الاعادة في السادس اعدادي 2025💚| صندوق الوصف مهم🛑👇🏻

[@bint_alhuda]

طلاب كتبو اسألتك بالتعليقات راح اجاوبها كلها بالفيديو الجاي ❤✅

[@ويبقئالأمل-ر2ل]

احجينه على فوائد الايباد بالدراسة فدوه ؟

[@bint_alhuda]

@@ويبقئالأمل-ر2ل ما تنوصف كلللش مفيد والي عنده امكانية يجيبه لا يقصر لان فعلاً انقاااذ

[@MareamHasi]

اني طالبه سادس 2024 ومعيده وي 2025 حرفيا ضابطه كلشي بس المراجعه هي الي خلتني اعيد جنت اسخت بيها حيل وضيعت تعب سنه بسببها فأي شخص ديسمعني هسه ديريالك ع مراجعه لان هي الي راح تحدد مستقبل طالب سادس

[@حسين-ق5ظ]

اي والله مهما تعبت بالاشهر الي كضيته بالسادس مراح يكون مثل شهر المراجعه لازم الواحد يتعب تعب بالمراجعه

[@رقيهمحمود-ت4س]

مثلج انا

[@ZahraaFfthh]

انيهم اكمل مادتين واسخت على الباقي ماعرف يعني مترهم المراجعة صدك تحدد

[@Ar.8x]

مثلج💔

[@Marwa__949]

عفيه ممكن سؤال اني طالبة خارجي دفعة25 بلشت ادرس قبل سنة وكملت منهج وبلشت اراجع شنو تنصحيني بالمراجعة داحس ابد ماعندي وقت اني كملت منهج بس هسه صرت ارجع اعيد الافصل الي احس نفسي ممضبطتها

[@JojoAmeer-k3j]

اني اهلي تعبوا علية ب هاي السنة ودخلوني معهد جيد واني هم تعبت على روحي وكنت ناوية اجل بس مادة وحدة بس للأسف صارت مادة تجر مادة إلى أن وصلت ٦ مواد مأجلة ودا ادرس للدور ثاني وأهلي مايقبلون أعيد وحلفو بكل الائمة إذا عدت ماكو مدرسة وما أشوف الكتب بحياتي واني خايفة اطلع معدل زفت واروح جامعة مو الي صارلي ١٢سنة منتضرتة واطمحلة احس صار قرار الاعادة صعب كلش وانشالله اطلع من دور ثاني بمعدل قوي يدخلني الجامعة الي جنت اطمحلة

[@hghufvu]

نشالله تطلع من الدور الثاني وطلع المعدل الي بالك 🤲 + اني بل گوه قنعت اهلي اعيد سنه

[@bint_alhuda]

شدي حيلج وضاعفي جهدج ومراح تطلعين معدل زفت الله ما يضيع تعب احد وكلامج كأنو رب العالمين مموجود ومراح يساعدج ويشوف تعبج بالعكس تماماً حاشى لله خالقج بكل هالدقة والنعم مراح يستخسر بيج المعدل لكن هو اعلم بيا معدل احسن الج ويا قسم 🤍

[@zaynab.Alrakabiu]

انا بصراحة مستواي جدا عالي واتخدت قرار الاعادة من ذاتي وبرضى تام ، جنت مقصرة بالسنة الاولى ومتهاونة وكثير اماطل وأسخت چنت شبه ضابطة المواد لكن بالمراجعة تهاونت هواي ، وهسه اخذت فترة استراحة وابلش

[@Tabark22-i7c]

نفس حالتي ولبارحه رحت للكيميا ومجاوبت يعني اوصل ل٦٠ فقررت اعيد

[@zaynab.Alrakabiu]

@@Tabark22-i7c ميخالف عزيزتي الله يكون بالعون

[@حسونيلسعيدي-ز7ر]

نصيحه من طالب دفعه ٢٣ وجربت كل شي وحرفيا عرفت وفهمت لماده شتريد مني حته اضبط لماده إسلاميه وزاريات وكتاب عربي قواعد ورقه وقلم حرفيا إذا ملزمه وباقي بس مثل الاطرش بزفه لازم ورقه وقلم تكتب بخط أيدك والأدب مال عربي كتاب موشر لخالد الحيالي وزاريات عقيل الزبيدي يعني تكدر تجيب فقط لكتاب الموشر وتاشر خاف اكو سوال إثرائي المهم انكمل. إنكليزي فقط جيب ملزمه لمدرس انته معتمد عليه ولا تكثر مصادرك وايضا تكدر تعتمد عل لكتاب ولورقه والقلم وتكتب انته ماده لروحك ل احياء فقط كتاب وتاشر ويه ستاذ سالم ال منصور وايضا بيك وما تحل وزاريات للمواد حته تتقوه وتروح منك رهبة لسادس الرياضيات فقط كتابه ورقه وقلم وبيك وما تحل بيدك حته تضبط من وقت افضل إلك حته ما ايصير. عليك ضغط كومه لكيميه ملزمه اي مدرس يعجبك وحاول لتكثر مصادرك ولفيزيه مساءل لخص بورقه وقلم وشرحيات عل عصام لشمري وكتاب تأشر عليه كل شي وموفقيه وان شاءالله ل 100 من نصيبك❤

[@bint_alhuda]

حتى الاساتذة ما تعتمد عليهم درجة الوزاري والمعدل فلان الفلاني مو يعني لازم وياه 100 والدليل نسبة جبيرة من طلاب السادس ما جابو 100 على نفس الاستاذ كله يعتمد عالطالب

[@حسونيلسعيدي-ز7ر]

@@bint_alhuda شي أكيد يرجع ل إراده وعزيمه الطالب لطلب العلا والي أيريد شي لازم يسعه ويتعب ويجاهد في سبيل ايحقق الي يتمناه ماكو شي بساهل وعل سالفه المدرس تره لطالب يكدر يعتمد عل اي استاذ فقط يتطلب منه شي واحد وهوه المثابره والعمل في سبيل تحقيق ما يسعاله ويتمناه +شكرا عل هذه لكلام ول إطراء الجميع اختي لفاضلة اشجعج عل الأستمراريه في هذي القناة لاءن اكو طلاب اهواي تحتاز ايكون لشخص لمقابل صريح وواضح في ما يفعله وما يريد ايصاله للمقابل موفقيه ان شاءالله ❤️🤝

[@ZahraaFfthh]

@@bint_alhudaاي والله بضبط

[@ألماسه-ي1ت]

دور ثاني والله لو اجيب ٥٠ مااعيد و عندي ٧ درجات مال بابا الله يرحمه شفت قرارات تربيه وشلعان كلب منهم الله يوفقج عمري وان شاء الله تعوضيه بلسنه ثانيه انتِ لو مو بطله جان ماعتدي سنه بس انتِ طموحه ماتقبلين قليل ان شاء الله تفرحين الي تحبيهم ويارب تدخلين قسم الي رايدته ❤🦋

[@bint_alhuda]

@@ألماسه-ي1ت ياعمري فدوة لكلبج تسلميلي بس انا متخرجة من السادس من زمان 😂🥹🤍 هذا الفيديو الكم موجه مو الية🤍

[@حسونيلسعيدي-ز7ر]

@@bint_alhudaطالب دور ثاني ولخاطر حلم عمري أجلت ٦مواد واحتمال أعيد سنه صراحه تعبت من حجي لناس وأهلي اكثر من ضغط لدراسه وتعب لنفسي

[@bint_alhuda]

@@حسونيلسعيدي-ز7ر بالعكس لخاطر حلم عمرك المفروض تاجل بس ٣ مثلاً وتدرس ٤ مواد تذب حيلك بيهن مستحيل ما تجيب نتيجة زينه بس انتو الخوف غلب عليكم وتشتت عالفاضي وعدكم التاجيل مثل شربة الماي غير هيج محد ينكر الاسئلة وزارية اجت عدا كم سؤال ونقطة وقابلات للترك 🤍

