الـ Boybands: كيف انتصرت "الروشنة الألفيناتي" على بوهيمية الستينات؟ | بودكاست ورا مصنع الأغاني

"عارفين أن واما هتخلص، لأننا عمرنا ما هنفضل #بوي_باند. مفيش (بوي باند) فضل مكمل في العالم”، يقول أحمد فهمي نجم فريق #واما الذي صنع كثيرًا من زخم "الروشنة الألفيناتي" بجانب فريق #إم_تي_إم الذي وصل إلى كل شباب الجيل في 2003 بأغنية أمي مسافرة.
ما هي البوي باند أصلًا؟ كيف صنعت شهرتها عالميًا؟ وكيف وصلت إلى مصر فانتصرت على بوهيمية الستينيات؟ ما التغيير الذي أدخلته على صناعة الموسيقى في مصر؟ وكيف لعبت اعتبارات الإنتاج والتوزيع دورًا في وصول فرق البوي باند إلى النور؟ وهل الطبيعي أن ينفصلوا فعلًا عند مرحلة معينة؟
الناقدان أمجد جمال - مصطفى حمدي في حلقة جديدة من بودكاست ورا مصنع الأغاني في دقائق

[@Amazintune]

انتم كنز! أنا عندي ٥٢ سنه و كييف موسيقي و بقيت مدمن ليكم، عايش في امريكا و بقيت بستني كل يوم جمعه و اتكييف منكم! أشكركم علي تعبكم، محتوي قيم جدا

[@المواطن-ش9ش]

والله أهم اثنين يتكلمو في الموسيقى البودكاست ده متعة أسبوعية لا تقدر بثمن

[@nourrida5131]

بودكاست مريح للاعصاب بعيدا عن التنمية لبشرية ولفلسفة .... عشقت هلبودكاست عنجددددد

[@احمد-و4ز8ذ]

من أفضل الناس الي بتعمل محتوى موسيقى او تقريبا مفيش حد غيركم بيعمل ده بنفس الجوده اتمنى الحلقات الجايه متنسوش ألبومات عمرو دياب ونرجع ليها شويه

[@nourrida5131]

بودكاست مريح للاعصاب بعيدا عن التنمية لبشرية ولفلسفة .... عشقت هلبودكاست عنجددددد

[@khaledart2590]

عاشق لكما من الجزائر نرجو حلقة عن فن راي جزائري

[@elsaidkhalid3531]

بقيت مدمن حلقات حضراتكم واتمنى يبقى فى حلقات اكتر لالبومات عمرو دياب

[@المواطن-ش9ش]

أستاذ مصطفى أثبت ذوقك العالي جدا بتحليلك لألبوم شمس بحر و اغانيه المظلومة جدا

[@MoosCode]

من الحاجات اللي بستناها كل اسبوع : )

[@omarelzoghby8664]

الحلقه كالعاده جامده مستنين الحلقات الجايه تفضل تعلي المره الجايه بقي حاجه عن الألبوم اكتر واحد بيحبك ل عمرودياب او محمد فؤاد ياغالي عليا كلمات ايمن بهجت قمر كلامكم صح لازم النجوم الكبار يعملوا الألبومات لان الألبوم فيه تنوع اكتر سواء دراما و رومانسية و تراك و هاوس و مقسوم و شرقي كتير جدا

[@Nadanubia]

حلقة موفقة ومليانة معلومات موسيقية، ياريت تعملوا حلقة عن الموسيقي الغربية روك وجاز وازاي نقدر نستفيد منها او نمزجه بالايقاع الشرقي، موفقين دايما🎉

[@Fankosho]

يالا بينا ورا مصنع الاغاني 😊😊 عاوزين حلقة عن نصر محروس حسام حبيب بهاء سلطان

[@omarbaaj]

كالعادة ادمان على متابعة نقاشكم. عندي تعليق بسيط على كلام مصطفى حول backstreet boys. حرام اشوفك ظلمت البوم black and blue وكذلك ظلمت البوم never gone الي صدرت بعد عام ٢٠٠١. فيها كمية موسيقى رهيبة وجميلة جدا. انصحك لو ما سمعتها تسمعها. و لو سمعتها، تعطيها فرصة تانية 🌹

[@Fares-tq7ii]

ناصيف زيتون مطرب سوري مش لبناني، الأستاذ أمجد كرر الخطأ بأكتر من حلقة

[@mahmoudshemes05]

كلنا كمصريين مفكرينه لبنانى .. شكرا للمعلومه وكلنا اخوات ❤

[@ghalbgsbfhc541]

