكن عزمها ضعيف اي عند صعود تل او جسر لا تقوى على الصعود .
ج / بالنسبة للعزم فهذا شيء طبيعي لأنة الدراجات ذوات المحرك الأوتوماتيكي هكذا يكون عزمهن ضعيف و قد يكون لديك خلل في الكلج الخاص بالاطار الخلفي به فحمات احتكاكية ممكن تالفات أما الدراجات ذوات المحرك الذي أنت تعطية النمرة ( الكير العادي ) فيكون عزمهن قوي وأقوى ما يكون في النمرة ألأولى ( التبديلة الأولى )
يبقى السؤال هل الدراجات الأوتوماتيك مصممة لصعود التلال المنحدرة جدا الجواب لا
لذالك تجد نوع خاص من الدراجات تسمى جبلية ذات محرك أنت تعطية تبديلات الگير ( محرك الكير العادي ) .
6- اذا كان البلك راخي هل يؤثر .
ج / نعم يأثر على الضغط اربطه جيدا لكن ليس بقوة عالية شد معقول .
7- الكلجات ( الخرز ) يأتي عددهن 6 او اكثر هل يمكن تقليص عددهن الى 3 مع التوزيع بشكل متناسق .
ج/ العملية كلها تعتمد على قوة الطرد المركزي فعند تقليل الخرز الى ثلاث أو أربع تزداد سرعة نهوض الدراجة في اول تحرك لها اي سرعة اقلاع عالية .
لكن أيضا تعتمد على المحرك وقوته قد تنجح و قد لا تنجح و في القناة فيديو توضيحي عن زيادة السرعة .
8-الدراجة الجديدة مثلا سرعتها 60 تمشي 50 و تقفل السرعة لماذا .
ج / الدراجات الجدد يجي بيهن قفال سرعة
على الكلجات الامامية زيل القفال و تزيد السرعة لكن انت افتح الكلجات اذا وجدت قفال
خليي أفضل ألك حتى لا يتعب المحرك و خليك حدك اذا تريد سرعة 50 لا تزيد أفضل للمحرك و في القناة فيديو توضيحي .
9- هل السلندر( البوشة ) التجاري جيد ام لا .
ج / يعني نوعا ما جيد لكن شهرين او اكثر او اقل و لازم تبدلة لأن يتلف ،
يوجد أفضل الي هو يسمونة مكصوص رايمر يعني سلندر اصلي مستخرجينة من دراجة و مصلحينة بطريقة القص لكن غالي ممكن يكلفك فقط القص بحدود 15 دولار ، أما التجاري ممكن تحصلة ب 10 دولار او اقل ،
بينما المقصوص او مال تفصيخ اصلي تحصلة كامل ب 35 او 40 دولار .
10- السلف فترات يعمل و فترات لا يعمل .
ج/ نظفه جيدا و رجع شد السلف و جرب
و اذا ما يشتغل فممكن فيوز تالف عندك
او المحول الخاص بالسلف يسمونة كتف
او ممكن من الباتري تالف او يفقد شحن .
11- الهندر لا يعمل حاشر ما ينزل و الدراجة لا تعمل .
ج/ يوجد سببان لهاذا أحدهما سهل و الاخر صعب ،
1_ قد يكون السبب تكسر مسننات الهندر من الداخل وهذا سهل فقط قم بفك مكان الهندر بالكامل و جد القطع التالفة و استبدلها ، أذا لم يكن هنالك مشكلة بألهندر أذن ،
2_ عطل داخل المحرك يعني ( تجفيت ) للمحرك
و في القناة شرح للتجفيت و كيف تعرف الدراجة تحتاج تجفيت .
12- الأطار الخلفي لا يتحرك مع ان الدراجة تشتغل وكأنه ملتسق او كابح فرامل .
ج / الاكسل الخلفي يعني مكان ارتباط الأطار بالمحرك هذا المكان به جهتان جهة خارجية و التي بها الأطار
و جهة داخلية و التي بها الكلج يكون في جهة الهندر المهم هذا المكان الاكسل يحتوي في الداخل على بوربرنكات و مسننات تجد هناك العطل ممكن تكسر البوربرنك ،
يجب فتح الكلج في جهة الهندر و من ثم فتح الغطاء الذي وراءه ثم تصلح حسب العطل الموجود او يوجد الخلل في الفحمات التي في داخل الأطار المسؤولة عن الفرملة متكسرة و مسببة انحشار في هذه الحالة تفك الأطار و ترى اذا كانت هناك مشكلة في القناة فيديو توضيحي .
#ميكانيك_الدراجات #ميكانيك