[@RasolahRR]

اني هم راح اعيد ومن باجر ابلش من صدك ادعولي أحقق حلمي بالسنة ٢ ولكم بالمثل

[@رائد-ص4ظ]

اني هم عدت❤😂😅 كل اخطائي اعرفها وعدت علمود اعدلهن

[@RasolahRR]

+ +

[@NOONE-bi7tp]

اذا الواحد قرر يعيد شگد لازم يرتاح قبل ما يبدي السنة الثانية

[@RasolahRR]

@@NOONE-bi7tp حسب ما انت مضبطة المادة اكو يبدون بشهر ٩ واكو ويا الدوام واكو من هسة باشروا إذا ما مضبطه المواد ف ابدّي من هسة لان ما بعد وندخل بشهر المراجعه

[@NOONE-bi7tp]

@@RasolahRR مشكورة 🤎✨

[@كوزال_ف7ح]

بالنسبة الي قررت اعيد وبرضاتي لان اني قارية المواد كلهم وفاهمتهم بس جنت اقرة فقط بدون حفظ تهاونت بالحفظيات كذلك فترة المراجعة قصرت بيهة مع ذلك بذلت كل جهدي صارت ضروف هم ونفسيتي تعبانه مع انو جنت من الشطار قبل كلش شاطرة جنت ولطيفة وأخلاق والكل يحبني كذلك محد من اهلي جان يكلي ادرسي لان متأكدين رح انجح بكل سنيني بس نفسيا جانت فترة السادس انتقالة بحياتي وانصدمت انو الكل اهتم بية فجأة و يردون معدل وصارت مسوؤلية مفاجأة مع ذلك رح اعيد واني الراضية وميهمني احد ابدا المشكلة بعدهم يردون معدل يابة عوفوَني

[@Kookayo3435]

مثلي تهاونت بل حفظيات اكره الحفظيات

[@نُوࢪ-س5ط]

اني سادس ٢٤ بس بالدور الثاني جنت ماجله مادتين وضليت اسخت وماقريت رغم معدلي زين بس للاسف التسخيت خلاني اخسر سنه من عمري اتمنى محد يوكع بهذا الخطا 😢

[@kaljhs]

راح اعيد للسنة الثالثه بعد ماكنت من الأوائل........... اطردواااااااااا عيونننننننن حصنواااااا نفسكممممم فدوهههه 💔💔

[@Tt1_ii0]

اني هم ح اعيد سنة ثالثة

[@Marryamm22]

انا اجتهدت اجتهاد مو طبيعي بس غلطي جان نومتي غلط ووقتي كله ضايع ومستحيل احضر يومي وادرس الا بيوم امتحان وجنت بالدرس انام ع الرحلة بكل الدروس وحرفياً اروح ما نايمة وارجع انام ل6 المغرب واكعد ادرس لـثاني يوم وبلصف انام 😢 مستحيل ما راح اعيد اغلاطي وراح ارتاح بس هلأيومين وابدي اسوي جدولي للسنة كلها وابدي ادرس وان شاء الله خير ويارب يتحقق حلمي واخلص من السادس ❤

[@ZahraaFfthh]

انيهم حعيد ويخلص السادس صح تعب وهاي بس المهم أحقق حلمي واشوفه كدام عيوني ومعدلي عالي ورافعه راسي 🩶

[@Marryamm22]

@@ZahraaFfthh فدوة للتعب وللسنة الي راحت علي اذا حققت حلمي

[@مريمسامي-ل7و]

اني دفعة ٢٣ وهسة راح اعيد للسنة لثالثة واجهت ضروف صحية جداً صعبه والحمدلله على كل حال واني كلش خايفه ما يقبلوني بلمدرسة ويحولوني مسائي لان اني تاركة مواليدي ٢٠٠٣💔😣

[@طالبةسادسعلمي-ث2ل]

انا هم مثلج وخايفة اسئلي مدرستج خاف نتحول مسائي

[@رياضيه-ذ4ع]

لا متتحولون لان هيه 2000 صباحي

[@باقر-ص1ن]

اني الملازم ما كاملات و جان اختياري لبعض المدرسين خطأ و ان شاءلله السنه الجايه اعوض + ربي يوفق الجميع

[@justsomebody2728]

ان شاء الله

[@باقر-ص1ن]

@@justsomebody2728 شكرا 🌹

[@bint_alhuda]

ان شاء الله حبيبتي وتجين تبشريني والله يسهل عليج

[@باقر-ص1ن]

@@bint_alhuda وياي 🥲🥲 سويتيني بنيه

[@bint_alhuda]

@@باقر-ص1ن هاا العفو والله منتبهت

[@ودَادْ46]

معدلي91.5 ومأجلة 3 وراح أعيد لان مو مستواي وحتى لوجبت 100 بالامجلتهن يصير95 ومايدخلني الكلية الاطمح الها جانت ظروفي حيل صعبة وتحديتها بس الحمدلله على كل حال العوض قادم بإذن الله .

[@bint_alhuda]

موفقة حبيبي بس ضروري تطبقين الي بالفيديو مـטּ صفات وكلشي حتى الاعادة مالتج تكون مكسب مو خسارة +اذا ما مقصرة لاتعيدين لان محد يضمنلج انو سنه الجاية تجيبين اكثر من 91 ممكن اقل بهواي فكري بقرارج حبيبتي ❤

[@ودَادْ46]

@@bint_alhuda عمري سَلمتِ 🫀 أي قصرت هواي .الحمدلله واهسي أقوى من سنة أولى وحتى بلشت أقرا مانتظر الدوام

[@RasolahRR]

نفسي بس اني مأجلة ٢ وراح أعيد لان من صدك عندي هواي اخطاء

[@ودَادْ46]

@@RasolahRR ان شاء الله نصححها وربنا أكيد حيعوضنا🤍

[@نزوو-ت5ز]

بلا زحمه عليج من شوكت بلشتي تدرسين؟ والشخص الي ما يدرس ب العطلة ما يطلع معدل برائج؟

[@YUNo-o4y]

اني اريد اعيد وبرضاتيي بس ماعرف شون ابدي ومنين اتمنه سوين خطه لدراسه صحيحه💖++احبجج كلامج كلش لطيف وصوتج مريح🎀

[@bint_alhuda]

@@YUNo-o4y ياعمري والله🥹🤍 ان شاء الله

[@bfwehbgdej2285]

كلامج صح واني ماقصرت صراحة وعندي خمس مواد مؤجلة ان شاء الله اگدر اخلص وامتحن بس شوفي هذا اقرب مثال على كلامج اخر شي گلش صح اني الاحياء اموت اموت عليها اعشقها هاي المادة اتفنن بيها بحيث. رسم مالها هيج ابدع بي ولاتحجين شلون مأشر ومرتب وكل ما اضوج اطلع ادرس احياء واول مادة خلصتها بسادس وجانت المدرسة تكلي 100 وغير طب مو الج الطب يحتاج مثلج تخيلي يعني مستواي هذا ودرجاتي بالمدرسة من المتوسطة الى سادس اقل درجة اخذها بالاحياء 97 وحتى المصطلحات الغريبة ادرسها حتى افهم المعنى وحدي ادرس الاحياء وامتحنت بي بالوزاري وطلعت فرحانة كلت اذا ما يصححون زين اقل درجة 85 وطبعا طلعت النتائج اجت 65 وات وين تعبي وين درجتي بقيت بصدمة الحد هسه بيوم النتائج حتى المدرسة بالمدرسة راسلتني تستفسر المهم ايقنت الدرجات تجي رزق من الله معلي التعب والحب وشغف والابداع كله رزق من الله وكلت لو اموت ما اعيد لان اعرف تعبي شنو رغم الحجي علي اشكال وشكد انقهرت بحيث من البجي الهالات وصلت نص وجهي وكل يوم ضغطي صاعد ماتوقع اتخطى المهم نشوف دور ثاني يارب الاسئلة زينة واخلص لان اهلي هم ما يقبلون الاعادة وحلمي يبقى غصة بگلبي بس تعبت هواي اله

