كيفية إزالة الحبر والحساس من على الشبلونه - تعلم فن طباعة السلك سكرين Silk Screen Printing

في هذا الفيديو هتتعلم طريقة إزالة الحبر والحساس من على الشاشه الحريريه ( الشبلونه ) ليتم استخدامها لتصميم آخر فى طباعة السلك سكرين - Silk Screen Printing
✅ تعليم طباعة السلك سكرين ( الطباعة اليدوية ) Silk Screen Printing
- هو اسلوب تعليم الطباعة اليدوية عن طريق الشاشة الحريرية (الشبلونة ) وهذه النوعية من الطباعة غير مكلفة بالمقارنة بأى مجال اخر من حيث راس المال والتكلفة للمشروع ومن حيث المكان المراد العمل فيه لان يمكن ممارستها فى غرفة صغيرة اوداخل المنزل وايضا يمكن تعلم هذه المهنة فى يوم واحد وتقدر عن طريق الممارسة لمدة اسبوع تقدر تنتج شغل وتقدر برأس مال اقل من 1000ج تبدأ مشروعك وهذه الطريقة تستخدم بشكل كبير في الطباعة على جميع الخامات مثل :-
طباعة المنسوجات وطباعة التيشرتات وطباعة الاقمشة الاقطان وطباعة الاقمشة الصناعى - طباعة الملابس - طباعة الشنط القماش - طباعة كروت الافراح - طباعة الكروت الشخصيه - طباعة الزجاج - طباعة المجات - طباعة الاكواب الزجاجية - طباعة الصينى - طباعة الاقلام - طباعة الخشب - طباعة الرخام - طباعة اللوحات الفنية - طباعة الشمع - طباعة الحوئط - طباعة البالون - طباعة الاستيكر- طباعة الهدايا - طباعة الدوائر الكهربائية (النحاس) - طباعة الحديد - طباعة الاستانلس - طباعة جميع المعادن
وكثير من المطبوعات لا تقبل الطباعه إلا بهذه الطريقه وهى أكثر الطباعة انتشارًا هي طباعة السلك سكرين - الطباعه بالشاشة الحريرية ( الشبلونه )
◀ يعنى نقدر نطبع على اى حاجة وده يسهل فرصة عمل لاى حد عايز يبدء مشروع صغير او لو عايز تزود دخلك ولمحبى الابتكارات والفنون الجميلة ولربات البيوت .
☑️ معلومات قيمة نقدمها لك بالتفصيل حتى يمكنك الدخول الى عالم السلك سكرين
فنحن نقدم لك السلك سكرين بطرق مبسطة يمكن للكل العمل عليها وبدون تعب او عناء .
نتمنى لكم مشاهده ممتعه ومفيده .
ويسعدنا التواصل معكم عبر التعليقات أسفل الفيديو طبتم وطابت أوقاتكم .
✅ إشترك فى القناه من هنا 👈 / @taherabosama
◀ لا تنسى الإشتراك فى القناه و تفعيل زر التنبيهات (🔔) ليصلك كل جديد
◀ لا تنسى أيضاً دعمنا بزر اللايك (👍🏻)
❤️ كل الشكر لكم أحبتي في الله، أسال الله أن يسعدكم وأن يحفظكم من كل شر
سبحانك اللهم وبحمدك، أشهد أن لا إله إلا أنت، أستغفرك وأتوب إليك ..
#طاهر_رمضان
#Taher_Ramadan

[@محمدالبناء-ق1ك]

حلو،جزاك الله خير اخي،وياريت تجيب شرح لصناعة محلول الملح من المنزل وجزاك الله خير

[@Taherabosama]

تسلم ياغالي ربنا يحفظك ويسعدك يارب 😍 بالنسبه لمحلول الملح باذن الله هعمل فيديو وهشرح فيه كل حاجه تحياتى لك وبالتوفيق بإذن الله ♥

[@abderrahmaneelamine8101]

تحية من أخوك عبد الرحمان من المملكة المغربية.. دمت معطاء و مبدعا أخي.. " الله يزين الصنعة "

[@Taherabosama]

حبيبي ❤ ربنا يحفظك ويسعدك يارب 😍

[@tayebbentouhami3138]

بارك الله فيك و رمضان مبارك اخوك من الجزائر 🇩🇿

[@Taherabosama]

أحلى ناس حبيبي أخوك من مصر.. كل سنه وانت طيب وبخير وسعادة يارب 😍

[@husqg]

بخطوتين وبمادتين فقط استطيح ان انظف القالب واجعله ناصع البياض

[@Taherabosama]

@@husqg محلول ملح إزاله والتنر

[@MOHAMEDMOSAD-ef2ku]

الله ينور elshobary❤

[@Taherabosama]