من الاخر افضل البوم لعمرو دياب بل الأفضل على الاطلاق هو كمل كلامك تشعر انه البوم قادم من هوليود فهو يحمل روح عالميه فريده

[@abdullahamir6662]

حلقة رائعة كالعادة، و بمناسبة ذكركم لالبوم كمل كلامك اتمني بمناسبة اقتربتنا لفصل الشتاء ان تكون هناك حلقة لالبوم من اجمل الالبومات اللي نزلت في فصل الشتاء

[@mostafahamdy3082]

هنتكلم عنه اقرب مما تتخيل 😂

[@abdullahamir6662]

@@mostafahamdy3082 شكرا 😂و احييك علي تميزك

[@Maher-1256]

حلقة جامدة جدا وشكرا لانكم عرفتوني على فرقة wama لأني اول مرة اسمع لهم من خلال هذه الحلقة أغانيهم تعطي احساس رائع وأحلى أغنية عجبتني لهم هي (تحلف لي اصدق)❤❤

[@OthoobAlghofaily]

ممكن حلقة عن عامر منيب الله يرحمه بما انه بكرا ذكرى وفاته ال١٢ راح تكون مبادرة جميلة

[@mostafahamdy3082]

قريب باذن الله

[@mohamedfarees8218]

معلش لو هتقل علي حضراتكم ممكن شرح للأرن بي والنهاوند والمقام البياتي ومعظم المصطلحات دى لأن معظمنا منعرفهاش وشاكرين جدا لمجهود حضراتكم ولغزارة معلوماتكم ❤

[@mahmoudabouelenin8273]

احلى جملة اتقالت ( هنتكلم عليها في ألبوم كمل كلامك ) عاااااااااااااش يا شباب

[@amgadgamal5794]

الجمعة الجاية الساعة ٩

[@mahmoudkhaled6197]

باتساءل لو في معلومة عند حضراتكم عن حياة المطرب بعد الأفول النهائي ال مابعدوش قومة، وبخاصة أن بالفعل لديكم علاقات صداقة مع بعضهم، ماذا يفعل المطرب الذي اجهضت مسيرته قسراً ؟ وكيف يعيش وماذا يعمل؟ انا شاهدت لقاء لأحد المطربين كان بيقول أنه رافض يرجع لمرحلة النايت كلوب، بس ماقالش هو هايعيش ازاي،،، وشكراً مقدماً لحضراتكم

[@begybegy170]

حلقه تحفه بجد

[@TheMishoMusic]

حلقة حلوة جدا. انا هرجع اسمع كل البومات واما تاني

[@راديوجبران]

القناة كلها جامدة الحقيقة

[@mennahamza6369]

باحب اوى اوى البودكاست بتاعكم بس انتم متحاملين شوية على عمرو مصطفى

[@mohamedfarees8218]

في انتظاركم يا احلي ناس

[@laraahmed6576]

بغض النظر عن ان الحلقة حلوة بس ضحكني مصطفي لما قال ان اخر البو م حلو عملته شيرين انا كتير ! وبالنسبه لنساي انجح البوم عربي بالسنوات الاخيرة

[@mostafahamdy3082]

نساي مين اللي انجح البوم عربي انتي بتضحكيني بجد بقى 😂

[@laraahmed6576]

@@mostafahamdy3082 شوف مشاهدات الالبوم كدابين 216M الوتر الحساس 208M حبه جنه قربت من 300M كلام عينه دلوقتي توب ١ انغامي رغم ان عدي علي اصدرها اكتر من ٥ سنين و اغاني زي تاج راسك و نساي و زمان وبحبك من زمان و ضعفي عاملين ارقام كويسة جدا هات لي البوم واحد عمل الارقام دي ماعدا كل يوم من ده و سهرنا يا ليل اللي نوعا ما كانو قريبين منه

[@mustaphaelbary1152]

@@laraahmed6576البوم نساي كان جامد جدا فعلا

[@mostafabinali7109]

انتوا كنتم فين يا جدعان من 20 سنة ده انا في حاجات هنا بكتشفها لاول مرة زي ان الواد الرفيع اللي بيغني مع واما هوا نادر حمدي اللي بيوزع لعمرو دياب او انه موزع اصلا

[@YahyaGazzar]

نادر - نوودي - ودور دلع نووودي اللي هي دلع نادر ما علينا

[@YahyaGazzar]

بيانو حماقي ف البداية نادر حمدي برضه

[@AhmadAbdelhady]

بالمناسبة فيه اغنية لواما اسمها ياريتك. الاغنية لحنها بالظبط شبه اغنية لنوال الزغبي اسمها ضيعت ليه وقت في حياتي بس منزلتش. اغنية واما الحان رامي جمال واغنية نوال الحان ملحن القرن.