[@bint_alhuda]

الله كاتبلج الاحسن منه حبيبتي وراسملج طريق محد يعرفه غيره ف اي حمدي الله وشكريه وكملي موفقة

[@jgjg25]

طلاب لخاطر الله غيرو فكرتكم عن الاقسام يعني مو معنى اذا ماطلعت طبيه انتَ فاشللللل انت ماطول طلعت من سادس وجبت معدل حتلو ب50 انت بطل واكو اقسام حلوه وانتو كده

[@user-uusvq]

طالبة ادبي حاولت هواي وبالنهاية راح اعيد

[@Zainab-n5o]

اكلج اني خايفه اعيد وهم ما اطلع معدل خايفه خايفه من ناحيه كولشي اكوو هواي عادوا ونزل معدلهم واكو عادوا وزاد معدلهم شلون راح اقره واني بقلق ورغم تعبت هواي سنه اولى بس ميخالف راح اصبر والله كلشي ما اريد من حياتي غير معدل95 يا ربي ارزقني هاذه معدل من حيث لا احتسب😢😢😢

[@ألماسه-ي1ت]

باعي اكو حل اسئلي اهلج كليلهم تخلولي اهليه واذا ماقبلو عيدي

[@bint_alhuda]

@@Zainab-n5o عيدي الفيديو وخلي يمج ورقة وقلم وكتبي النقاط الي كلته انه بالفيديو اذا شفتيهن ينطبقن عليج وبيج حيل فعيدي واذا ‎ע ف لاتعيدين هل شي براحتج بس لازم تحددين لان مــــآكو وقت وشتختارين تاكدي انو هو صح لان الله كاتبلج كلشي وهو الي خلات تمشين لهل طريق ولا يكلف الله نفساً الا وسعها موفقة كـلبي🤍

[@bint_alhuda]

@@ألماسه-ي1ت العفو عيناي كلامكم غير صحيح الاهلية مالها علاقة والاهل مالهم علاقة ياما طلاب عادو بحكومي وجابو اعلى وياما عادو باهلية وهم جابو اعلى ف ماله دخل الشي الي يعتمد عليه المعدل هو الطالب نفسه شل فايدة اذا اهله خلو يعيد سنه وهو مابي حيل مو راح يتورط منو راح يدرس عنه محد بس هو ف اتمنى تصححون وجهة نضركم وتسألون بهل موضوع لان يحتاج منكم بحث اكثر وموفقين يارب عيوني🤍

[@Zainab-n5o]

@@bint_alhuda حبيبتي اني راح امتحن شكم ماده علمود اضبطهن واختبر نفسي بيهن واني مقرره اعيد حصرا لازم اعيد وانشاء الله اطلع المعدل الي أريده شتكولين ماطولج عندج خبره

[@Zainab-n5o]

@@ألماسه-ي1ت والله يا عيني الحال ما يسمح اروح اهلي

[@shamxbrek9784]

يالله منتضرين

[@bint_alhuda]

اخيراً انفتح😃

[@HaleAozdo-sb2zz]

اني هم جنت من دفعة 2024 فعدت سنه هسه صرت من دفعة 2025

[@Ali-7-x-7]

انة المشكلة مامتقبل فكرة انه انا برحلتي الدراسية دائماً متفوق ومن الاوائل بس بالسادس تخربطت وضعيتي وصرت اسخت احس فقدت شغفي ونفسي القديمة

[@RasolahRR]

عادي الكل تصير وياه وحتى اني بس مو عمود كبريائنا نضيع حلمنا والله عمود شنو اخاف اعيد سنة واصير ويا الدفعة السابقها لا لا لازم تكون عندك اصرار وهذا الكلام مالتك ما يوكل خبز واذا تبقى ع تفكيرك صدكني راح تدخل قسم ما تريده وتبقى تعظ أصابعك ندم وتكول يا ريت لو جربت بالسنة الثانية اقلها اكول رب العالمين هذا الي كاتبه الي لان عدت سنة عمود حلمي 👍🏽

[@HaiderHamid-ok4sq]

اريد اسولف البكليي الج محد كايلتله محد مفتهمني سنه لاوله حرفيا قريت بس فصل لاول حتكولين ليش لان جانن عدنا مشاكل كومه حرفيا ابجي جنت لان ما لحك اقره لان مشاكل خطار وضروف يعني جديات حماسي شغفي طفه ذيج سنه جنت لزم اعيد حرفيا كلشي ماعرف بس فصل متحنت مدرسه بس فصل اول سويت انتساب متحنت نص سنه طلعت ب٤ دخلت وزاري جنت اول طالبه اطلع من مدرسه لان مجنت احل شي يعني مدرسه دخلتي وزاري بس ما متحنت ها جنت داخله خصوصي أستاذ بل بيت كل مواد( جانت اكبر خطوه فاشله هم اخذته) صدك هم دمرني مجان يعرف حتى مواد سادس يعني أستاذ ريد ٦٠ حد٧٠ معدل كوه يطلعه مهم هم ذبيت فلوس على خالي بلاش بس هم مجنت لحك اقره بعدها قررت اعيد دخلت معهد هنا كارثه دخلت شهر ٦حد نص سنه شهر واحد بس ٣ افصل مخلصين عبالهم جانت اكو حذوفات مدري شنو بحيث ضلو بفصل لاول ٣ اشهر بحجه اننتظر حذوفات بعدها نصف سنه دك محاضرات حد شهر خامس حنه بعدنا صار عدنا تراكمات ابو رياضيات كام ميفهم نقل غير معهد صار معهد مختلط ماكدت أروح اجواء جانت خايسه جنه حرفيا نضيع وقت كله معهد صدكي بأيام مدارس روح من ٨ صبح حد٦ عصر كلشي منفتهم جنه نكللهم غيرو جدول يكللولنا ميريد خبي يبطل جنت ما فتهم على ابو كيميه وساكته حولت اكثر من مره هم ما فتهمت ماكو وسيله اخرى فهم ضليت مهم اجت اخر مطاف حتى من تراسلين مدرسين مجاييون لتهو ويه دفعه جديده هسه اني متحنت عربي ٥٠ درجه اسلاميه ٩٠ مجله ٥ اني اعترف جان فشل هاي سنه مني من معهد فاشل لي جان مفروض نخلص من وكت حتى نسوي مراجعه نقره بل بيت هسه اني نحطيت على امر واقع ولزم اعيد سنه ثالثه ممتوقع جنت اكول هاي كلمه بس لو اجيب بيهن بخمسه كلهن ميايه هم ما طلع شي مهم تعبت والله اهلي تعبو صرفو هواي لكن هل سنه نويت من كل كلبي لزم افرحهم راح اقره بحدي اتمني تنطيني نصيحه تفيدني جاي أعاني من كلام ناس سيئ بخصوص انتي داخله معهد راح تعيدين سنه من هذه كلام جارح 😢😢😢😢

[@Noor_313_wisam]