حبيبي يا شوبرى ❤

[@ابوتركي11-ق9ح]

ممكن يابو سما تعرفني ازاي احل مشكلة نشاف الشاشه بتقفل معاي سريع وانا بعمل مخفف وماخر جفاف وبتقفل والسوال التاني مثلا اللون الازرق ازاي اخفف اللون اضيف عليه ايه الماده مثلا اشتريت لون وعاوز اخففه

[@Taherabosama]

حل مشكله قفل الشبلونه ان الحبر ثقيل معاك وانتا بتسيبه وقت كبير على الشبلونه.. فالأفضل انك تخففه شويه بمخفف حبر وتشتغل بسرعه مش ببطئ ثانيا تخفيف الحبر بيبقا بمخفف حبر وبيكون موجود عند تجار مستلزمات الطباعه

[@ابوتركي11-ق9ح]

@@Taherabosama ممكن تبعت رقم موبايلك في كذا سوال

[@السيدمحمد-ش7ي]

الشلبونه لو بتتنظف صح ممكن تقعد مثلا ٥٠ تصمم اَو ١٠٠ ولا عمرها الافتراضي بيكون في حدود كم

[@Taherabosama]

العمر الافتراضى على حسب الشغل على الشبلونه يعنى مثلا تفادى أى حاجه تتلف الحرير وتزيل الحساس بالطريقه الصحيحه.. هتفضل الشبلونه معاك كويسه لفتره كبيره انما لو مثلا مش بتزيل الحساس صح.. الحرير هيبوظ منك وهيبقا فيه انسداد فى الشبلونه والشغل مش هيطلع مظبوط

[@salemabuamra8257]

يعطيك العافية ممكن بعد ازنك طريقة ازالة طباعة السلسكرين من القماش ( عندي قماش عليه شعار سلسكرين لون أبيض وعاوز امسحه ) ممكن افضل طريقة ?

[@Taherabosama]

استخدم مخفف حبر بقطعة قطنه أو قماش وهيمسح معاك بسرعه لو هتستخدم قماش يفضل يكون قطن ابيض وميكنش قماش ملون عشان المخفف ميأثرش فيه ويطلع لونه فى الخامه اللى عاوز تمسحها

[@salemabuamra8257]

@@Taherabosama عبارة مادة شو مخفف الحبر حتى اسأل عنها متوفرة او لا

[@Taherabosama]

@@salemabuamra8257 مخفف حبر هوا المسؤول عن تخفيف الأحبار وموجود عند تجار مستلزمات الطباعه

[@ahmadabbas2781]

استاذ طاهر ممكن رقم حضرتك. عشان افهم من حضرتك بعض الامور المهمة . بالنسبة للطباعة

[@Taherabosama]

تحت امرك ممكن اتواصل مع حضرتك عبر التعليقات

[@ahmadabbas2781]

بالنسبة للطباعة على الورق . كيف ازيل الحبر مع البقاء على التصميم ​@@Taherabosama

[@ahmadabbas2781]

مثل كل يوم اشتغل على التصميم وانظف الشبلونة

[@ميثمالخطاط-ج8د]

ماهو اسم الماده الحساسة بالعراق وما اسم الاصباغ المستخدمه بالطباعه.. ارجو الرد

[@Taherabosama]

حساس ٢٢ dirasol وأحبار اسيباك تحياتى لك وبالتوفيق بإذن الله ♥

[@abdaalwagih]

ممكن اسم الماده ازاله الحساس

[@Taherabosama]

محلول ملح لإزالة الحساس

[@السيدمحمد-ش7ي]

كنت هجيب حبر فممكن اعرف اجيب نوعه ايه للورق وشرايط الستان وللاكريليك ولشنط الهدايا والاكياس كعينات تجربه

[@Taherabosama]

أحبار باكين

[@السيدمحمد-ش7ي]

هو ينفع ينطبع صوره شخص بدون ماكينه الساقيه

[@Taherabosama]

ينفع عادى على ترابيزه بدل ساقيه وتطبعها كذا لون بس لازم تعمل فصل الوان وتشوف هتستعمل كام لون

[@السيدمحمد-ش7ي]

هو ينفع بدل مايكون الحساس في كل الشبلونه اخليه في جزء منها حولين التصميم وبعد ما اخلص شغل ارجع اعمل حساس في النصف النظيف

[@Taherabosama]

ينفع طبعا لو الشبلونه كبيره. اعمل على قد شغلك بس ميكنش نفس مقاس التصميم.. يعنى مثلا لو التصميم ١٠ سم * ١٠سم خلي الجزء اللى هتسحب فيه الحساس ١٥ سم * ١٥ سم والجزء النظيف اللى مسحبتش فيه حساس اقفله بلزق شفاف وممكن بعد كده تشيل اللزق وتعمل تنظيف على الحرير وتسحب حساس عادى

