كيفية تسجيل الدراجة النارية في المرور العامه خطوه بخطوه

فعلو زر التنبيهات 🔔 علمود توصلك الفديوهات
ولاتنسو لايك كومنت وشتراك ونشر المقطع لكل اصدقاىك 😊😘🥰
تعليقك يهمني سواء جان تشجيع او انتقاد بناء 🗣️
كيفيت تسجيل الدراجه الناريه في المرور العامه العراق
ترقيم الدراجه الناريه في العراق وبغداد
خطوات تسجيل الدراجه في المرور
السلام عليكم
يوم راح اشرح عن موضوع ترقيم الدراجات الناريه
اولا : الدراجات الي تسجل حاليا بمرور فقط الي موديل ٢٠١٩ وموديل ٢٠٢٠ سوا جانت داخله بكمرك او بدون كمرك
ثانيا: الدراجات الي تسجل من ١٢٥ cc الى ٢٠٠٠cc يعني كل الدراجات تسجل تقريبا
ثالثا : اذا دراجتك موديل حديث مثل ٢٠١٩ او ٢٠٢٠ وداخله بصوره غير رسميه يعني بدون كمرك تكدر تروح للمنفذ الي داخله منه وتدفع كمرك للدراجه ويسولك بيه قرص وتترقم
رابعا : اي دراجه دون موديل ٢٠١٩ او ٢٠٢٠ ما تسجل بمرور
وتعتبر ادوات وحتى لو جانت داخله رسميه بكمرك
خامسآ : اذا تريد ترقم وما عندك الاوراق الاصليه للدراجه
يعني اوراق الكمرك هم ما تترقم تعتبر مسروقه
سادسا : دراجتك موديل قديم ومعتز بيه ومتكدر سويله رقم لان موديل قديم سويلك رقم مال مجلس بلدي وحاليا يمشي حتى بشمال هذا الرقم
سابعا : تكلفت ترقيم الدراجه ١ سلندر ٣٤٠ الف
وما ٢ سلندر ٥٠٠ الف
ثامنا: ما انصح تشتري دراجه جوه موديل ٢٠١٩ حاليا لان اذا نكمشت بعد متطلع حسب القانون الجديد
تاسعا : عندك دراجه مرقمه طلع اجازه سوق دراجه واطلع بيه وين متحب .
تحياتي الكم كابتن محمد
بجاج 🏍️🏍️
صفحتي الى الفيس بوك للتواصل
profile.php?...
كروب تجمع فريق دراجات بولسر العراق
الرابط الصفحه على الفيس بوك
groups/54257...
تم التصوير بكامره كوبرو 8 وكامره كانون جي7 اكس مارك 2 🎥📹📸🎙️
🕌

[@mo7md]

السلام عليكم يوم راح اشرح عن موضوع ترقيم الدراجات الناريه اولا : الدراجات الي تسجل حاليا بمرور فقط الي موديل ٢٠١٩ وموديل ٢٠٢٠ سوا جانت داخله بكمرك او بدون كمرك ثانيا: الدراجات الي تسجل من ١٢٥ cc الى ٢٠٠٠cc يعني كل الدراجات تسجل تقريبا ثالثا : اذا دراجتك موديل حديث مثل ٢٠١٩ او ٢٠٢٠ وداخله بصوره غير رسميه يعني بدون كمرك تكدر تروح للمنفذ الي داخله منه وتدفع كمرك للدراجه ويسولك بيه قرص وتترقم رابعا : اي دراجه دون موديل ٢٠١٩ او ٢٠٢٠ ما تسجل بمرور وتعتبر ادوات وحتى لو جانت داخله رسميه بكمرك خامسآ : اذا تريد ترقم وما عندك الاوراق الاصليه للدراجه يعني اوراق الكمرك هم ما تترقم تعتبر مسروقه سادسا : دراجتك موديل قديم ومعتز بيه ومتكدر سويله رقم لان موديل قديم سويلك رقم مال مجلس بلدي وحاليا يمشي حتى بشمال هذا الرقم سابعا : تكلفت ترقيم الدراجه ١ سلندر ٣٤٠ الف وما ٢ سلندر ٥٠٠ الف ثامنا: ما انصح تشتري دراجه جوه موديل ٢٠١٩ حاليا لان اذا نكمشت بعد متطلع حسب القانون الجديد تاسعا : عندك دراجه مرقمه طلع اجازه سوق دراجه واطلع بيه وين متحب . تحياتي الكم كابتن محمد