[@user-yb5nw3dq2r]

حبيبي الله يحفظك قناتك حلوة ومفيده بس نريد فيديو للدراجة من تذب بانزين (تطوف) اشكرك يالغالي

[@nzr54321]

الحمدلله.. والله دخلت الى اليوتيوب واردت البحث عن مثل هكذا فيديو... ووجدته.. شكرا لك

[@user-dt3qr7jf4q]

بارك الله بيك شرح جيد

[@user-tw5nb7yn2i]

عاشت ايدك خوي استمر انت تستاهل اكثر ربي يوفقك🙂🌸

[@user-eg9nk1db1u]

الله يجزيك الخير تسلم ياطيب

[@user-il3fz8gn5u]

شكرا حبيبي ربي يوفقك سويتها و صارت

[@user-cn8gt2fe1j]

جزاك الله خيرا

[@user-mj2zr5ns3x]

أحسنت بارك الله بيك

[@user-hk1lp9of8h]

استمر ياملكً يابطل عاشت ايدك

[@mustafahadad5819]

مشكور قلب مبدع

[@aliaa88]

عاشت ايدك معلومات مفيدة

[@user-ie3bb7bx2j]

بارك الله بيك

[@user-eo9bd7nw6d]

احسنت موفق انشاء الله

[@user-ps3zb3ep6u]

شرحك كلش، حلو ربي يحفظك

[@user-uz6hb9ix6s]

شكراً الك الله يرزقك

[@user-wp4vn4je5p]

كالعاده مبدع استمر

[@user-sd8xz2yd5v]

والله والله انت قدمتلي فائده اكثر من الحكومه

[@Iraqi-1-Man]

هههه 😂😘😘

[@user-sd8xz2yd5v]

اخيك اريد اسم الفيس مالتك والله محتاجك

[@user-wc6po1qn8m]

احسنت الغالي

[@hodhod1748]

جيد استمر

[@m.t.rs-giming8782]

استمرررر وتمنى تنزل فيديو عن دراجه سازوكي

[@user-ou2xe6dv7y]

موخوش دراجه ساسوكي

[@mah8427]

مشكور حبيبي عله المعلومه بس سويلنه فديو عن القاطع الناريه

[@user-vy5jd5bc9k]

عاشت يدك مشترك جديد 👍

[@user-gg6os1jl4z]

احسنت ألله يحفظك

[@hodhod1748]

ليس لدي دراجة ولاكن ربما احتاجك ليوم

[@haideralkarrade4916]

ولايكعد الي يحجي فصحا 😂😂😂

[@user-le3zi]

@@haideralkarrade4916 اجنبي يمكن و راح ترجمه قوقل 😊

[@octmar4052]

@@user-le3zi ههههههه ولله ياخوي ضحكتني

[@vhh]

@@user-le3zi لا لان الاملاء غلط، + شلون رح يفتهم الفيديو اصلاً،

[@aiiaii9749]

ها احتاجيته لو لا

[@gt1791]

استمر حبي

[@mehdialsaray9779]

انته ذهب

[@user-iq7jw7ze7n]

استمر

[@user-xr6sr2ft6k]

اتمنى ان اتنزل شرح عن ما يخص الماجستا ياماها قديم ارجو الرد وستمر يابطل

[@alousho20_20]

احسنت

[@emadgeology7223]

توجد طريقة اسهل:: وهي جلب دكمة ذو ثلاث خطوط حيث يربط الخط الوسط للدكمة مع حار الفلاش والخطوط البقيه مع حار كل اشارة..حيث يمكنك التحكم بهذه الدكمة فقط لتشغيل الرباعي ولا تحتاج لتشغيل الإشارة.