[@السيدمحمد-ش7ي]

@@Taherabosama تسلم انا شوف فيديوهات كلها معلومات مهمه وممتعه

[@rsdareen]

عاوز اعرف مكان أشتري منه الادوات لبداية المشروع في اسكندريه

[@Taherabosama]

حاول تنزل مصر - العتبع عند الحاج فتحى عبد الحميد لتجارة مستلزمات الطباعه متاح عنده جميع الخامات

[@rsdareen]

@@Taherabosama أنا معنديش فكره أصلا محتاج أبدأ، كنت محتاج مكان تعليم وفي نفس الوقت يوجهني في شراء المستلزمات

[@xxxxxxxxxxcvbnm]

فيه طريقة أسهل وغير مكلفه وهي بعد إزالة الحبر يبقى الحساس بعدها يمكن إزالته فقط بإستخدام الكلور وفلين الفوم

[@Taherabosama]

لأ الكلور أكبر غلط على الحرير فيه ناس بتعمل كده وفعلا انا جربتها ولقيت فيها مشاكل كتير إنى الكلور بياكل فى الحرير وبعد فتره بيحصل تآكل فى الحرير وبيتقطع

[@اتطااي]

@@Taherabosama شكرا. طيب انت قبل قلت الكلور بداا محلول الملح كويس لتنضيف

[@Taherabosama]

@@اتطااي ممكن تنظف بالكلور بس هيقلل من عمر الحرير وهيتلف مع الوقت

[@ahmedtourky5676]

اجيب الحبر منين

[@Taherabosama]

من العتبه عند اولاد فتحي عبد الحميد لمستلزمات الطباعه

[@houssem3878]

ما اسم المادة التي في العلبة الخضراء؟؟؟

[@Taherabosama]

دقيق

[@Taherabosama]

اتفرج على الفيديو ده هيفيدك kzbin.info/www/bejne/f2LdiHqNZb2Blc0si=6EAdw4tVYDbGz4KR

[@قادةقادة-غ8ل]

تحية طيبة ليك اخي من الجزائر 🇩🇿 شكرا على مجهوداتك ربي يجعلها في ميزان حسناتك خويا مانوع الصباغة ومانوع الجيلاتين وبقية المواد؟ واين اجدهم من فضلك

[@Taherabosama]

حبيبي أحلى تحيه لأخواتنا فى الجزائر 🇩🇿 المواد اللى هتستخدمها فى الازاله محلول ملح لإزالة الحساس وتنر ودقيق ومخفف حبر والخامات موجوده عند أى حد يبيع خامات طباعه ما عدا الدقيق

[@ياسرعبدالسلام-خ1ق]

طيب انا مشيت نفس الخطوات بي الظبط والشبلونه نضفت بس التصميم لسه موجود على الشبلونه اعمل ايه

[@Taherabosama]

موجود الشرح بالفيديو ولو مش متوضح حضر قطعتين من القطن ويكونو فيهم مخفف حبر مع شويه دقيق وابدأ نضف مكان التصميم بس يكون القطنتين قصاد بعض والدقيق بيعمل زى سنفره للحرير عشان مكان التصميم يطلع منه الحبر الموجود على الشبلونه وبإذن الله انا هعمل يوضح الطريقه بالظبط قريباً

[@akrammetallic1295]

نوع الحبر المستعمل من فضلك.. شكرا لشرح الرائع

[@Taherabosama]

حبيبي تسلم.. حبر اسيباك

[@mahmoudhabib4322]

رمضان كريم.. لو سمحت ممكن تعمل دراسة جدوى المشروع يعنى أسعار الخامات ايه ومنين فى مصر والمشروع ذو جدوى ام لا

[@Taherabosama]

حبيبي كل سنه وانت طيب وبخير يارب انا عمل درس للخامات بس الأسعار مقدرش اتكلم فيها عشان طبعا الاسعار بتتغير يوميا ولو على الأماكن ففى تجار كتير بس يعتبر المستورد اللى فى مصر هوا الحاج فتحى عبد الحميد فى العتبه ومشهور جدا وانا بروح اجيب خاماتى من هناك

[@salemsaleh4901]

شكرآ لجهودك استاذ طاهر تحيه من اليمن

[@Taherabosama]

حبيبي تسلم 🌹 تحياتى لحبايبنا أهل اليمن العسل ❤

[@belalpepo7003]

ربنا يباركلك على الشرح المبسط الجميل لو سمحت إستاز رمضان ممكن تعمل حلقة فيها أنواع الحرير و آستخدمات كل نوع حرير فيهم مثلا دة لطباعة الورق ودة لطباعة الزجاج ودة لطباعة الأقمشة كدة يعنى وأسف للأطالة