لازم الكلام الجارح تخلي الج محفز اني الكلام الجارح الي سمعته تدرين كتبته على ورقه وخليته كدامي عمود كل ما اريد أضعف وما اقرا من اشوف الورقه الي كاتبته من اذكر الناس الي ضحكت من جبت معدل بالدور الاول مخزي وجانت فرحانه وكامت تضحك ضحك حقد هذا كله اني كتبته وخليته كدامي خلي محفز الج ونصيحه يمكن اول ما تبدين السنه ما جاي تتوكلين على الله توكلي على الله اول ما تبدين اني الخطأ الي سويته بذيج السنه ما توكلت على الله اول ما بديت وهديت هاي السنه لصاحب الزمان واذا تردين اكتبي دعاء خاصبالتوكل على الله وخلي كدامج هسه اني كاتبه دعاء للتوكل على الله و دعاء عن الحسد هم خليته كدامي وكل ما اريد انام اقراهن وكل ما اكعد اقراهن والله ذيج السنه كلش عانيت من الحسد اول شهرين درجاتي اجننن وبعدها نزلن لأن ما ادري شنو الي صار وياي بس اكو بنات حرفيا حاطات عينهن عليه لمن طلعت بالرياضيات ٩٠ وكمت ابجي من طلعت تسعين اني بيدي جبت الحسد لنفسي واخر نصيحه من يجون يمكم خطار أو أي شخصيه تسألج على معدل دوم ابجي بوجهن وكللهن نفس الشي ما جاي اكدر للسادس السادس صعب وحتا تبعدين اعيون الناس عنج واخر شي ء سجلي حكومي ودرسي على اليوتيوب عندج مدرسين يجننون على اليوتيوب مثل مدرس الرياضيات محمد قاسم و مدرس الكيمياء استاذ يوسف يعرب أو يوسف الربيعي وعندج مدرسين الفيزياء هواي انتي شوفي منو منهم تفهمين عليه اني راح اعددلجياهم وانتي شوفيهم عندج استاذ عصام الشمري و استاذ محمد زياد و استاذ حسين محمد و استاذ كرار شوفي منو اتفهمين عليه ادرسي عليه وعندج مدرس الإنكليزي استاذ محمد العبيدي و عندج مدرس احياء حسن فلاح و عندج مدرس عربي عمار السلامي يجننننن بس القواعد أما الادب (قناه الادب العربي مع عصام) أو اذا تردين مدرس يشرح الادب توب همات عندج استاذ مازن و استاذ الاسلاميه هو استاذ كرار ساجد العكيلي بس شوفي مثل ما كتلج انصحج تسجلي حكومي ودرسبن المواد الي يطوجياها تحضير على ذولي المدرسين بس مو يعني ما تنتبهين على المدرسه او المدرس من يشرح لا تنتبهين وتركزين وي الاستاذ من يشرحلج بالحكومي واذا عندج سؤال أسألي فورن لا تكولين من اروح للبيت اشوف الشرح لا لا خطأ لا اسوين هيج واتمنا فهمتيني ويا رب التوفيق لكل معيد ❤بحق محمد وال محمد

[@HaiderHamid-ok4sq]

@@Noor_313_wisam شكراً جزيلاً على كلامج ممنونه من كل حرف بحيل لله ابدي جديد اتوكل على لله ي والله نسبه الحسد تجي عمتي تكلي بسج كافي تاكلين اكل ملازم والله بوكته اصلن جنت نايمه ان شاء الله خير هاي سنه

[@Noor_313_wisam]

@@HaiderHamid-ok4sq أن شاء الله يروحي بس صدك نسيت شغله ثانيه شوفي اهتمي بصحتج وتركي الشيء المضره مثل الاندومي ولتزمي الصبح من اتكعدين تشربين حليب اني هيج دا اسوي حتا أن شاء الله بهذي السنه ما المرض مثل ذيج السنه اني ذيج السنه ثلاث مرات صار بيه جفاف عام 💔

[@HaiderHamid-ok4sq]

@@Noor_313_wisamأن شاء الله يعمري مابيج غير العافيه ان شاء الله سنه تجي هيج وقت مخلصين من سادس 💓💓💓

[@Noor_313_wisam]

@@HaiderHamid-ok4sq بأذن الرحمان الرحيم ومخلصيها بفرحه ما توصفها أي فرحه بعدها

[@ياربحلمي-و1ض]

ادعولي بس انقبل تقنيات تحليلات حته لو اهلي هم ميخالف بس اخاف لا يصعدونها هلسنه ادعولي امانه تعبت

[@مريموليد-ع2ز]

شكد معدلج

[@ياربحلمي-و1ض]

@@مريموليد-ع2ز ماجله اربع مواد

[@مريموليد-ع2ز]

@@ياربحلمي-و1ض زين وشكد معدلج+اني ماجله اثنين بعدين تقنيات مصعدين معدل 75صباحي و70مسائي

[@ياربحلمي-و1ض]

@@مريموليد-ع2ز مطلعته بس ٩٨ اسلاميه و٥١ رياضيات و٥٨ كيميه + سالت مسؤلة عن كروب جامعه المعارف كالت ماكو هيج شي ميصعدوها لان لو يريدون يصعدوها جان ويه الأسنان والصيدله والطب وتكول مضل شي جان نزلوها لان هيه من ضمن الاقسام الطبيه

[@ياربحلمي-و1ض]

@@مريموليد-ع2ز ممصعدينها لان سالت دكتوره جامعيه كالت هيه من ضمن الاقسام الطبيه ولو رادو يصعدونها جان ويه الأسنان والطب والصيدله ومضل شي وتنزل القبولات ميكدرون يغيرونها

[@HawraaHawraa-cf1bk]

حسيت الفيديو صدفه لان محتاجه هيج كلام رغم ماعرف انتي منو شكرا الح عُمري

[@bint_alhuda]

@@HawraaHawraa-cf1bk حبيبتي العفو تدللون والله يوفقكم ♥️♥️

[@itismakingucry]

حبيت كلامها وشرحها لطيفة جدًا 🤍

[@bint_alhuda]

انه هم حبيتج 🥹😂🫶🏻 ياعمري تسلمين

[@itismakingucry]

@@bint_alhuda 🤍🤍

[@زويا-ح8غ]

اول مره اسمع نصائح مفيده ومعقوله وواقعيه اني من الثالث متوسط تحولت مسائي وبقيت مسائي وبالسادس اني مسائي ومن عدت حوولوني خارجي وكلش خايفه من الخارجي لان يكولون التمهيدي يعتمد على الكتاب كامل وخايفه ماكمل المواد وادخل منا الشهر الثاني ياريت اسمع نصيحتج اذا شفتي تعليقي

[@bint_alhuda]

@@زويا-ح8غ حبيبتي تدللون🤍+لاتخافين التمهيدي سهل كلش لان هو مو وزاري هو مجرد اختبار يميزون بي الطالب الراح يتاهل وزاري او لا يعني حاله حال نصف السنه بس المادة كلها ومو بالضرورة تقريها كلها لان هو مو نهاية السنه يعني ما مطلوب معدل ف خففي الضغط الي عليج ما يستاهل ابد بل بالعكس التمهيدي فرصة جبيرة لان راح تجربين اجواء الوزاري وتروح الرهبة والخوف ومنا لشهر الثاني تلحكين وزياده وتكولين عدتي يعني المادة ماره عليج ف وضعج سهل لا تصعبينه وان شاء الله انت كدها وتجين تبشريني موفقين يارب🤍 وتذكري دائماً لا يكلف الله نفساً الا وسعها يعني ڪلشـَʊ̤ انكتب الج انت تكدريله وتكدرين للاكبر منه ورب العالمين شاهد عليج ووياج بكل خطوة

[@cz9sc6kt1x]

اگلج حبي اني هم مسائي وماامتحنت دور ثاني اقدم گبل خارجي لو هم سنوات انتظار

[@زويا-ح8غ]