[@user-dj7zj8ub8y]

صديقي هاي اطريقه امسويهة وترهم للدراجه سبيسي

[@user-dj7zj8ub8y]

زين امين اخذ حار لفلاش ممكن اتوظحلي

[@emadgeology7223]

نعمل على ربط الخط الوسط للدكمة مع حار الفلاش (كون الفلاش حار وبارد ويكون لونه على الاغلب جوزي او جوزي ذو خط ابيض)

[@mohammedabda3497]

بارك الله فيك 👍

[@user-ht2gc6bx4g]

صديقي واذ الفلاش بي حار ثنين وبارد

[@user-sz3un9bs2d]

ممنون

[@haidariq5314]

استمر بس اتمنه يوميه تنزل فيديو

[@imadmamado6425]

شكرا

[@alial-iraqi1629]

الف رحمه ع موتاك ع هاذه الفديو. بس شلون يشتغلن الأشاير الخلفيه يعني فقط بس نربط الأماميات ويشتغلن سويه. الي يعرف خلي يجاوب .فدوه😘

[@pubggamers505]

يشتغلن وياهه

[@alial-iraqi1629]

@@pubggamers505 تسلم حبي

[@user-jo2rd6bq7p]

شياب اربط الدكمه شلون ع الحار والبارد لو ثنينهن حار

[@user-gx8qo7yc8p]

اربط حار بل حار حبي

[@user-wx2kp1zk4g]

بدل كتف الاشارة استبدلة بكتف مال ياماها راح تشتغل الاشارة عندك بشكل ابطء وأقوة. تحياتي

[@thaking4327]

انريد عل ايراني

[@gmcgmc1518]

السلام عليكم اخي ممكن تسولينة فديو عن شد ضفيرة الستوتة وشكراً جزيلاً

[@user-yu6pb8gx4k]

اخي العزيز عدك معلومات حول الدراجه ساسوكي 100

[@Ali--sw6rd]

حبي ربطك خطأ الدبل اشاره تاخذ من المفتاح يمين ويسار تربط مفتاح ثلاثي خطين حار وخط بارد مشترك اصير تعمل بشكل جيد تحياتي لحظرتك

[@user-ali.nasiry]

اي صح اني رابط مثلك 💚

[@user-cw3lw7dv4q]

انا ربطت مفتاح ثنائي مثل صاحب القناة ونجحت عملية ومفيدة جدا خصوصا انا اتنقل بالليل كثيرا للعمل شكرا اخي استفدت منك واصبح عندي تشوير رباعي

[@kadim_edit8158]

سوي فديو عن ازاله فلاتر الصالنصه مال اربعه كير او دايون

[@user-nr4jt3kz6n]

اخوي الغالي اريد نصيحه منك اخذ بطه ابريو# لو فراشه

[@m40ur]

سلام عليكم اخوي طبعا اني متابعك بكل حسابات واحب شغلك وعلي بس ياريت تنزل ع ذبانه ل فراشه لان اني ستفاديت منك هواي والك فضل علينه ياريت تعلمنه ع النوعيه الذبانه الجبيره وذا شوف تعليقي حاول ترد

[@user-le3zi]

👍🏻

[@DGF250]

السلام عليكم اخوية عندي دراجة عصفورية متمشي معدل بس ٥٠ ومن توصل ٥٠ تكوم تطلع صوت ونة واذا اهد البانزين وارد ادوسة اني وعلى ٥٠ احسهة مثل التطفة اله تمشي

[@ailhaker3982]

حبي بدل خرز وقايش

[@kanoshalalwiy5306]

حبيبي شكرا على هاي المعلومات ياغالي الله يحفظك

[@sallahsallah3513]

اخوي سوي شرح للدراجة الايراني

[@ALI_ALMAJIDI]

عاشت ايدك اخي ماعليهة شي الوايرات اذا اشغل الرباعية بس اريد فيديو شلون اسوي إشارة رباعية على الدراجة الفراشة ١٤٠

[@wolf_gam3r744]

😍

[@user-le1ir1ei9o]

بارك الله بيك شرح وعمل مذهلان بصراحه استمر لكن هناك شي لم افهمه هل الجوزه تم ربطها بلحار والبارد

[@Iraqi-1-Man]

شكرا اخوي العزيز فقط الحار البارد موجود رأيسي.