[@abasali7951]

زين اشلون اندل الكمرك مال الدراجه

[@ggosxk179]

زين حبي اني دراجتي ماكس ١٢٠ هم يكضوه لو لا هم اطلع سنويه اله ورقم فدوه ممكن جاوب

[@mustafaking12]

@@abasali7951 .

[@r3bxgsg405]

شباب دراجتي محركهة 125الي هية ثعلب تسجل لو ע 𖧠 💜͜؟

[@mo7md]

شوف منين داخله تعرف وين الكمرك

[@aliteacher8454]

والله الافضل على هذه التكاليف مايشتري شخص دراجة ياخذله فرد مرة سيارة شدعوة هالقانون الظالم وشدعوة هالتكاليف عالمواطن البسيط ادري ليش اشترى الدراجة غير ماعنده امكانية للسيارة للأسف يوم بعد يوم يزيد قوانين الدولة وضرابئهة عالفقراء ومحد يضرر غير الناس البسيطة موفق للأخ الناشر

[@cano1285]

فيديوهاتك دائما راقية وواضحة يبقى فقط تثبيت الكامرة وعدم تحريكها بكثرة لانها تؤذي العيون شكرا لك

[@basilcake1419]

عاشت ايدك ولله فعلأ جنت كلشي ماعرف ولحمد الله من خلال الفديو مالتك فهمت الي ماجنت فاهمه

[@imaxmax9408]

الف رحمه ع والديك اخي العزيز ع المعلومات

[@mo7md]

اهلا وسهلا بيك وتدلل

[@user-ef6mw2eo3e]

احسنت كابتن ✔️

[@mo7md]

ورده نورت

[@L7n.4w]

رحمه الله والديك استاذ

[@mo7md]

اهلا وسهلا بيك تدلل

[@husaenalaedane233]

عاشت ايدك كابتن ربي يبارك فيك

[@mo7md]

ويدك حبييي تسلم

[@user-yl5ok1it5n]

جزاك الله كل خير

[@mo7md]

اهلا وسهلا بيك

[@user-dp6gc6qz2w]

عاشت ايدك حبي ❤️

[@mo7md]

ويدك ياغالي

[@akelmax]

الله ينتقم منهم على هاي سوالف التعبانه هم ميحاسبون الي سرق العراق ودمره جاي يلزم دراجت بشارع عايشيين بيه الفقره

[@user-gt4nf1zp4z]

بس الله ينعلهم ... الله يهلك الدوله والشعب لخاين الجاب ذوله السراق

[@mohammedshaker3748]

بارك الله فيك

[@mo7md]

اهلا وسهلا بيك وادلل

[@zaidonhamed1751]

جزاك الله خير حبيبي

[@mo7md]

اهلا وسهلا بيك بيك

[@gjbh4457]

لكً عاش

[@mo7md]

اهلا وسهلا بيك

[@Sons_Of_Anrchy]

عاشت ايدك كابتن استمر بفلوكاتك وأن شاء الله تعبر المليون مشترك

[@mo7md]

اهلا وسهلا بيك شكرا الك

[@user-lq3tk5fn2z]

@@mo7md سلام عليكم حبيبي يصير امشي المعاملة ابدال ابوي اني عمري 15 يعني اخذ الوراق ما ابوي و اني امشي المعاملة اتمة الرد ❤♥❤

[@mo7md]