@@cz9sc6kt1x اذا ماخذه عدم رسوب يصير تقدمين بدون سنوات انتظار لان انتي مستمره بدوام

[@cz9sc6kt1x]

@@زويا-ح8غ اي ماخذة يعني اقدم بشهر ال11 وامتحن وية ال25

[@زويا-ح8غ]

@@cz9sc6kt1x ايي اني هم مثلج

[@GhazalaHarbo]

نريد نصائح للعائدين للسنة الثالثة

[@bint_alhuda]

حالهم حال ابو السنتين لان متشابهين بكلشي وهدف عدهم بس الاخطاء كلها مال سنتين تنكتب

[@Yiwqy8]

سؤال هسه اذا نعيد سنة ثالثة أحنه العام اعتبروها سنة عدم رسوب يعني عادي نعيد سنة ثالثة؟؟

[@GhazalaHarbo]

@@Yiwqy8 اي عدم الرسوب

[@Yiwqy8]

@@GhazalaHarbo تمام شكراً جزيلاً 👍🏻

[@NOONE-bi7tp]

إذ الواحد قرر يعيد شگد لازم يرتاح قبل ما يبدي السنة الثانية

[@user-rusarusa123]

عندي مادة ماجنت افهمها أو مالحكت عليها ف خربت عليَّ، مريت بهواي تخبطات لأن ماجنت اعرف اتصرف وهواي تجارب ماعرفت اتصرف بيها بس هسة لا اكيد تغير هالشي حيصير عندي غرفة جديدة ، واغير المدرسة، ووعيت اكثر الخطأ الاكبر إنه ماچان عندي الثقة الكافية بنفسي فـ ماعرف ادعولي إنه تمشي الامور عدل وكتبيلي رأيج صاحبة الڤيديو🩷

[@user-rusarusa123]

وإذا عدت ف ماببالي قسم معين لكن لشغلة وحدة وهيَ إني استحق الاعلى فـ أحاول علمود نفسي

[@user-rusarusa123]

وچنت دائما الاشطر بالصف واكثر وحدة تحضر باليومي و'الوحيدة' ببعض المواد وصارو ينتظرون درجاتي اكثر من درجاتهم بس خرب كلشي وهسة كلها تگلي شعجب وشعجب

[@bint_alhuda]

شديلي الهمة لعد ويلا خلصي سادس حتى افتخر بيج 🤍🤍

[@glgol776]

زين ماعرف غلطي يعني جنت كل يوم احاول خلي يوم مثمر او احاول اومكدرت

[@Noor-q5i]

إني دفعة ٢٠٢٤ بالخامس طلعت إعفاء عام بس نجحت لسادس جان الخوف مسيطير علية ولا تقبلت السادس ولا المدرسة ولا أي شي وبعطلة ماقريت رغم قبل متحمسة جتت فجأة كرهت كل شي أول يوم دوام ابجي داومت يومين وكلت لاهلي اترك ماريد ادوام أعيد انوب رجعت داومت وهم بجي آخر شي سويت انتساب واني خلال هاي الفترة مارست شي وبقيت اسخت نصف السنة أجلت كل مواد ومامتحنت شي اجة شهر ٣ وإني فصل مامخلصة يعني لحظة إدراك صدمة صابتتي هنا اخذت قرار خلص عدت السنة ومادخلت وزاري واني لحد هسه ماقارية شي فصل مامخلصة رغم معيدة ماعرف ليش اتهرب من دراسة إذا أبدي بداية جديدة اكو امل اطلع معدل عالي والحك شنو تنصحيني أسوي

[@RasolahRR]

شوفي حبيبيتي هذا الكلام ما يوكل خبز لازم تجبرين نفسج يمكن انت خلال هاي الفترة ما جبرتي نفسج واني متاكدة ما جبرتي نفسج على الدراسة وتذكري دائما انه الصلاة نكوم الها اجباري يعني طوعا وكرها وهيج بالنسبة للدراسة او اي شي ما بيه راحة ابدّي بداية جديدة مع اجبار لنفسج وتذكري دائما ان الي ما يجبر نفسه هو الخسران يعني الربح والفوز مقترنة بإجبار النفس والانضباط واختم كلامي بقول تعالى (إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي)

[@Noor-j5r]

حته كلام مااعرف أسطر كمت🗿🗿

[@mustaf_9a]

تروحي اقري محد يفيدج

[@haneendrgham4239]

11:37ماشاء الله صوتج يجننن بالانكليزي♥️🥹

[@bint_alhuda]

@@haneendrgham4239 جدد؟🥹😂

[@haneendrgham4239]

@@bint_alhuda حَبيبي والله كولش حلو

[@Zainab-zu8sb]

اني عدت السادس والوضع عادي بس كل ماادرس اذكر السنه الفاتت واكعد ابجي ومااعرف شسوي وي الموضوع 🥹

[@ssssssssssssdddt]

اني راح اعيد بس عمود حلمي راح يصير ثالثه سنه بس اريد احقق حلمي مارايد اخسر حلمي بس اريد تصحنين بمدرسين زين انكليزي وعربي ضعيف بيهم

[@bint_alhuda]

@@ssssssssssssdddt انكليزي انصح بسجاد العبيدي اما العربي ف حسب الاستاذ الي تفهمون عليه 🤍

[@zalbuja4707]

اني شديت حيلي 4 و3 ما شديت حالي وشي ثاني درجاتي كانت بالدخول زينه بس نهايه السنه نزلت درجاتي

[@akra_m018]

سوي فيديو عن الانتساب

[@bint_alhuda]

@@akra_m018 حاجية عنه بقناة التلجرام بالتفصيل وخطة كااملة للدراسة رابط القناة بصندوق الوصف

[@glgol776]

المقطع ايخبل والنصائح البي عاشت ايدج عسبالك صارلج مليار سنه بلسادس بحيث فاهمه الوضع

[@bint_alhuda]

@@glgol776 شكراً الك او الج الكلام جداً يعنيلي ويحفزني❤️❤️ + باذن الله اذا الله وفقني وكدرت التزم وياكم واحجيلكم اكثر🤍

[@TibaMuhand]

عاشت ايدج كلامج بالگلب كُله صحيح وفعلاً ❤

[@bint_alhuda]

@@TibaMuhand يا عيوني انت العايشة تسلمين اي والله لو ما واقعي وبعيد عن الوهم والخيال مستحيل احجيه 🤍

[@zalbuja4707]

اي ولله اني قصرت بالعلميات

[@hghufvu]

واخيراا😊

[@BanenAl_abas]

الْحٍمَدٍ للـّہ راح اعيد واني اعرف كل اخطائي ودا اعدلهم

[@bint_alhuda]

موفقين يارب لاتنسون تبشروني

[@Kawtharalimoh]

❤❤❤شكراً قلبي شكراً جزيلاً

[@bint_alhuda]

عفواً عيوني❤

[@Yiwqy8]

انا دفعة 2023 يحقلي اعيد سنة ثالثة صباحي ، لان العام اعتبرونه عدم رسوب عفيه الي يعرف يجاوب

[@bint_alhuda]

@@Yiwqy8 اي نعم يصير وللتاكيد اكثر اسألي ادارة المدرسة

[@zahraa.s-h4x]

اني هم راح اعيد اذا عرفتي شي ممكن تكوليلي

[@HdhdYdhr]

اني جبت بل الإسلامية. ١٠٠ والعربي ٨٧ وما جله خمسه مواد ونفسي تريد تعيد وأهلي رافضين كلش شنو تنصحيني اعيد لولا

[@bint_alhuda]

طبقو الي بالفيديو وكتبو حالات الاعادة وياي اذا تنطبق عليكم عيدو واذا لا ف نهائياً مالها داعي الاعادة اذا جنتو مضبطين