[@user-pp7cw7oy7z]

@@Iraqi-1-Man يعني خطين الجوزه سحبتهن حار من وايرات الاشاير

[@Iraqi-1-Man]

@@user-pp7cw7oy7z اي من الاشارة .

[@user-pp7cw7oy7z]

@@Iraqi-1-Man والبارد مين سحبته؟؟؟ والاشاره شو سريعه يمكن لازم ينشد كتف الها؟؟

[@storysamco9329]

شباب دراجتي سلولي ناصي بس من امشي بيهه مسافه تضل تمشي بدون مادوس بانزين شنو السبب

[@mohamad7016]

تقسيم الهوة عنك عالي لازم تنصي

[@hasntm8836]

الكتف لازم يتبدل

[@khaledabdesselem3113]

اخي هل ملف التشغيل للموتوسكيل 110 يصلح لتركيبه في 125

[@Iraqi-1-Man]

اعتذر ما اعرف ممكن تختلف الكهرباء الخارجه من الملف يعني تكون اضعف .

[@user-ug5fh6fo1s]

كيف ستخداد الدهن فدوه نزل مقطع عل تبديل التهن

[@user-nn4xu1qv4v]

سلام عليكم خويه اريد تشرح عن شبون اركب بلوجكتر بل دراجه

[@mohammadmajed6229]

اخويه سوي مقطع شلون انبدل دهن مكينه دراجه ماكس 140 وشلون ابدل البك لايت الخلفي

[@user-mu1fl1wd3y]

حبيبي ممكن شرح اصلاح كيلو متر !!

[@user-nr3dj7ut8k]

👍

[@user-ch7lu2wh9l]

السلام عليكم اذا تكدر تسوي شرح لتصليح قفل التاير الخلفي بالدراجه المنغولي ام السله.

[@_2qvo]

شبيه الدراجه مصطفى عندي نفسه خطين

[@user-ch7lu2wh9l]

@@_2qvo القفل مال التاير الخلفي عاطل عندي اذا تعرف شلون يتصلح

[@user-tp5xr4vz3f]

كيفة نسوي الهندر الاطش

[@user-tr8gn6el9o]

خيي ممكن سؤال دراجتي بطه ٢٠٠٣ يمن امشي بيها احس الويل الخافي معوج وبيها رجفه ماعرف شنو المشكلة

[@user-lx7fu5um1k]

بلا زحمه نزل طريقه ربط بصمه الدراجه وتشغل عن بعد للدراجه للماكس او غير دراجه

[@user-fk5vf9lu6o]

حبيبي ممكن عيوب الياماها لأن اريد اشتري وما مجربه اكون ممنونك ..❤

[@andrewiris8875]

الياماها اكثر ظراجة مابيها عيوب السازومي والهوندا رب العيوب اليامها افضل شي

[@user-we5ug7he2m]

سوأل بلازحمه عندي سازوكي خفاش اللايت الأمامي أشده فتره قصيره لو يحترك لو الكاه مايع الربط ع ضفيره بدون باتري هذا يأثر

[@user-ef4bq8wm4h]

السلام عليكم عندي الرباعيه معلكه مشتغله دوم

[@Iraqi-1-Man]

السلام عليكم و رحمة الله و بركاته مشكلة بكتف الاشارة او احد المصابيح الخلفية او الامامية محترق

[@user-ef4bq8wm4h]

@@Iraqi-1-Man حبيبي اول شي شكرا على الرد المشكله هي الرباعيه معلكه اول ما اشغل الدراجه تشتغل وبعد ماتطفه الا اطفي الدراجه

[@user-dj7zj8ub8y]

صديقي هاذي اطريقه ترهم للدراجه اسبيسي زين ابدل الكتف لا ارجو توظيح

[@user-ki8jl1zy1l]

خويه هاي ساسوكي خفاش مو صح ولفات لو كابريته وشلون زينه مو زينه يرحم والديك رد عليه

[@Iraqi-1-Man]

اهلا اخوي نعم سازوكي كابريتر سرعة 60 نوعا ما زينة لكن مو كلش قوية الياماها افضل .