[@sherifmadel]

East 17, New Kids on the block, take that...من أقدم البوي باتد

[@sameh4341]

ياريت حلقة عن مايكل جاكسون ❤

[@amiraabouelsoud9218]

أنا اشتغلت مع واما اول ما طلعوا و كانوا مضيين مع سونى ميوزك هما و مى سليم كمان بس للاسف سونى وقفت الإنتاج فى مصر. اسمهم واما علشان كان فى عضو اسمه وسام و جه بداله نادر مش علشان اسمه ودور

[@Etsh9]

بحبكوا بس ياريت تقللوا الاعلانات عشان بقيت اتفرج عليكوا yout-ube من غير اعلانات

[@ahmadhussein4275]

أنا بس عندي تعليقين بعد إذنكم. الأول: كيف انتصرت الروشنة الألفيناتي على بوهيمية الستينات؟ لأني ما عرفتش الإجابة. والتاني: هي الحلقة ليه قلبت حلمي بكر في آخر عشر دقايق كده؟ وبقى كل الكلام العيال دول وفين أغاني البوب الأصيل وكل الكلام الحزين ده؟

[@mahmoudkhaled1710]

شكراً لحضراتكم، ويتهيألي صوت أستاذ مصطفى مش زي العادي، ده حتى وهو بيغني اجنبي صوته قريب من جاستن تيمبرليك، وممكن لو اشتغل على صوته يبقى أفضل، وبالمناسبة باتساءل ان كان عند حضراتكم معلومة عن مصطلحات جيلنا سمعها زي "التسليك" و"الفتح" ياترى ايه معناهم وأنهي فيهم بتيجي قبل التانية، باكرر شكري

[@AhmedKhaled-cu6jh]

حلقه عن جيل عدويه ولؤي و هيثم شاكر والجيل ده اختفي ليه

[@amrel-mohandis2656]

هو فعلا وماله نزلت عالنت بتوزيعين غير اللي في الالبوم واحد بتاع عادل حقي و التاني نادر حمدي نسخة طارق مدكور اللي نزلت خدت صولو البيانو اللي في نسخة نادر ده غير اللي اتاخد من نسخة عادل .. فنقدر نقول ان وماله الرسمية اغنية مكس افكار 3 موزعين موجودة فيها

[@UsercopL902]

فينك عالفيسبوك يا استاذ امجد مشتاقين لكلامك

[@Etsh9]

اغنية هروب اضطراري كانت حلوة و نجحت

[@YahyaGazzar]

عمرو مصطفى شيرين وجدي خدت صوته effect اللليلة بينا و مصطفى سندال التركي اخد صوته في اغنية Bi Git Bakalim و ظهر مرة مع عمرو دياب بمشاركة خالد تاج فى اغنية الفرحة الليلة بتاعة بيبسي

[@AhmedKhaled-cu6jh]

ممكن حلقه عن 123 solis

[@mustaphaelbary1152]

للاسف فعلا في السنين الاخيرة مصر مطلعتش فنان يبشر بمشروع نجم كله شغل تريندات بس عندنا كارمن سليمان و هايدي موسي عندهم كل مقومات النجوميه بس خطواتهم بطيئة و عشوائية لو فيه صانع نجوم عرف يديرهم كويس هيكونو مشاريع نجمات مهمه لمصر اما في الاصوات الرجالية في ولد اسمه محمد شاهين عنده شئ مميز بس محتاج ادارة برضو

[@ahmedsaad9335]

حلقة جامدة كالعادة ❤❤❤

[@sherifgreer8756]

يا ريت حلقة عن الفرق المستقلة + ان بطل كأس العالم ٢٠٠٢ البرازيل مش المانيا

[@YahyaGazzar]

عمرو مصطفى كان جزء من واما قبل نجاحه فى التلحين

[@Schk8876]

29:29 كيف بيكونو اهل شارع عباس العقاد ؟

[@MohamedSalahElDin]

كان فى راب قبل ام تى ام عمر بوفلوت و واى كرو و غيرهم كتير جدا

[@nahlaelnemr]

ام تي ام اصلا محدش فاكرهم هما عملوا فرقعة ساعة ما طلعوا ومكملوش كم سنة حتى

[@mohamedhassan-ed4yv]

يا عم كاس العالم 2002 خدته البرازيل مش المانيا 😅،. فانت كده يا اما مجبتش تيشرت المانيا فالوقت ده يا اما جبته بعد 2006