[@حيدرعامر-ج2س]

اني قاريه كل مواد مكملتهم عدا الاحياء قاريه بس فصلين وممضبطه ونفسيتي تحت صفر تعرضت الضغوطات جدا جبيره ودخلت دور اول بسبب ضغط مكدرت امتحن ولاامتحان جان جسمي كله يرجف لان فتره مراجعه مانمت ولااكلت وتمرضت نفسيا وهسة اريد اعيد واهلي يكلولي امتحني دور ثاني واني اريد ارتاح ماريد امتحن وحاليا جاي اتاذه كلش مختنكة واذكر شصار وياي بدور الاول وارجع انهار احسني نكسرت ومالي واهس شتنصحيني عليج الله+ خاف اعيد ويصير وياي نفس الي صار وماكدر امتحن رغم اني كلش شاطره بس ضروف سوتلي ضغط ماعندي غرفه وبيتنه نصه جينكو مابي سقف وحرارة جينكو تضرب على راسي بحيث ب ٢ ضهر دنيا تصير تموت حرر خنكة واني مستمره اقرا وبعدين اثر عليه كلة بالاخير. وبالشته تمطر حت ملازمي كلهن مرطبات من مي وضليت مستمره تالي محصلت ايشي وتمرضت وحت ممتحنت عبالي رب العالمين يعوضني بس الحمد الله ع كلشي اريد واحد يفهمني وينصحني حاليا كلش دايخة

[@bint_alhuda]

@@حيدرعامر-ج2س مقارية ما طالب يريد معدل يعني مقصرة ف اذا تردين عيدي وارتاحي هل فترة

[@حيدرعامر-ج2س]

@@bint_alhuda كتلج قاريه وين القصور؟ مكملة كل مواد بس احياء ممكملته بس نفسيتي تعبانه. + ممتحنت اي امتحان هلشي حيأثر عليه بسنه جايه لو ماله دخل؟

[@Maram-ri4qp]

إني سبحان الله اجت عيني ع تعليقج اني معيده من العام وهم صار وياي مثلج انو تعبت وماكدرت امتحن تعبت نفسياً وجسدياً ف افهم ع كلامج وگلت احتاج راحه وارجع بس الي صار بقيت ع حالتي لحد هسه مع انو العام امتحنت 4 مواد 95 المعدل هالسنه سلملي دور ثاني حتى الاسلاميه فنصيحتي كا اخت ألج لاتعيدين وكملي حتى ماتتندمين انو ضيعتني سنه من عمرج بس تعب اني حالين متندممممه لأن عدت واني طاقتي خلصانه ومارجعت لو طالعه من اول سنه مجان تندمت أبد

[@حيدرعامر-ج2س]

@@Maram-ri4qp وضعكم يختلف حقكم لان انتو جنتو بالحذف ودور اجيتو بدون حذف ف حقج تدمرين والله يعينج اني مشكلتي مراجعت زين وضغطت ع نفسي اكمل ماده ومكملت بيها نقوصات ونضغطت انتو سالفتكم تختلف انتي حقج متعيدين غير نص الكتب هسة ويييييين الي يعيد حقة قبل حته محد ياجل

[@bint_alhuda]

@@حيدرعامر-ج2سعن الاحياء جاي احجي حبيبتي انت تكولين بس فصلين قارية ف يعني مقصرة بيها + لا ما ياثر في حال السنه الجاية تحديتي خوفج ورحتي واجهتي الامتحان وخوفج كله لان ما معيشة نفسج بجو امتحان لازم تنتبهين على هالشي

[@ghdir-18]

عادي تردين عليَّ🥹🫶 اريد نصيحه قبل ل اعيد ومنچ🥹🫶 اني چنت من الاوئل بحيث توقعت معدلي 95 بس ولله الحمد طلع معدلي 81.60 ومأجله مادتين امتحنت رياضيات وبقت فيزياء والي هي يوم سبت وووياها ينتهي سادس كله بكل لحضه تعبت بيها بس بقى عندي بس يوم واقرر اعيد او اكمل اني ماچان عندي حلم وچان كل اريده معدل ب 90 وفجأَ حبيت تمريض لكن للأسف معدل 91 يريد واني اذا كلش شديت حيلي اطلع 86 انتِ شتگولين حابه نصيحه منچ واني خايفه ل ينزل معدلي بسنه 2 وابوي موكلش واكيد هيبقى يلوم بيه😅💔

[@bint_alhuda]

@@ghdir-18 ماتسوة تعيدون نهائيا والله حلمكم يتحقق وكلش قريب على المعدل وهل سنه المعدلات نازله ف الاعادة كلش خيار غلط لحالتج حبيبتي كملي واتوكلي على رب العالمين

[@ghdir-18]

@@bint_alhuda تمام راح اكمل لعد شكرًا يروحي انتِ❤️🥹🫶

[@bint_alhuda]

@@ghdir-18 حبيبتي العفو🤍💋 + باوعي للموضوع مـטּ زاوية ثانية لا تبقين بزاوية وحده ما تحصلين شي الله مخليلج كل خير بطريقج انت بس اسعي وامشي 🤍

[@ghdir-18]

@@bint_alhuda فدوة لعمرچ ولكلامچ الحلو الي مثل بلسم الحمدلله راح اسعى واچتهد بكل طاقتي ولله الحمد اني بفضل الله ثم بفضلچ عرفت اتخذ قراري راح باچر امتحن اذا چان اظمن الـ 100 اي امتحنه واتقبل الاختصاص الي راح يطلعلي🫂🤍

[@bint_alhuda]

@@ghdir-18 ياعمري فدوة لوجهج ماسويت شي انه والله اتمنى مـטּ كل قلبي تتوفقين وتجين بـ؏ـد امتحان الفيزياء وتبشريني امانه انتضرج🤍💋 وتاكدي مهما جان قرارج ف هو الصح دائماً ورب العالمين خلاج تختاريه لان يعرف انتِ كده

[@باقر-ص1ن]

لابسه كفوف مال مصارعه 😂😂 تردين تكتلين السادس

[@bint_alhuda]

لا والله توة جاية من الجم ومستعجله 🤣🤣

[@باقر-ص1ن]

@@bint_alhuda 😂😂

[@a_b25]

معدلي 82.33 مأجل مادة ، هاي السنة خلصت بسرعة بحيث ما لحكنة نكمل مواد وثاني شي مراجعة وحدة ما كملتها بسبب الوقت .

[@zahraa.s-h4x]

دفعه ٢٣ معدلي ٩٣ وعدت و٢٤ معدلي ٩٥ وهم راح اعيد اكدر اداوم صباحي لو الا مسائي؟

[@bint_alhuda]

@@zahraa.s-h4x عادي صباحي لان ٢٣ عدم رسوب

[@حبيبي_عراق]

انا هم من 23 شلون اقنع اهلي اعيد سنة ثالثة 😔

[@zahraa.s-h4x]

@@حبيبي_عراق هي سالفه كلش صعبه اني بالكوه قنعتهم بس يعني شنسوي هذا هو الحل الوحيد عالاقل اشوفه حل مضمون مجرد اتعب نفسي اكثر واركز اكثر بالدراسه هم جانوا حيل متأملين بالمنحه بس المنحه يراداها حظ وواسطه فاقنعتهم يعني كتلهم اذا ماطلعتلي المنحه وين اروح +احنه حالتنه الماديه يعني متسمح ادخل اهليه فهيج اقتنعوا

[@حبيبي_عراق]

@@zahraa.s-h4x بس والله قهر يعني اني 2004 عمري عشرين اداوم ويه زعاطيط والبس زي مدرسي واتحمل المدرسات المجلوبات وضيم الطريق والوقت الي اصرفه ع المدرسة الي مامستفادة منها شي هسة لو يرجعون الانتساب انتسب واخلص