[@hassnbasem2403]

السلام عليكم اخي الفاضل يعني الربط يصير بين الحار مال الاشاره الولى ويه الحار مال الثانيه فقط ؟ ؟؟

[@Iraqi-1-Man]

نعم فقط .

[@hassnbasem2403]

@@Iraqi-1-Man الله يبارك بيك

[@Iraqi-1-Man]

لا اخوي ما يصير .

[@user-jb8cb3bf3g]

ممكن تجاوبي عادي اقلب الويرات لين ما عندي نفس هاذ الدرنفيس

[@Iraqi-1-Man]

لا اخي ما يصير لان الظفيرة مصممة على هذا الوضع .

[@user-js5fx5zn3v]

استاذ السلام عليكم ممكن تسوي فيديو حتى ولو قصير كيفية تحويل لايت وانارة الدشبول من الماكنيت الى البطارية للدراجة ستين واكون شاكر وممنون الك استاذ

[@housseynlam4234]

ممكن لسكوتر فيدال 2 لو سمحت انا من متتابعين من الجزائر

[@m.ss.g]

حبيبي اذا اسويهة متحرك ضفيره او تهبط باتري

[@alial_jabri3324]

شباب كل شكد اغير دهن الاكسن مال عبد الحليم

[@ahmedalhasoon6005]

اخويه عندي ياماها ٦٠ توصل ٣٥ سرعه بعد ماكو اذا بيها انسداد بغرفه الاحتراق شسوي

[@permanentlove9178]

يعني اربط حار من اشاره وبارد من اشاره ثانيه؟

[@user-hi1qz6sb9u]

اخي العزيز بلكت سوي حلقه تنضيف محرك من دون ان افتح برغي واحد ادير هاي ماده بدهن قديم اشغل دراجه نصف ساعه لد ما تنضف هاي حلقه مفيده لصحاب دراجات القديمه

[@user-kx8jz2di1e]

يعني قصدك اربط حار ويه الحار ❤❤❤❤❤❤❤❤❤❤❤❤❤

[@alin1333]

اخي عندي ٩ زروف ربطت عليهه لايت ابيض اشو مايشتغل ومن اشغل هم ماشتغل للعلم جان لايت اصفر يشتغل طبيعي . شنو سبب

[@user-jx1px2fg9t]

ستاند جانبي لل٦٠ شلون احطة

[@ahmed__3j179]

حبيبي يعني اشاره اخذ منه حار واشاره اخذ منه بارد

[@mohnadalbkri8618]

انا لله وانا اليه راجعون

[@22_rmd97]

سلام عليكم حبيبي عدي دراجه بطه كامت تطلع دخان ابيض شنو السبب

[@_toomy6430]

توب راح سويه ياجر

[@rowedaalaa1559]

شكرآ لك من القلب بس عندي فد مشكله اواتمنى اذا تعرف اتفيدني عندك سازوكي 60 نوع عالي zz بلمشي طبيعيه مابيها خلل بس بل صعود لو اصعد واحد وياي كوه تمشي شنو السبب وليعرف لايقصر

[@bahaa_94]

اخوية عندي دراجة سكنس فحل بيها صوت من يوم الفلاوين مثل الطكطكة تكدر تنطيني توضيح ع الخلل الي ممكن يصير بهيج مكان💜

[@muhammadalimunameed1964]

السلام عليكم اخي العزيز عندي دراجه ساسوكي وكل مابدل الكلوبات يحتركن بيومهن ميطوالن ممكن اعرف السبب وشكرن اتمنا الجواب سريعن وبل التوفيف

[@j4.t861]

فد سؤال

[@abasaliabas68]

بلا زحمه عندي دراجه اشتريتله كابرته خط واحد لكيت بيه وصخ نضفته فتحت مامات نضفتهن من احط ماتشتغل كابريته بيه بانزين من احط ايدي عل كابريته ماكو بانزين رشيت بانزين بل كابريته وشتغلت ونطفت سببببب رحمه لمواتك

[@nzr54321]

احتمال فيت بم مال البانزين عاطل او الصرندة مسدودة

[@abasaliabas68]

@@nzr54321 لا والله كلشي بدلت

[@user-vt1pg8lt7h]

ربطت اشابر دراجتي اذا تك يشتغل بس اذا رباعي يضعفن ومايرمشن هل الخلل بكتف الاشاير

[@Iraqi-1-Man]

نعم اخي اما في الكتف او الكهرباء ضعيفة بشكل عام من تمشي بالدراجة يصير اقوى .