وعليكم السلام ورحمة لازم تسجل بعمر ١٩ فما فوق

[@hkbhlb4745]

@@mo7md سلام عليكم دراجتي بوكسر مرقمه وني قريب ع ايران أكدر اعبر ايران. وشنو المطلوب

[@user-br8yt6ho6h]

احسنت بارك الله بيك

[@mo7md]

اهلا وسهلا بيك

[@user-nh3tg3hs4n]

عاشت ايدك شرح روعه

[@mo7md]

اهلا وسهلا بيك تدلل

[@user-kj4fx4bu5t]

والله دروب حته يقطون الشباب الله لايوفقهم الفاسدين

[@user-uj8yk8dv6g]

المرور جان نايم هسه كعدو دراجتي 125موديل 2009 اطلع رقم مجلس بلدي شكد يكلف وشلون اذا طلعت خارج القضاء

[@user-yv3ri2hj6j]

أحسنت والله كلامك ذهب

[@mo7md]

اهلا وسهلا بيك

[@OmerOmer-lz9ox]

عاشت ايدك

[@ali-xu6yh]

مو اني مرقم تريلة 450 الف والاجازة 180 ..والمنفيست يطك 400 ...هههههههه يعني مليون و30 الف ...صدك عود وسعر الدارجة الجديدة 300 الف

[@alntra92honday73]

تسلم حبيبي انا رقمت دراجتي على هاذ الفديو

[@mo7md]

اهلا وسهلا بيك تدلل

[@user-gi7mb6tc7i]

حبي شكد كلفتك

[@alntra92honday73]

كلفت ٣٥٠

[@mustafa9348]

احسنت 👍

[@mo7md]

نورت حياتي

[@oneone5843]

موفقين لكل خير

[@mo7md]

جميع

[@ahmedgames7427]

هما لو يخفضون سعر التريقم ل١٠٠ الف حتا نرقم ٣٢٠ هواي اشتري بيها دراجه ثانيه واحنا اهل الدراجات نصها طلاب

[@teemiraqivlog6250]

تم التخفيض

[@ANA1994-b7w]

@@teemiraqivlog6250 شكد صار هسه ؟

[@slmsdy]

@@teemiraqivlog6250 . شكد صارت؟

[@abo.mntadarnoor6042]

تركته الدراجه واشتريت بايسكل والحمدلله خلصت لارقم ولابانزين ولاضرائب مرور

[@user-jt3wd8hd2i]

والله عاشت يدك

[@mo7md]

ويدك حب

[@xzb50]

خويه هيه إذا ماكو غرامات وحجز اكو حراميه وتنباك متسوه تترقم

[@user-lo5gv6wx3r]

على هاي الحسبه يعني الدراجه تاخذه اربع ملاين ياخذون منك ٣٠٠الف مقدما ..ومعامله اكلفك بل ٨٠٠....ماخذ جكساره هيه دراجه خوب اخذ سياره بخمس ملاين ومعاملتها تكلف ١٠٠الف..ولادوخه راس.........هيه تك تك......😁😁😁😁😁😁🙋‍♂️🙋‍♂️🙋‍♂️............شكرا على المعلومات..............................امزين ماتورطد 🛺🛺🛺🛺🛺🛺

[@user-ze5kx9yd2s]

شكرا

[@user-js1pj8jt5s]

انته معدل محمد

[@mo7md]

فدوه قلبك

[@kaymaralhajiu2248]

هلو حـبِيـ💗ـبْي شـْلـوونك عمري عندي دراجه ماكس ١٢٠منغولي موديل 2006عادي اطلع بيه لو اله رقم ممكن جواب بله زحمه 🖤🖤

[@mo7md]

اهلا وسهلا بيك تمام اصلا ما تترقم

[@yovan1563]

@@mo7md يعي يطلع بيه لو ياخذونه

[@user-fd2hg4rs2m]

كابتن سؤال رحمه لهلك المرور انطو ٣٠ يوم مهله للترقيم وانه دراجتي مديل ٢٢ وجوز قرصه ماواصل شلون بهاي الحاله.