[@ayoupalkarbal3068]

والنبي يوم ماتعملو حلقة انغام كلموني لاني بقالي شهور بطلبها وترد تقولولي قريب جدا حسيت انها حتيجي وتقعد معانا 🙂🙂 الموضوع طول يا شباب

[@mostafahamdy3082]

الشهر الجاي ان شاء الله

[@EssamAli-d4v]

ممكن تضم عليهم عطار وسعيد مرقة والشاب اللي غنا من فترة النفخة الكدابة

[@yasirroony5004]

للتصحيح البرازيل هيه من فازت بكأس العالم ٢٠٠٢😅

[@khaledaskr7235]

اكابيلا عاملها محمد فوزي

[@salman1988salman]

دايما في واحد متمرد على الفرقه عايز يسيبها ههههههههههههههههههههههههههههه

[@danyaldanyal3326]

❤❤❤❤

[@daflonarthfree9820]

مين قال ان ألمانيا خدت كأس العالم 2002.. ؟؟..

[@3M1818]

اتكلموا عن بدايات الفيديو كليب في مصر والوطن العربي

[@adamalaineia9230]

ناصيف زيتون سوري مو لبناني

[@tony_saint_marc]

معلومة الكامنجات عن مصر خطاء الصين امريكا اليابان كوريا المانيا

[@MuhammedSaeed89]

يا جماعة البرازيل اللي كسبت في ٢٠٠٢

[@husseintalha5813]

شكلك احسن من غير سشوار يا امجد

[@Handshakes34]

ياريت بلاش تتكلموا عليBSB علشان جهلكم بيبان اوي..حتي طريقه نطقم للكلام ..جهل بيين

[@azadkareem2823]

ليه ماتتكلموش عن هيثم شاكر ولا تجيبو سيرته

[@Handshakes34]

بقي باك ستريت من ٩٦ الي ٢٠٠١ بس أخ جهل .. اسكتوً ياجدعان خليكو في حمو بيكا وشاكوش

[@Handshakes34]

لا دي one love غير my love..لا هي seven days ومعقول اقولك روح.. عمرو مصطفي سارقه

[@AhmedGamal-xs4mz]

كارمن سليمان

[@yousefq8624]

١:٣٤:٢٥ احمد جمال كان مبشر الصراحة و لكن ما كملش كويس

[@khaledaskr7235]

اكابيلا عاملها محمد فوزي

[@mostafahamdy3082]

معروف طبعا وكان من اوائل الناس اللي عملوها

[@mohamedhelmy691]

بلاش تتكلم يا امجد في المزيكا العالمية عشان انت ضايع فيها...خليك في المحلي 🎉

[@Magdoulin]

حلقة فاضية أوي.. أصلًا ما عندناش إحنا فكرة الفرق وإللي بيتجننوا وبيعملوا فرقة بتعمل هتاية وشكرًا على كده باي باي.. فعاملين حلقة على أيه؟ مفيش محتوى للموضوع أصلًا أخر حاجة بقى.. اللاجئين والقضية الفلسطينية مش تريند يا "مش محترمين".. بجد أقذر حاجة ممكن حد يقولها في الإيام دي وجايين ترموها في أخر الحلقة على أساس الناس مش حتلقطها.. أحلى unfollow لكم بقى عشان دي اسمها قلة أدب

[@alaak.a207]

طريقه كلامكم عن ويجز علشان اعلن دعمه للفلسطينيين مقززة للامانه ، مستنكرين عليه دعمه وكانكم صهاينه مش مصريين

[@ShadyAli17]

انا لسة موصلتش للنقطة اللي بيتكلموا فيها عن ويجز بس متأكد انهم بيتكلموا عنه موسيقيا عادي يعني بشكل فني ملهوش علاقة بموضوع فلسطين بس المصريين بتوع تقديس لاي شخص منستحملش كلمة عليه

[@Magdoulin]

يا ريت كانت زي ما قلت.. للأسف طريقة كلام غير مقبولة عن القضية الفلسطينية.. أنا عمري ما سمعت ويجز وما يهمنيش بالتالي ومع ذلك اتحرق دمي ومش حتفرج عليهم تاني على الرغم من إعجابي بالمحتوى ​@@ShadyAli17

[@mostafahamdy3082]

موقفنا من ويجز فنيا ملوش علاقة بالقضية على الاطلاق احنا بنتكلم عن فنان مقدمش حاجة تتسمع من سنة وظهوره بقى مرتبط باحداث بيوجهه ليها من يديرون اعماله فقط