[@burakal-shamy]

جان مفروض تبدل كتف اشاير حتى تشتغل بشكل بطيء لان هسة من شغل دبل اشارة راح صير سريعة كلش

[@alisalal5173]

Burak Alshame زين حجم الكتف ايكون اكبر من الأصلي القديم لو شنو؟ ممكن توضيح

[@burakal-shamy]

@@alisalal5173 اي نعم اخوية قدرة اكبر روح على اي ابو دراجات كلة اريد كتف مال دبل اشارة سعرة 2000 دينار

[@user-dj7zj8ub8y]

صديقي هاي اطريقه ترهم للدراجه سبيسي زين هم ابدل كتف ارجو توظيح

[@ammaramir9874]

حبي طريقتك غلط الطريقة الصحيحة انهو تجيب دكمة مال اشارة مال اربعة كير هذيج تاخذ واير وتنطي وايرين اما طريقة شدهة ف الواير الرايح للدكمة تربطة على الواير الي طالع من كتف الاشارة الي دائما يكون لونه رصاصي و وتربط الوايرين الثانيات كل واحد على تك اشارة و طريقتي مجربة سابقا هواي وناجحة

[@Iraqi-1-Man]

شكرا نعم تنجح و موجودة عدة طرق و حبيت بالفيديو اعطي الابسط .

[@sajjadalseedy735]

صديقي ممكن تشرح هذه الطريقه بصوره اوضح اعتقد هي الصح

[@user-iq7jw7ze7n]

اكلك خويه بالدرراجة ال 60 اذا اريد اسوي نفس هاي طريقتك يحتاج كتف لا

[@nzr54321]

اذا ماتشتري كتف مال اشاير ستوته او ايراني... كتف الاشارة الاصلي يصير سريع

[@user-pp7cw7oy7z]

خويي يعني هذني وايرات سنكل الي فرزتهن هذني شنو حار لو بارد ؟؟؟ يعني دكمه انطيتها حارين!!

[@a.t.r.i]

السلام عليكم أخي صاحب القناة الدراجة حقي غرغت في السيل وقت المطر وجلست حوالي ساعة واحدة في السيل ونضفت فيه الأغلبية والآن لم يشتغل ماذا افعل أخي ارجو منك الرد بماذا افعل 😚😚😚😚😚

[@a.t.r.i]

وينك أخي الكريم

[@user-pr5zb9gc1z]

اخي درجه مرات اني امشي لو تطفي لو تكطع لو توكف اضغط عل بانزين ما تمشي الا اطفي وشغل ارجو الرد

[@Iraqi-1-Man]

اخوي اما عندك البلك بي مشكلة فبدلة بواحد اصلي او الكويل الي ينطي الجدحة للبلك تالف غالبا فبدلة .

[@mdhd6397]

عدي دراجتي بيه عطس من صالنصه وبدلت بالك وفلتر ونفس شي شنوو سبب

[@AliAli-ly6vx]

حبيبي اربط الواير الثاني أشده بل بارد

[@Iraqi-1-Man]

عزيزي البارد رئيسي ما يهم بس انة الكتف عندي مو قوي .

[@user-jo2rd6bq7p]

حبيبي الله ايوفقك استمرر بس فد سوال اني مسوي رباعيه بس ساحبلهن واير يعني لاغيهن من الكتف وهل سوالف ماخذ حار وبارد من الايت ومشغلهن اربعتهن ومسويلهن دكمه الوحدهن بس اريد اخليهن ايلمضن شلون اخلي الكتف حته ايلمضن

[@nzr54321]

لازم كتف.. وظيفة الكتف ينطي اشارة ويطفيها باستمرار

[@user-xb3ym3yu6s]

حياك الله حبيبي عندي دراجه ساسوكي من امشي بيهه فوك ال٣٠ تضل تطلع صوت بلمحرك واذا الح عليهه تخفف

[@user-pm3tr4qj8f]

كابريتر حبيبي

[@karaali2814]