[@mo7md]

عادي مدال قرص مواصل اهم شي سوي مكاتبه

[@user-lq3tk5fn2z]

@@mo7md سلام عليكم حبيبي يصير امشي المعاملة ابدال ابوي اني عمري 15 يعني اخذ الوراق ما ابوي و اني امشي المعاملة اتمة الرد ❤♥❤

[@user-lq3tk5fn2z]

@@mo7md سلام عليكم حبيبي يصير امشي المعاملة ابدال ابوي اني عمري 15 يعني اخذ الوراق ما ابوي و اني امشي المعاملة اتمة الرد ❤♥❤

[@user-ky1gg7sn1q]

احسنت على هذا الشرح التكتك نفس الشي

[@mo7md]

واهلا وسهلا بيك نعم نفس الشي الفرق فقط بسعر يختلف ٦٠٠ الف

[@user-mr4ju3du3g]

الحمد لله والشكر على كل حال اني رقمت دراجتي بقت بس الإجازة

[@mo7md]

حمدلله موفق ان شاء الله تكمله

[@mohandaltae599]

300 الف دينار مع الرشوة اصير ٤٥٠ الف مع تأخير السنة يعني مثلا داخلة ٢٠١٤ يعني اصير تدفع غرامة اصير عليك الرقم ٦٠٠ الف دينار صدك جذب .. وين اتروح هاي الفلوس وسعر الدراجة ٢٠٠ الف يعني اغلى من سعر الدراجة ..... ٢٥ الف او ٥٠ او ١٠٠ اصلا زيادة على الرقم واصلا هي مو سيارة... الفساد الدولة وين وصل . على الناس الفقراء .. الله ينتقم منهم ..

[@user-ds7cd9bc9x]

زين خويه رحمه على امك ابويه ايكول لازم عمرك فوك 18 يله ايحقلي اشتري دراجه ورقمه واطلع اجازه جابني رحمه لموتاك

[@mo7md]

اي صح لازم عمرك اوك ١٨

[@memoman6771]

حبيبي يطلعولك اجازه مال دراجه اذا كان عمرك 16 فما فوق واذا 18 اجازه سوق السيارات واذا 20 اجازه سوق السيارات الحمل معليك بذوله الي كاعد يخرطون حجي وهمه كل شي مايفتهمون واحدهم سادس ابتدائي مامخلص

[@aljubouri9563]

@@memoman6771 حجيك مرتب بس دراسه مالها دخل هنا زين اذا يصير واحد عمره ١٦ ويكدر ي ستلم سنويه ويرقم باجر اكل لخويه

[@user-er6eq2sc8z]

يعني الله يرضى هالروتين

[@user-fs5wp1nd4x]

استعدوا لمضاهرات قويه قرب ملعب الشعب يوم الجمعه ٢٠٢١/١/٢٩ القادم احتجاجا على قرارات المرور الجائره تجاه الدراجات يجب التحشيد من الآن صعدو هذا المنشور ليصل للجميع نرفض هكذا إجراءات تعسفيه الساعه ال١٠ صباحا يبدا التجمع

[@mo7md]

احسنت

[@user-po2xw6sr8j]

احسنت وياك احنه

[@user-bi4pd5ty8b]

اطلعو مضاهرات على الله 😅 بقه بس الله ماطلعتو علي جا هوه غير يفيد خره بلكواد 🤣

[@user-yh9bn3js3qsa]

هاي الاجراءات تطول بمرور البصره سنه كاملة

[@teemiraqivlog6250]

اي والله صدك

[@user-xc7zn9dz7d]

والله وكفووو

[@mo7md]

حبييي

[@qwertyuiop123w]

والله شي جيد الدراجات ترقم

[@mo7md]

🌷

[@ahmedbalal4838]