[@Taherabosama]

حبيبى تسلم بإذن الله اول ما يكون متاح عندى الحرير هعملك فيديو.. وتحت أمرك يا غالى

[@belalpepo7003]

@@Taherabosama ربنا يبارك فى حضرتك وياريت فيديوهات كتير نستمتع بشرحك لكل كبيرة وصغيرة شكرا

[@Taherabosama]

@@belalpepo7003 حبيبي تسلم.. بإذن الله هنزل فيديوهات كتير عشان الكل يتعلم وبالتوفيق للجميع 😍

[@ahmedtourky5676]

❤ سلام عليكم❤ ايه اهم حاجه اخطر سلك سكرين

[@Taherabosama]

وعليكم السلام ورحمة الله وبركاته مش واصلى السؤال.. ممكن توضيح وهرد على حضرتك

[@tatzii2058]

شكرا اخي العزيز ، و تحية لأخواننا في مصر ، 🇲🇦

[@Taherabosama]

حبيبي تسلم ❤🌹♥

[@MustafaMustafa-wy6lv]

بارك الله بيك اخي أحسنت ❤

[@Taherabosama]

حبيبي 😍 ربنا يحفظك ويسعدك يارب

[@abdjalilelomari263]

شكرا على المعلومات القيمة

[@Taherabosama]

الشكر لله 🌹حبيبي

[@محمد-ض9ز7ل]

المادة البيضة شبيهه البودره شسمهه

[@Taherabosama]

ده دقيق عادى.. بيستعمل على إزالة الحساس وبيبقا عامل زى السنفره وبيساعد فى إزالة الحبر والحساس

[@exponsordoille683]

مشكور اخي على الافادة ورمضان مبارك عليكم.

[@Taherabosama]

حبيبي تحت أمرك 😍 كل سنه وحضرتك طيب وبخير وصحة يارب

[@gaberovech]

السلام عليكم .. بجد تسلم علي الشرح الجميل ده .. عندي سؤاليت لحضرتك : 1- لو انا عايز احتفظ بالتصميم اللي انا عملته علشان ممكن استخدمه بعد كدا اعمل ايه؟ 2- العمر الافتراضي للشبلونة يقاس بالوقت يعني شهر او اكتر مثلا .. ولا بيقاس بعدد مرات الاستخدام؟ ولو عايز اطبع باكتر من لون اعمل ايه .. وشكرا جدا ليك❤❤❤

[@Taherabosama]

حبيبي تسلم ياغالي ربنا يبارك في حضرتك

[@Taherabosama]

بالنسبة للتصميم الموجوده على ورق الكلك بتستخدمه تانى عادى طالما سليم

[@Taherabosama]

العمر الافتراضى للشبلونه بتفضل معاك كتير على حسب استخدامك الصح بس لازم تحافظ عليها وتمسح الحرير على طول بمخفف حبر لو حضرتك هتفضل تشتغل بنفس التصميم ولو هتزيل الحساس على طول عشان تعمل تصميمات تانيه لازم تزيل وتنضف الحرير كويس عشان الحرير ميسدش

[@Taherabosama]

لو عاوز تطبع اكثر من لون بتعمل لكل لون فى التصميم شبلونه خاصه منفصله وهبقا اعمل فيديو هشرح فيه باذن الله

[@gaberovech]

@@Taherabosama منتظر من دلوقتي 🌹

[@rasheedali7748]

المحلول الملحي ايش بضبط بقدر اسويه بالبيت ولا كيف تركيبته بضبط

[@Taherabosama]

المحلول بيكون جاهز من عند تجار مستلزمات الطباعه وبيضاف عليه مياه ومكوناته غير معروفه لإستيراده من الخارج

[@abdaalwagih]

ممكن اسم الماده ازاله الحساس

[@Taherabosama]

اسمه محلول ملح لإزالة الحساس

[@elegant8631]

بدل هذا التعب كله اقطع القماش وسوي بدله وخلاص 😊

[@Taherabosama]

لأ طبعاً عشان الحرير غالى جداً -- ولا تعب ولا حاجه -- وبعدين يا غالى عشان أجيب حرير وأشده تانى على الفريم لازم أصمم فريم جديد عشان الدبابيس الموجوده فى الفريم اللى هشيل منه الحرير القديم -- فالصح ان احنا بنشيل الحساس وبنستعمل الشبلونه تانى -- وصلت المعلومه

[@Taherabosama]

انا الشبلونه معايا بتقعد معايا كتير جداً ومش بتتهلك من الطريقه اللى شرحها دى -- فأنا حبيت أوضحها للكل وده المقصود عشان الكل يتعلم