حبيبي هاي الخرز داعجات بدل قايش وخرز بلادي ترجع لوز نفس دراجتي

[@user-by5vu7dx9z]

مكانيك ليش عندي الدارجة من اقبط سكريته يكتف الماطور

[@Iraqi-1-Man]

* رابط مجموعتنا على ال facebook { كن فنيا بعقلك } facebook.com/groups/684104105303628/?ref=bookmarks * رابط صفحة القناة على الfacebook { ميكانيك الدراجات } facebook.com/Motorcycle.Mechanic1/?ref=your_pages -------------------------------------------------------------------- ملاحظة / هنا بعض الاسئلة و قد تكون بعض الاجوبة ليست تامة او بها خطأ . ⇝⇝⇝⇝⇜⇜⇜⇜ نبدأ بعون الله تعالى 1- كيف اعرف الدراجة تحتاج تجفيت ( كايمة ) او لا ( اي و يكمن العطل في السلندر او يسمى البوشة و البستن ) ج / تعرف ذالك عن طريق الفحص و ذالك بوضع رجلك على الهندر و أنزاله ببطئ اذا لاحظت أنه ينزل بسرعة دون مقاومة فالمحرك عاطل يحتاج تجفيت وايضا تستطيع فعل ذالك من جهة مروحة التبريد تقوم بتدويرها فأذا لم تجد مقاومة فالدراجة تحتاج تجفيت و في القناة فيديو توضيحي . 2- صوت في الأطار الخلفي ( العجلة الخلفية ) للدراجة . ج / لها عدة أسباب منها : 1_ مكان أتصال الأطار الخلفي بالمحرك المسمى بلأكسل يوضع فيه زيت يسمى سي أو يل ممكن لا يوجد زيت فضيفلهة هذا الدهن راح يفيد في تخفيض الصوت و في القناة فيديوهات توضيحية . 2_ ممكن بسبب البولبرنكات الموجودة في نفس المكان ممكن تالفات يعني ( خلص عمرهن الافتراضي ) لذالك هن يطلعن أصوات و ايضا في القناة فيديو توضيحي . 3- كيف اجعل الاشاراة تشتغل رباعي . ج /من خلال ربط اسلاك الاشارة معا و ربط مفتاح بينهما لغرض التحويل بين الأشارة الرباعية و الوضع العادي و في القناة فيديو توضيحي . 4- الدراجة تشتغل اذا كانت باردة و بعد ان ترتفع حرارة المحرك تنطفئ او بالعكس . ج /عمل ثلاث امور ان شاء الله راح تفيدك : 1_ اذا كان البلك { بوجي و هو المسؤول عن اعطاء الشرارة للمحرك كي يحدث الاحتراق } قديم قم بتبديله و ضع جديد اصلي و حتى لو كان جديد لكن ليس اصلي قم بتبديله بآخر اصلي . 2_ اتأكد من وصول الدهن للمحرك و ذالك عن طريق تنظيف مضخة الدهن موجود فيديو في القناة عن هذا الامر . 3_ اخلط للدراجة دهن مع البانزين بكميات قليلة بمقدار 5 cc كما موجود في سرنج زرق الابر الطبية تضيفه مع كل تفويلة بالتمام للبنزين و ترج الدراجة ليمتزج . 5- دراجة أوتوماتيك سرعتها ممتازة لكن عزمها ضعيف اي عند صعود تل او جسر لا تقوى على الصعود . ج / بالنسبة للعزم فهذا شيء طبيعي لأنة الدراجات ذوات المحرك الأوتوماتيكي هكذا يكون عزمهن ضعيف و قد يكون لديك خلل في الكلج الخاص بالاطار الخلفي به فحمات احتكاكية ممكن تالفات أما الدراجات ذوات المحرك الذي أنت تعطية النمرة ( الكير العادي ) فيكون عزمهن قوي وأقوى ما يكون في النمرة ألأولى ( التبديلة الأولى ) يبقى السؤال هل الدراجات الأوتوماتيك مصممة لصعود التلال المنحدرة جدا الجواب لا لذالك تجد نوع خاص من الدراجات تسمى جبلية ذات محرك أنت تعطية تبديلات الگير ( محرك الكير العادي ) . 