والله حرام عليهم ميكدرون بس على فقير خل يروحون عل باكوا البلد

[@mo7md]

حمدلله على كل حال ان شاء الله تهون هاي الازمه

[@ahmedbalal4838]

والله العظيم اخوية عندة دليفري واليوم استراح وباجر راح يطلع للشغل وخايفين لا يحجزون الدراجة

[@mo7md]

والله قهر ودوله فاشل على الفقير كادره فقط

[@user-kk4rq6si5f]

بشر اخوك حجزو لو بعد

[@user-yk6xn5xv4l]

بلوه

[@nuaimi_fm]

زين اذا المحرك اقل ١٢٥ شلون نرقمهة واذا منكدر ليش يحجزوهة

[@mohamedmohy6676]

تسلمالعراق والله متسكل Ns200 عندنا ف مصر ب٤٠الف وفوق عندكم رخيص كلش

[@iraq5862]

الهم صلي علئ محمد وآلمحمد

[@mo7md]

محمد صلوات

[@user-xq1gp8um3i]

بسم الله الرحمن الرحيم هي خطوة جيدة ولكن ؟؟؟ عليها علامات استفهام اولآ ــ الأسعار التكلفة اهواي ثانيآ ـ المهلة قليلة شهر على هذا الزخم من الدراجات ثالثآ ـ الدوائر قليلة يجب فتح مكانات في كل منطقة في منطقتها رابعآ ـ يجب مراقبة الدراجات الغير مسجلة حتى نخفف من الجرائم المنتشرة خامسآ ـ يقولون الدراجة او التك تك او الستوته حالها حال السيارة اذا كان كذالك يجب على اصحاب البانزيخانات السماح للدراجات بدخول البانزيخانة مويجيني البنغالي والباكستاني ويمنعنا من الدخول ويجي المسكين لازم الدبه مالته ويعوف الدراجة بره سادسآ انشاء مسارات خاصة في المناطق المتحظرة للحد من الحوادث والكثير من الأمثله حول الدراجة او ام ثلاث عجلات تحياتي

[@mo7md]

اهلا وسهلا بيك كلام صحيح دوله بلا تخطيط

[@russianlegend7302]

أعمل حلقة عن إجازة القيادة كم تكلف و كيف نحجز عبر الإنترنت أو المكاتب أو دوائر المرور و كم تستغرق

[@m.tafash51]

اني طلعت قبل شهرين كلفتني 150 مرور الانبار و استلمتها بنفس اليوم

[@TheHolyQuran2021]

بالتوفيق

[@mo7md]

جميع

[@blackwhite7601]

السلام عليكم عندي دراجة ماجستا ملي كراند موديل 2017 المنفيس مالتها عندي بس جنسية المشتريها منة ضاعت عادي اكدر اسجلها

[@user-ur8ip8lx6p]

اخ محمد تحياتي لك ... سؤال .. موضوع ترقيم الدراجات حاليا هل يقتصر على دراجات الكير البوكسر والبولسر الحديثه فقط ام يشمل الدراجات الأوتوماتيك مثل السكنس والماكس وغيرها بحجم محرك ١٢٥ cc فأكثر وايضا موديل ٢٠٢٠ ؟

[@mo7md]

اهلا وسهلا بيك اي دراجه محرك ١٢٥ cc فما فوك تدخل رسمي العراق ومدفوعله كمرك وبيه قرص عنده المرور ترقم سواه جانت كير او اوتوماتيك

[@headerhaider2565]

اخي ولدراجه النامه

[@mo7md]

نفس شي بدون رقم تنحجز

[@majnoon.studio]

كفو

[@mo7md]

تدلل

[@hussein9714]

سلام عليكم صديقي اريد اشتري بطح اول مره مستعمل شسوي اشتري لو ابطل

[@mikemeeky8550]

شوف الاسعار راح تعلك مال الجديد الأصولي... لأنو خاف جانت بمليون راح تعبر المليون على هاي تترقم يابة وخاف تكول هية دراجتي ما خذهه ب٣٠٠ ألف مثل الورد اذا مضطر راح تكت الفلوس مال الدراجة الجديدة والرقم . اما جماعة الماعندي وخلي شيصير يصير وما ادفع غرامة راح يبقون يتهزمون ويطافرون والحملات مستمرة وباقية وبعد احتمال تصدر قوانين غير الغرامة مثل السجن ... واني من حالكم اذا اظطر واشوف الدراجة ضرورية وخادمتني اشتري واخلص من دوخة الراس .