[@hore21]

حبيبتي سنتين معدلاتج تجنن ليش، تعيدين ادري تردين معدل 201...+ الطب مو فد شي عضيم

[@مريومةمريومة-خ5ف]

هو باعي اني اريد ارفع راس امي وطبعا هم قصرت هملت مواد وركزت على مواد ف قررت اعيد شنو رايج قراري صح ؟

[@bint_alhuda]

والله ماكدر انطي رايي لان هالشي يخصكم انتو شخصياً عيدو الفيديو وشوفو الينطبق عليكم والي لا وقررو وموفقين ياارب الله يسهل عليكم🤍

[@عليقاسم-ص9ف8ذ]

اعيد سنة ثالثة 😢 ممتحن بس عربي وجبت 100

[@maream-gx8wy]

على منو درستي عربي

[@iieicvs]

على منو درستي وقريتي اساسيات ؟

[@bint_alhuda]

محد يقرر هالشي غيركم ف شوفو الفيديو وقررو موفقين يارب ❤

[@عليقاسم-ص9ف8ذ]

@@maream-gx8wy عقيل الزبيدي.. ملازمة كلش زينة والالفية عدتها مرتين (ودفتر الواجبات همين بس ميحتاج إذا ماعندج)

[@عليقاسم-ص9ف8ذ]

@@iieicvs اني جنت ضعيف بالعربي لكن بالتكرار وحل الأسئلة صرت كلش زين ملازم عقيل الزبيدي كلش زينة والالفية كلش تفيد..

[@ميم-ش1ي]

شكرا هواييييي❤

[@bint_alhuda]

@@ميم-ش1ي عفواً عيوني 🤍

[@بّرَنٌسًسًجَوُكَلَيّتُهِ]

اذا ابدي هسه الحك و اطلع معدل عالي؟

[@bint_alhuda]

@@بّرَنٌسًسًجَوُكَلَيّتُهِ عن سالفة تلحكين ف اي تلحكين اما المعدل العالي ف ما يجي بمجرد كملتي المنهج او لحكتي او ملحكتي هو رزق مـטּ الله سبحانه وتعالى🤍

[@زويا-ح8غ]

@@bint_alhudaاني خارجي تحولت يعني الحك حتى ادخل وزاري

[@حسين-ق5ظ]

اني راح اعيد بس هم خايف ومتندم

[@bint_alhuda]

على شنو ؟ التوكل على الله بكل شيء واكيد رب العالمين راسملكم الطريق الصح والي يفيدكم سواء عدتو او لا

[@حسين-ق5ظ]

@@bint_alhudaوالله شكرا لحضرتج❤ بس يعني صراحه اني ما لعبتها صح بالسنه الاولى وخايف من انعدام الشغف الي يجيني اذا عدت يعني وره ما قررت اعيد اجاني شعور انو ليش عدت وليش ما كملت ليش اتعب مع العلم ما راضي عن معدلي. بس ان شاء الله رب العالمين وصاحب الزمان يكونون وياي ان شاء الله

[@فوفه-ع]

اني عدت ودعيت نفس اخطاء ألسنه الأولى

[@bint_alhuda]

وهذا هو الخطا الاكبر

[@فوفه-ع]

@@bint_alhuda ما اعرف شسوي والله العظيم دا اسخت بشكل فضيع وفقدت السيطره على نفسي

[@RasolahRR]

@@فوفه-عماكو هيج حجي لان الله يكول ( بل الإنسان على نفسه بصيرة ولو ألقى معاذيره) يعني انت راجعي نفسج كعدي ويا نفسج وشوفي شنو الخلل ترا هذا مستقبل ومهنة راح تمارسها طيلة عمرك

[@kr100kr]

والله دوخة

[@فَبَشَّرْنَاهَا-و3ث]

زين ولي مالحك يكمل المواد 😔🥀 ومستوى اعلى

[@bint_alhuda]

@@فَبَشَّرْنَاهَا-و3ث اذا تعبان كللش بالسنه الاولى وجاب معدل معين بالسنه الثانية ما يكدر يتعب اكثر مـטּ تعب السنه الاولى ف ممكن يجيب اقل المدة جانت زينه والي لعبها صح استغل الدور الثاني ضمن دخوله للوزاري بالمدرسة وكعد ضبط ٤ مواد و٣ خلاهن دور ثاني وكملهن بهل شهرين والوضع لوز اما الضروف الصحية والعائلية ف هاي بحث اخر الله كاتبله هالشي ومو مـטּ حقه يعترض ؏ حكمة رب العالمين

[@فَبَشَّرْنَاهَا-و3ث]

@@bint_alhuda جنت ادرس بكل حيلي بس الدور الثاني بعد ماكدر اتقبل الكتب قرايتي جانت مو شي بقالي ٢٠ يوم ان شاء الله خير نتوكل الحمد لله على كل حال

[@bint_alhuda]

@@فَبَشَّرْنَاهَا-و3ث دراستج عشوائية ومو منتضمة ومو بخطة المفروض تحطين خطة اتقبل الكتاب ما اتقبله افتحة غصباً على خشمي مو انه الي وصلت روحي للسادس وشديت حيلي كل هالسنين تاليتها بي اكول ماكدر اشوف الكتب يا حبيبتي عقليها بعقلج انت بس ما جان احد فوك راسج بالدراسة ولا احد يجبرج ف عقلج مسترخي ويوهمج ويكلج ارتاحي احنى تعبانين

[@mlak4215]

عليج الله ردي عليه اني معدلي ودرجاتي بالتسعينات وماجله خمسه ثلاثه مسيطره عليهن بس مادتين مالحكت اكملهن الي هنه رياضيات وكيمياء كيمياء ثلاث فصول باقيلي ورياضيات هم فصلين رابع والسادس يعني اله اعيد مو

[@بنين313-ت4ط]

تكدرين تكملين وتنجحين بيهن قسمي فصل رابع رياضيات على 3ايام شوفي محاضرات حسام الحلو 26 حلقة والفصل سادس يوم والكيمياء فصل 3ايام على ابراهيم علي ابراهيم وفصل هم 3ايام وفصل هم 3ايام من تكملين من اليوتيوب وتفهمين اكعدي حلي وزاريات واحفظي كلش زين وتكدرين اجيبين بيهن درجات زينة وانصحج متعيدين

[@mlak4215]

@@بنين313-ت4ط مااگدر والبقية العربي والانكليزي والفيزياء اقل شي كل واحد خمسه ايام بقن 15 يوم شلحك ويمته الحك اراجع الي دارسته راح اعيد هذا الحل الي امامي

[@بنين313-ت4ط]

@@mlak4215 تكدرين الصبح تراجعين ساعة استفهام وساعة انكليزي وساعة فيزياء تكعدين ب6 عندج الظهر الى الليل اخذي 6محاضرات رياضيات تكامل ثاني يوم كذلك من تكملين رياضيات بلشي كيمياء بعتبار ذنيج انت ِ دارستهن بس تراجعين ثقي بنفسج وشيلي الاعادة من بالج وثقي برب العالمين وكولي اني كدها شلون بنصف السنة جنة ندرس 3افصل بنص يوم هسة تكدرين تراجعين كل 3افصل بيوم

[@بنين313-ت4ط]

@@mlak4215 خلي 15يوم لتراكمات والباقي مراجعة وحل وزاريات

[@n0or_alhussainPs]

يمعودة شداتحجين عندج شهر كامل كملي و لا تعيدين ما تسوه تعيدين ع كم فصل و صدكي الوقت كافي انو تكملين كل نقوصاتج هاي

[@Zainab22-z7p]