6- اذا كان البلك راخي هل يؤثر . ج / نعم يأثر على الضغط اربطه جيدا لكن ليس بقوة عالية شد معقول . 7- الكلجات ( الخرز ) يأتي عددهن 6 او اكثر هل يمكن تقليص عددهن الى 3 مع التوزيع بشكل متناسق . ج/ العملية كلها تعتمد على قوة الطرد المركزي فعند تقليل الخرز الى ثلاث أو أربع تزداد سرعة نهوض الدراجة في اول تحرك لها اي سرعة اقلاع عالية . لكن أيضا تعتمد على المحرك وقوته قد تنجح و قد لا تنجح و في القناة فيديو توضيحي عن زيادة السرعة . 8-الدراجة الجديدة مثلا سرعتها 60 تمشي 50 و تقفل السرعة لماذا . ج / الدراجات الجدد يجي بيهن قفال سرعة على الكلجات الامامية زيل القفال و تزيد السرعة لكن انت افتح الكلجات اذا وجدت قفال خليي أفضل ألك حتى لا يتعب المحرك و خليك حدك اذا تريد سرعة 50 لا تزيد أفضل للمحرك و في القناة فيديو توضيحي . 9- هل السلندر( البوشة ) التجاري جيد ام لا . ج / يعني نوعا ما جيد لكن شهرين او اكثر او اقل و لازم تبدلة لأن يتلف ، يوجد أفضل الي هو يسمونة مكصوص رايمر يعني سلندر اصلي مستخرجينة من دراجة و مصلحينة بطريقة القص لكن غالي ممكن يكلفك فقط القص بحدود 15 دولار ، أما التجاري ممكن تحصلة ب 10 دولار او اقل ، بينما المقصوص او مال تفصيخ اصلي تحصلة كامل ب 35 او 40 دولار . 10- السلف فترات يعمل و فترات لا يعمل . ج/ نظفه جيدا و رجع شد السلف و جرب و اذا ما يشتغل فممكن فيوز تالف عندك او المحول الخاص بالسلف يسمونة كتف او ممكن من الباتري تالف او يفقد شحن . 11- الهندر لا يعمل حاشر ما ينزل و الدراجة لا تعمل . ج/ يوجد سببان لهاذا أحدهما سهل و الاخر صعب ، 1_ قد يكون السبب تكسر مسننات الهندر من الداخل وهذا سهل فقط قم بفك مكان الهندر بالكامل و جد القطع التالفة و استبدلها ، أذا لم يكن هنالك مشكلة بألهندر أذن ، 2_ عطل داخل المحرك يعني ( تجفيت ) للمحرك و في القناة شرح للتجفيت و كيف تعرف الدراجة تحتاج تجفيت . 12-كيف اتحكم برفع السلولي و كيف اقلله ، السلولي هو { مقدار دخول الهواء من الكابريتر الى المحرك } . ج/ ترفع السلولي عن طريق برغي موجود في الكابريتر اذا كان الكابريتر الخاص بدراجتك يحتوي على سلك واحد للتحكم بالبنزين ، و اذا كان هنالك سلكان ففي منطقة اتصال السلكان بالكابريتر يوجد برغي به سبرنك { نابض } في القناة فيديو توضيحي . 13- الأطار الخلفي لا يتحرك مع ان الدراجة تشتغل وكأنه ملتسق او كابح فرامل . ج / الاكسل الخلفي يعني مكان ارتباط الأطار بالمحرك هذا المكان به جهتان جهة خارجية و التي بها الأطار و جهة داخلية و التي بها الكلج يكون في جهة الهندر المهم هذا المكان الاكسل يحتوي في الداخل على بوربرنكات و مسننات تجد هناك العطل ممكن تكسر البوربرنك ، يجب فتح الكلج في جهة الهندر و من ثم فتح الغطاء الذي وراءه ثم تصلح حسب العطل الموجود او يوجد الخلل في الفحمات التي في داخل الأطار المسؤولة عن الفرملة متكسرة و مسببة انحشار في هذه الحالة تفك الأطار و ترى اذا كانت هناك مشكلة في القناة فيديو توضيحي . #ميكانيك_الدراجات #ميكانيك