[@mo7md]

عاشت ايدك كلامك صحيح

[@abdalagold4396]

سويلنة شرح على دراجتك واسمهه واسعارهه

[@mo7md]

ان شاء الله

[@muhanadalbasrawi3477]

سوي فيديو ع اجازت السوق الدراجه

[@mo7md]

ان شاء الله

[@HusseinFadll]

يعني شكد طول هاي ال ٩ نقاط تكمل بجم يوم زين وإذا الواحد دراجته بالحجز هم نفس القوانين لو تختلف

[@user-is6rt7ev2b]

زين اني عِنـ.̷̷̸̷̐ـديّ بطحه محرك 400 سبي فور موديله 2001 مداخله كمرك هل تسجل او لا

[@user-el3zd9lu3b]

لا

[@gax8868]

زين بالنسبة للدراجات الادوات شنو وضعها هم تترقم؟ عدي دراجة250cc 2017سلندرين هم تترقم لو لا

[@mo7md]

تترقم حاليا بعد دفع كمرك للدراجه

[@gax8868]

@@mo7md يعني اروح هيج اخذ الدراجة وادخل وابدي معاملة گبل

[@mo7md]

اي بلش

[@user-jd6lu8wy8m]

عندي ستوته ٢٠١٤ أوراق ضايعا شسوي اكدر اطلع لا

[@user-gu1gw8re8y]

ماكس ثعلب 140 يصير اسجلهه ورحم الله والديك

[@user-wj3xg2vw1o]

اني باسكل ههههه

[@H_aH]

قبل حته الباسكل يترقم هذه الحجي بزمن الملكيه حته عندي عمي راواني مره جازة سير للباسكل

[@2.j4r]

زين عيوني اني عمري ١٦ عندي تكتك ٢٠١٩ لازم شكد عمره للاجازه وشكد يصير سعرهة الترقيم لل تكتك

[@mo7md]

لازم عمر ١٨ تكلف ٥٠٠ الف

[@user-ss9rl6km2k]

سلام عليكم اخوي العزيز اني اشتريت دراجه كير مديل 21 من ولد مو معرض بهاي الحاله شون اعرف ابو المعرض وشون اجيب رقم بطاقته لو مايحتاج؟

[@user-xg2uq5dz7i]

ربي يحفظك كابتن محمد

[@hhahhsjhdjsjhs2553]

هوه هسه منو عده هلكد فلوس لخاطر لله ولله حرام يعني شون نبوك ونرقم دراجاتنه يعني هوه لعراق كله كلك بقت ع دراجه

[@mo7md]

😑😓😑

[@QwerTyuiop-pv3uq]

اكلك كابتن رحمة لوالديك اذا دراجة سيفان 5 كير صيني اوراق استنساخ وماداخلة كمرك. تترقم لو لا واذا ماتترقم شنو الحل لأن ما خذه 550 الف لازم اكو حل علما آني من محافظة بابل

[@mo7md]

اهلا وسهلا بيك اخويه الدراجه ما تترقم ولا يوجد حله اله

[@user-oz7lh2ks5t]

انه عندي دراجه هنديه بجاج ٢٠١٩ يمته مايعجبني اسجله حته لو ٢٠٢١ وشكرن اخي

[@user-oo2jj3uv9z]

الله عليك جاوبني كم يوم يله تترقم وعندي فورزه 0/10 مادري من يا شركه شلون بهاي الحاله