اني أصلاً واجب عليه اعيد مو افكر شلون اعيد لان حرفيا لا دارسه شي اذكر داومت شهر ونص وبعدنا يعني باول افصل بحيث جنت بهل شهر ونص فد شي بحيث المدرسين صار املهم بيه...الخ ولكن اني هسه مفاتحه ولا كتاب فا من هد اول شهر ونص ب د24 لحد هسه اني كلشي ماكو لمهم خلص هل شهر ونص سويت انتساب ع الرغم اني اهليه لان تمرضت وطاقتي راحت كلهه ع الرغم جنت حيل شاطره لمهم لمن سويت انتساب ولا درست شي لمهم خلصت سنه واني ولا شي ولادرست ولا دخلت فتره مراجعه ولا امتحنت ولا درست حالياً بحيث طلاب د 25 بلشت ودرست واني بعدني فا حرفيا مااعتبر نفسي معيده اعتبره تاركه سنه بسبب بمرضي وعندي عمليه ولحد هسه داتهرب منهه فا لمهم حالياً حكون مع د25. والحلو اني مقدميني سنه فا أصلاً أني دفعتي لازم د25 فا حرفيا احساسي مو احساس وحده عايده احس عادي شعوري وحرفيا احس نفسي جامده احس حلم وين جنت وين صرت بحيث اني جنت من رابع ابحث ودرس اساس ومجهزه نفسي للسادس لكن هل شي حصلت منه فقط العين حرفيا كمت انام باليوم 16س فا يوم عن يوم اتعب فا هيج مره دخلت عدنه كالت لامي هاي بنتج محسوده اني من نوع حيل حلوه وشاطره لكن الي محلو بيه شايفه نفسي ومتكبره ومهتم لاحد وهواي من الي اعرفهم يغارون وعدهم حقد تجاهي فا مادري حرفيا شسوي فا ممكن نصائح لان نقلبت حياتي كلهه ماعرف شنو وين صاير بيه انام اكعد الكه نفسي بغير شخصيه كل يوم شكل ومتعبه اهلي حيل ولو همه ولا قصروا وياي فا اتمنى تدعولي ان الله يبعد عني كل حاسد والله قابله حتى لو فقط فتره سادس ودعولي احصل معدل عالي وفرح اهلي والكم بالمثل يارب والله يبعدكم عن شخص غيور وحسود ويخربه لحياتكم لان اني حرفيا الي تكلمته شي بسيط من غير المواقف الي صارت وياي والحسد عينك عينك ونوب هسه شافوني ولا متحان ارتاحوا 😂💔🙂 مدري اضحك ابجي ع حالي 😂🥲 فا لمهم حبلش من 8/5 الحك اذا ابلش اعدل ورجع احسن من قبل اكدر احصل معدل عالي لان حيل اتمنى احصل معدل وفرح اهلي وحقق أهدافي 💜💜🫂+شكرا ع الفيد الجميل يا فراشه 🤎🦋

[@bint_alhuda]

@@Zainab22-z7p اي حبيبي تكدرين تحصلين معدل عالي بس لازم تحسين بالنعم العندج واهلج ممقصرين وياج وهية ف اتخذي قرار حاسم وصارم انو تكملين وتبدين من باجر تجهزين كلشي وتقرين ولاتعلنين عن هل شي لاحد خلي لنفسج وخليهم ينبهرون بالنتيجة + تدللين ياعمري اللله يسهل عليج ويوفقج بكل حياتج🩷

[@Zainab22-z7p]

يروحي الله يوفقج شكرا الج وفعلا كلامج صحصح حدرس وستمر واي شي اسوي كله بالكتمان هذا افضل حل وان شاء الله خير ☺️🦋​@@bint_alhuda

[@RasolahRR]

اعيد واكرر سالفه العين ما الها اثر كبير بالنتيجة بس انه تكولين بسبب العين عدت وما تلومين نفسج هنا كارثة الواحد يقرأ ايات الحسد تبعد عنه العين الحاسدة والله يقول (وان سعيه سوف يرا ) ما كال بسبب العين لم يرا سعيه انتبه كلش زين لان بسبب تفكيرج هذا ممكن تعيدين سنة ٣ بحجة والله الناس حسدوني واني ما الي دخل وكل التوفيق يا عمري واني هم وياج سنة ثانية واني اعترف قصرت ❤❤❤

[@augteba]

اذا مأجلة ومامتحن دور ثاني اداوم كبل لو وره نتائج د2؟

[@bint_alhuda]

@@augteba الرسمي ورة نتائج الدور الثاني بس تكدرون تداومون هيج بلا حضور وبلا غيابات وبلغو مديركم ومستحيل يرفض

[@NOONE-bi7tp]

إذا الواحد قرر يعيد شگد لازم يرتاح قبل ما يبدي السنة الثانية

[@bint_alhuda]

منا لحد قبل الدوام ب١٠ ايام حتى يلحك يرتب وضعه

[@______melaa5967]

يعني قبل دوام بعشر ايام يالله نكتب​@@bint_alhuda

[@bint_alhuda]

@@______melaa5967 ما فهمتج حبيبتي شنو نكتب شتكتبون؟

[@______melaa5967]

@@bint_alhuda اقصد نقرا😭😭😭

[@bint_alhuda]

@@______melaa5967 اي

[@فاطمة-ر3م]

اني طالبه معيد يعني شكد لازم اكمل افصل واضبطهن قبل المدرسه ❤

[@bint_alhuda]

حسب الي مضبطهن مـטּ السنه الاولى

[@فاطمة-ر3م]

@@bint_alhuda اني حاليا كملت وحدتين إسلامية اليونتين انكليزي الأحياء فصل الرياضيات كملت لاول والثاني وتفاضل الكيمياء لاول والثاني والثالث ألفيزياء لاول والثاني والثالث وما لزلت مستمره 😔💔 واشوف هذني كلش كافي لو لازم اكثر كوني معيده

[@زويا-ح8غ]

@@فاطمة-ر3مكلش كافي

[@طالبهسادس-م7غ]

انتي طالبه معيده ؟

[@bint_alhuda]

سابقاً على عهدي قبل كورونا محد يعيد بس الراسب

[@eng.t-mc7qh]

شنو نوع قلم الايباد بله زحمة❤

[@bint_alhuda]

اخوي جابه الية مكتوب عليه شوفوه يمكن ب60 دولار بس صارلع عندي 3 سنوات وعبالك جديد كلش حلو وانصح بيmox

[@3r3z]

شنو اسم لابتوبج❤

[@bint_alhuda]

والله مو مالتي لان كلش قديم وما استخدم كمبيوتر هواي احب الايباد

[@bint_alhuda]

t.me/bint_alhuda12 قناة التلجرام للسادس اعدادي👆🏻👆🏻

[@Noora-y7n]

معدلي ٩٣ ومأجله ٣ شتنصحيني اعيد لأن والله حيل مريضه ومجاي اكدر اقره للدور الثاني

[@Noor_313_wisam]

@@Noora-y7n شوفي عمري ليش ما تحاوين وتمتحنين وتشوفين نفسج بلامتحان الاول و الثاني اذا زينه كملي الثالث واذا شفتي نفسج بلامتحان الثالث مو زينه اجلي سنه مو هيج احسن حرامات اجتج التسعين و تأجلين منحني مثل ما كتلج وشوفي نفسج

[@Noora-y7n]

@@Noor_313_wisam اي هم كلت هيج والله كريم عمري💜💜

[@Noor_313_wisam]

@@Noora-y7n يعمري أن شاء الله التوفيق و لاسأله تجي سهله وتمتحنين وتحلصين من هاي السنه بالمعدل الي طمحتيله يا رب ✨💞

[@Noora-y7n]

@@Noor_313_wisam بعد عمري فدوه لكلبج 💜💜