صلاح بن البادية الشوق والوطن- ياجنا

الشوق والوطن كلمات هاشم صديق ألحان وغناء صلاح بن البادية
يا جنا
فى بعادنا عن أرض الحُنان
الليلة مرت كم سنه
ياريت نعود للدار سراع
نرتاح تحت شتل الهنا
واشوقنا لى نخل الفريق
الضامى فى صدْره الجنا
وللحلوه ام وجهاً قَمر
ضواى مورد بالمنى
الليلة زارتنا الرؤى
المنسوجه من عُمق الجذور
رَسَمت صور ضّوت جمال
وجوَّه الخيال عاشت دهور
أفراح فريق يوم الحصاد
وزغروده وِصلت للسحاب
وعريس مُعَطّن بالعطور
وجهاد فتح درب الصباح
وشهيد مُلَفّح بالزهور
وشباب بعز ديمة الأرض
شايل مبادى نضالُه نور
وفْي مره طار بينا الخيال
بعد الغياب الطال جرح
شوفنا البخور فى الليل عَبَق
والليل شرب عطر الطَّلِح
والقمرة نامت فى الرمال
والطين شِرِب نديان صِبِح
وحَدَا الصريف قام الخدار
حَاضِن صفيقات القَمِح
والوادى فَرهد بالخريف
الشَّرَّ بى قشُه السَمح
الفين سلام
يا يمه يا شتل المحَنّه
الشَّبَّ فى وسط الجروف
ويا يابا يالدرع المتين
الليهو كم سجدت سيوف
ويا جده يا اْم صوتاً حَنِين
حجواتها بالوادى بتَطوف
ويا سمحه يا شمس الفريق
الليها كم غَنَّت حروف
فى الغربة يا اهلى الحُنان
كم عِشنَا فى قَسوة ظروف
أشواقنا لى أرض الوطن
ولى خُضْرة الوادى العطوف
خلتنا كم ساقنا الخيال
طار بينا لى دار الولوف
والفرحة غَنّت صَفَّقَت
والشوق حَضَن شتل الجروف

[@magzoubekdabi9018]

واحدة من أجمل ٥ أغنيات سودانية على الإطلاق ،،، كلمات ألحان أداء

[@nimatmahgoub8269]

دى فقط تسمعها ولا تعليق هاشم صديق انسان غريب هذه اصبحت ملك للشعب السودانى ليس لك حق حرمانه من اجمل اغنية على الاطلاق خاصة صوت صلاح بن البادية واداءه فيها ولا نملك الا ان نقول قمة الروعة

[@الأمينأحمدمحمدالحمدالسيد]

Nimat Mahgoub روعة

[@daradara48]

ما حرام عليكم ؟،ولا تعليق واحد؟،والله اجمل اغنية فى الدنيا

[@user-cm6eb6zc6s]

ياالله عليك صلاح والله ابكتنا في الغربه

[@diaabdo4686]

جمال مكمل بلا شك كلمات روعه . لحن جميل و اداء ملئ بالعاطفه روعه جد

[@user-cm6eb6zc6s]

والله تغنت باروع احساس

[@mingosutu]

أفراح فريق يوم الحصاد *** وجريف يضم طينو البذور

[@mojahidmohmd2816]

يا جنا فى بعادنا عن أرض الحُنان الليلة مرت كم سنه يا ريت نعود للدار سراع نرتاح تحت شتل الهنا وا شوقنا لى نخل الفريق الضامى فى سَدْرو الجنا للحلوه ام وجهاً قَمر ضواى مورد بالمنى الليلة زارتنا الرؤى المنسوجه من عُمق الجذور رَسَمت صور ضّوت جمال وجوَّه الخيال عاشت دهور أفراح فريق يوم الحصاد وزغروده وِصلت للسحاب وعريس مُعَطّن بالعطور وجهاد فتح درب الصباح وشهيد مُلَفّح بالزهور وشباب بعز ديمة الأرض شايل مبادى نضالُو نور وفْـ مره طار بينا الخيال بعد الغياب الطال جرح شوفنا البخور فى الليل عَبَق والليل شرب عطر الطَّلِح والقمرة نامت فى الرمال والطين شِرِب نديان صِبِح وحَدَا الصريف قام الخدار حَاضِن صفيقات القَمِح والوادى فَرهد بالخريف الشَّرَّ بى قشُه السَمح الفين سلام يا يمه يا شتل المحَنّه الشَّبَّ فى وسط الجروف ويا يابا يالدرع المتين الليهو كم سجدت سيوف ويا جده يا اْم صوتاً حَنِين حجواتها بالوادى بتَطوف ويا سمحه يا شمس الفريق الليها كم غَنَّت حروف فى الغربة يا اهلى الحُنان كم عِشنَا فى قَسوة ظروف أشواقنا لى أرض الوطن ولى خُضْرة الوادى العطوف خلتنا كم ساقنا الخيال طار بينا لى دار الولوف والفرحة غَنّت صَفَّقَت والشوق حَضَن شتل الجروف مجاهد محمد حمد النيل كتير العوامره الجزيرة