[@user-qp2tn7fy7h]

السلام عليكم بالنسبه الى موضوع الاجازه هل يتم الاختبار بدراجه كير اوتو ام عادي وشكرا لك

[@mo7md]

وعليكم السلام ورحمة الله وبركاته يتم الاختبار بدراجه كير عادي

[@qasim568]

​@@mo7md شلون يعني اختبار تقصد سياقة عاديه لو شنو

[@ahmedbalal4838]

عاشت ايدك على الفيديو بس اريد اشتري ايرانية يسجلوها

[@mo7md]

ويدك حبييي اكو دراجات ايرانيه داخل رسمي وتترقم واكو لا متترقم

[@56alosh56]

عندي تكتك اريد ارقهما موديل 2021 شهر ٧ القرص واصل للمرور مال كمرك؟

[@user-ey3qm8nb1r]

يعني بس كير أجازه سوق لو حته أوتماتيك همان لو لا

[@thebloodandtheaxe7169]

زين كملت هل اجرائات ولفحص ودفعت لمبلغ كامل وستلمت سنويه هم؟؟ وراها من ادخل سيطره يكلي افتر ورجع😏😏

[@mo7md]

مرات اي يكلك

[@Ahmed-qb2hz]

شكد اخذو مبلغ

[@user-wq1pg2zj4i]

🤣🤣هم عوزه يكلك فتر ورجع

[@user-zj9kb6us6g]

@@mo7md زربه عليهم حشاك شراح نستفاد من ارقم ولماعده فلوس شيسوي خره بل عراق لبي تربينه

[@hussainaltaie1710]

@@mo7md جا بعد عليمن

[@vbcnbkhcxn6771]

قرار ظالم وجائر ابوي ميكدر بس على امي شاك حلكها يعني دراجه ماخذها ب ٢٥٠ الف اصرف عليها ٣٥٠ شنو هذا الظلم مشتري سياره لوطياره هاي خوش درب مال بوك

[@mo7md]

✌✌

[@modmod6430]

شرح حلو ومفصل 😳ـٌِيٍْسِّلِمُـ{*شُِـگِرٰآْ*}ـٓـؤًوُؤًوُ😳

[@mo7md]

اهلا وسهلا بيك

[@user-zn9qm5he4q]

اخي يعني الدراجة فراشة موديل2003ماتترقم ومايحاسبون عليهة اوتماتيك

[@user-zu6xe3vu6c]

يقطون بناس تدفع 300واني دراجتي 600

[@pp-jj3bi]

السلام عليكم دراجتي سبيسي 100سيسي تترقم لو لا لان بعد كم يوم حجز على الارقام هم تتحاسب لو لا؟

[@user-nz9mm6dp4p]

اني دراجتي نامه 2014. صالي 3 سنين سايب ييه ولا مره دراجه محجوزه

[@user-yf3dj9vi6u]

ادكول احنه هسه بسنة 2020 وحنه دخلنه ب2021 وثاني شي هاي كلهه بوك يبوكون بيك الاحزاب الحرامية

[@mo7md]

الفديو تصور قبل شهر

[@user-wd5sj8tj7b]

زين واذا دراجه .. ٢٠١٤ وسجلت هيه بال ٢٠٢٠ شكد تاخيريه

[@Hero-Aliraqi]

السلام عليكم اخويه اشتريت دراجه جيلانج صناعه صيني جديده بس ما اجه وياها منفيس شلون بهلحاله تترقم او لا واذا متترقم يعني تنحجز

[@mo7md]

وعليكم السلام إذا مبيه كمرك لازم تروح تدفع كمرك اله وبعدين تترقم

[@captain7816]

كفيلك الله دراجتي موديل واحد وعشرين رحت ارقم بلمعامله غرمني ٣٥ الف تئخيريه وهي ما عابره سنه بوك بوك علني والمعقبين دك من الباب

[@user-kg7by8sv9n]

سلام عليكم كلبي بلا زحمه سوال اني اشتريت دراجه سيفان 5كير موديل 2021 شكد تكلف ويصيرلهه رقم الإيراني شتنصحني ابيعهه لو لا اتمنى جاوب

[@mo7md]

وعليكم السلام ورحمة تكلف من ٦٠٠ إلى ٨٠٠ الف

[@user-kg7by8sv9n]

@@mo7md يعني ابيع احسن

[@user-gr5xl5nx7d]

السلام عليكم كابتن عندي ماكس سرعه 140هم تحتاج ترقيم لولا ماكس حديث اقل الشهر شتريته

[@mo7md]

وعليكم السلام اي يحتاج ترقم

[@user-lj8fm9xx1j]

السلام عليكم ورحمة الله وبركاته أخي الكريم اجازة سوق مين طلعته أني من بغداد تحياتي لك

[@mo7md]

وعليكم السلام ورحمة الله وبركاته اذا جنت رصافه تروح مرور الحسينيه واذا جنت كرخ تروح مرور تاجي

[@henpmigehenpmige]

اخويا الله يحفظك محمد دراجتي سازوكي شكل الهارلي اورقها اصويلية مدفوعة كمرك وعندي الوصل استنساخ ملون بس هي موديل ٢٠٠٦. تترقم ان شاء الله

[@mo7md]

اهلا وسهلا بيك موديل ٢٠٠٦ مايترقم لان دون الموديل

[@user-tz2vs9kl9s]

بلازحمه بنسبه لدراجه الايراني شكد اخر سنه وبعد ماتسجل مثل دراجه ٢٠٢١ كم سنه بيه مجال وبعد ماتسجل

[@user-xz4by4qg3o]

رحمة لوالديك ممكن سؤال عندي دراجة بطحة ٩٢٩ موديل ٢٠٠١ اوراقها قديمة ولا اعرف دافعيلها كمرك او لا اكو طريقه اكدر اسجلها و ارقمها. مستعد ادفع ٥ ورقات مقابل ارقمها وامشي بيها وين ماكان

[@mo7md]

اخويه العزيزي اذا موديل دراجتك دون ٢٠١٩ ما تترقم حتى لو تدفعله كمرك

[@user-oz8pu4fy4j]

محمد اذا يركل خليله صجم لو كبنه ويضل بعد مايركل

[@hamzafarman4219]

أحسنت بارك الله فيك بس سوال واذا أرقام قديمه صدامي لازم نطلع مظاهرات يوم 29 / 1 أمام مديرية المرور العامة قرب ملعب الشعب الدولي

[@mo7md]

اهلا وسهلا بيك اي عادي ما تنحجز

[@user-wy9gb2kl8b]

السلام عليكم اخي زاحمتك بالسؤال اني اشتريت ستوته من معرض المصطفى لازماجيب مستسكاته

[@mo7md]

وعليكم السلام ورحمة الله وبركاته اي لازم ممستمسكات

[@Hassan865]

السلام عليكم سؤال عزيزي عندي دراجة مرقمة ورقمة منفيست بغداد تتحول ألماني لو لا وشلون الإجراءات الي لازم اسوية

[@mo7md]

وعليكم السلام ورحمة الله وبركاته اي تتحول راج المرور

[@azhersafi1217]

دراجتي 2017ورقمتها قبل اسبوع

[@muntdher3265]

رسوم الترقيم نفسس البالفيديو لو اقل لو اكثر

[@konanesa4246]

كابتن اذا دراجه مو بسمي لاوراق ولا اعرفه شلون

[@user-cz9mc4qk1f]

موديل١٧ هم تترقم علما اوراق اصولية

[@user-mf3gm3en2r]

السلام عليكم اريد ارقم الدراجه بيهه مجال نمشي اني وياك بالمعامله وشكد تامر اني حاضر

[@6si_]

عمي يعني الستينات منرقمهه؟؟